ކެންސަރު ހޮސްޕިޓަލް އަޅަނީ ދަރުމަވަންތައިގެ ފުރަގަހުން އޮންނަ ޕާކިން ޒޯނުގައި، ދިރާސާ ކޮށްދޭނެ ބަޔަކު ހޯދަނީ
އައިޖީއެމްއެޗާއި ދަރުމަވަންތަ ހޮސްޕިޓަލް ގުޅޭ ސަރަހައްދު.--ފޮޓޯ: ނިޝާން އަލީ/ މިހާރު
14 ފެބުރުއަރީ 2024 - 12:05
31 comments
ދަރުމަވަންތަ ހޮސްޕިިޓަލްގެ ފުރަގަހުން އޮންނަ ބިމުގައި ކެންސަރު ހޮސްޕިޓަލް އިމާރާތްކުރަން ނިންމައި އެކަމުގެ ފީސިބިލިޓީ ދިރާސާތައް ކޮށްދޭނެ ބަޔަކު ހޯދަން ސަރުކާރުން މިއަދު އިއުލާންކޮށްފި އެވެ.
ހެލްތު މިނިސްޓްރީގެ އިއުލާނުގައި ބުނީ، ކެންސަރު ހޮސްޕިޓަލްގެ ކޮންސަލްޓޭޝަން އަދި ފީސިބިލިޓީ މަސައްކަތްތައް ކޮށްދޭން ޝައުގުވެރިވާ ފަރާތްތަކުން މި މަހުގެ 25 ވަނަ ދުވަހާ ހަމައަށް ރަޖިސްޓްރޭޝަން ޝީޓު ފުރިހަމަކުރުމަށް ފަހު [email protected] އަށް އީމެއިލްކުރެވޭނެ ކަމަށެވެ.
އެކަމަށް، އަންދާސީ ހިސާބު ހުށަހެޅުން އޮންނާނީ މި މަހުގެ 29 ވާ ބުރާސްފަތި ދުވަހުގެ ހެނދުނު 10:00 ގަ އެވެ. ރަޖިސްޓްރީ ނުކުރާ މީހުންނާއި ގަޑި އަށް އަންދާސީ ހިސާބު ހުށަނާޅާ މީހުންގެ ފޯމު ބަލައިނުގަންނާނެ ކަމަށް އިއުލާނުގައި ބުންޏެވެ.
އެކަމާ ގުޅޭގޮތުން ހެލްތު މިނިސްޓަރު ޑރ. އަބްދުﷲ ހަލީލް "މިހާރު" އަށް މިއަދު ވިދާޅުވީ އާ ހޮސްޕިޓަލް އިމާރާތްކުރަނީ އައިޖީއެމްއެޗުގެ މުވައްޒަފުންނަށް ހާއްސަ ޕާކިން އޭރިއާ އަދި ދިރާގު ބިއްދޮށުގައި އޮންނަ ޕާކިން ޒޯނު އެއްކޮށްލައިގެން ކަމަށެވެ. އެއީ، ދަރުމަވަންތަ ހޮސްޕިޓަލްގެ އާ ޓަވަރުގެ ގޮތުގައި އިމާރާތްކުރަން ހަމަޖައްސާ އިމާރާތާ އެއް ތަނެއްކަން، އެ ހޮސްޕިޓަލުން ބުންޏެވެ.
ރާއްޖޭގައި ކެންސަރަށް ހާއްސަ ހޮސްޕިޓަލެއް އިމާރާތްކުރުމަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ޕްލޭނެކެވެ. ހޮސްޕިޓަލް އަޅަން ފުރަތަމަ ނިންމީ އިންޑިއާގެ ލައިން އޮފް ކްރެޑިޓްސްގެ ދަށުން ލ. ގަމުގަ އެވެ. އެކަން ކުރުމަށް 20،000 އަކަފޫޓުގެ ބޮޑު ބިމެއް ހަމަޖައްސައި ބައެއް ދިރާސާތައް ވެސް ކުރި އެވެ. އެކަމަކު، އެ ވެރިކަން ނިމުނުއިރު ވެސް އަމަލީ މަސައްކަތެއް ނުފެށުނެވެ.
