އައިޖީއެމްއެޗްގެ މައި ކައުންޓަރުން ބަޔަކު ހިދުމަތް ހޯދަނީ.-- ފައިލް ފޮޓޯ: މިހާރު
24 އޮކްޓޯބަރ 2024 - 18:31
34 comments
އައިޖީއެމްއެޗްގެ ކިއު ކުޑަކުރަން ޖެނެރަލް ޕްރެކްޓިސް (ޖީޕީ) ކްލިނިކްތަކެއް ހުޅުވައި، ރިފަރަލް ސިސްޓަމަކަށް ދާން ނިންމައިފި އެވެ.
މާލެ ހޮސްޕިޓަލްސް ގްރޫޕުން މިއަދު ބޭއްވި ނިއުސް ކޮންފަރެންސްގައި ސީއީއޯ އިބްރާހިމް ހަލީމް ވިދާޅުވީ ޖީޕީ ކްލިނިކްތައް ހެދުމުން އިމަޖެންސީ ހާލަތްތައް ފިޔަވައި އާއްމު ބަލިތަކަށް ފަރުވާ ހޯދުމަށް އެ ކްލިނިކްގެ މެޑިކަލް އޮފިސަރަށް ދައްކައި، އެ ޑޮކްޓަރުގެ ލަފާގެ މަތިން ސީދާ ކްލިނިކުން ސްޕެޝަލިސްޓަށް ދެއްކުމަށް އައިޖީއެމްއެޗަށް އެޕޮއިންޓްމަންޓް ހެދޭނެ ކަމަށެވެ.
ރާއްޖޭގައި ރިފަރަލް ސިސްޓަމެއް ނެތުމުން ކުދިކުދި ކަންކަމުގައި އީއާރަށް ދެއްކުމާއި ބައްޔާ ގުޅޭ ސްޕެޝަލިސްޓް ނޫން އެހެން ޑޮކްޓަރުންނަށް ވެސް އެޕޮއިންޓްމަންޓް ހައްދާކަން ހަލީމް ފާހަގަކުރެއްވި އެވެ.
ނަމަވެސް، އެ ސިސްޓަމަށް ދިއުމުން އާސަންދައަށް ލުއި ލިބި، ބަލި މީހުންނަށް ވެސް ސްޕެޝަލިސްޓު ޑޮކްޓަރުންނަށް ދައްކަން ފަސޭހައިން އެޕޮއިންޓްމަންޓް ލިބޭނެ ކަމަށް އޭނާ ވިދާޅުވި އެވެ.
"ޖީޕީ ކްލިނިކަށް ދެއްކުމަށް ފަހު، ކްލިނިކް މެދުވެރިކޮށް، ސްޕެޝަލިސްޓަކަށް ދައްކަން ޖެހިއްޖެ ހާލަތެއްގައި އެޕޮއިންޓްމަންޓް އަޅުގަނޑުމެން ކްލިނިކް މެދުވެރިކޮށް ހައްދައި ދޭނެ. އައިޖީއެމްއެޗް، ދަރުމަވަންތަ އަދި ހުޅުމާލެ ހޮސްޕިޓަލް އީއާރަށް އޮންނަ ލޯޑު ވެސް ކުޑަކުރެވިދާނެ. ހަގީގަތުގައި އީއާރަކީ އިމަޖެންސީގައި އަންނަން ޖެހޭ ތަނަކަށް، އޭގެ ހަގީގީ މާނައިގައި އީއާރު ބޭނުންކުރެވިގެންދާނެ،" ހަލީމް ވިދާޅުވި އެވެ.
މާލެ ހޮސްޕިޓަލްސް ގްރޫޕުން މިއަދު ބޭއްވި ޕްރެސް ކޮންފަރެންސްގައި، ދަރުމަވަންތައިގެ ޑެޕިއުޓީ ސީއީއޯ ޑރ. ޝާހު ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު
ދަރުމަވަންތަ ހޮސްޕިޓަލްގެ ޑެޕިއުޓީ ސީއީއޯ ޑރ. ޝާހު މާހިރު ވިދާޅުވީ މާލޭގެ ހަތަރު އަވަށެއްގައި އަންނަ އަހަރު ޖީޕީ ކްލިނިކް ހުޅުވާނެ ކަމަށެވެ.
