ބޮޑުތަކުރުފާނު މަގުގައި ކާރުތަކެއް ޕާކުކޮށްފައި.-- ފޮޓޯ: ނިޝާން އަލީ | މިހާރު
20 ނޮވެމްބަރ 2024 - 11:16
16 comments
މާލެ ސަރަހައްދަށް ރަޖިސްޓްރީ ކުރި ވެހިކަލްތަކުގެ އަދަދު، އޭގެ ކުރީ އަހަރާ އަޅާބަލާއިރު މަދުވެފައިވާ ކަމަށް ޓްރާންސްޕޯޓު މިނިސްޓްރީން މިއަދު ބުނެފި އެވެ.
އެ މިނިސްޓްރީން "ސަރުކާރު" ވެބްސައިޓުގައި ބުނީ ހަތަރު ފުރޮޅުލީ އުޅަނދު ރަޖިސްޓްރީކުރާއިރު ގާނޫނާއި ގަވައިދުގެ ތެރެއިން މިނިސްޓްރީގެ ޒިންމާ އަދާކުރަން ފަށައި، އުސޫލުން ބޭރުން ރަޖިސްޓްރީކުރުން ނިންމުމަކަށް ގެނެސްފައިވާ ކަމަށެވެ.
އޭގެ ނަތީޖާއެއްގެ ގޮތުން މިިދިޔަ އަހަރާ އަޅާބަލާއިރު، މި އަހަރުގެ އޮކްޓޯބަރު 31އާ ހަމައަށް މާލެ ސަރަހައްދަށް ހަތަރު ފުރޮޅުލީ އުޅަނދު ރަޖިސްޓްރީކުރި ޕަސެންޓް 74.1 ޕަސެންޓް ދަށްވެފައިވާ ކަމަށެވެ.
ދެ ފުރޮޅުލީ އުޅަނދު ރަޖިސްޓަރީކުރުން ވެސް މިދިޔަ އަހަރަށް ވުރެ 8.1 ޕަސެންޓް މަދުވެފައިވާ ކަމަށް ބުންޏެވެ.
"މި ފިޔަވަޅުތަކުގެ ސަބަބުން މާލެ ސަރަހައްދަށް އެއްގަމު އުޅަނދު އިތުރުވަމުން ދިޔަ މިންވަރު ވަނީ ވަރަށް ބޮޑުތަނުން ދަށްވެގެން ގޮސްފަ އެވެ. މި ފިޔަވަޅުތަކަކީ މާލޭގެ ޓްރެފިކް ހާލަތު ރަނގަޅުކުރުމަށް އެޅުނު މުހިއްމު ފިޔަވަޅެކެވެ،" އެ މިނިސްޓްރީން ބުންޏެވެ.
އުސޫލުން ބޭރުން ވެހިކަލް ރަޖިސްޓްރީ ނުކުރެވޭ ގޮތް މި ހެދީ، ކުރީ ސަރުކާރުގައި ވެހިކަލް ރަޖިސްޓްރޭޝަންގައި މިނިސްޓްރީ ތެރެއިން ކޮރަޕްޝަން ހިންގާ ކަމުގެ ޝަކުވާ ބޮޑުވެފައި ވަނިކޮށެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު"ން ހޯދާފައިވާ ތަފާސްހިސާބުތައް ދައްކާ ގޮތުން މިދިޔަ މާޗު މަހާ ހަމައަށް މާލެ ސަރަހައްދަށް އެކަނިވެސް 96,357 ސައިކަލު ރަޖިސްޓަރީ ކޮށްފައި އެބަ އޮތެވެ. އަދި 6،470 ކާރާއި 6،457 ހަތަރު ފުރޮޅުލީ އެހެން އުޅަނދު މާލޭގައި ދުއްވަން ރަޖިސްޓަރީ ކޮށްފައި އެބައޮތެވެ. އެއީ މާލެ ސަރަހައްދަށް އެކަނި ޖުމްލަ 109,284 އުޅަނދެވެ.
ޓްރާންސްޕޯޓު މިނިސްޓްރީގެ މީޑިއާ އޮފިޝަލް ވިދާޅުވީ ގަރާޖު ސިޓީ ހުށަހަޅައިގެން މިހާރު ވެސް ވެހިކަލް ރަޖިސްޓްރީކުރެވޭ ކަމަށެވެ. އެ އުސޫލަށް ގެނައި އިތުރު ބަދަލަކީ، އެ ގަރާޖެއް ފިޒިކަލީ ބަލައި ސްޓެންޑާޑުތަކަށް ފެތޭ ތަނެއްތޯ ކަށަވަރުކުރުން ކަމަށް އޭނާ ވިދާޅުވި އެވެ.