މި ސަރުކާރުން ކެންސަރު ހޮސްޕިޓަލް އިމާރާތްކުރަނީ، ދުބާއީގެ އެހީގަ އެވެ. އެކަމަކު، އެ ފައިސާ ހޯދާނެ ގޮތެއް އަދި ސަރުކާރުން ނުބުނެ އެވެ.
ޑޮކްޓަރުންގެ ކަންބޮޑުވުންތަކާ ހެދި މި ސަރުކާރުން ވަނީ، ކެންސަރު ހޮސްޕިޓަލް މާލެ ސަރަހައްދަށް ބަދަލުކޮށް، ގަމުގައި މެންޓަލް ހެލްތު ހޮސްޕިޓަލް އަޅަން ނިންމައިފަ އެވެ.
ހަލީލް މީގެ ކުރިން ދެއްވި އިންޓަވިއުގައި ވިދާޅުވީ، ޓާޝަރީ ފަރުވާ ނުލިބޭ ތަނެއްގައި ކެންސަރު ހޮސްޕިޓަލެއް އިމާރާތް ކުރަން ގޮންޖެހުންތަކެއް އެބަހުރި ކަމަށެވެ.
ފަންނީ ބޭފުޅުން ވެސް ގަބޫލު ކުރައްވަނީ، ވަސީލަތްތައް ފުރިހަމަވެފައި ނެތް ތަނެއްގައި އެފަދަ ހޮސްޕިޓަލެއް ހަދައިފި ނަމަ ބަލި މީހުންނަށް ބައިވަރު ތަކުލީފުތައް ކުރިމަތިވެދާނެ ކަމެއް ކަމަށް ހަލީލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ. ރާމީ މ.ވައިނުޖެހޭގެ ޕީ.އެން.އެފް
15 February 2024
ކެންސަރު ހޮސްޕިޓަލް މާލެ އަށް ބަދަލު ކުރުން ރަނގަޅު. ނަމަވެސް ކ. ވިލިނގިލީ ގައި ބޮޑު ހޮސްޕިޓަލެއް އެޅުމުން ޙަރަދު ވެސް ނު-ޗަލާނެ. އެއީ ބްރިޖު އެޅުމުން މާލޭގެ ހޮސްޕިޓަލް ތަކަށް 3 މިނެޓުން އާދެވޭނެތީ! ކ. ވިލިނގިލީ ގައި ހޮސްޕިޓަލެއް އަޅާ-ނަމަ އަޅަން ވާނީ ހޮސްޕިޓަލެއް އެޅުމަކީ ދުރު-ރާސްތާ ގައި ކާމިޔާބު ކަމެއް ތޯ، އެމެރިކާ ގެ "ނާސާ" ގައި ހުރި ވިލިނގިލީ ގެ މަޢުލޫމާތު ގެނެސް، ޖީ.އައި.އެސް އިން ތަފާސް ހިސާބު ޖަހާ، މުސްތަޤުބަލް ގަ ވާނެ ގޮތް ހޯދާ ބަލާފަ.
ފެންނަގޮތް
15 February 2024
ބޮޑު އިމާރާތެއް އަލާފަ، ކެންސަރާއި، ތެލަސީމިއާއާއި، ދަރިމައިވުން، އެކި ކަހަލަގެ އޮޓޯ އިމިއުން ބަލިތަކަށް ފަދަ ހާއްސަ ކަންކަމަށް ފަރުވާ ދޭގޮތަށް ހެދުން މުހިންމުކަމަށް ފެނޭ.
އައިމިނާ
14 February 2024
އައްޑޫގަވެސް ހެދިޔޯ ބޮޑު ހޮސްޕިޓަލެއް ކައިރި ގަ އޮތް ފުއަށްމުލަކުން ވެސް ނުދޭ އެ ތަނަކަށް. ހުލިވަމުން ހުލިވަމުން ދަނީ. ލ ގަ ހެދިޔަސް ވާނީ އެވަރު.
