ޝަހުމް މަރަން ކުރި ހުކުމް ދަމަހައްޓަން ދައުލަތުން ސުޕްރީމް ކޯޓުގައި އެދިއްޖެ

ޝަހުމް: އޭނާ މަރަން ކޮށްފައިވާ ހުކުމް ދަމަހައްޓަން ދައުލަތުން ވަނީ ސުޕްރީމް ކޯޓުގައި އެދިފައި

30 އޮކްޓޯބަރ 2024 - 14:51

މީގެ 12 އަހަރު ކުރިން މާލޭގައި ތޫނު އެއްޗަކުން ހަމަލާދީ މީހަކު މަރާލި މައްސަލާގައި އިބްރާހިމް ޝަހުމް އާދަމް މެރުމަށް ކޮށްފައިވާ ހުކުމް ދަމަހައްޓައި ދޭން ދައުލަތުން ސުޕްރީމް ކޯޓުގައި މިއަދު އެދިއްޖެ އެވެ.

މަޖީދީ މަގާއި އަލިކިލެގެފާނު މަގު ގުޅުނު ހިސާބުގައި 2011 ވަނަ އަހަރު ސ. ހިތަދޫ ވަރުދީގޭ އަހުސަން ބަޝީރަށް ހަމަލާދީ އޭނާ މަރާލި މައްސަލާގައި ގ. ކޯޒީ އިބްރާހިމް ޝަހުމް މެރުމަށް ހައި ކޯޓުން 2021 ވަނަ އަހަރު ހުކުމްކުރީ އެ ހަމަލާއަށް ފަހު އަހުސަން މަރުމަތީގައި އޮވެގެން ބުނި ބަހަށް ރިއާޔަތްކޮށެވެ. އެއީ މީހަކު މަރު މަތީގައި އޮވެގެން ބުނި ބަސް (ޑައިން ޑިކްލަރޭޝަން) ރާއްޖޭގައި ބަލައިގަތް ފުރަތަމަ މައްސަލަ އެވެ.

އެ މައްސަލަ ޝަހުމްގެ ފަރާތުން އިސްތިއުނާފް ނުކުރުމުން އެ ހުކުމުގެ ސައްހަކަން ކަށަވަރު ކުރަން ސުޕްރީމް ކޯޓަށް ހުށަހެޅީ ދައުލަތުގެ ފަރާތުންނެވެ.

ސުޕްރީމް ކޯޓުގައި މިއަދު ބޭއްވި އަޑުއެހުމުގައި ދައުލަތުން ބުނީ ޝަހުމްގެ މައްޗަށް ކުށް ސާބިތުވާ މިންވަރުގެ ހެކި އެ މައްސަލާގައި ލިބިފައިވާ ކަމަށާއި ގަސްދު މަރުގައި ފުރިހަމަ ވާން ޖެހޭ ހުރިހާ ރުކުނެއް އެ މައްސަލާގައި ފުރިހަމަވެފައިވާ ކަމަށެވެ. އެހެންވެ، ޝަހުމް މެރުމަށް ހައި ކޯޓުން ކުރި ހުކުމަށް ތާއީދުކުރަން ދައުލަތުން އެދުނެވެ.

ދެން އޮންނަ އަޑުއެހުމެއްގައި އޮންނާނީ ޝަހުމްގެ ފަރާތުން ޖަވާބުދާރީވުން ކަމަށް ފަނޑިޔާރުންގެ ބެންޗުން އިއުލާން ކުރެއްވި އެވެ.

ސުޕްރީމް ކޯޓުން އެ މައްސަލަ ބައްލަވަނީ ފަނޑިޔާރު ޑރ. މުހައްމަދު އިބްރާހިމާއި ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު އައިޝާ ޝުޖޫން މުހައްމަދާއި ފަނޑިޔާރު ހުސްނުއްސުއޫދު އަދި ފަނޑިޔާރު އަލީ ރަޝީދު ހުސައިނެވެ. ބެންޗުގެ ރިޔާސަތު ބަލަހައްޓަވަނީ ފަނޑިޔާރު މުހައްމަދު އިބްރާހިމެވެ.

