ޚަބަރު / ދައުލަތުގެ ބަޖެޓް 2025

އަންނަ އަހަރުގެ ބަޖެޓުން 4.8 ބިލިއަން ހާއްސަކޮށް، އެންމެ ބޮޑު އިސްކަމެއް ބޯހިޔާވަހިކަމަށް

31 އޮކްޓޯބަރ 2024 - 13:20

އަންނަ އަހަރު ސަރުކާރުގެ އެންމެ ބޮޑު އިސްކަމެއް ގެދޮވެރިކަމަށް ހާއްސަކޮށް، އެކަމަށް ބަޖެޓުގައި ޖުމްލަ 4.8 ބިލިއަން ރުފިޔާ ކަނޑައަޅައިފި އެވެ.

އަންނަ އަހަރަށް ލަފާކުރާ ދައުލަތުގެ ބަޖެޓު ރައްޔިތުންގެ މަޖިލީހަށް ހުށަހަޅުއްއި ދެއްވަމުން، ފިނޭންސް މިނިސްޓަރު މޫސާ ޒަމީރު ވިދާޅުވީ ރައްޔިތުންނަށް ދިމާވެފައިވާ އިޖުތިމާއީ އެންމެ ބޮޑު އެއް މައްސަލައަކީ ގެދޮރުވެރިކަމާއި ބޯހިޔާވެހިކަމުގެ މައްސަލަ ކަމަށެވެ.

"ދެހާސް ފަންސަވީސް ވަނަ އަހަރުގެ ބަޖެޓު އެކުލަވައިލުމުގައި އެންމެ ބޮޑު އިސްކަމެއް ދީފައިވާނީ ރައީސުލްޖުމްހޫރިއްޔާގެ މި ތަސައްވުރާ އެއްގޮތަށް ދިވެހި ރައްޔިތުންނަކީ ގެދޮރުވެރި ބަޔަކަށް ހެދުމަށް،" ބަޖެޓު ބަޔާން އިއްވަވަމުން ޒަމީރު ވިދާޅުވި އެވެ.

ސަރުކާރުން ކުރިން އިއުލާނުކޮށްފައިވާ ގޮތަށް ފަސް ޕަސެންޓު އިންޓްރެސްޓުގައި ގެދޮރުވެރިކަމުގެ ލޯނު ދޫކުރުމަށް އެއް ބިލިއަން ރުފިޔާ ހިމަނާފައިވާއިރު، މި ފައިސާ ބޭނުންކޮށްގެން ރާއްޖޭގެ ބޭންކުތައް މެދުވެރިކޮށް މަދުވެގެން ދެ ބިލިއަން ރުފިޔާގެ ހައުސިން ލޯން ދެވޭނެމަގު ވެސް ފަހިވެގެންދާނެ ކަމަށް މިނިސްޓަރު ހާމަކުރެއްވި އެވެ.

މީގެއިތުރުން، ޒަމީރު ވިދާޅުވި ގޮތުގައި، 1.8 ބިލިއަން ރުފިޔާގެ ޖާގަ ގެދޮރުވެރިކަމުގެ އާ ޕީއެސްއައިޕީ މަޝްރޫއުތައް ހިންގުމަށް ވަނީ ކަނޑައަޅައިފަ އެވެ.

"...މި ބަޖެޓަކީ ދިވެހިރާއްޖޭގެ ތާރީހުގައި އެއް އަހަރު ދުވަހުގެ ތެރޭގައި ގެދޮރުވެރިކަމަށް ހާއްސަކޮށްގެން ސަރުކާރަކުން އެންމެ ބޮޑު ހޭދައެއް ކުރުމަށް ހުށަހަޅާފައިވާ ބަޖެޓު،" އޭނާ ވިދާޅުވި އެވެ.

އަންނަ އަހަރަށް ލަފާކޮށް ސަރުކާރުން ހުށަހަޅާފައިވަނީ ޖުމްލަ 56.6 ބިލިއަން ރުފިޔާގެ ރެކޯޑު ބަޖެޓެކެވެ. މިއީ މި އަހަރުގެ ބަޖެޓަށް ސަޕްލިމަންޓު ކުރި އަދަދާ އެކު 1.8 ބިލިއަން ރުފިޔާގެ އިތުރުވުމެކެވެ.

މީގެ ތެރެއިން، ހަރަދުގެ ގޮތުގައި ހިނގާނެ ކަމަށް ލަފާކޮށްފައިވަނީ 49.2 ބިލިއަން ރުފިޔާ އެވެ. އެއީ ރިކަރަންޓް ހަރަދަށް 35.9 ބިލިއަން ރުފިޔާ އަދި ކެޕިޓަލް ހަރަދުގެ ގޮތުގައި 13.3 ބިލިއަން ރުފިޔާ އެވެ.

