50 ކޮޓަރީގެ ކަސާމިއާ ގެސްޓް ހައުސް އިން މަތިވެރީގެ ރައްޔިތުންނަށް ފައިދާވާ ގޮތް ހަދަނީ

ކާށިދޫ ދާއިރާގެ ކުރީގެ މެމްބަރު އަބްދުﷲ ޖާބިރުގެ ގެސްޓްހައުސްއެއް ކަމަށްވާ އއ. މަތިވެރީގައި ހުންނަ ކަސާ މިއާ ގެސްޓްހައުސް

ފާތިމަތު އަޖްފާން، މިހާރު

08 ޑިސެމްބަރ 2024 - 23:38

16 comments

ރައްޔިތުންގެ މަޖިލީހުގެ ކާށިދޫ ދާއިރާގެ ކުރީގެ މެމްބަރު އަބްދުﷲ ޖާބިރު ހިންގި 50 ކޮޓަރީގެ ގެސްޓްހައުސް ކަސާ މިއާ، އއ. މަތިވެރީގެ ރައްޔިތުންނަށް ލިބޭ ގޮތް ހައްދަވައިދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އއ. އަތޮޅަށް ކުރައްވަމުން ގެންދަވާ ދަތުރުފުޅުގައި މަތިވެރިއަށް ވަޑައިގެން މިއަދު ހަވީރު ރައީސް ވަނީ ކައުންސިލާ ބައްދަލު ކުރައްވައިފަ އެވެ.

އެ ބައްދަލުވުމުގައި ރައްޔިތުންގެ ފަރާތުން އެދުނު ކަމެއްގެ ގޮތުގައި ރައީސަށް ހުށަހެޅުއްވީ އެ ރަށުގައި ހުންނަ ކާސާ މިޔާ ގެސްޓް ހައުސް ރައްޔިތުންނަށް ލިބޭނެ ގޮތެއް ހަދައިދިނުމެވެ.

މަތިވެރީގެ ރައްޔިތުންނާ ބައްދަލު ކުރައްވައި ރައީސް ޑރ. މުހައްމަދު މުއިއްޒު ވާހަކަ ދައްކަވަނީ.-- ފޮޓޯ: ރައީސް އޮފީސް

ރައްޔިތުންނާ ބައްދަލު ކުރައްވައި ރައީސް މިރޭ ވިދާޅުވީ އެ ބިމުން މިދިޔަ އަށް އަހަރު ރަށަށް ފައިދާއެއް ނުވާ ކަމުގެ ކަންބޮޑުވުން ރައްޔިތުންގެ ފަރާތުން ކައުންސިލުން ހުށަހެޅި ކަމަށެވެ. އެހެންވެ އެ ބިން ރައްޔިތުންނަށް ލިބޭނެ ގޮތް ހައްދަވައި ދެއްވާނެ ކަމުގެ ޔަގީންކަން ރައީސް ދެއްވި އެވެ.

"ލޯކަލް ޓޫރިޒަމްގެ ވަރަށް ބޮޑެތި ފައިދާތަކެއް އޭގެ ކުރިން މި ރަށަށް ވަމުން ދިޔަ. މިހާރު އެކަން ހުއްޓިފައި އެ އޮތީ. ވަރަށް ނާޖާއިޒް ގޮތެއްގައޭ ޓޫރިޒަމް މިނިސްޓްރީގެ ތެރެއިން އެ ބިން ދީފައި އޮތީ. އަޅުގަނޑު މިހާރު އެޓާނީ ޖެނެރަލްގައި ދަންނަވައިފިން އެ މައްސަލަ ބަލައި ދިނުމަށް. ގާނޫނީ އިމުގެ ތެރެއިން އޭގެން ނިކުމެވޭނެ ގޮތެެއް ގާނޫނީ ހަމަތަކުގެ މަތިން ބަލައި ދިނުމަށް،" ރައީސް ވިދާޅުވި އެވެ.