އޮފިޝަލް ވިދާޅުވީ ވެހިކަލް ރަޖިސްޓްރީކުރުމުގެ މިންގަނޑުތަކަށް ނުފެތޭނަމަ ފޯމުތައް ކުރިއަކަށް ނުގެންދާ ކަމަށެވެ. އެ ސަބަބުތަކާ ހެދި ވެހިކަލް ރަޖިސްޓްރީކުރުން މަދުވެފައިވާ ކަމަށް ވިދާޅުވި އެވެ.
ކޮރަޕްޝަންގެ ތުހުމަތުގެ އިނގިލި އަބަދު ވެސް ދިއްކުރާ ޓްރާންސްޕޯޓު މިނިސްޓްރީން ހިދުމަތް ދިނުމުގައި ކޮރަޕްޝަނާއި ނުފޫޒުގެ ތުހުމަތު ބޮޑުވެ ނިމިދިޔަ ސަރުކާރުގައި އޮޑިޓްކުރަން ވެސް ޖެހުނެވެ. ވެހިކަލް ރަޖިސްޓްރީ އާއި ލައިސަންސް ދޫކުރުން ފަދަ ހިދުމަތްތަކުގައި އުސޫލާ ހިލާފަށް ފައިސާ ނަގައި، ބޮޑެތި ގޯސްތައް ހަދާފައިވާ ކަން ވެސް އޮތީ ފަޅާއަރައިފަ އެވެ.
ނަމަވެސް، މި ސަރުކާރުގެ ޓްރާންސްޕޯޓު މިނިސްޓަރު މުހައްމަދު އަމީން ވަނީ އެ ފަދަ އެއްވެސް ކަމެއް ކުރުމުގެ ފުރުސަތެއް މިހާރު ނޯންނާނެ ކަމަށް ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިނިސްޓުރީ އަދި ގަރާޖު ބަލަން ދިއުމުގެ ސްކޭމް.. ގަޑިދީގެން ސްޕޭސް ހުސްކުރާ ސްކޭމް
21 November 2024
ބަލަން ދިޔައީޔާ މަކަރު ނެހެދޭތަ؟ ގަރާޖު ބަލަން ދާއިރު އެތަން ހުސްކޮއްފަ އަލަށް ރެގިސްޓާ ކުރަަކާރު ބާވާލަފަ ފޮޓޯއެއް މި ނަގަނީ.. އޭގެ ބަދަލުގަ ގަރާޖު އަކަފޫޓު ބަލާ އުޅާންދު ބޭއްވޭނެ ސްޕޭސްއިން އަދަދެއް ކަންޑައަޅާ ޕާރްސަލްކޮއް ކޯޑެއް ދޭންވީ.. އެ ޕާރްސަލްކޯޑުގަ ދެން އިތުރަށް ރެގިސްޓާ ނުވާ ގޮތަށް.. މިހާރު މިނިސްޓުރީއިން އަންންވާ އިރަށް ގަރާޖު ހުސްކޮއްލަނީ.. އެއްގަރާޖަކަށް އެތަށް ސަތޭކަ އެތި އަދިވެސް ކުރެވޭ.. ގަޑި ދީފަވިއްޔާ މިނިސްޓުރީއިން އަންނަނީ.
ހަލީމާ
20 November 2024
ޓްރެފިކް ހާލަތު ރަގަޅުވުމާއި ޓްރެފިކް ހާލަތު ގޯސްވަމުންދާ މިންވަރު ދައްވުމާ ހާސްބައި ތަފާތު ދޯ. އަދި މީކީ އެއްވެސް ހާލެއްގައި ޓްރެފިކް ހާލަތު ރަގަޅުވާކަމުގެ ނުވަތަ ރަގަޅުވެދާނެކަމުގެ މިސާލެއްނޫން.
ބޭފުޅު
20 November 2024
އެކިއެކި ބޭނުންތަކުގައި މާލެއައް މީހުން އަންނަން ޖެހޭވަރުވެސް މަދުކޮއްލަދީ.މި މާލެއައް އާބާދީގެ ސާޅީސް އިންސައްތަ ޖަމާވީމަ އެމީހުންދުއްވާނެ ވެހިކަލްވެސް އެމީހުން ރަޖިސްޓްރީ ކުރަން މަސައްކަތް ކުރާނެ ކުރެވެން އޮތްގޮތަކައް.މިކަމުގައި އާއްމު ރައްޔިތުންގެ ކުށެއްނެތް.