މީގެއިތުރުން، ދައުލަތުގެ ދަރަނި އަދާކުރުމަށް އަންނަ އަހަރު 3.9 ބިލިއަން ރުފިޔާ ހޭދަވާނެކަމަށް ވަނީ ލަފާކޮށްފަ އެވެ.

އަންނަ އަހަރު އާމްދަނީ އާއި ހިލޭ އެހީގެ ގޮތުގައި، ޖުމްލަ 39.8 ބިލިއަން ރުފިޔާ ލިބޭނެކަމަށް އަންދާޒާކޮށްފައިވަނީ، އާމްދަނީ އިތުރުކުރަން އަޅާ ފިޔަވަޅުތަކުން ލިބޭނެ ކަމަށް އަންދާޒާކުރާ 4.9 ބިލިއަން ރުފިޔާ ހިމަނައިގެންނެވެ.

އެ އަދަދުން އާމްދަނީ އިތުރުވާނެ ކަމަށް ލަފާކުރަނީ، ދުންފަތުގެ ބާވަތްތަކުން ނަގާ ޓެކްސާއި، އެއާޕޯޓް ޓެކްސް، ޓީޖީއެސްޓީ އަދި ގްރީން ޓެކްސް އަންނަ އަހަރުން ފެށިގެން ބޮޑުކުރާތީ އެވެ.

މި ފިސްކަލް އިސްލާހުތަކާ އެކު، އަންނަ އަހަރު ޑެފިސިޓް ހުންނާނެ ކަމަށް ލަފާކޮށްފައިވާ 9.4 ބިލިއަން ރުފިޔާ އަކީ، ފަހުގެ ތާރީހެއްގައި ނިސްބަތުން އެންމެ ކުޑަ ޑެފިސިޓް ބަޖެޓެވެ.

ތަރައްގީގެ މަޝްރޫއުތައް ބޯހިޔާވަހިކަން ދައުލަތުގެ ބަޖެޓް މޫސާ ޒަމީރު، ފިނޭންސް މިނިސްޓަރު ދައުލަތުގެ ބަޖެޓް 2025

32 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަފީގު

01 November 2024

ބަޖެޓުގައި ނެތް 4.8 ބިލިއަން ރުފިޔާއެއް ބޯހިޔާވަހިކަމަށް. ބަޖެޓުގެ ތާވަލުތަކުން ނުފެނޭ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮއި

01 November 2024

މިކަހަލަ ހެޑްލައިންތައް ފެނުމުން އަހަރެމެންކަހަލަ ގެދޮރުނެތް މީހުންނަށް ހިތަށް ތަދުވުން ނޫންކަމެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާމިޔާބުނުވާނެއޭދޯ

01 November 2024

ދަނޑުވެރިކަން ކުރުމަށް ޓަކައި ހުޅުމާލޭ އިރުން އޮތް ފަޅު ހިއްކާ އެހިއްކާ ބިމުގައި އެބަޖެހޭ 1 ހެކްޓަރުގެ 10 ހާސް ފްލޯރ ހިމެނޭނެ އުސޫލުން 150 ބުރިއަށް އިމާރާތް ތައް ކޮންކްރީޓް އިން ހަދާ އެ ފަދަ އިމާރާތް ތަކުގެ ފްލޯރ ތައް ދަނޑުވެރިކަން ކުރަން މާލެ ސަރަހައްދުގެ ވިޔާފާރިވެރިންނަށް އަކަމީޓަރަކަށް މަަހަކު 1 ރުފިޔާ އަށް 100 އަހަރުން ކުއްޔަށް ބަދަލެއް ނާންނަ ގޮތަށް ދޭން ރާއްޖެތެރޭ މީހުންނަށް ދަނޑުވެރިކަން ރާއްޖެތެރޭގައި އެކުރާ ގޮތަށް ކޮށްގެން އެކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަސްޓީ

01 November 2024

ޓުވަރިޒަމް ދާއިރާގަ ވަޒީފާ އަދާކުރާ މީހުންނަ ހުޅުމާލެއިން ފުލެޓް ލިބޭނެ ގޮތް ފަހި ކޮށްދެއްވާނެ ކަމަށް ރައީސުލް ޖުމްހޫރިއްޔާ ވެވަޑައިގެންނެވި ވައުދު ފުރިހަމަ ވެގެން ދާނެ ވަޤުތެއްގެ އިންތިޒާރުގައި!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިންމާށޭ

