ހަރަދު ކުޑަނުކޮށް ޓެކްސް ބޮޑުކުރާ ނަމަ ގައުމު އިނދަޖެހިދާނެ: ސިޔާމް

ދައުލަތުގެ ހަރަދުތައް ކުޑަނުކޮށް، އަހަރުން އަހަރަށް ޓެކްސް ބޮޑުކުރަމުން ގެންދާ ނަމަ ގައުމު އިނދަ ޖެހިދާނެ ކަމަށް ވިޔަފާވެރިޔާ އަދި މީދޫ ދާއިރާގެ މެންބަރު އަހުމަދު ސިޔާމް މުހައްމަދު މިއަދު ވިދާޅުވެއްޖެ އެވެ.

ޓީޖީއެސްޓީ ބޮޑުކުރަން ސަރުކާރުން މަޖިލީހަށް ހުށަހަޅާފައިވާ ބިލަށް ވާހަކަދައްކަވަމުން ސިޔާމް ވިދާޅުވީ ރާއްޖޭގައި މިހާރު ވެސް ޓެކްސް ނަގަމުން އަންނަނީ ދުނިޔޭގެ ކުރިއަރާފައިވާ ގައުމުތަކަށް ބޮޑު ބޮޑުކޮށް ކަމަށެވެ.

ސިންގަޕޫރާއި ދުބާއީގެ މިސާލު ނަންގަވައި ސިޔާމް ވިދާޅުވީ، ރާއްޖޭގައި މިހާރު ވެސް ރައްޔިތުންނަށް ބޭނުންވާ ވަރަށް ވުރެ އިތުރަށް ޓެކްސް ނަގާ ކަމަށާއި ނަމަވެސް އެކަމުން ވާ ފައިދާއެއް ނެތް ކަމަށެވެ. ސިޔާމް ވިދާޅުވީ ނަގާ ޓެކްސްގެ ހަގީގީ ފައިދާ ކުރާނީ ހަރަދުތައް ކުޑަކުރެވިގެން ކަމަށެވެ.

"... އަޅުގަނޑުމެން މި ޓެކްސް އިތުރަށް 10 ގުނަ ޖެއްސިޔަސް، 100 ގުނަ ޖެއްސިޔަސް އަދި 1،000 ގުނަ ޖެއްސިޔަސް މިއަކުން ކުރާނެ ރާހަތެއް ނޯންނާނެ. އަޅުގަނޑުމެން ކުރަންވީ އެންމެ މުހިންމު ކަމަކީ އަޅުގަނޑުމެންގެ ހަރަދުތައް ކުޑަކުރުން،" ސިޔާމް ވިދާޅުވި އެވެ.

"މި ގައުމަށް ލިބޭ ލާރި ވެސް ލިބޭ. އެހެންނަމަވެސް މި ލިބޭ ޓެކްސްގެ ތެރެއިން ފަސް ބިލިއަން ލިބެންޏާ ދެ ބިލިއަން އަޅާލަނީ ކަނޑަށް."

މީގެ އިތުރުން ރާއްޖޭގައި މިވަގުތު ހުރި ގިނަ ކުންފުނިތަކުން ވަނީ ގެއްލުން ކަމަށާއި އެއީ ޓެކްސްޕޭޔަރުންގެ ފައިސާ "ކަނޑަށް އެޅުން" ކަމުގައި އޭނާ ސިފަކުރެއްވި އެވެ.

Tax bodu koggen 2.7 billion rufiyaa, 40 percent seedha tourism in

The most trusted news source in the Maldives

Mihaaru

އޭނާ ވިދާޅުވީ މިވަގުތުން ވަގުތަށް ކުރަން ޖެހޭ އެންމެ މުހިންމު ކަމަކީ މިފަދަ "ޖަރީމާ ކުންފުނިތައް" އުވާލުން ކަމަށެވެ.

"މިއުޅެނީ ޓެކްސް ނަގާލެއް މަދުވެގެންނެއް ނޫން. ލިބޭ އެއްޗެއް މަދުވެގެނެއް ވެސް ނޫން. މިގޮތަށް ޓެކްސް ބޮޑުކުރާ ނަމަ ވާނެ ގޮތެއް އެބަ ވިސްނަން ޖެހޭ. އެހެންނޫނީ މި ގައުމު އިނދަޖެހިގެން ދާނީ އަޅުގަނޑުމެންގެ އަންނަން އޮތް ޖީލަށް ކެތް ނުކުރެވޭ ވަރަށް،" ސިޔާމް ވިދާޅުވި އެވެ.

ސިޔާމް ވިދާޅުވީ ޓެކްސް ނަގަން އޭނާ ދެކޮޅު ނޫން ކަމަށާއި ނަމަވެސް އެ ނަގާ ފައިސާ ރަނގަޅު ގޮތުގައި ބޭނުން ކުރަން ޖެހޭ ކަމަށެވެ.

ސަރުކާރުން ހުށަހެޅި އިސްލާހުގައި ބުނާގޮތުން އަންނަ އަހަރުން ފެށިގެން ކުރިން ހަ ޑޮލަރު ދައްކަމުން އައި ތަންތަނުން 12 ޑޮލަރު ދައްކަން ޖެހޭނެ އެވެ. އަދި ތިން ޑޮލަރު ދައްކަމުން އައި ތަންތަނުން ހަ ޑޮލަރު ދައްކަން ޖެހޭނެ ކަމަށް އެ އިސްލާހުގައި ބުނެފައިވެ އެވެ. މިއީ ކުރިން ދައްކަމުން އައި އަދަދަށް ވުރެ 100 ޕަސެންޓު އިތުރު އަދަދެކެެވެ.