އޭނާ ވިދާޅުވި ގޮތުގައި އެންމެ މޮޅު ޑޮކްޓަރުން ތިބުމުން ގިނަ މީހުން ބޭނުންވަނީ އައިޖީއެމްއެޗަށް ދައްކަން ކަމަށެވެ. އެކަމަކު، ކޮންމެހެން ދައްކަންޖެހޭ މީހާ، އެ ވަގުތެއްގައި ދެއްކުމަކީ އަމާޒަކަށް ވާތީ، އެ ކަމަށް މަގުފަހިކުރުވަން ޖީޕީ ސިސްޓަމަކަށް ދިއުމަށް ކުރަން ޖެހިފައިވާ ކަންތައްތައް އެބަހުރި ކަމަށް ވިދާޅުވި އެވެ.
އެ ހޮސްޕިޓަލުން އަންނަނީ، ކިއު ނަމްބަރެއް ދިނުމުގެ ބަދަލުގައި އެ ޑޮކްޓަރަކަށް ދެއްކޭނެ ދުވަހާއި ވަގުތު ދުރާލައި އެންގުމަށް، ސިސްޓަމަށް ބަދަލުތައް ގެނައުމުގެ މަސައްކަތް ވެސް ކުރަމުންނެވެ. އޭރުން، ޑޮކްޓަރަށް ދެއްކުމަށް ރަށްރަށުން އަންނަ މީހުންނަށް ވެސް ފަސޭހަވާނެ ކަމަށް ވިދާޅުވި އެވެ.
އައިޖީއެމްއެޗްގެ މެޑިކަލް ޑިރެކްޓަރު، ޑރ. އާމިނަތު ޒޭބާ އަހުމަދު ވިދާޅުވީ ޖީޕީ ސިސްޓަމަކަށް ދިއުމުން ވެއިޓްލިސްޓްގައި ތިބޭ އަދަދު މަދުވާނެ ކަމަށެވެ.
މާލެ ހޮސްޕިޓަލްސް ގްރޫޕުން މިއަދު ބޭއްވި ޕްރެސް ކޮންފަރެންސްގައި، އައިޖީއެމްއެޗްގެ މެޑިކަލް ޑިރެކްޓަރު، ޑރ. ޒޭބާ ބައިވެރިވެވަޑައިގަންނަވަނީ- ފޮޓޯ: ނިޝާން އަލީ/ މިހާރު
"މިސާލަކަށް، އަންހެނުންގެ ކަމެއްގައި ބަނޑުގައި ރިއްސާތީ ބަލި މީހަކު މި އަންނަނީ. އެކަމަކު، މި ދަނީ އަންހެނުންގެ ހާއްސަ ޑޮކްޓަރަކަށް. އަސްލު މީނަގެ ހުރީ އެހެން ބައްޔެއް. އަނެއްކާ މި ޖެހެނީ އަނެއް އެޕޮއިންޓްމަންޓް ހައްދަން. އެހެންވީމަ، ބަލި މީހާއަށް ވެސް ވަރަށް ދަތިކަމެއް އާދޭ އެކި ޑޮކްޓަރުން ކައިރިއަށް އެބަޖެހޭ ދާން ވެސް، އަސްލު ދާންޖެހޭ މީހާ ނޭނގި،" ޒޭބާ ވިދާޅުވި އެވެ.