އެބޫ
20 November 2024
ޤައުމު ބަނޑަށްޖެހުނީމަ ކިހިނެއް ވެހިކަލް ގެންނަނީ
ޒިޔަޒަން
20 November 2024
މަދުވާނެއްނު ނުކުރަންޏާ.. ޖެނުއިން އެއްޗެއް ވެސް ރަޖިސްޓްރީ ނުވޭ 45 ދުވަސްވީއިރުވެސް.. ކަޓެއް ދިނީމަ ޔޯލަ ވަނީ ރަނގަޅު އެއްޗެތި.. ދެމް ބަލަން ހުރޭ މާލެއިން ލިބޭ ވޯޓަށް ވާ ގޮތް ހަމަ މަދުވާނެ.. ތިކޮޅުން މަދުކުރިވަރަކަށް މިކޮޅުންވެސް ވާނީ މަދު..އިންތިހާބަށް އަހަރަކަށްވީމަ ތަރަތަރަ ލައިގެން ހެޔޮފުޅު ނުވިޔަސް ހެޔޮ.
މުހައްމާ ކަލޯ
20 November 2024
މަށަކީ މާލޭ ރަޖިސްޓަރީގައި އޮންނަ މީހެއް. މަށަށް މަގޭ ރަށަށް މަގޭކާރު ރަޖިސްޓަރީ ނުވެ ހަލާކުވެދަނީ، ރަށްރަށުގެ މީހުންގެ ކާރުތައް މާލެޒޯނަށް ރަޖިސްޓަރީ ކޮށްފައި ހުރުމުގެ ސަބަބުން މާލެޒޯން ފުރި ބާރުވެފައި ވާކަމަށް ބުނޭ. އެހެންވިއްޔާ ރަށްރަށުގެ މީހުންގެ ނަމުގައި ހުރި ކާރުތައް އެރަށްރަށަށް ގެންދަން ސަރުކާރުން މަޖުބޫރު ކުރަންވީނު.
މަމެން1
23 November 2024
ތާއީދު
1818
20 November 2024
ކަލޯ ތި އަދަދުތަށް ތިރިވާ ސަބަބަކީ ރައްޔިތުން އަތްމަތި ދަތިވެ ވިޔަފާރިތަށް ފުޑިއްޖެ! މި ޤައުމު ހިންގަން ތިބި މީހުނަށް ބޭރު ފައިސާ މެނޭޖުކުރަން ނޭގި ޑޮލަރު އަގު އެހުރީ 19.10 ގައި! މި ރޭޓްގައި ޑޮލަރުގަނެގެން ކިހިނެއް ވިޔަފާރިކުރަނީ؟
އިބްރާ1
20 November 2024
ވާނީވެސް އެހެންތާ! މިހާރު 150000 ނަގައިގެން ކޮށްދޭން ފެށީމަ ޑިމާންޑް ދައްވާނެތާ. ކޮންމ އެއްޗެއްވެސް އަގު ބޮޑުވީމަ ގަންނަ މީހުން މަދުވާނެ. ވަކިކަމެއް އިސްލާހު ވީއެއް ނޫން. 75 ހާހުން ބައިލައްކަ އަށް މައްޗަށް ޖައްސާލީ.
ބޭރުކުރޭ
20 November 2024
މަދުވާނެދޯ ވެރިކަމަށް އެރިގޮތަށް އެކަން ހިފަހައްޓާފަ އޮތީ. މަ ކާރެއް ގެނެސްގެން މިހުރީ މިހާރު ނިކަމެތިވެފަ. އެކަމުގަ ތެޅިތެޅި ދަރަނިވެރިވެފަ މިހާރު ކާކުބާ ޒިންމާ ނަގަނީ
ފާނަކޮށި
20 November 2024
މާލެއާއި ހުޅުމާލެތެރޭގައި ދުއްވާހުރިހާ އުޅަނދެއްގެ އަޙަރީފީ ދައްކާފައިހުރިތޯބަލާ ރެޖިސްޓްރީކޮށްފައި ހުރި އުޅަނދެއްތޯ ބަލައި ޤަވާއިދާއެއްގޮތަށް އުޅަނދު ފެތިފައިހުރިތޯބަލާ އެއެއްޗެހިވަކި ކުރެވޭނަމަ ދުއްވާއެއްޗެހި ވަރަށް ބޮޑުތަން މަދުވެދާނެ.....