ޖިންސީ ގޯނާއާ ދެކޮޅަށް މާލޭގައި ބޭއްވި އެއްވުމެއް: އާއިލާ ކުއްޖަކާ ބެހުނު މީހަކު 20 އަހަރަށް ޖަލަށް ލާން ވަނީ ހުކުމްކޮށްފައި. -- ފޮޓޯ: ނިޝާން އަލީ | މިހާރު
05 ނޮވެމްބަރ 2024 - 09:38
1 comments
އާއިލާގެ ކުޑަ ކުއްޖަކާ ބެހުނުކަން ސާބިތުވި މީހެއްގެ މައްޗަށް 20 އަހަރުގެ ޖަލު ހުކުމެއް ކްރިމިނަލް ކޯޓުން އިއްވައިފި އެވެ.
ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުން އަމަލުކުުރުގެ ގާނޫނުގެ ދަށުން ޖަލަށް ލާން ހުކުމް ކޮށްފައިވަނީ ހުސައިން އަލީފް ނަމަކަށް ކިޔާ މީހެކެވެ. މިއީ ކުޑަކުއްޖެއްގެ މަސްލަހަތު ހިމެނޭ މައްސަލައަކަށްވާތީ އެ ކުއްޖާ އަކީ ކާކުކަން އެނގިދާނެ އިތުރު އެއްވެސް މައުލޫމާތެއް ކޯޓުން ހާމަކޮށްފައެއް ނުވެ އެވެ.
މި މައްސަލައިގައި ކޯޓުގައި ދައުވާކޮށްފައިވަނީ 2018 ވަނަ އަހަރު އެވެ.
ކްރިމިނަލް ކޯޓުން ބުނީ މި މައްސަލާގައި ހިމެނޭ މީހާގެ މައްޗަށް ދައުވާ ސާބިތުކުރުމަށް ދައުލަތުން ހުށަހެޅި ހެކިގަރީނާއަށް ބަލާއިރު، އެއްވެސް ޝައްކެއް ނެތް މިންވަރަށް ދައުވާ ސާބިތުވާ ކަމަށެވެ.
ކުޑަ ކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަށް އަމަލުކުުރުމުގެ ގާނޫނު އޮންނަ ގޮތުން އާއިލާގެ ކުޑަކުއްޖަކާއެކު ޖިންސީ ޢަމަލެއް ހިންގައިފި ނަމަ، އެ މީހަކު 20 އަހަރާއި 25 އަހަރާ ދެމެދުގެ މުއްދަތަކަށް ޖަލަށް ލެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1818
05 November 2024
މިވެރިން ބުނާގޮތުން ކުށްވެރިއަކަށް މަހަކަށް 12،000 ރުފިޔާ ހޭދަކުރޭ! ޗައިނާ ސަރުކާރާ ވާހަކަދައްކާ ރާއްޖޭގެކުށްވެރިން އެތަނުގައި ބަލަހައްޓަން، އޭރުން މަހަކު 5،000 ރުފިޔާއަށް ކުއްވެރިން ބަލަހައްޓާނެ! ރާއްޖެފިޔަވާ އެއްވެސް ގައުމަކަށަ މިވަރަށް ކުއްވެރިންނަށް ހޭދަނުކުރާނެ! ބާކީވާ ފައިސާއިން، ކުދި ވިޔަފާރިތަކުގެ ބިލްތަށް ނިންމާލަދީ! ޢަލިފް ހާ!