އޭނާ ވިދާޅުވީ އައިޖީއެމްއެޗްގައި މިހާރު ވެސް ބައެއް ޑިޕާޓްމަންޓުތަކުގެ ވެއިޓްލިސްޓް 1،000 އިން މައްޗަށް އަރާ ކަމަށެވެ. އެ ފިލްޓާކޮށްފި ނަމަ، ހަގީގަތުގައި އެ ޑޮކްޓަރަށް ދައްކަންޖެހެނީ އެއަށްވުރެ މަދު އަދަދެއް ކަމަށް ގަބޫލުކުރެވޭ ކަމަށް ޒޭބާ ވެދާޅުވި އެވެ.
"ދުނިޔޭގެ ގިނަ ތަންތަނުގައި އިންނަނީ ރިފަރަލް ސިސްޓަމަކުން ސްޕެޝަލިސްޓުންނަށް ދެއްކުން. އަޅުގަނޑުމެން ވެސް އެ ކަހަލަ ސިސްޓަމެއް އިމްޕްލިމެންޓް ކުރުމުގެ މަސައްކަތް ކުރަމުން އަންނަނީ. އޭރުން ޕޭޝަންޓަށް ވެސް ލުއިފަސޭހަވާނެ، ދާންވީ ފަރާތަށް އަޅުގަނޑުމެންނަށް ވެސް ގައިޑެންސް ދެވޭނެ އަދި އޭރުން ދައްކަންޖެހޭ ވަގުތު ވެސް އަވަހަށް ދެއްކިގެންދާނެ."
ހުޅުމާލެ 2 ގައި މިހާރު ވެސް ޖީޕީ ކްލިނިކެއް ހިންގަ އެވެ. އެ ތަނުގައި ހިދުމަތް ފެށީ އެއް ދަންފަޅިއަށް ނަމަވެސް، އެ ހިދުމަތް މިހާރު ވަނީ ރޭގަނޑު 11:30 އަށް ދަންމާލައިފަ އެވެ. ވަގުތު އިތުރުކުރިއަސް، ޖީޖީޕީ ކްލިނިކުން ހިދުމަތް ހޯދާ މީހުން އަދި ވެސް އިތުރުވަމުން އަންނާނީ، ސަރުކާރުން ވަނީ ހުޅުމާލޭގައި އިތުރު ޖީޕީ ކްލިނިކެއް ހަދަން ނިންމައިފަ އެވެ.
ހަލީމް ވިދާޅުވީ ޖީޕީ ކްލިނިކް ހުޅުވުމުން ހުޅުމާލެ ހޮސްޕިޓަލަށް އޮންނަ ޑިމާންޑު ވަރަށް ކުޑަވި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަދަ
27 October 2024
ފުރަތަމަ ކަމަކަށް ޑޮކްޓަރަކަށް ވާން ވިސްނަނީވެސް ލާރީގެ ދަހިވެތިކަމުގަ. ގިނަ ފައިސާ ލިބޭކަމަކަށްވީމަ. އިންސާނިއްޔަތަށް މަސައްކަތްކުރުމުގެ މާބޮޑު ޝައުގުވެރިކަމެއް އޮވެގެނެއް ނޫން. މިކަން ހެކިދޭ ޑޮކްޓަރުން ހިންގާ ކުލިނިކް ޖަރީމާތަކުން.ހޮސްޕިޓަލްތަކުން ނަންބަރެއް ނުލިބި ކުލިނިކުތަކަށް ދުވަން މިޖެހެނީ. މިކަން ހުއްޓުވަންޖެހޭ ސަރުކާރުން. ސަރުކާރުން ލޯނާއި އެކިއެކި ސުކޯލާޝިޕްތަކުގަ ކިޔަވައިގެން އައިސް ގައުމަށް ގައްދާރުނުންތޯ މިވަނީ..