ޝަހުމް މެރުމަށް ކުރި ހުކުމް ދަމަހައްޓަން ދައުލަތުން އެދުނުއިރު، އޭނާ މިހާރު ވެސް ގެންދަނީ މަރުގެ އެހެން މައްސަލައެއްގައި އުމުރު ދުވަހުގެ ޖަލު ހުކުމެއް ތަންފީޒު ކުރަމުންނެވެ. އެއީ 2010 ވަނަ އަހަރު ޔޫތު ސެންޓަރު ކައިރީގައި ތޫނު އެއްޗަކުން ހަމަލާދީ މީހަކު މަރާލި މައްސަލާގައި ޓެރަރިޒަމްގެ ކުށް ސާބިތުވެގެންނެވެ.

އެ މައްސަލާގެ ތުހުމަތުގައި ޝަހުމް ބަންދުކޮށްފައި ހުއްޓާ 2011 ވަނަ އަހަރު ކްރިމިނަލް ކޯޓުން އޭނާ ދޫކޮށްލީ ހެލްތު މިނިސްޓްރީން ލިޔުމެއް ނުލިބޭތީ ހެލްތު މިނިސްޓަރު ޒިންމާދާރު ކުރުވަން ކަމަށް ބުނެ އެވެ. އޭނާ ދޫކޮށްލިތާ ދުވަސްކޮޅެއް ނުވަނީސް، އަހުސަން މަރާލުމަށްފަހު ފިލައިގެން އުޅެނިކޮށް އޭނާ ހައްޔަރުކުރީ ފަޅު ރަށަކުންނެވެ.

ކުށްކުރުން ސުޕްރީމް ކޯޓް މީހުން މެރުން މަރުގެ އަދަބު އިބްރާހިމް ޝަހުމް

14 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ވާންޗޯ

01 November 2024

‫ހާސްކަޑާލާ ނުމަރާނެ، ހަމަ ކާންދީފަ ބަހަޓާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޮވެލް

31 October 2024

ދެން ކޮންމެސް އެއްގޮތަކަށް ނިންމަންވެއްޖެނު ތިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހިއްމު ކޭސްއެއް

31 October 2024

މިއީ ރަނގަޅު ކޭސް ސްޓަޑީއެއް. : 1- އަޚުލާޤު ރަނގަޅު، ނަމާދުކުރާ އަދި މުދިމުކަން ކިޔްވަމުންދިޔަ އެ ކުއްޖާ ބޮޑު މުޖުރިމަކަށް ވެގެންދިޔައީ ޢާއިލާއާ މުޖްތަމަޢުގެ ކޮންކަހަލަ އިހުމާލުތަކެއް/މައްސަލަތަކެއްގެ ސަބަބުންތޯ؟ 2- ގާޒީއަކު ސިޔާސީ މަޤްޞަދެއްގައި ސަރުކާރަށް ކަންދެއްކުމުގެ ގޮތުންވިއަސް، މަރުގެ /ޓެރަރިޒަމް ގެ މައްސަލައެއްގައި ހުރިމީހަކު ދޫކޮށްލުން.3- އިތުރުމަރެއް 4- ގާޒީ ނުޤަވައިދުން ބަްނދުކުރުން 5-ގާޒީ ގެ ކޭސް ބޭނުންކޮށްގެން ވެރިކަން ވައްޓާލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޭންގު

01 November 2024

ބުރު ކިޔާ ގޭންގަކުން އޭނަ ރެކްރޫޓްކުރީ. އެދުވަސްވަރު ހިންގި ގިނަ މާރާމާރީތަށް ހިނގީ މިކިޔާ ގޭންގާ އެހެން ގޭންގުތަކާ ދެމެދު. ގޭންގުތަކަކީ ޅަކުދުން ހައްލާލައި މެނުޕިލޭޓު ކުރުމުގައި ވަރަށް ކުރީގައި އުޅޭ ބައެށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

31 October 2024

"އޭނާ ދޫކޮށްލިތާ ދުވަސްކޮޅެއް ނުވަނީސް، އަހުސަން މަރާލުމަށްފަހު ފިލައިގެން އުޅެނިކޮށް އޭނާ ހައްޔަރުކުރީ ފަޅު ރަށަކުންނެވެ." އޭނާ (ސަހުމު) ދޫކޮށްލި މީހަކު އަހުސަނުގެ މަރުގެ ޒިންމާ ނަގަންޖެހޭނެ ކަމަށް ގަބޫލުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސާރަ ބޮޑުކުރަންވީ!

