31 އޮކްޓޯބަރ 2024 - 15:13
66 comments
ސިވިލް ސާވިސް މުވައްޒަފުންގެ ތެރެއިން މިހާތަނަށް ޕޭ ހާމަނައިޒް ނުކުރާ ހުރިހާ މުވައްޒަފުންނާއި ޖުޑީޝަރީގެ މުވައްޒަފުންގެ މުސާރަތަކަށް ބަދަލުގެނެސް އެއްހަމަ ކުރަން އަންނަ އަހަރުގެ ބަޖެޓުގައި ހިމަނައިފި އެވެ.
އަންނަ އަހަރަށް ލަފާކުރާ ދައުލަތުގެ ބަޖެޓު ރައްޔިތުންގެ މަޖިލީހަށް ހުށަހަޅުއްއި ދެއްވަމުން، ފިނޭންސް މިނިސްޓަރު މޫސާ ޒަމީރު މިއަދު ވިދާޅުވީ ސިވިލް ސާވަންޓުންނާއި ޝަރުއީ ދާއިރާގެ މުވައްޒަފުންގެ މުސާރަތައް ހާމަނައިޒް ކުރަން 500 މިލިއަން ރުފިޔާ ބަޖެޓުގައި ކަނޑައަޅާފައިވާ ކަމަށެވެ.
"އަދި އެ ނޫން އެހެން ހުރިހާ މުވައްޒަފުންގެ މުސާރަތަކަށް 2026 ވަނަ އަހަރު ބަދަލު ގެނައުމަށް ވަނީ ރާވާފައި،" ޒަމީރު ވިދާޅުވި އެވެ.
މިހާތަނަށް ވަނީ ޓީޗަރުންނާއި ލެކްޗަރާސް އާއި ސިއްހީ ދާއިރާގެ މުވައްޒަފުންގެ އިތުރުން ފުލުހުންނާއި ސިފައިންގެ މުސާރަތައް ބޮޑުކޮށްފަ އެވެ.
މިހާތަނަށް 46 ޕަސެންޓު މީހުންގެ މުސާރަ އަށް ވަނީ ބަދަލުތައް ގެނެސްފަ އެވެ.
ސިވިލް ސާވިސްގައި މި ވަގުތު 30،165 މުވައްޒަފުން މަސައްކަތް ކުރެ އެވެ. މި އަހަރުގެ ބަޖެޓުގައި މުވައްޒަފުންގެ މުސާރަ އަށް 12 ބިލިއަން ރުފިޔާ ކަނޑައަޅާފައިވާއިރު، އަންނަ އަހަރަށް މުވައްޒަފުންގެ މުސާރަ އާއި އިނާޔަތްތަކުގެ ގޮތުގައި ހިމަނާފައިވަނީ ޖުމްލަ 13.9 ބިލިއަން އެވެ.
އަންނަ އަހަރަށް ލަފާކޮށް ސަރުކާރުން ހުށަހަޅާފައިވަނީ ޖުމްލަ 56.6 ބިލިއަން ރުފިޔާގެ ރެކޯޑު ބަޖެޓެކެވެ. މިއީ މި އަހަރުގެ ބަޖެޓަށް ސަޕްލިމަންޓު ކުރި އަދަދާ އެކު 1.8 ބިލިއަން ރުފިޔާގެ އިތުރުވުމެކެވެ.
މީގެ ތެރެއިން، ހަރަދުގެ ގޮތުގައި ހިނގާނެ ކަމަށް ލަފާކޮށްފައިވަނީ 49.2 ބިލިއަން ރުފިޔާ އެވެ. އެއީ ރިކަރަންޓް ހަރަދަށް 35.9 ބިލިއަން ރުފިޔާ އަދި ކެޕިޓަލް ހަރަދުގެ ގޮތުގައި 13.3 ބިލިއަން ރުފިޔާ އެވެ.
ފިނޭންސް މިނިސްޓަރު ޒަމީރު ރައްޔިތުންގެ މަޖިލިހުގެ މިއަދުގެ ޖަލްސާ އަށް އަންނަ އަހަރުގެ ބަޖެޓް ހުށަހަޅުއްވައި ދެއްވަނީ.
ދައުލަތުގެ ދަރަނި އަދާކުރުމަށް އަންނަ އަހަރު 3.9 ބިލިއަން ރުފިޔާ ހޭދަވާނެކަމަށް ވަނީ ލަފާކޮށްފަ އެވެ.