"މަތިވެރި ރައްޔިތުންނަށް މިދޭ ޔަގީން ކަމަކީ ގާނޫނީ ހަމަތަކުގެ މަތިން އެ އެއްބަސްވުން އުވާލާނެކަން."

ރައީސް ވިދާޅުވީ އޭރުން ރަނގަޅު ބަޔަކާ އެ ތަން ހަވާލުކޮށް ރަށަށް ފައިދާ ވާނެ ގޮތަށް ހިންގުމުގެ ފުރުސަތު ލިބޭނެ ކަމަށެވެ.

މަތިވެރީގެ ރައްޔިތުންނާ އެކު ބެއްވި ބައްދަލުވުމުގައި ބައިވެރިވި އެ ރަށު ރައްޔިތުން.-- ފޮޓޯ: ރައީސް އޮފީސް

ޖާބިރަށް ދޫކުރި ބިމުގައި ހިންގި ކަސާ މިއާ ގެސްޓްހައުސްގައި މަސައްކަތްކުރާ މީހުންނަށް މުސާރަ ނުދޭ މައްސަލަ އާއި އަގެސްޓްހައުސްގެ ބިމު ކުއްޔަށް ދައްކަން ޖެހޭ 4 މިލިއަނަށް ވުރެ ގިނަ ރުފިޔާ ޖާބިރު ނުދައްކާ އޮތުމުން، ރައްޔިތުންނާއި ކައުންސިލުން މީގެ ކުރިން ކަންބޮޑުވުން ފާޅުކޮށް، ރަށުގައި ހަމަނުޖެހުންތަކެއް ވެސް ހިނގާފައިވެ އެވެ.

އެ ގެސްޓް ހައުސްގެ ކޮޓަރިއެއްގައި ރޯކޮށްލުމާއި އެ ރަށަށް އެރުމުން ރައްޔިތުން ވަނީ ޖާބިރާ ދެކޮޅަށް އިހުތިޖާޖުކޮށް، ރަށުން ވެސް ބާލުވައިފަ އެވެ.

އއ. މަތިވެރި އއ. މަތިވެރި ކައުންސިލް މެމްބަރު ހަސަން ޒަރީރު (މަތިވެރި)

16 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޫރުބެ

10 December 2024

ދަޢުލަތުގެ ސްޓޭން ބަދަލުކޮށް އެބިމަކީ ރައްޔިތުންގެ ބިމެއް ކަމަށް ދެވިދާނެ! އެހެން ނަމަވެސް ކުރީގެ އެއްބަސްވުމުގެ ދަށުން ކުއްޔަށް ނގާފައިވާ ފަރާތުގެ ޙައްޤުވެސް ހިމާޔަތް ވާންޖެހޭނެ! ވީމާ އެކަން ޖެހޭނީ ޝަރީޢަތުން ނިންމަން! އެހެން ނޫނީ ދެން އަންނަ ބަޔަކަށްޖެހޭނީ ބޮޑުތަނުން ގެއްލުމުގެ ބަދަލު ދޭން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާދް

09 December 2024

މައްސަލަ ނުބަލާ ކިހިނެތް ނާޖާއިޒް ކޮށް ދިންކަން އެނގެނީ ރައީސް އަށް؟ މައްސަލަ ބަލާ އޭގެ ފަހުންނެއްނު އެއްބަސްވުން އުވާލެވޭނެކަން ވެސް އެނގޭނީ. ރައީސް ވިޔަސް ގާނޫނުގެ މައްޗައް ނޭރޭނެ ދޯ؟ މީ ޖާބިރު ރަނގަޅުކޮށްފަ ކުރި ކޮމެންޓެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިއްސު

