ރިޒާވް ރަނގަޅު ކުރަން 400 މިލިއަން ޑޮލަރުގެ ކަރެންސީ ސްވޮޕް ނަގައިފި

މަރުކަޒީ ބޭންކް އެމްއެމްއޭ. އެމްއެމްއޭގެ ކަރެންސީ ސްވޮޕް ފެސިލިޓީ މިދިޔަ މަހު ފަހުކޮޅު ވަނީ ބޭނުން ކުރަން ފަށާފައި -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

12 ނޮވެމްބަރ 2024 - 20:27

14 comments

ބޭރު ފައިސާގެ ރިޒާވް އިތުރުކުރުމަށް އިންޑިއާގެ ރިޒާވް ބޭންކް އޮފް އިންޑިއާ (އާރްބީއައި) މެދުވެރިކޮށް މަރުކަޒީ ބޭންކް އެމްއެމްއޭ އިން 400 މިލިއަން ޑޮލަރުގެ ކަރެންސީ ސްވޮޕް ފެސިލިޓީ ނަގައިފި އެވެ.

މިދިޔަ މަހުގެ ކުރީ ކޮޅު ރައީސް ޑރ. މުހައްމަދު މުއިއްޒު އިންޑިއާ އަށް ކުރެއްވި ދަތުރުފުޅުގައި ވަނީ އިންޑިއާ އިން ރާއްޖެއަށް 750 މިލިއަން ޑޮލަރުގެ ކަރަންސީ ސްވޮޕް ފެސިލިޓީއެއް ކަނޑައަޅައި، އެކަމުގެ ރަސްމީ ލިޔުންތައް ބަދަލުކޮށްފަ އެވެ.

އޭގެ ތެރޭގައި ހިމެނެނީ 400 މިލިއަން ޑޮލަރުގެ ސްވޮޕް ފެސިލިޓީ އަކާއި 30 ބިލިއަން ރުޕީސްގެ ސްވޮޕް ފެސިލިޓީ އެކެވެ.

އެމްއެމްއޭ އިން ބުނީ، އެކަމާ ގުޅޭ މުއާމަލާތްތައް ހިންގީ މިދިޔަ މަހުގެ 22 ގައި ކަމަށެވެ.

އާންމުކޮށް ސްވޮޕް ފެސިލިޓީން ލިބޭ ފައިސާ ބޭރުގެ ބޭންކްތަކުގައި އިންވެސްޓް ކުރި ނަމަވެސް، އެމްއެމްއޭ އިން ބުނި ގޮތުގައި، މި ފަހަރު ސްވޮޕްގެ ތެރެއިން ލިބުނު 120 މިލިއަން ޑޮލަރު އިންވެސްޓް ކުރީ ރާއްޖޭގެ ބޭންކްތަކުގައި ކަމަށެވެ.

އެގޮތަށް ނިންމީ ރާއްޖެއިން ލިބޭ އިންވެސްޓްމެންޓް ރިޓާނު ބޮޑުވުމާއި މާލީ ދާއިރާގެ ކުރިއެރުމާއި ހަމަޖެހުމަށް މަގުފަހި ކުރުމަށްޓަކައި ކަމަށް މަރުކަޒީ ބޭންކުން ބުންޏެވެ.

ކަރެންސީ ސްވޮޕް ފެސިލިޓީއާ އެކު ރަސްމީ ރިޒާވް ވަނީ 615 މިލިއަން ޑޮލަރަށް އަރާފަ އެވެ. އެއީ އޭގެ ކުރީ މަހަށް ވުރެ 244 މިލިއަން ޑޮލަރު އިތުރު އަދަދެކެވެ. ސެޕްޓެމްބަރު މަހުގެ ރަސްމީ ރިޒާވްގައި ހުރީ 371 މިލިއަން ޑޮލަރެވެ.

ރަސްމީ ރިޒާވް އިތުރުވިޔަސް، ބޭނުންކުރެވޭ ރިޒާވް ވަނީ އޭގެ ކުރީ މަހަށް ވުރެ 17 މިލިއަން ޑޮލަރު ދަށްވެފަ އެވެ. މިދިޔަ މަހު ބޭނުންކުރެވޭ ރިޒާވްގައި ހުރީ 32 މިލިއަން ޑޮލަރެވެ. މިއީ މި ދިޔަ ތިން އަހަރުގެ ތެރޭގައި ޔޫޒަބަލް ރިޒާވް އެންމެ ބޮޑަށް ދަށަށް ދިޔަ މަހެވެ. މިދިޔަ އޮގަސްޓް މަހު ޔޫޒަބަލް ރިޒާވް ވަނީ 45 މިލިއަން ޑޮލަރަށް ދަށަށް ގޮސްފަ އެވެ.

ރިޒާވް އެހާ ބޮޑަށް ދަށަށް ދަނީ، ބޭރުގެ ދަރަނި އަދާކުރުމާއި އެ ނޫން ހަރަދުތައް ކުރުމަށް ޑޮލަރު ހޭދަކުރަން ޖެހޭ އަދަދު އިތުރުވުމުންނެވެ.

