ފްލެޓު ލިސްޓުގެ މަސައްކަތަށް އެއްވެސް ނުފޫޒެއް ނެތް: މިނިސްޓްރީ

އައިޝަތު ނުޒުހާ، މިހާރު

26 ނޮވެމްބަރ 2024 - 20:48

ގެދޮރުވެރިޔާ ސްކީމުގެ ދަށުން ހުޅުމާލެ 2 ގައި އިމާރާތް ކުރަމުން އަންނަ 4،000 ފްލެޓު ލިބޭ މީހުންގެ ލިސްޓު ރީއިވިއުލޭޝަންގެ މަސައްކަތަށް އެއްވެސް ނުފޫޒެއް ނެތް ކަމަށް މިނިސްޓްރީން ބުނެފި އެވެ.

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ހުޅުމާލެ 2 ގައި އިމާރާތްކުރަން ފެށި 4،000 ފްލެޓު ލިބޭ މީހުންގެ ލިސްޓު ރިވިއުކޮށް މިދިޔަ މަސް ނިމުމުގެ ކުރިން އާއްމުކުރާނެ ކަމަށް ކުރިން އިއުލާންކުރި އެވެ. އޭގެ ފަހުން، މި މަހުގެ ފުރަތަމަ ދެ ހަފުތާގައި އާންމު ކުރާނެ ކަމަށް ބުނިނަމަވެސް، ލިސްޓް އާއްމުކުރުން ވަނީ މުއްދަތެއް ނެތް ގޮތަށް ފަސްކޮށްފަ އެވެ.

ހައުސިން މިނިސްޓްރީން މިރޭ ނެރުނު ބަޔާނެއްގައި ބުނީ ފްލެޓު ލިސްޓު އަލުން ބެލުމުގެ މަސައްކަތަށް މަޖިލިސް މެންބަރުންނާއި ސިޔާސީ ވެރިންގެ ނުފޫޒު އޮތް ކަމަށް ބުނެ ދައްކަނީ ދޮގު ވާހަކައެއް ކަމަށެވެ.

"މި ސްކީމާ ގުޅިގެން ކުރިއަށް ދާ ރީއިވިއުލޭޝަންގެ މަސައްކަތަށް އެއްވެސް ފަރާތަކުން ނުފޫޒެއް ނުފޯރުވޭނެ ކަމުގެ ފުރިހަމަ ޔަގީންކަން އެންމެހައި ރައްޔިތުންނަށް އަރުވަމެވެ." މިނިސްޓްރީން ބުންޏެވެ.

މިނިސްޓްރީން ބުނީ މަސައްކަތް ކުރަމުން އަންނަނީ ބޯހިޔާވަހިކަން އެންމެ ހައްގުވެރި ފަރާތްތަކަށް ފްލެޓު ދިނުމަށް ކަމަށެވެ.

Flat list nerun lasvanee insaafu verikamaa eku eka

The most trusted news source in the Maldives

Mihaaru

އެ މަޝްރޫއުގެ ދަށުން އިމާރާތްކުރާ ފްލެޓްތަކަށް އެދި ހުށަހަޅާފައިވާ 20،697 އެޕްލިކޭޝަން ފޯމު ބެލުމުގައި ކަށަވަރު ކުރަންޖެހޭ ގިނަ ކަންކަން ހުރުމުން އެ މަސައްކަތްތައް ނިންމަން ގިނަ ވަގުތު ބޭނުންވާ ކަމަށް މިނިސްޓްރީން ވަނީ މީގެ ކުރިން ބުނެފަ އެވެ.

ގާތްގަނޑަކަށް މަސައްކަތް އެއްކޮށް މިހާރު ނިމިފައިވާ އެ ފްލެޓުތަކަށް ހުޅުވާލި މުއްދަތުގައި ކުރިމަތިލި 20،697 މީހުންގެ ތެރެއިން 18،167 މީހުން ފްލެޓަށް ޝަރުތު ހަމަވާ ކަމަށް ކުރީގެ ސަރުކާރުން އޮތީ ބުނެފަ އެވެ.

އެކަމަކު، ފްލެޓުތަކާ ގުޅިގެން އޭސީސީ އަށް ހުށަހެޅި ޝަކުވާތަކާ ހެދި ކުރި ދެ މަސް ދުވަހުގެ ތަހުގީގުން އެނގޭ ގޮތުގައި ފްލެޓް ލިބޭ ކަމަށް އާންމުކުރި ދާއިމީ ލިސްޓުގައިވާ 4،000 މީހުންގެ ތެރޭގައި ހިމެނޭ 60 ޕަސެންޓް މީހުންނަކީ މަކަރާއި އޮޅުވައިލުމުގެ ތެރެއިން ފްލެޓް ކަށަވަރުކުރި މީހުންނެވެ. އެއީ ހައްގުވެރިންނެއް ނޫން ކަމަށް އޭސީސީން ބުނެފައި ވެ އެވެ.