01 November 2024

ސަރުކާރުން އަންނަ އަހަރު ޕީއެސްޕީ ނަމުގައި ރާއްޖެތެރެއަށް އެއްވެސް ޚަރަދެއް ކޮށްގެން ނުވާނެއޭ އެކަން ޖެހޭނީ ކުރިއަށް އޮތް 4 އަހަރު ދުވަހަށް ހުއްޓާލާށޭ މުއިއްޒު ވެސް ވިސްނަންވީ އަންނަ 5 އަހަރު ވެރިކަމުގައި ބަގުޑި ނުބައްދާގޮތަށޭ ހުޅުމާލޭ އިރުން އޮތް ބޮޑު ފަޅު ހިއްކާލާ އެތަނުގައި އިންޑަސްޓްރިއަލް ސެންޓަރު ތަކެއް ބިނާ ކުރަންވީ 50 ބުރީގެ އިމާރާތް ތައް އަދި އަންނަ އަހަރު މާލޭގައި އަލަށް ފިހާރަ ތަކާއި ކެފޭ އަދި ރެސްޓޯރެންޓް ހަދަން ހުއްދަ ނުދޭ ގޮތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައްސާށޭ

01 November 2024

މާލެ ސަރަހައްދުގައި ސެކެންޑް ހޯމް އުސޫލުން ޖަޕާނު އަދި ސިންގަޕޯރ ފަދަ ދިރިއުޅުމުގެ އަގުބޮޑުވުމުގެ ސަބަބުން އުޅެން ދަތިވެފައިވާ ގައުމު ތަކުގެ ރައްޔިތުންނަށް އަމާޒު ކޮށްގެން ހުޅުމާލޭގައި ބިނާ ކުރާށޭ 1 ލައްކަ ކޮންޑޯ ކުއްޔަށްދޭނީ މަަހަކު 500 ޑޮލަރަށް އެއިރުން އެމެން އައިސް ދިރިއުޅެން ފަށާނެއޭ އެތަންތަނުގައި އެމެންނަށް ވާރކް ވިސާދޭނީ 10 އަހަރު ދުވަހަށް ދެން އެތަނާއި އިންވެގެން އެމެންގެ ސްކޫލް އަދި ހޮސްޕިޓާ ތަކާއި ޔުނިވަރސިޓީ އަޅަން ވެސް ހުއްދަދޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަހައްޓާށޭ

01 November 2024

ހެޔޮނުވާނެ ރާއްޖޭގެ ބޯހިޔާ ވައްސަށް ދައުލަތުގެ ބަޖެޓުން ޚަރަދު ކުރާއިރު ރާއްޖެތެރޭގައި ފްލެޓްސް އަޅަން އެފައިސާ ޚަރަދު ނުކުރާށޭ އެފައިސާ ޚަރަދު ކުރަންވީ ހަމަ އެކަނި މާލެ ސަރަހައްދަށް އެގޮތުން ހުޅުމާލޭގައި ކުރިއަށް އޮތް 10 އަހަރުވަން ދެން އަހަރަކު 5 ހާސް އަކަފޫޓް ފުޓް ޕްރިންޓް ހިމެނޭ 50 ހާސް ހައުސިންގް ޔުނިޓްސް އިމާރާތް ކުރަންވީ ސަރުކާރުން ނިންމާނީ ކޮންކްރީޓް ސްލެބް އަދި އެމްއީޕީ އަށް ސްލެބުން ލޯވަޅު ނާޅާ ގޮތަށް ދެ ސްލެބް ދޭތެރޭގައި 5 މީޓަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

01 November 2024

ތި ހުރިހާ ރުފިޔާ އަކުންވެސް ގޯތި ނެތްބަޔަކަށް ފައިދާއެއް ކުރާނެ ހެން ހިއެއްނުވޭ. އަބަދުވެސް ބޯހިޔާ ވަހިކަން މިލިބެނީ މުއްސަދިންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން1

01 November 2024

އަހަރުމެން އަތޮޅު އެއްވެސް ރަށެއްގައި އެއްވެސް ސަރުކާރަކުން ގެދޮރު އެޅުމަށް އެންމެ ގާބުރިއެއްވެސް އަދި ނުބާއްވާ. ކޮންމެ އަހަރަކު ގެދޮރުވެރިކަމޭ ކިޔާފަ މި ޚަރަދު ކުރަނީ މާލެއަށް އުފަން މާލޭ ރައްޔިތުންނޭ ކިޔާބަޔަަކަށް. 6 މިލިއަންއާ ހަަމައަށް ކުޑަ އިންޓްރަސްޓްގައި ލޯނު ދޫކުރަނީ މާލެ ސަރަހައްދުން ގޯތި ލިބިފައި ތިބި މީހުންނަށް އެކަނި. 6 މިލިއަން އަކީ ވިޔަފާރި އުސޫލުން ގެދޮރު ކުއްޔަށް ދިނުމަށް އިމާރާތެއް އެޅުމަށް ދޭ ފައިސާ. ވަރަށް ބޭއިންސާފު.