އައިމިނާ
14 February 2024
ބަރާބަރު. ވިސްނުންތެރި ނިންމުމެއް.
އަންތަރީސް8888
14 February 2024
ލ.އަތޮޅުގަ އަޅަން ނިންމިނމި ހޮސްޕިޓާވެސް މި ގެންދަނީ. ރާއްޖެތެރޭ ތިބީ ހަމަ 5 ކުޅަނދު މަދު މީހުނޭ ބުނަނީ މިހެން ވީމަ. އާބާދީގަ 1000 ހަމަނުވާ ރަށްރަށަށް މިލިއަނުން ހަރަދުކުރީމަވެސް ވޯޓެއް ނުލި. ދެން މި 5 އަހަރު ފިއްތާލައިގެން ތިބޭ. މާލިއްޔަތު އޮތީ ފުށި ދިއްގަރާ ދިމާލަށް އަރިވެފަ.
އެދުރު1
15 February 2024
ކެންސަރުގެ ފަރުވާއަކީ މަލްޓިސްޕެޝަލިޓީ ބޭނުންވާ ފަރުވާއެއް އެވަރު ނޭގޭ ގަމާރު މީހެއްގެ ބޮލަށް އެރިގެން ލާމު އަތޮޅުގައި އިންޑިޔާގެ ހަންފެތުރޭނެ ގޮތަކަށް ކުރި ކަމެއް ތިއީ.
ދޯޕައްޓާ
14 February 2024
"ހޮސްޕިޓަލް އިމާރާތްކުރަން ނިންމައި އެކަމުގެ ފީސިބިލިޓީ ދިރާސާތައް ކޮށްދޭނެ ބަޔަކު ހޯދަން ސަރުކާރުން މިއަދު އިއުލާންކޮށްފި އެވެ". ފީޒިބިލިޓީ ހަދަންވީ ހޮސްޕިޓަލް އިމާރާތްކޮށްނިންމާފަނޫންތަ.
ޒައިލް24
14 February 2024
ލ މުން ހުޅުމާލެއިން މާލެއަށް ހަމަ އެންމެފަހުން ތިިޔަ ލެއްގީ ދެއްތޯ؟؟ މާލެ ތޮއްޖެއްްސުން ނޫން ސިޔާސަތެއް އަދިވެސް ނުފެނޭ އެއްވެސް ސަރުލާރެއްގައެއް..
ތުއްތުބޭބެ
14 February 2024
ޓާރޝަރީޚިދުމަތަކީ އަމިއްލަ އަށް ގަސްފަޅައިގެން ހެދޭހެން ހެދޭ އެއްޗެއްތޯ؟؟؟؟؟؟؟
ތަރާނާރާހޫ
14 February 2024
ކީމޯދޭނެތަނަކާއި ރެޑިއޭޝަންދޭނެތަނަކާ ބަލިތަހުލީލުކުރާތަނަކާ އޮޕްރޭޝަންތޭޓަރަކާއި ކެންސަރުގެއެކިގުނަވަންތަކައްޚާއްސަޑޮކުޓަރުންނައް ބޭނުންވާފެސެލެޓީތަކާއިލޭގެއެކިބައިބައިވަކިކޮއްބެހެއްޓޭނެލެބަކާއިރައްކާތެރިކަމާއެކުޕޭޝަންޓުންގެގައިންނަގާސާމްޕަލްތަކާއިކަޑާގުނަވަންތައްރައްކާތެރިކަމާއެކުނައްތާލެވޭނެނިޒާމަކާއިމިކަހަލަހުރިހާވަސީލަތެއްހަމަބިމުގާހެދޭވަރައްވުރެމާކުޑަބިމެއްއެހެންކަމުންހަމައެކަނިކެންސަރުހޮސްޕިޓަލުގެނަމްބޯޑެއްޖަހަންނުވިސްނާ
ރަންނަ
14 February 2024
ތިތާ ހުންނަޖެހޭ ޓަަވަރެއްނޫންތަ ރާޅުގަނޑުކައިރިން އަރާފަ އެހުރީ؟