އެމްއެމްއޭ ރިޒާވް ފައިސާ ކަރެންސީ ސްވެޕް އިގްތިސާދު ޑޮލަރު ރިޒާވް ރާއްޖެ-އިންޑިއާ

14 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައިޚް

13 November 2024

ފައިސާ ޗާޕެއްނުކުރޭދޯ.؟ ކޯއްޗެއް މިހަދަނީ، ހިންގަންނޭންގިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޖިދާ

13 November 2024

ހުޅުލޭގަ އެތައް މިލިއަން ލީޓަރުގެ ތެޔޮ ދަނޑަކާއި، ކަނޑު ބޯޓު ފަހަރަށް ބަންކަރިންއާއި 400 މިލިއަން ޑޮލަރުގެ ކަރަންސީ ސްވޮޕުން ވެސް ރައްޔިތުމީހާ އަށް ޑޮލަރު ގަންނަން ލިބޭވަރު ލާރިއެއް ވެސް ކުޑަނުވެ ޑޮލަރެއްގެ ރޭޓް 19 ރުފިޔާ ފަހަނަޅާ ގޮސްފި. މިވެސް ހެޔޮވެރިކަން؟ މީ ދިވެހީން ބޭނުންވާ ދިވެހީންގެ ރާއްޖެ ވިއްޔާ ދެން ނެތް ބުނާނެ އެއްޗެއް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

13 November 2024

ޔާމީނު ނޫނީ މިގައުމުގެ ވެރިކަމަށް އައި ކޮންމެ މީހަކަށް ދަސްވެފާ އޮތީ އިންޑިއާއިން ކޮންމެވެސް ސްވޮޕެއް ނަގައިގެން ޑޮލަރު އެއްކޮށްފައި ވެރިކަން ފައިބައިގެން ދާއިރު ހުސް ނާށިގަނޑު ރައްޔިތުންނާ ހަވާލު ކުރުން. މުއިއްޒުވެސް ނެތް އެނޫން ސިފައެއް. ހަމަ އިންޑިއާގެ ސްވޮޕްގާ ޖެހިހަރުލާފަހުރީ. ރައްޔިތުން ނިކަމެތިކޮށް ހާލުގައި ޖައްސާވެރިން ނަށް މާފެއް ނުކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުމާ

13 November 2024

400 މިލިޔަން ޑޮލަރު ދިނީ އިންޑިޔާއިންނެވެ. އެކަމަކު ރާއްޖޭގެ ސިޔާސީވެރިންގެ ބޭރުގެ ގުޅުންތަށް ދެމެހެއްޓުމުގެ އަޚްލާގު ރަނގަޅުކުރަން އެބަޖެހެއެވެ. މުއިއްޒުވެސް ހިތުހުރި އެއްޗެއްގޮވާފައި އިންޑިޔާއަށް ދިޔުމުން އެމީހުންގެ ކުރިމަތީގައި މިޤައުމުގެ އަގަކީ ކޮބާތޯއެވެ؟ ޤައުމީއްޔަތަކީ ކައިވެނީގެ ޤަހަނާފަދަ ރަސްމީއްޔަތަށް އަޅާއެއްޗެއްތޯއެވެ؟ ބޭރު ޤައުމުތަކުގެ ކުރިމަތީގައި ރާއްޖެ މިވަނީ އިތުބާރު ނުކުރެވޭ ޤައުމަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވަސްކޮށްދެއްވާ

12 November 2024

އެހެންވީމާ ބުޅާ ފެސިލިޓީގެ ކަންތައް ނިންމާލަދީ. އެސޮރުމެން އެތިބީ ނުކައި. ލާނެ ހެދުމެއްވެސް ނެތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅާ މޭޔަރު

13 November 2024

ބުުޅާތަށް ޕީއެންސީއަށް ސޮއިނުކޮށްގެންނޯ އެކަން ނުނިމިފަ އެއޮތީ. ފެސިލިޓީ ތެރޭގައި އެބަކިޔާ އެހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޝިޔާ

12 November 2024

ރަޝިއާއާ ކަރެންސީ ސްވޮޕް ހަދަންވީ. ރާއްޖެއަށް ފަތުރުވެރިން އަންނަ އެންމެ ބޮޑު އެއް ގައުމު އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

13 November 2024

އެމީހުން ނޫޅޭ ރާއްޖެ މިއީ މާ މުހިއްމުތަނެއް ކަމަކަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަސީމާ އީސާ

12 November 2024

ކަރެންސީ ސްވޮޕް ހެދި އެކްޗޭންޖް ރޭޓް ހާމަކުރަން ސަރުކާރުން ޖެހިލުންވާނެ. ރާއްޖެއިން ލިބޭ އިންވެސްޓްމެންޓް ރިޓާނު ބޭރުގެ ބޭންކްތަކުން ލިބޭ ވަރަށް ވުރެ ބޮޑުވާނޭ ބުނެ ހަދާފަ އެއޮތީ ދޮގެއް އަދި ރިޓާން ރޭޓްވެސް ހާމަކުރަން ސަރުކާރުން ޖެހިލުންވާނެ. ފައިސާ އަބުރާ ދައްކާއިރު އެތަށްމިލިއަނެއް ގެއްލުންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީބީއެމް ވަޖީދު

12 November 2024

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާންބެ

12 November 2024

ޔޫޒަބަލް ރިޒާވް ދައްވަނީ ސަރުކާރުގަ ތިބޭމީހުން ލާރިން ވައްކަން ކުރާލެއް ބޮޑުކަމުން. ބޭރު ގައުމަކަށް ދެއްކި ލޯނެއްގެ އަދަދެއް ހާމަކޮއްލާކަށް ނުކެރޭ. ސަރުކާރާ ހަވާލުވިގޮތަށް ގަތީ ބޭނުން ނުކުރާ ޑުރޯނެއް. ކުރި ހަރަދެއް ޖީބަށް ލީވަރެއް އެއީ ގައުމީ ސަލާމަތަށް ނުރައްކާވާކަހަލަ މައުލޫމާތު. ދެން ހަރަދު ކުރީ ރާޖޫއަށް. ތިމަންނަގެ ޑްރީމް ފަޅުހިއްކަންށޭ ކިޔާފަ