ޓޫރިޒަމް ދާއިރާގެ ޓެކްސްތަކާއި އޭޑީސީ ބޮޑުކުރަން ފާސްކޮށްފި

މަޖިލީހުގެ ޖަލްސާއެއް: ޓޫރިޒަމްގެ ދާއިރާގެ ޓެކްސްތަކާއި ބޭރަށް ފުރާ މީހުންގެ އަތުން ނަގާ ޓެކްސްތައް ބޮޑުކުރަން ވަނީ ފާސްކޮށްފައި --- ފޮޓޯ/މަޖިލިސް

އައިޝަތު ނުޒުހާ، މިހާރު

31 އޮކްޓޯބަރ 2024 - 14:50

10 comments

ޓޫރިޒަމް ދާއިރާއިން ނަގާ ޓެކްސް، ޓީޖީއެސްޓީ އާއި ގްރީން ޓެކްސް އާއި ރާއްޖެއިން ބޭރަށް ފުރާ ޕަސިންޖަރުންގެ އަތުން ނަގާ ޓެކްސްތައް ބޮޑުކުރުމަށް ސަރުކާރުން ހުށަހަޅާފައިވާ ތިން ބިލް ރައްޔިތުންގެ މަޖިލީހުން ފާސްކޮށްފި އެވެ.

މަޖިލީހުން މިއަދު ފާސްކޮށްފައިވަނީ ޓޫރިޒަމް ދާއިރާއިން ނަގާ ޓީޖީއެސްޓީ ބޮޑުކުރުމަށް މުދަލާއި ހިދުމަތުގެ އަގުން ޓެކްސް ނެގުމުގެ އިސްލާހުގެ ގާނޫނަށް ހުށަހެޅި އިސްލާހާއި ގްރީން ޓެކްސް ބޮޑުކުރުމަށް ސަރުކާރުން ހުށަހެޅި އިސްލާހުގެ އިތުރުން އެއާޕޯޓް ޑިވެލޮޕްމެންޓް ފީ އާއި ޑިޕާޗާ ޓެކްސް ބޮޑުކުރުމުގެ އިސްލާހެވެ.

މި ތިން ބިލް ވެސް ފާސްކޮށްފައިވަނީ 71 މެންބަރުންގެ ވޯޓުންނެވެ. އެ ބިލް ފާސްކުރުމާ ދެކޮޅަށް އަށް މެންބަރަކު ވޯޓު ދެއްވި އެވެ.

ޓީޖީއެސްޓީ ގާނޫނަށް އިސްލާހު ގެންނަން ފާސްކުރީ އަންނަ އަހަރުގެ ޖޫން މަހުން ފެށިގެން ޓީޖީއެސްޓީ 17 ޕަސެންޓުގައި ނަގަން ފެށުމެވެ. އެ ބަދަލާއެކު، ދައުލަތަށް އިތުރަށް 200 މިލިއަން ރުފިޔާ ލިބޭނެ އެވެ.

Tax bodu koggen 2.7 billion rufiyaa, 40 percent seedha tourism in

The most trusted news source in the Maldives

Mihaaru

ގްރީން ޓެކްސް ބޮޑުކުރުމަށް ފާސްކުރީ ކޮންމެ ޓޫރިސްޓެއްގެ ގޮތުން ހަ ޑޮލަރު ނަގަމުން އައި ތަންތަނުން 12 ޑޮލަރު ދައްކަން ޖެހޭ ގޮތަށް އަދި ތިން ޑޮލަރު ނަގަމުން އައި ތަންތަނުން އަންނަ އަހަރުން ފެށިގެން ހަ ޑޮލަރު ގްރީން ޓެކްސްގެ ގޮތުގައި ދައްކަން ޖެހޭ ގޮތަށެވެ. މިއީ ކުރިން ނަގަމުން އައި އަދަދަށް ވުރެ 100 ޕަސެންޓް އިތުރު އަދަދެކެެވެ. ގްރީން ޓެކްސް ބޮޑުކުރާނީ އަންނަ ޖުލައި މަހުން ފެށިގެންނެވެ.

އެއާޕޯޓް ޑިވެލޮޕްމެންޓް ފީ އާއި ޑިޕާޗާ ޓެކްސްއަށް ގެންނަ ފާސްކުރި އިސްލާހުގެ ދަށުން، އިކޮނޮމީ ކްލާހުގައި ރާއްޖެއިން ބާރަށް ދަތުރުކުރާ ބިދޭސީންގެ އަތުން ނަގާ ފީ 30 ޑޮލަރުން 50 ޑޮލަރަށް ބޮޑުވާނެ އެވެ.

މީގެ އިތުރުން ބިޒްނަސް ކްލާހުގައި ދަތުރުކުރާ ދިވެހިންނާއި ބިދޭސީންގެ އަތުން ނަގަމުން އައި 60 ޑޮލަރު 120 ޑޮލަރަށް ބޮޑުވާނެ އެވެ. އަދި ފަސްޓް ކްލާހުގައި ދަތުރުކުރާ އެންމެންގެ އަތުން ނަގާ ފީ 240 ޑޮލަރަށް ބޮޑުވުމުގެ އިތުރުން ޕްރައިވެޓް ޖެޓުގައި ދަތުރުކުރާ މީހުންގެ އަތުން ނަގާ ފީ 480 ޑޮލަރަށް ބޮޑުވާނެ އެވެ.

