ރާއްޖެ ޓީވީގެ ފައިރޫޒާއި އަޒްމޫން ފުލުހަށް ހާޒިރުކުރަނީ

ރާއްޖެ ޓީވީގެ ނޫސްވެރިޔާ އަޒްމޫން: އޭނާގެެ އިތުރުން ނޫސްވެރިޔާ ފައިރޫޒް ވެސް ފުލުހަށް ހާޒިރުވާން ވަނީ އަންގާފައި.--- ފޮޓޯ: ފޭސްބުކް

މުއިއްޒު އިބްރާހިމް، މިހާރު

06 މާޗް 2017 - 14:33

5 comments

ރާއްޖެ ޓީވީގެ ދެ ނޫސްވެރިން ކަމަށްވާ އަހުމަދު ފައިރޫޒާއި އަޒްމޫން އަހުމަދު ފުލުސް އޮފީހަށް މާދަމާ ހާޒިރުވާން އަންގައިފި އެވެ.

މި ދެ ނޫސްވެރިން ފުލުހަށް ހާޒިރުވާން އެންގީ ބަލަމުންދާ މައްސަލައަކާ ގުޅިގެން ސުވާލުކޮށް، ބަޔާން ނެގުމަށް ކަމަށް ފުލުހުން ބުންޏެވެ. އެކަމަކު އެއީ ކޮން މައްސަލައެއް ކަން ހާމައެއް ނުކުރެ އެވެ.

ފައިރޫޒާއި އަޒްމޫން ފުލުސް އޮފީހަށް ހާޒިރުވާން އަންގާފައިވަނީ މާދަމާ ހެނދުނު 11:00 އަށެވެ.

ފައިރޫޒާއި އަޒްމޫން ފުލުހަށް ހާޒިރުވާން އެންގިއިރު، ރާއްޖެ ޓީވީގެ އެކި ނޫސްވެރިންނަށް ދައުވާކޮށް، ވަނީ ކުށް ސާބިތުވެފަ އެވެ. އެގޮތުން ނޫސްވެރިޔާ މުހައްމަދު ވިސާމާއި ލީވާން ނަސީރު އަދި އާދަމް ޒަރީރުގެ މައްޗަށް ވަނީ ފުލުހުންގެ ދައުރު އަދާކުރަން ހުރަސް އެޅިކަން ސާބިތުވެ، ޖޫރިމަނާގެ ހުކުމެއް އައިސްފަ އެވެ.

ފުލުހުންނަށް ހުރަސް އެޅި ކަމަށް ބުނެ ވިސާމަށް އިތުރު ދައުވާއެއް ކުރާއިރު، އެ މައްސަލައިގެ ހުކުމް އަންނަ ބުރާސްފަތިދުވަހު އިއްވާނެ އެވެ. މީގެ އިތުރުން ރާއްޖެ ޓީވީގެ ސީއީއޯ ހުސައިން ފިޔާޒުގެ މައްޗަށް ވެސް ދައުލަތުން ވަނީ ފުލުހެއްގެ ގައިގައި ޖެހި ކަމަށް ބުނެ ދައުވާކޮށްފަ އެވެ.

ނޫސްވެރިކަން ފުލުހުން ރާއްޖެ ޓީވީ މީޑިއާ ނޫސްވެރިން

5 ކޮމެންޓް, 65 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަތްބޯރާހި

06 March 2017

ތިއާ އާކަމެއްނޫން އަދިހައިރާން ވާންވީކަމެެއްވެސް އެމީހުންބޭނުންވާ މީހާވެރިކަމައް އައިދުވަހަކުންނޫނީ އެމީހުންގެ ބަޔަސް އަދި ސިޔާސީ ނޫސްވެރިކަމެއް ނުހުއްޓާނެ އަދިއެމީހުންނައް މުސާރަދޭމީހުން އަންގަނީވެސް އެގޮތައްކަންތައްކުރުމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިއެފް

06 March 2017

އަޅެ ރާއްޖެ ޓީވީގެ ނޫސްވެރިންނާ މިސަރުކާރުން އަޅައިގަނެ ނުނެއްޓިގެން މިއުޅެނީ ކީއްވެގެންތަ. މިއީ ހަމަ ބިރުދެއްކުން. މީޑިޔާ ކައުންސިލުވެސް ފިތިފައި ބްރޯޑުކޮމްވެސް ފިތިފައި. ބަހެއް ބުނެވޭކަށެއްނެތް. އެންމެން ފިތިފައި ގައުމު ފިތިފައި. އެއްމެ އިލްމުވެރިއަކު ފިޔަވައި ދެންތިބި އިލްމުވެރިން ފިތިފައި.