ދަރުބާރުގޭގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު މުއްތަލިބު މައުލޫމާތު ދެއްވަނީ. --ފޮޓޯ: ނިޝާން އަލީ | މިހާރު
14 ޑިސެމްބަރ 2024 - 14:05
30 comments
މުހިއްމު ތިން މިނިސްޓްރީއެއްގައި ރޯވެ ހިނގި އަލިފާނުގެ ބޮޑު ހާދިސާގައި ހައުސިންއާ ގުޅުންހުރި އެއްވެސް މައުލޫމާތެއް ނުގެއްލޭ ކަމަށާއި އެ މައުލޫމާތު ކްލައުޑްގައި ރައްކާކުރެވިފައިވާކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވިދާޅުވެއްޖެ އެވެ.
ބުރާސްފަތި ދުވަހު ހިނގި އަލިފާނުގެ ހާދިސާގައި ފްލެޓު ލިސްޓަށް ވީ ގޮތާ މެދު ގިނަ ބަޔަކު ދަނީ ސުވާލު އުފައްދަމުންނެވެ.
އަލިފާނުގެ ހާދިސާއާ ގުޅޭގޮތުން މައުލޫމާތު ނޫސްވެރިންނަށް ދިނުމަށް ދަރުބާރުގޭގައި މިއަދު ބޭއްވި ބައްދަލުވުމުގައި މިނިސްޓަރު ވިދާޅުވީ ހައުންސިންގެ މަޝްރޫއުތަކާ ގުޅޭގޮތުން ތަފާތު ވާހަކަތައް ދައްކަމުން ގެންދާ ކަމަށެވެ.
އަލިފާނުގެ ހާދިސާއާ ގުޅޭގޮތުން ނޫސްވެރިންނަށް މައުލޫމާތު ދިނުމަށް ބޭއްވި ބައްދަލުވުމުގައި ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވާހަކަ ދައްކަވަނީ-- ފޮޓޯ: ނިޝާން އަލީ \ މިހާރު
އެ ތިން މިނިސްޓްރީގައި ވެސް ގިނަ ޑޭޓާތައް ހުރިކަން ފާހަގަ ކުރައްވައި މިނިސްޓަރު ވިދާޅުވީ ރައްޔިތުންގެ އާންމު ބޯހިޔާވަހިކަމާ ގުޅުންހުރި އެއްވެސް މައުލޫމާތެއް ގެއްލިފައިނުވާ ކަމަށެވެ. އަދި ހައުސިންގް ލޯނުތަކާ ބެހޭ މައުލޫމާތުތައް ވެސް ކްލައުޑްގައި ރައްކާކުުރެވިފައިވާ ކަމަށް މުއްތަލިބް ވިދާޅުވި އެވެ.
"ވަރަށް ބޮޑަށް ފެތުރިގެން އެބަދޭ، ބައެއް ޑޭޓާ ތަކާ އެއްޗެހި ގެއްލިގެން ދިޔަ ވާހަކަ. ދައުލަތުގެ އިދާރާތަކުގެ ޑޭޓާތައް. މިހާތަނަށް އަޅުގަނޑުމެން ބެލި ބެލުމުން އަޅުގަނޑުމެން އަތުގައި ފުދޭ ވަރެއްގެ ގިނަ ޑޭޓާތައް އެބަ ހުއްޓޭ ސްޓޯ ކުރެވިފައި، ބެކަޕް ހެދިފައި،" މިނިސްޓަރު ވިދާޅުވި އެވެ.
"އަޅުގަނޑުމެން އެސެސް ކުރަމުން މި ގެންދަނީ އަޅުގަނޑުމެން އަތުން މަދުވެގެން ދާނީ ކޮން އެއްޗިއްސެއްތޯ. އޭގެ ތެރޭގައި ރައްޔިތުންނާ ގުޅުންހުރި، ސީދާ ރައްޔިތުންނާ ގުޅުންހުރި ހައުސިންއާ ގުޅުންހުރި އެއްވެސް މައުލޫމާތެއް ގެއްލިފައި ނުވާ ކަމަށް، މިހާރު ވެސް އެބަ ހުރިކަން އަޅުގަނޑުމެންނަށް ޔަގީން ކުރެވޭ."
އޭގެ އިތުރުން ލޯނުތަކުގެ ހުރިހާ މައުލޫމާތެއް ވެސް ނުގެއްލި، ކްލައުޑްގައި ހުރިކަމުގެ ޔަގީންކަން ދެއްވާ މުއްތަލިބް ވިދާޅުވީ ރައްޔިތުންނަށް ހިދުމަތް ދިނުމަށް ދޭން ބޭނުންވާ އެއްވެސް މައުލޫމާތެއް ގެއްލިފައި ނުވާ ކަމަށެވެ.
