ކެންސަރު ހޮސްޕިޓަލަށް 25 ބުރީގެ ޓަވަރެއް، ދިނީ ދަރުމަވަންތައަށް ވީ ގޮތް ނުވާނެކަމުގެ ޔަގީންކަން

ކެންސަރަށް ފަރުވާ ދިނުމަށް ދަރުމަވަންތަ ކައިރީގައި ހަދަނީ 25 ބުރީގެ އާ ޓަވަރެއް ކަމަށާއި ދަރުމަވަންތަ ހޮސްޕިޓަލަށް ވީ ގޮތް އެ ތަނަށް ނުވާނެ ކަމަށް، މާލެ ގްރޫޕް އޮފް ހޮސްޕިޓަލްސް އިން މިއަދު ބުނެފި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި 2.2 ބިލިއަން ރުފިޔާ ހަރަދުކޮށްގެން 25 ބުރީގެ ބޮޑު ހޮސްޕިޓަލެއް އެޅިއަސް، ގިނަ ބައެއްގެ ކަންބޮޑުވުމަކަށް ވީ އަހަރުތަކެއް ވެގެން ދިޔައިރު ވެސް އެ އިމާރާތުން އާއްމުންނަށް އެކަށީގެންވާ ފައިދާއެއް ނުލިބުމެވެ.

އެޑްމިޓް ވާނެ އެނދު ނުލިބުމާއި އާދައިގެ ފަރުވާތަކަށް ރާއްޖެއިން ބޭރަށް ދާން ޖެހުމަކީ ގިނަ ބައެއްގެ ޝަކުވާއެކެވެ.

އައިޖީއެމްއެޗާއި ދަރުމަވަންތަ އާއި ހުޅުމާލެ އަދި ވިލިމާލެ ހޮސްޕިޓަލް ވެސް ހިންގާ ގްރޫޕުން ބޭއްވި ނިއުސް ކޮންފަރެންސްގައި، ސީއީއޯ އިބްރާހިމް އަބްދުއްރައްޒާގް ހަލީމް ވިދާޅުވީ ދަރުމަވަންތަ ހޮސްޕިޓަލް ވެސް އޭރު ގާއިމްކުރީ ރަނގަޅު ނިޔަތެއްގައި ކަމަށް ވިއަސް އެ ތަން ބޭނުންކުރުމުގެ ހެޔޮ ނިޔަތެއް ޖެހިގެން އައި ސަރުކާރުގައި ނެތް ކަމަށެވެ.

އަލަށް ހަދަނީ، އެހެން ސްޕެޝަލިސްޓް ހިދުމަތްތައް ވެސް ލިބޭ ގޮތަށް ކެންސަރުގެ ހާއްސަ ހޮސްޕިޓަލަށް ވާތީ، ދެ ވަނަ ދަރުމަވަންތަ ހޮސްޕިޓަލަށް ވާންޖެހޭ ސަބަބެއް ނެތް ކަމަށް އޭނާ ވިދާޅުވި އެވެ.

ހަލީމް ވިދާޅުވީ ޖާގައިގެ ދަތިތަކާ ހެދި، ކެންސަރަށް ފަރުވާ ދިނުމަށް ވަރަށް ބައިވަރު ގޮންޖެހުން އެބަހުރި ކަމަށެވެ. އޭގެ ތެރޭގައި ޕެޓް ސްކޭން ހެދުމާއި ރޭޑިއޭޝަން ތެރަޕީ ހިމެނެ އެވެ.

Bodu imaaraathun hidhumathah aee kon badhaleh?

The most trusted news source in the Maldives

Mihaaru

"މިހާރު ދަރުމަވަންތަ ހޮސްޕިޓަލް ވެސް ގާއިމްކުރީ ރަނގަޅު ނިޔަތުގައި. އެކަމަކު، ބޭނުންކުރުމުގެ ހެޔޮ ނިޔަތެއް، އަސްލު ސިޔާސީ ވާހަކަ ދައްކާކަށް ބޭނުން ނުވޭ، އެކަމަކު ފާއިތުވި ދިޔަ ސަރުކާރުން ބޭނުން ނުކޮށް ހުރީ ކީއްވެތޯ. އަޅުގަނޑުމެން މި ތަނުގައި ހުރި ވަސީލަތްތައް މައްސަލަ ޖެހެން، ހަލާކުވާން ދޫކޮށްލީ ކީއްވެގެންތޯ. މިއީ ރައްޔިތުން ކުރަންޖެހޭ ސުވާލެއް." "މިހާރު"ން ކުރި ސުވާލާ ގުޅިގެން ހަލީމް ވިދާޅުވި އެވެ.

Cancer Hospital alhanee Dharumavanthaige furagahugai onna parkin zone gai, dhiraasaa kohdheyne bayaku hoadhanee

The most trusted news source in the Maldives

Mihaaru

އޭނާ ވިދާޅުވީ އެ ގޮތަށް ވާން ދޫކޮށްނުލައި ފުރަތަމަ އަހަރުގެ ތެރޭގައި އެ ބޮޑު ހޮސްޕިޓަލް ފުލް ފަންކްޝަނަށް ގެންނަން ތައްޔާރުވަމުން އަންނަ ކަމަށެވެ.

ހަމަ އެ އުސޫލުން، އައިޖީއެމްއެޗްގެ ބާ އިމާރާތް ވެސް ތަރައްގީކުރަން ޖެހޭ ކަމަށާއި އެކަން ވާނީ، އިތުރު ވަސީލަތެއް ލިބިގެން ކަމަށް ހަލީމް ވިދާޅުވި އެވެ.

އެހެންވެ، އާ ޓަވަރު ހުޅުވާ ފުރަތަމަ ދުވަހުން ފެށިގެން 25 ފްލޯ އެއްކޮށް ބޭނުންކުރަން ފަށާނެ ކަމަށް ވިދާޅުވި އެވެ.

"ބޭނުމަކީ އައިޖީއެމްއެޗް ސަރަހައްދު ބިމުން ޖާގަ ހުސްކޮށްފައި އެ ތަނުގައި ވެސް އިތުރު ޑިވެލޮޕްމަންޓުތައް ކުރިއަށް އޮތް ތަނުގައި ގެނައުން. އެއީ، މި ސަރަހައްދުގައި...ދިރިއުޅޭ ރައްޔިތުންނަށް އެކަށީގެންވާ ވަރަކަށް އަދި ވެސް ހޮސްޕިޓަލްގެ ބެޑް ކެޕޭސިޓީ އިތުރެއް ނުވާނެ މިހާރު އިތުރުކުރި ވަރަކުން ވެސް." އޭނާ ވިދާޅުވި އެވެ.

އެ ހޮސްޕިޓަލް އެޅުމާ ގުޅޭ ޕްލޭންތައް ހަދަމުން އަންނާތީ އެކަމަށް ހިނގާނެ ހަރަދުތަކުގެ ތަފްސީލެއް އަދި ނުލިބެ އެވެ.