ޚަބަރު / ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

16 މިލިއަނަށް ހަވާލުކުރި މަސައްކަތެއްގެ ލިޔެކިޔުމެއް ނެތް، އީމެއިލްތައް ހުރީ ޑިލީޓްކޮށްފައި

ކުރީގެ އެޑިޔުކޭޝަން މިނިސްޓަރު ޑރ. އައިޝަތު އަލީ (މ)، އޭރުގެ ސްޓޭޓް މިނިސްޓަރު އާތިޔާ އަދި ޑެޕިއުޓީ މިނިސްޓަރު އިހްސާން.-- ފޮޓޯ: ނިޝާން އަލީ/ މިހާރު

ފާތިމަތު އަޖްފާން، މިހާރު

06 ނޮވެމްބަރ 2024 - 15:21

29 comments

އެޑިއުކޭޝަން މިނިސްޓަރު ކަމުގައި ޑރ. އައިޝަތު އަލީ ހުންނެވިއިރު މާލެ ސަރަހައްދުގެ ސްކޫލެއް އަވަހަށް ނިންމުމަށް 16 މިލިއަން ރުފިޔާއަށް ކޮންޓްރެކްޓަރާ ހަވާލުކުރި ކަމުގެ ލިޔެކިޔުންތައް ފެންނަން ނެތް ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ރައްޔިތުންގެ މަޖިލިހުގައި މިއަދު ވިދާޅުވެއްޖެ އެވެ.

މިނިސްޓަރު އެހެން ވިދާޅުވީ ފުވައްމުލަކު ދެކުނު ދާއިރާގެ ޕީއެންސީގެ މެމްބަރު އިބްރާހިމް ހުސައިން މަޖިލިހުގެ މިއަދުގެ ޖަލްސާގައި ކުރެއްވި ސުވާލަކަށް ޖަވާބު ދެއްވަމުންނެވެ.

އިބްރާހިމް ހުސައިންގެ ސުވާލު އަމާޒުކުރެއްވީ ސްކޫލްތަކުގައި ކުރިއަށް ގެންދާ މަސައްކަތްތައް ނުނިމޭ މައްސަލައިގަ އެވެ.

އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު މިއަދު މަޖިލީހުގައި ވާހަކަ ދައްކަވަނީ.-- ފޮޓޯ: މަޖިލިސް

"މާލޭގެ ވަރަށް ބޮޑު ސްކޫލެއްގެ ކޮންޓްރެކްޓަރު އަޅުގަނޑުމެންނާ ހަމައަށް އައި ދެ ހަފްތާއެއްހާ ދުވަސް ކުރިން. ވިދާޅުވީ 16 މިލިއަން ރުފިޔާ އެޑިއުކޭޝަން މިނިސްޓްރީން ދޭނެ އެބަ ޖެހެއޭ. އެއްބަސް ވެގެންނޭ މަސައްކަތް ކުރީ. އެހެން ނަމަވެސް އެއްވެސް ލިޔެކިޔުމެއް ނެތް. އެއްވެސް މުއާމަލާތެއް ނެތް،" މިނިސްޓަރު ވިދާޅުވި އެވެ.

"ފައިނޭންސް އެގްޒެކެޓިވްގެ ހުއްދައެއް ނެތް. ބިޑް ކޮމެޓީގެ ހުއްދައެއް ނެތް. ފިނޭންސް މިނިސްޓްރީގެ ހުއްދައެއް ނެތް. މިނިސްޓްރީ އޮފް އެޑިއުކޭޝަން އެއްވެސް މުއާމަލާތެއް ކޮށްފައި އޮތްތޯ ބެލުމަށް އަޅުގަނޑުމެން މަސައްކަތް ކުރިއިރު މިނިސްޓަރު ވަނީ ހުރިހާ އީމެލްތަކެއް ޑިލީޓް ކުރައްވާފައި. އެހެންވީމާ އެކަން ފެންނާނަކަށް ނުއެއް ނެތް. މިއީ ކަންތައްތައް ހުރި ގޮތަކީ."

އެނގިފައިވާ ގޮތުގައި އެ ކުންފުންޏާ އެ ކޮންޓްރެކް ހަވާލުކުރި އެއްބަސްވުމުގައި ފައިސާގެ އިތުރުން ކުރިން ވަނީ ވޭރިއޭޝަން ފައިސާ ވެސް ދޫކޮށްފަ އެވެ. އެކަމަކު، ލިޔެކިޔުން ފެންނަން ނެތިގެން ފައިސާ ދޫނުކުރެވިގެން އުޅެނީ އެ ސްކޫލްގެ މަަސައްކަތް އަވަހަށް ނިންމަން ކަމަށް ބުނެ އިތުރަށް ހޭދަވާ 16 މިލިއަން ރުފިޔާ އެވެ.

Kureege Education Minister ge rasmee email thah delete kuri massala fuluhun thahugeeg kuran fashaifi

The most trusted news source in the Maldives

Mihaaru

ކުރީގެ އެޑިއުކޭޝަން މިނިސްޓަރު އައިޝަތު އަލީގެ ރަސްމީ އީމެއިލްތައް ޑިލީޓް ކުރެއްވި ކަމަށް ތުހުމަތު ކުރެވޭ މައްސަލައެއް މިދިޔަ ޖުލައި މަހު މިނިސްޓްރީން ވަނީ ފުލުހުންނަށް ވެސް ހުށަހަޅައިފަ އެވެ. ފުލުހުން އެ ތަހުގީގު ފެށި ދުވަހު، އޭނާގެ އެ އީމެއިލް އެކައުންޓަށް މީހަކު ވަންނަން މަސައްކަތް ކޮށްފައިވާ ކަމަށް ފޭސްބުކްގައި ކުރެއްވި ޕޯސްޓެއްގައި ވަނީ ވިދާޅުވެފައި އެވެ.