އެ ތިން މިނިސްޓްރީ ވެސް ވަގުތީ ގޮތުން ދަރުބާރުގެއަށް ބަދަލުކުރެވިފައިވާއިރު، މާދަމާއިން ފެށިގެން އެ ތިން މިނިސްޓްރީން ވެސް ރައްޔިތުންނަށް ދޭ ހިދުމަތްތައް އަލުން ދޭން ފެށޭނެ ކަމަށް ވެސް މުއްތަލިބު ވިދާޅުވި އެވެ.
ބުރާސްފަތި ހެނދުނު 6:30 ހާއިރު އެންމެ ފުރަތަމަ ރޯވީ ހައުސިން މިނިސްޓްރީގަ އެވެ. އޭގެ ފަހުން، ހުޅުގަނޑު ބޮޑުވަމުން ގޮސް، އެ އިމާރާތުގައި ހިންގާ ކޮންސްޓްރަކްޝަން މިނިސްޓްރީ އަދި އެ ތަނާ ޖެހިގެން ހުންނަ އެންވަޔަރަންމެންޓް މިނިސްޓްރީގައި ރޯވި އެވެ. ހަތަރު ގަޑިއިރު ފަހުން އަލިފާން ނިއްވާލިއިރު މުޅި ތަން ބޭނުން ނުކުރެވޭ ވަރަށް ވަނީ އަނދައި ހުލިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރަނަ
15 December 2024
މިނިސްޓަރު ހައިދަރު ވިދާޅުވީ އަލިފާން ރޯވުމުގެ ސަބަބުން ސަލާމަތް ކުރެވުނީ ވަރަށް މަދު ލިޔުންތަކެއް ކަމަށެވެ. https://mihaaru.com/news/140829 މިހާތަނަށް އަޅުގަނޑުމެން ބެލި ބެލުމުން އަޅުގަނޑުމެން އަތުގައި ފުދޭ ވަރެއްގެ ގިނަ ޑޭޓާތައް އެބަ ހުއްޓޭ ސްޓޯ ކުރެވިފައި، ބެކަޕް ހެދިފައި،" މިނިސްޓަރު މުއްތަލިބް ވިދާޅުވި އެވެ. https://mihaaru.com/news/140837
ވިސްނޭގޮތް
15 December 2024
ގެއްލިއްޖެ، ނުގެއްލޭ، ގެއްލިއްޖެ، ނުގެއްލޭ! ދެން ކޮންމެވެސް އެކައްޗެއް ކިޔާބަލަ. އަހަރެމެން ނުކިޔަން ގެއްލިއްޖެޔޭވެސް ނުވަތަ ނުގެއްލެޔޭވެސް. ހުރިހާއެއްޗެއް ތިކިޔަނީ ތިމީހުން. ތީގެން ނިކުންނާނެ ނަތީޖާއަކީ މައްސަލައެއްއުޅޭ މައުލޫމާތެއްވިއްޔާ ގެއްލުމާއި ފަހުން ނިކުންނަ ލިސްޓެއްވިޔަސް ރިޕޯޓެއްވިޔަސް ފެރިފައިކުރެވޭނެ ގޮތެއްނެތުން.
ކްލައުޑްސް
15 December 2024
ދަޢުލަތުގެ ހުރިހާ އޮފީސްތަކެއްގެ ކްލައުޑް ސާރވާ އެން.ސީ.އައި.ޓީ ގެ ބެލުމުގެ ދަށުގައި ހުޅުމާލޭ ގައި މެއިން ސާރވާ ބަހައްޓައި، ރިޑަންޑެންސީ ސާރވާތައް ފުވައްމުލަކު ސިޓީ، ތިނަދޫ ސިޓީ، ދ. ކުޑަހުވަދޫ، ކުޅުދުއްފުށި ސިޓީ ގައި ބަހައްޓައި، ހުރިހާ އޮފީސްތަކެއްގެ ފައިލްތަކާއި ޑާޓާބޭސްތައް ދަޢުލަތުގެ ކްލައުޑް ސާރވާ ގައި ރައްކާތެރިކުރަންޖެހޭ ގޮތަށް ޤާނޫނެއް ހަދަން ގޮވާލަން.