އަންނަ އަހަރު އާމްދަނީ އާއި ހިލޭ އެހީގެ ގޮތުގައި، ޖުމްލަ 39.8 ބިލިއަން ރުފިޔާ ލިބޭނެކަމަށް އަންދާޒާކޮށްފައިވަނީ، އާމްދަނީ އިތުރުކުރަން އަޅާ ފިޔަވަޅުތަކުން ލިބޭނެ ކަމަށް ލަފާކުރާ 4.9 ބިލިއަން ރުފިޔާ ހިމަނައިގެންނެވެ.
އެ އަދަދުން އާމްދަނީ އިތުރުވާނެ ކަމަށް ލަފާކުރަނީ، ދުންފަތުގެ ބާވަތްތަކުން ނަގާ ޓެކްސް އާއި އެއާޕޯޓް ޓެކްސް އާއި ޓީޖީއެސްޓީ އަދި ގްރީން ޓެކްސް އަންނަ އަހަރުން ފެށިގެން ބޮޑުކުރާތީ އެވެ.
މި ފިސްކަލް އިސްލާހުތަކާ އެކު، އަންނަ އަހަރު ޑެފިސިޓް ހުންނާނެ ކަމަށް ލަފާކޮށްފައިވާ 9.4 ބިލިއަން ރުފިޔާ އަކީ ފަހުގެ ތާރީހެއްގައި ނިސްބަތުން އެންމެ ކުޑަ ޑެފިސިޓް ބަޖެޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައިޚް
04 November 2024
މުއިއްޒަށް ފައިސާދޭނެ ދުނިޔޭގަ އެއްވެސް ގައުމެއް، ޖަމާއަތެއް، ޖަމުއިއްޔާއެއް ނެތް، ދޮގާ، މަކަރު ހިސާބައްވުރެ ބޮޑުވީމަ މީހުން އިތުބާރެއް ނުކުރާނެ،
ސަޅި ގައުމެއް
02 November 2024
އަންނަ އަހަރު ތި ކަމެއް ނުވާނެ ބަލަން ތިބޭ ރައްޔިތުން..އިޒުރޭލް ޕާސްޕޯރޓް ބޭން ކުރިހެން ކޮއްފާނެ. ޕޮލިހުންގެ މުސާރަ ބޮޑުކޮއްފަ އިހްސާން ވެސް އިއުލާން ކުރި ޕޮލިސް ސިވިލް މީހުންގެ ބޮޑު މުސާރަ މި އަހަރު ޖޫން މަހުން ފެށިގެން ލިބޭނެ. ޖޫން މަސް އަދިވެސް ނާދޭ. އޮޅުވާލުން އިބްތިހާޔައް
މަރުމޯލު
02 November 2024
ކަލޭތީ އަޅެ ގަމާރެއްތަ, ދެލޯ އަނދިރީތަ?
ސުން
01 November 2024
ޝަރުއީ ދާއިރާގެ މުވައްޒަފުންގެ މުސާރަ އާއި އިނާޔަތް މިހާރު ކުޑައީތޯ.ތިކަން ކޮށްގެން އަންނަން އޮތް ދައުރު ޔަގީންވާނެތޯ.
ޓިން
02 November 2024
ޝަރުޢީ ދާއިރާގައި މުސާރަ ބޮޑުވީ މެޖިސްޓްރޭޓުންނަށް، އިދާރީ މުވައްޒަފުންނަށް މުސާރަ ބޮޑުކުރީ 2009 ގައި ދައުލަތުގެ ހުރިހާ މުވައްޒަފުންގެ މުސާރަތަކަށް ގެނައި ބަދަލާއެކު
ގައުމީ
01 November 2024
ބޭކާރު ޚަރަދު ހުއްޓަބަލަ. ބޭކާރު ޚަރަދު ހުއްޓަބަލަ. ބޭކާރު ޚަރަދު ހުއްޓަބަލަ. ކޮންމެ މުނާސަބަތަކަށް ދިގުހެދުމާ ކޯޓުފަޓުލުން ފަހައިން ޖަލްސާބޭއްވުން މީ މީގެތެރޭގަ ހިމެނޭ ކަމެއް. އީމެއިލްއަކުން އެނގޭނެ ކަންކަން ގަޑި ދެޮޅުގަޑީރުގެ މީޓިންތައް ބާއްވައިގެނ ބޭކާރު ވާހަކަދެއްކުންވެސް މީގެ އެއްކަން. ތިހިރަ މަޖިލީހާހި ޖުޑިސަރީ އާއި ސިޔާސީ މީހުންގެ މުސާރައާ އިނާޔަތްތައް މީގެތެރޭގަ ހިމެނޭ.