ރައްޔިތުންގެ މަޖިލިސް ޓޫރިޒަމް ޓެކްސް ޓީޖީއެސްޓީ ގްރީން ޓެކްސް

10 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

01 November 2024

ސްރީލަންކަން އެއަރލައިންސް ގެ ފަރާތުން އަމިއްލައަށް އިސްނަގައިގެން ކޮލަމްބޯ ގޭން ޝެޑިއުލްދަތުރު ފެއްޓުމަކީ ކ.މާލޭގެ ބިންވެރިންނާއި އެސަރަޙައްދުގެ ރިސޯޓްސައުދާޤަރުންގެ އިތުރުން ސީދާ މާލޭސަރުކާރުގެ ބޮޑުންވެސް އެހާބޮޑަށް ގަޔާވިކަމެއްނޫން. ކ.މާލޭ އެއަރޕޯޓަކީ 5 ބިލިޔަން ޑޮލަރު ޙަރަދުކޮށް ތަރައްޤީކޮށްފައި އޮތްތަނެއް. އައްޑޫ އެއަރޕޯޓުން އެހުރިހާފީތަކެއް އެއްއަގެއްގައި ނަގާނަމަ އައްޑުއަށް ދަތުރުކުރާނެބަޔަކު ނުވާނެ. މިއީ އައްޑޫމީހުނަށްކުރި ފުރައްސާރައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 November 2024

މާލެސަރުކާރުން އައްޑޫ އެއަރޕޯޓާއި ހަނިމާދޫ އެއަރޕޯޓްގައި އަޅުވާފައި އޮތް "މަރުތަޅު ވަރުގަދަކުރަންވެގެން" މިފަދަ ޤާނޫނެއް ހެދިއިރު އައްޑޫސިޓީ ތަމްސީލުކުރަން ތިތަނަށް ވަދެތިބި މެންބަރުންނާއި ހއ އަދި ހދ އިން ހޮވާފައިތިބި މެންބަރުން ކޮބައިތޯ!؟ މިކަމަކީ މިއީ ބަޔަކު ގަސްތުގައި ރާވައިގެން ރާއްޖޭގެ އުތުރާއި ދެކުނަށް ޓްއަރިޒަމް ހިގައިދާނެތީ އެކަމަށް ހުރަސް އަޅަން ހަނިމާދުއާއި ގޭން އެއަރޕޯޓަށް ބޭރުގެ މަންޒިލްތަކުން ކުރާ ދަތުރު ހުއްޓުވަންވެގެން ކުރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

31 October 2024

ޤާނޫނަށް އިސްލާޙްގެނެސް ރާއްޖެއިން ބޭރަށްފުރާ ބިދޭސިންގެ އަތުން އެއާޕޯޓް ޑިވެލޮޕްމެންޓް ފީ އާއި ޑިޕާޗަރ ޗާޖް އާއި އެއަރޕޯޓުގެ އެހެނިހެން ފީތައް ބޮޑުކުރި އިރު ދައުލަތުން 5 ބިލިޔަން ޑޮލަރުގެ ލޯނު ނަގައިގެން ތަރައްޤީ ކޮށްފައިވާ ކ.މާލޭ އެއަރޕޯޓުން ނަގާ މިދެންނެވި އަގުތަކާއި އެއްވަރަށް އިރުވާހުދު ޖައްސާން ދޫކޮށްފައިއޮތް ހަނިމާދޫ އެއަރޕޯޓާއި އައްޑޫ GAN International Airport އެއް މިންގަޑަކުން އެއްވަރަކަށް އަގު ނަގާން ނިމި ނިންމުމަކީ ވަރަށް ބިޑު ގޯހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 November 2024

ދުނިޔޭގެ ހުރިހާ ޤައުމުތަކުންވެސް އެޤައުމުގެ އެންމެބޮޑު އެއަރޕޯޓާއި އަދި ތަރައްޤީވަމުން އަންނަ ކުދިކުދި އެއަރޕޯޓާއިދެމެދު މިފަދައަގުތައް ނެގުމުގައި ވަރަށްބޮޑަށް ތަފާތުގެންގުޅޭ. ބޭނުމަކީ އެފަދަ އެއަރޕޯޓްތަކަށް ޖައްސާ ފްލައިޓްތަކަށް ލުއިދީގެން އެތަންތަނަށް ކުރިއެރުން ހޯދާދިނުން. މިކަންކަމަށް ބެލުމެއްނެތި ކ.މާލޭ އެއަރޕޯޓާއި އެއްވަރުއަގެއް ގޭން އެއަރޕޯޓުން ނެގުމުގެބޭނުމަކީ މިތަނަށް ޝެޑިއުލް ދަތުރުކުރާ ސްރީލަންކަންގެ ދަތުރު ހުއްޓުވަން ކުރިކަމެއް.