31 October 2024

އެއްކަމެއްވެސް ނިންމުމަކައް ނުގެނެވޭނެ މިގައުމަކު. އަދިވެސަ މަތިމައްޗައް ސުޕަރ ސްޕެޝަލިސްޓް ކޯޓުތަކާ 25 ބުރީގެ އިމާރާތް އަޅަން ވީ! ސްޕައިޑަރ މޭން ކޯޓު ތަކާ، ސުޕަރމޭން ކޯޓުތައް. ކެޓްމޭން ވެސަ ހަމަ ބަރާބަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

909090

30 October 2024

"އެ މައްސަލާގެ ތުހުމަތުގައި ޝަހުމް ބަންދުކޮށްފައި ހުއްޓާ 2011 ވަނަ އަހަރު ކްރިމިނަލް ކޯޓުން އޭނާ ދޫކޮށްލީ ހެލްތު މިނިސްޓްރީން ލިޔުމެއް ނުލިބޭތީ ހެލްތު މިނިސްޓަރު ޒިންމާދާރު ކުރުވަން ކަމަށް ބުނެ އެވެ. އޭނާ ދޫކޮށްލިތާ ދުވަސްކޮޅެއް ނުވަނީސް، އަހުސަން މަރާލުމަށްފަހު ފިލައިގެން އުޅެނިކޮށް އޭނާ ހައްޔަރުކުރީ ފަޅު ރަށަކުންނެވެ." މާތް ކަލާކޯ. ޢޭނާ ދޫކޮށްލީ ގާޒީއަށް ހަމަނިދި ނިދޭބާ.. އެއްޗެކޭ ހިތައްނާރާ ދޫކޮށްލީމަ މީހެއްގެ ފުރާނަ އެދިޔައީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުޅޯހާޖީ

31 October 2024

އޭނާ ދޫކޮށްލި ޣާޒީގެ ދިފާއުގަ ނިކުމެ ވެރިކަން ވައްޓާލި މީހުން މިއަދުވެސް ވެރިކަމުގަ ތިބީ. ނަމަނަމަ ޣާޒީއަާް އެއްޗެއް ނުބުނާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޫޑިޝަރީއަށް ފިލާވަޅެއް

30 October 2024

މުޖުރިމު ދޫކޮށްލީ އޭރު ވ މަޝްހޫރު ގާޒީއެއް. . އޭރުގެ ސަރުކާރަށް ޖެއްސުމަށް. ނަތީޖާ އަކީ އަޙުސަނު ބަޝީރުގެ ގަތުލު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

30 October 2024

މ‫ިއީ ހީރޯއެއް. މި މައްސަލާގައި ޢަބްދުﷲ ޣާޒީ މީނާ ގަސްތުގައި ދޫކޮށްލީ އަދި އޭނަގޮސް އެހެން މީހަކު މަރާލީ. ސަރުކާރަށް މިކަން ބޮޑުވެގެން ޢަބްދުﷲ ޣާޒީ ބަންދުކުރީމަ މަގުމައްޗަށް ނިކުމެ ބަޣާވާތަކުން ސަރުކާރު ވައްޓާލީ. މިއަދުވެސް ވެރިކަމުގަ އެތިބީ އޭގެން ބައެއް. ދެން ކޯޗެއް ދަމަހައްޓާށޭ ކިޔާފަ ކުޅޭ ޑްރާމާއެއް އަނެއްކާވެސް އަނެކަނު މަރަން ދޫކޮށްލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ފަނޑިޔާރު މަނިކުފާނު

31 October 2024

ވ‫ަރަށް ބޮޑު ޙަޤީޤަތެއް. ޤައުމުގެ ސިޔާސީ މަޝްރަޙު ބަދަލު ކުރަނީ މުޖުރިމުން. މައުމޫންގެ ވެރިކަން ވެއްޓުނީ އީވާން ނަސީމެއްގެ ސަބަބުން. އަންނިގެ ވެރިކަން ވެއްޓުނީ މީނާގެ ސަބަބުން.