ބޮޑުބެގެ ބެއްޔާ
14 December 2024
ބުރަދަރ، މަބުނީ ފޮލެޓްލިސްޓު އޮންނަނީ އަލިފާން ނުހިފާ ޒާތު އެއްޗަކުންތަ ހަދާފަ؟
އިސްމާލި
15 December 2024
ބުރަދަރ، ތިކަހަލަ ކޮމެންޓު ޖެހީމަ ބުރަދަރ ގެ އަގު ވެއްޓި މީހުން މަލާމާތް ކުރާނެ. "ކްލައުޑް" ގައި ހުރުމޭ ބުނުމުގެ މާނައަކީ ސީދާ އެ އިމާރާތް ނޫން އެހެން ތަނެއްގައި ހުރި ސަރވަރ އެއްގައި ރައްކާކުރެވިފައި ހުރި ވާހަކަ. އެހެންވީމަ އެ އިމާރާތުގައި ހިނގި އަލިފާނަކުން ފޮލެޓްލިސްޓަށް ގެއްލުމެއް ނުލިބޭނެ.
އޮނަރަބްލް އަފީފު ދީދީ
14 December 2024
މަތީގައިދެންނެވި ތަންތަނުގައިހުރި އޮފީސްތަކާއި، މިނިވަން މުއައްސަސާ ތަކުގެ އޮފީސްތައް އަދި ދައުލަތާއި ރައްޔަތްޙިއްސާވާ ޕަބްލިކް ކުންފުނީގެ އިތުރުން ސައްތައިން ސައްތަ ދައުލަތުގެ ކުންފުނިތަކުގެ އޮފީސްތައްވެސް ތިރަށު މީސްމީހުންގެ ގެދޮރުންބޭރުކުރުމަށްޓަކާ ހުޅުމާލޭގައިހުރި އެސްޓީއޯ ހޮޓަލާއި، ރެނާޓަސް އިން އިމާރާތްކުރަމުންދާ ފުލެޓް އިމާރާތްތަކުގެތެރެއިން 3 އިމާރާތް މިކަމަށްހުސްކުރުމަށްފަހު މިތަންތަނަށް މިދެންނެވިގެތަކުގައިހުރި ހުރިހާ އޮފީސް ބަދަލުކުރޭ.
އޮނަރަބްލް އަފީފު ދީދީ
14 December 2024
މަތީގައި ދެންނެވި ބަދަލުތަކާއި އެކުގައި ކ.މާލޭގައި އެއްވެސް ގޮތަކުން ހުންނާން ނުޖެހޭ އެކަމަކު ސަރުކާރު ސިޔާސަތު ކަޑައަޅާ ތަންފީޒު ކުރާންތިބި ކ.މާލޭ މީހުން އެމީހުންގެ ރަށުގެ މަސްލަޙަތަށްޓަކާ ތިރަށުގައި ހެޑުއޮފީސް ހަދައިގެން ތިބި FENAKA Cooperation ހެޑު އޮފީހާއި، އައްޑޫ GAN International Airport ހެޑު އޮފީސްފަދަ އޮފީސްތައްވެސް ތިރަށުންބޭރުކޮށް ރާއްޖޭގެ ބިންބޮޑު ހަނިމާދުއާއި، ލ.ގުޅިފައިވާ ރަށްތަކާއި އައްޑޫސިޓި ފަދަ ރަށްރަށަށް ބަދަލުކޮށްލަންވީ ނޫންތޯ؟
ފަހި
14 December 2024
އިންސާނުންނަށް އަތްފޯރާހިސާބަށް ތިގޯތިތަކުގެ މައުލޫމާތު ތިރިކޮށްބަލަ. ދެން ގޯތިތައްވެސްވީ ކްލައުޑުގައޭ ނުބުނިއްޔާ ރަނގަޅު
ޕީއެސް
14 December 2024
މިކަހަލަ ދަނޑިވަޅުތަކުގައި ޕީއެސްގެ ދައުރު ފެންނަން ޖެހޭ މީޑިއާގަވެސް. ޕީއެސް އަކީ އައްޔަން ވީމާ އެކަނި ނުވަތަ ވަކިކުރީމަ އެކަނި ފެންނަން ޖެހޭ މީހެއް ނޫން
ގުދުގުދުލީބެއްޔާގެ ތެދުބަސް
14 December 2024
ދެމިނިސްޓަރުން އެބަ ހާދަ ހީވެއޭ ދެދުލުން ވާހަކަދައްކާހެއް. އެއްސަރުކާރެއްވިޔާ އެންމެން އެއްދުލަކުންނޫންތަ ވާހަކަދައްކަންޖެހޭނީ.
ކްލައިޑް
14 December 2024
އެދުވަހު ކްލައުޑެއްނުވެސްނެތް ހުރިނަމަ އަލިފާން ނިވުނީސް ތޯއްޗެއް!