އެޗް އެމް
01 November 2024
މުސާރައަށް އިތުރުވާ އެތިކޮޅު ނެސްކެފޭ ތަށިން ލަވާޒާއަކަށް، އެންޑްރޮއިޑަކުން އައި އަކަށް ބަދަލުވޭ.
ދަތުރުނާމާ
01 November 2024
އިބޫ 5 އަހަރުކުރިން ވެރިކަމަށް އަންނަން ރައްޔިތުންނަށް ވީ ވައުދެއް މީ. އެކަމަކު ވައުދު ނުފުއްދާ ވެރިކަން ނިމިގެން އެދިޔައީ
ކޮސް
01 November 2024
ދަތި ދުވަސްވަރެއްގަ މުސާރަ ބޮޑުކުރާނެތަ ކަމެއްނެތި! ވެރިކަން ވެއްޓިދާނެތީ މިކަން ކުރީމަވެސް ވާނީ ގޯސް. މުސާރަ ނުދެވޭނީ. ދީފިނަމަ ތަކެތީގެ އަގު އިންތިހާއަށްބޮޑުވެ ރައްޔިތުން ރަތަށް އަރާނީ. ނަތީޖާއަކަށްވާނީ ރައީސް އުސްތިއުފާދެއްވުން މަޖުބޫރީ ހާލަތު ކުރިމަތިވުން.
އިބުރާ
01 November 2024
މަގޭ ހިތަށް ވެސް އަރަނީ ހަމަ ތިހެން. ކުންފުނިތަކުގެ މުސާރަ ކަނޑަން އިއުލާން ކޮށްފަ. އަނެއް ބަޔަކަށް އިތުރު ކުރަނީ
ފަރަންޖީ
01 November 2024
ގައުމުގެ އެންމެންގެ މަސައްކަތުން 2025 އުފެއްދޭނެކަމަށް އަންދާޒާކޮށްފައިވަނީ 106 ބިލިއަން ރުފިޔާ. އެކަމަކު ސަރުކާރުގެ ޚަރަދުތައް 56.6 ބިލިއަން. ސަރުކާރުގެ ޚަރަދުތައް ގައުމީއުފެއްދުންތެރިކަމުގެ %54 އެރުމުގެމާނައަކީ ދުނިޔޭގެ ނިސްބަތުން ވެސް ގައުމުގައި އުފެއްދޭ އެއްޗަކާއަޅާ ބަލާއިރު ސަރުކާރުގެ ޚަރަދުތައް އެންމެބޮޑު ގައުމުތަކުގެ ލިސްޓުގެ 8ވަނައަށް ރާއްޖެއެރުން (އައިއެމްއެފް ވެބްސައިޓް). ގައުމުގެ ދަރަނި 130 ބިލިއަންގަ. ލަންކާރެކޯޑް މުގުރާލާނެ މިފަހަރު.
raajje
01 November 2024
ދަރަނިވަނީބޮޑު، ލޯނުތައްދަނީނުދެއްކަމުން، މުސާރަތައްބޮޑުކުރަންވީ ސަބަބެއް ނުވަތަ މިކަންމިކުރަނީ ކިހިނެއްކަމެއް އަޅުގަނޑަކަށްނުވިސްނޭ، ކުރަންވީކަމަކީ ހަމައެއްލަމައެއްނެތި ބޮޑުކޮށްފައިވާމުސާރަތައް ކުޑަކުރުމެއްނޫންތަ! ފާޑުކިޔުންތައްއޮއްބާލަން ހަމައިގާހުރި މުސާރަތައްބޮޑުކުރީމާ އެއީހައްލެއްތަ؟ ހައްލަކީ އެގައުމެއްގައި ހުރިވަރަކުން މުސާރަތައް ހަމަހަމައުސޫލުން އެންމެނަށް ހަމަޖެއްސުން، ރާއްޖޭގައި ޖީއެސްޓީފައިސާވެސްބޭނުންކުރަނީ މުސާރަދޭން، މިގޮތްމުޅިންގޯސް