ބަދަ
26 October 2024
ފުރަތަމަ ކަމަކަށް ވަންނައިރު ތިޔަތާ ހުންނަ ބޭސްފިހާރަ ތިތަނުންނަގާބަލަ.ފިތިބާރުވެގެން ބޮޑު ހޮސްޕިޓަލެއްގެ ކައުންޓަރު ކައިރިން ދެވެން އޮންނަނީ. ކޮންމެހެން ބޭސްފިހާރައެއް އެލޮކޭޝަންގެ ހުންނަންޖެހޭތޯ.؟
އޭއައި އެންޑް އައި
25 October 2024
ބައެއް ޑރންގެ ޒާތީކަން ވަރަށް ބޮޑު. އެއް ޑރ ބުނާ އެއްޗެއް އަނެއް ޑރއަކު ގަބޫލުކުރާކަށް ބޭނުންނުވާހެން ބައެއް ފަހަރު ހީވަނީ. އެހެންވެ ބޭނުންވަނީ އޭއައި ސިސްޓަމަކުން މެޑިކަލް ހިސްޓްރީ ބަލާ ދިރާސާކޮށް، މިހާރު ދިމާވެގެން އުޅޭ ސިމްޓަމްސްއަށް ބަލައި އަހަރެންނަށް ބޭނުންވާނެ ޓެސްޓްތައް ކަނޑައެޅިގެން އަހަރެން ހަދަންވީ ޓެސްޓްތައް އެނގުން. ޓެސްޓްތައް ހަދަން ލިއުން ލިބި އޭގެ ނަތީޖާ ދައްކަންވީ ޑރއެއް އެނގި އެކަމަށް އެޕޮއިންޓްމަންޓް ލިބޭނެ ގޮތްވާން ބޭނުންވަނީ
2024
25 October 2024
ތިތާ ކޮޓަރި އެބަހުރި އެކަމަކު ބޭސްސިޓީ ލިޔާށާ ދައްކަންވެސް އެންމެ ތަނެއް 6 ގަޑިއިރު މަޑުކުރަންޖެހޭ.... ބޮއިހަލަކި
ހުސެންކަލޭގެ އަލީ
25 October 2024
އަބަދުވެސް އިވެނީ އެވެނި ތަނެއް ހަދަނީ މިވެނި ތަނެއްހަދަނީ ކިޔާއަޑު. ކަމެއް ކުރެވިގެން ނިމިގެން މީހަކަށް ފެންނަވަރެއްނުވޭ. 50 ބިލިޔަނުގެ ބަޖެޓުހުސްވެގެން އަނެއްފަހަރު 5 ބިލިޔަން ނަގަނީ. އަޖައިބެއްނުމީ.
ދައިގަންނަގުރާ
25 October 2024
ޖީޕީ ސިސްޓަމެއް ގެނައުމަކީ ރަގަޅު ވިސްނުމެއް. އެހެންވި ކަމުގައިވިޔަސް އެކަމުން ކިއު ކުރުކުރެވޭނެ ކަމަކަށް ޤަބޫލެއް ނުކުރެވޭ. ކުރިއަރާފަވާ ޤައުމުތަކުގައިވެސް މިއީ ޝަކުވާ ބޮޑުވެފައިވާ މައްސަލައެއް. މިއާއެކު ޕްރައިވެޓް ޕްރެކްޓިސަސް އިތުރުކޮށް ސެންޓްރަލައިޒްޑް ރިފަރަލް ސިސްޓަމެއްވެސް ގެންނަން ޖެހޭ.
މެޑިކަލް މާފިޔާ
25 October 2024
ބަލިމީހުންގިނަ ޑޮކްޓަރުންނަށް އޮބިނޯންނަވަރަށް. ސްޕެޝަލިސްޓް ޑޮކްޓަރުންގެ ޑިމާންޑްއޮތީ ފަރުވާތެރިކަމާއެކީ ބަލިމީހާއަށް ވަގުތު ދެވޭވަރަކަށްވެސްނޫން. ދުރާލާ ޓްސްޓްތަށްހަދާ ދައްކަމުންދަނިކޮށް ޕްރީޑެބެޓިކް ވީއިރުވެސް ޑައެބެޓިކް ވެދާނޭ ކެއުމަށްސަމާލުވާން އިރުޝާދު ނުދެވުގެ ނަތީޖާއަކަށްވީ 6މަސް ފަހުން ޓެސްޓް ހެދިއިރު ޑައެބެޓިކް ޕޭޝަންޓަކަށްވުން. އެވަރުވީމަވެސް ޑޮކްޓަރު ބުނީ ކުޑަކޮށް ހަކުރު މައްޗޭ. ޑޮކްއިން ތިބެނީ ބަލިވީމަ ބޭސްދޭންކަން މިއިން އިގުނީ.