އޭނާ ވިދާޅުވީ ވެރިކަން ނިމުނު ދުވަހު ރަސްމީ އީމެއިލް ޑިއެކްޓިވޭޓް ކުރައްވާފައިވާ ކަމަށެވެ.

ތައުލީމް ރައްޔިތުންގެ މަޖިލިސް އެޑިއުކޭޝަން މިނިސްޓްރީ ޑރ. އާއިޝަތު އަލީ، އެޑިއުކޭޝަން މިނިސްޓަރު ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

29 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެދުރުބެއްޔާ

08 November 2024

ހެހެ.. ކިިހިނެތް ހެޔޮވާނީ މިނިސްޓަރަކު މިކަހަލަ ވާހަކަ ދައްކަން. ޑރ މީ ކޯޗެއް ކިޔަވައިގެން ލިބޭ ދެ އަކުރުތޯ؟ މިހީވަނީ މިނިސްޓަރު ކޮފީއަކަށް އަރާ ކަލޭމެން ސްކޫލެއް އަޅާށޭ ބުނާވަރެއް ދޭނަމޭ ބުނީމަ ކޮންޓްރެކްޓަރު ހަމަ ހިނިއައިސްފަ އެގޮތަށް ކަންކުރީހެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

07 November 2024

އެހެންވީމަ 1 އަހަރު ވީއިރު ބެލުނު އެއްޗެއް، ކުރެވުނު ތަޙްޤީޤެއް ދަޢުވާއެއް ، ހޯދުނު އެއްޗެއް ނެތްތާދޯ؟ މަޖްލީހުން މި ސުވާލު ނުކުރި ނަމަ ހަމަ ބާލިސް ދަށުގަ ތިޔަ ވާހަކަވެސްް އޮތީހީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގތފރ

07 November 2024

ތީ ރަންނަމާރި ވާހަކަ ކަހަލަ ހިޔާލީ ވާހަކަ އެއް. ވަޒީރަކު ގޮސް މަޖިލީހުގައި ދައްކާ ޒާތުގެ ވާހަކަ އެއް ނޫން. 16 މިލިޔަނުގެ ޕްރޮޖެކްޓަކަށް ކޮންޓްރެކްޓަރ ޔެސް ޖެހީ އެއްވެސް ލިޔެ ކިޔުމެއް ނެތި ކަމަށް ބުނާ ނަމަ ތިޔައީ ދުނިޔެއިން މޮޔަވެފައި އޮތް ކުންފުންޏެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަމަހް

07 November 2024

ކޮންޓްރެކްޓަރ އަތުގަވެސް ކަރުދާސް ކޮޅެއް ނެތީ؟ ތީ ހުސް ފޭކް. ފޯނަށް އަންނަ އީމެއިލަކަށް ބަލައިގެން މީހަކު 16 މިލިއަނުގެ އުބޮޑު މަސައްކަތެއް ނުކޮށްދޭނެ އެއްވެސް ހާލެއްގައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

07 November 2024

އަޅުގަނޑަށްވެސް އެޑިއުކޭސަނުން ދޭންޖެހޭއެބަ 20 މިލިއަން ، ލިޔެކިޔުމެއްނެތް އަނގަބަހުން ދޭނަމޭބުނެގެންކުރީ. އަވަހަށް ދެއްވަންވީނޫންތޯ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

07 November 2024

ސަފީޔު މިނިޝްޓާރުކަމާ ހަވާލުވިތާ މިހާ ގިނަދުވަސް ވީ ފަހުން މިވާހަކަ ދެއްކީމަ ސައްކުއަރާގޮތް އެބަވޭ. ލިޔެކިޔުމުން ސުރުވާ ކައްކާލީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ.ކޮމް

06 November 2024

މިއޮށްފަދަ ޒަމާނުގައި ބޮޑުކުރުމާ އެވޯޑު ކުރުމާ ފައިނޭންސާއި ހުރިހާކަމެއް ކުރެވިފައި ވަނީ ހަމައެކަނި މިނިސްޓަރުގެ އީމެއިލްއިންތޯ؟ ވާއު.... ޖަސްޓް ވާއު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންވާރު

07 November 2024

ބަލަ ވާނުވާ. ރަސްމީ އީމެއިލް ޑީއެކްޓިވޭޓްކޮށް ޑިލީޓެއް ނުކުރެވޭނެ މިނިސްޓަރަކަށް. ބަޔަކު ލައްވާ މަސައްކަތްކުރުވާއިރު ލިޔެކިޔުން ހުންނަންވާނެ ދެފަރާތުގަވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރަންޖީ

06 November 2024

ތީގަ ގަމާރީ މީހަކު ހަމަ އައިސް ތިމަންނަ އަށް ކުރީގެ ބޮސް 16 މިލިއަނަށް މަސައްކަތް ކުރާށޭ އީމެއިލަކުން ބުންޏޭ އެހެންވީމާ ލާރި ދޭށޭ ބުނީމަ ގަބޫލު ކުރިމީހާ ދޯ؟ އެމީހާ ޑޮކިއުމެންޓު ހަމަ ނުކޮށް ފެށުމަކީ އެމީހާގެ މައްސަލައެއް؟ ތީގައި ސަރުކާރުން ދައްކަންޖެހޭ އެއްޗެއް އޮވެގެން ނުވާނެ. މޮޅުވާހަކައެއް ހަދާލީލޯ؟ ތަންކޮޅެއް ހަމަޖެހޭ ވާހަކައެއްނަމަވެސް ރަނގަޅު.