09 December 2024

".................. ވަރަށް ނާޖާއިޒް ގޮތެއްގައޭ ޓޫރިޒަމް މިނިސްޓްރީގެ ތެރެއިން އެ ބިން ދީފައި އޮތީ. އަޅުގަނޑު މިހާރު އެޓާނީ ޖެނެރަލްގައި ދަންނަވައިފިން އެ މައްސަލަ ބަލައި ދިނުމަށް. ގާނޫނީ އިމުގެ ތެރެއިން އޭގެން ނިކުމެވޭނެ ގޮތެެއް ގާނޫނީ ހަމަތަކުގެ މަތިން ބަލައި ދިނުމަށް،" ރައީސް ވިދާޅުވި އެވެ. ޓޫރިޒަމް މިނިސްޓްރީ އިން މި ތަން ދިންގޮތް ނުބައްލަވާ މިނިސްޓްރީއާއި އެތަނުގެ މުވައްޒަފުން ބޮލުގައި ބޮޑު އިލްޒާމެއް ތިއެޅުއްވީ ކޮން ހަމައަކުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެރި

09 December 2024

ކާޒާމިއާގެ ބަދަލަށް ޖާބިރަށް ދޭންޖެހޭނެ ބަދަލެއް ނޯންނާނެ. ކައުންސިލަށް ބިމުކުއްޔާ އެހެނިހެން ކަންކަމަށް ވެސް 5-6 މިލިއަން. ނުދައްކާހުރި ކަރަންޓްބިލްތަކަށް ވެސް 3-4 މިލިއަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

09 December 2024

ވިލިވަރު ބިޔާދޫ ގެ ބަދަލުގައި ވ. އަތޮޅުން ބޮޑުމޮހޮރާ ދިން ހެން، ކާސާ މިއާގެ ބަދަލުގައި ކޮންމެވެސް ރަށެއް ހިބައިން އިއްޒަތްތެރި ކުރީގެ މެންބަރު ޖާބިރު އަށް ދިނުން ފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުހުސޭނުގެއަލީ

09 December 2024

"މަސައްކަތްކުރާ މީހުންނަށް މުސާރަ ނުދޭ، ބިމު ކުލި 4 މިލިއަނަށް ވުރެ ގިނަ ރުފިޔާ ޖާބިރު ނުދައްކާ" އަޖާއިބެއް ހައިރާނެއް ބަޔަކު ނުވާނެތަ. މިގައުމުގައި ގާނޫނެއް ގަވާއިދެއް އެބަހިގާތަ؟ މިހެން ގާނޫނަށް ބޯނުލަބާ ތިބޭމީހުން މިއުޅެނީ ގާނޫނު އަސާސީގެ ހިމާޔަތުގައި ދެފަޔަށް ހިނިއަރައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް

09 December 2024

ޖާބިރު ދައްކަންޖެހޭ ލާރިކޮޅު ދައްކައިފިތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސް މ

09 December 2024

ނުހަދާ އެތައް އަހަރެއް ވެފަ ހުރި ރިސޯޓްތައްވެސް އަތުލަބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

09 December 2024

ޖާބިރު ލޭމައްޗައް ގޮސް ހެއްދެވި ނުހެއްދެވި އެއްޗެހި ގޮވާނެ މިސަރުކާރުގެ ވެރިންނަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

09 December 2024

ޝަންގްރިލާޒް އަށް ވިލިގިލި ރިސޯޓް ހުޅުވަން 1 އަހަރުގެ މުއްދަތު ދީފައި ރަށް ނުހުޅުވާނަމަ އެމީހުންގެ އަތުން ރަށް ވަކިކޮށް ވިލިގިލި ކުއްޔަށް ހިފާން ބޭނުން ބަޔަކަށް ވިލިގިލި ކުއްޔަށް ދިނުން ރަނގަޅު. ޢަދި މިރަށް ކުއްޔަށް ދިނުމަށް ލިބޭ ފައިސާ ބޭނުންކޮށްގެން ގޭން އެއަރޕޯޓްގައި 1000 ކޮޓަރީގެ އެއަރޕޯޓް ޓްރާންސިޓް ހޮޓަލެއް ތަރައްޤީކޮށް މިސިޓީގެ އެއަރޕޯޓް ބައިނަލް އަޤުވާމީ ދަތުރުތަކަށް ހުޅުވާލައި ދެކުނުގެ ޓްއަރިޒަމް ކުރިއަރުވަން މަސައްކަތްފެއްޓުން މުހިންމު.