މަގޭ ޙާލަތު
25 October 2024
އެޕޮއިންޓްމަންޓަކަށް އެދިގެން 3 މަސްވެގެން ދިޔައިރުވެސް އަދި މަގޭ ނަންބަރެއް ނުޖެހެޔޯ. މަށަކީ ޕޮލިހެއް އަދި ސިފައިންގެ މީހެއްވެސްނޫންވީމާ ކުލިނިކް ނުވަތަ އޭ.ޑީ.ކޭ ނުވަތަ ޓްރީޓޮޕަށް ދައްކަންޏާ ރުފިޔާ ބަސްތާއެއް ބޭނުންވޭ. އެވަރަކަށް އާމްދަނީއެއްނުލިބޭ. ދެންމިޖެހެނީ އަހަރުވިއަސް ނަންބަރުޖެހެންދެން ކެތްކޮށްގެން ހުންނަން. މިއީ މަގޭ ޙާލަތު.
ކެއުންކެއުން11
25 October 2024
ތިޔަ މެޑިކަލް ޑިރެކްޓަރުން ތިތާތިބެ މުސްކުޅިވާއިރު، ދުނިޔޭގެ ގައުމުތަކުގައި ކުރާ ގޮތަށް ކަންކަން ނުކޮށް ތިބެ ތިވާހަކަ ދެއްކީމާ ހިތަށް އަރަނީ، ހާދަ ދެފުށްދެގޮތޭ، މޫނުމަތިން ދައްކަނީ އެހެން ކަމެކޭ، އެކަމަކު އެތެރޭގައި މިއޮށް ހުރިހާދުވަހުވެސް ނެތޭ ކަމެއް ރަނގަޅުކުރުމުގެ ވިސްނުމެއް، ރަނގަޅު ކުރަން އުޅެފައެއްވެސް ނެތޭ. ތިތާ އުޅެ މުސްކުޅިވާހިސާބަށް ދިޔައިމަބާ އެނގެނީ ރިފަރަލްއާ ބިފަރަލްއާ ސިފަރަލް އޮންނަކަން. މުސާރަކެއުން ނޫންކަމެއް ނެތެއްނު.
އޮނަރަބަލް ތުއްސީ ކުރުސީ ބެއްޔާ
25 October 2024
އަނެއްކާ ވެސް އަތޮޅުތެރޭ ނިކަމެތިން މާލެ ގެނެސް ގަނަތަޅުވާނެ ގޮތެއް ހޯދަނީ! މެޑިކަލް މާފިޔާ މާކެޓް ފުޅާކުރަނީތަ؟ ؟ މާލޭގެ ހަތަރު އަވަށުގައި ސަރުކާރު ކުލިނިކު ތައް ހެދުމުގެ ބަދަލުގައި ކޮންމެ އަތޮޅޭއްގައި ތިބުނާ ކުލިނިކެއް ހަދާބަލަ! މާލޭން ކޮޓަރި ކުއްޔަށް ހިފައިގެން ބޭސްކުރަން މާލޭގައި ތިބެން ޖެއްސުމަކީ ސަރުކާރުތަކުންދޭ އަނިޔާއެއް. ލާމަރުކަޒު ހިދުމަތަކީ އައިޑީ ކާޑު އެކަނިތަ ؟
ކުރުސީ ބުރޯ
25 October 2024
މާލޭ ހަތަރު އަވަށުގައި މިހާރު ހުރި މެޑިކަލް މާފިޔާ ކުލިނިކުތައް މަދީތަ