އެހެންވެ، އޭރު އޭސީސީން ހައުސިން މިނިސްޓްރީ އަށް އެންގީ ފްލެޓް ލިސްޓު އަލުން މުރާޖައާ ކުރާށެވެ.

މާލެ ސަރަހައްދުގައި ބޯހިޔާވަހިކަމުގެ މައްސަލަ ބޮޑުވެ، އެ ކަމަށް ހައްލެއް ހޯދުމަށް ހުޅުވާލި މި ފްލެޓްތަކަށް ދޭނީ މާލޭ މީހުންނާއި މާލޭގައި ދިރިއުޅޭތާ 15 އަހަރު ވެފައިވާ މީހުންނަށް އެކަންޏެވެ. މި ތަނުގައި ހިމެނެނީ ތިން ކޮޓަރީގެ 2،712 ފްލެޓާއި ދެ ކޮޓަރީގެ 1،188 ފްލެޓްގެ އިތުރުން އޭރު ކަސްޓަމްސް އަށް ހާއްސަކުރި 100 ފްލެޓެވެ.

ބޯހިޔާވަހިކަން ފްލެޓް ޑރ. އަލީ ހައިދަރު (ހައުސިން މިނިސްޓަރު)

35 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުރުސުރެން

27 November 2024

" ގެދޮރުވެރިޔާ ސްކީމުގެ ދަށުން ހުޅުމާލެ 2 ގައި އިމާރާތް ކުރަމުން އަންނަ 4،000 ފްލެޓު ލިބޭ މީހުންގެ ލިސްޓު ރީއިވިއުލޭޝަންގެ މަސައްކަތަށް އެއްވެސް ނުފޫޒެއް ނެތް ކަމަށް މިނިސްޓްރީން ބުނެފި އެވެ. " އަޅެ ކާކު މިވާހަކަ ޤަބޫލުކުރަނީ، ކޮންބައެއް އޮޅުވާލަން ތިއުޅެނީ، ވާނުވާ ނޭނގޭމީހުން ތިއްބަސް ސިޔާސީ ދަލުގައި ނުޖެހިތިބި އެންމެން ތިބީ ތިކަންތިދާގޮތް ނިކަން ރަނގަޅަށްބަލާ ރިޔާސީ އިންތިޚާބަށް ތައްޔާރުވެގެންނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

27 November 2024

ނުފޫޒެއް ނޯންނާނެކަން އިގެޔޭ ، އެކަމަކު ފްލެޓް ލިބޭނީ އެބުނާ މަޖްލިސް މިންބަރުންގެ ގާތްތިމާގެ ރައްޓެހިންނާއި މިފަދަ މީސްމީހުންނަށް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލުބެ

27 November 2024

ތިހެންބުންޔަސް ލިސްޓް އޮތީ ކޮށި އަރާފައި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނާރީ

27 November 2024

ކަސްޓަމް މީހުންނަށް 100ފުލެޓް ދެގޮތަށް ހަމަޖެހުނީތަ ؟ އެވެސް ބޭއިންސާފު ! . ސަރުކާރުގެ ބޮޑުސިންގާ މުއައްސަސާ އެއްގަ މަސައްކަތުގަ 35 އަހަރުވެފަ ތިބޭ މީހުނަށް ނުލިބޭ . އެތަނެއްގަ މަސައްކަތް ކުރާބަޔަކަށް ބަހާ އެއްޗެއްގަ ތަފާތު ކުރުން އޮންނަށް ޖެހޭތަ ؟ ތަނަކުން 1 ފާހަނާގައި ދެމަފިރިއެއްގެ ނަމުގަ އެގްރިމެންޓް އޮވެގެން މަސައްކަތްކުރާ ތަނަކުން ލިބެންޖެހޭ އެއްޗަކުން މަހުރޫމު ކުރުވަން ޖެހޭތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

27 November 2024

ބުރާސްފަތި ދުވަހު އިއުލާން ކުރަން އުޅެނިކޮއް ޕާލިމެންޓް މެންބަރުން ހައުސިން މިނިސްޓްރީއަށް ވަދެ އެހުއްޓުވީ އެއްވެސް ނުފޫޒެއްނެތިތަ؟ އެމީހުންގޮސް ކޮބައިހޭ ތިމަންނަ މެން ކޮއްމެ މެންބަރަށް ކަށް ދޭންބުނި 10 ފުލެޓް ނުދީ ލާކިހެއްނޫނޭ އިއުލާން ކުރާކަށް ބުނެ ހުއްޓުވީ އެއްވެސް ނުފޫޒެއް ނެތިތަ؟ ކަލޭ މެން ގަންނަ ގަނޑު ރައްޔިތުންނަށް އިގެޔޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

27 November 2024

ލިސްޓެއް މުރާޖަޢާ ކުރަން އަހަރެއް ނަގައިފި! ނުފޫޒެއް ނެތްނަމަ ތިޔަކަމެއް މިހާރު އޮނާނީހީ ނިމިފަ! އެހެންޏާ ވަޒީރުގެ ގާބިލު ކަމެއްނެތީ! އަވަހަށް އިސްތިއުފާ ދެއްވާ!