ދައުލަތުގެ އާމްދަނީއާ އެއްވަރަށް ހަރަދު ވެސް އިތުރު

16 ޑިސެމްބަރ 2024 - 09:23

މި އަހަރުގެ މިހާތަނަށް ދައުލަތަށް ލިބުނު އާމްދަނީ ކުރީ އަހަރާ ބަލާއިރު އިތުރުވިޔަސް، ހަރަދު ވެސް ގާތަގަނޑަކަށް އެ މިންވަރަށް އިތުރުވެފައިވާ ކަމަށް ތަފާސްހިސާބުތަކުން ދައްކައިފި އެވެ.

ފިނޭންސް މިނިސްޓްރީން ކޮންމެ ހަފުތާއަކު އާންމުކުރާ ތަފާސްހިސާބުތައް ދައްކާ ގޮތުން، މި މަހުގެ ފަސް ވަނަ ދުވަހާ ހަމައަށް ޖުމްލަ އާމްދަނީގެ ގޮތުގައި ދައުލަތަށް 31.9 ބިލިއަން ރުފިޔާ ވަނީ ލިބިފަ އެވެ. މިއީ މިދިޔަ އަހަރުގެ އެ މުއްދަތާ އަޅާބަލާއިރު، ގާތްގަނޑަކަށް 78 މިލިއަން ރުފިޔާގެ އިތުރުވުމެކެވެ.

އާމްދަނީ އިތުރުވި މައިގަނޑު ސަބަބުތަކުގެ ތެރޭގައި ޓޫރިޒަމް ޖީއެސްޓީ ލިބުނު އާމްދަނީ އިތުރުވުން ހިމެނެ އެވެ.

ޓެކްސް ރެވެނިއުގެ ގޮތުގައި ލިބިފައިވާ 24.3 ބިލިއަން ރުފިޔާއަކީ މިދިޔަ އަހަރާ އަޅާބަލާއިރު ގާތްގަނޑަކަށް ދެ ބިލިއަން ރުފިޔާގެ އިތުރު އަދަދެކެވެ.

ނަމަވެސް، ޓެކްސް ނޫން ލިބުނު އާމްދަނީ ވަނީ މިދިޔަ އަހަރުގެ އެ މުއްދަތުގެ ތެރޭގައި ލިބުނު ވަރަށް ވުރެ ދަށްވެފަ އެވެ. ނޮން-ޓެކްސް ރެވެނިއުގެ ގޮތުގައި މިދިޔަ އަހަރު 7.79 ބިލިއަން ރުފިޔާ ލިބުނަސް، މި އަހަރު އެ އަދަދު ވަނީ ގާތްގަނޑަކަށް ހަތް ބިލިއަނަށް ވެއްޓިފަ އެވެ.

ނޮން-ޓެކްސް ރެވެނިއު ދަށްވި މައިގަނޑު ދާއިރާތަކުގެ ތެރޭގައި ޓޫރިޒަމް ބިމު ކުއްޔާއި އެސްއޯއީތަކުން ލިބުނު ޑިވިޑެންޑް ދަށްވުން ހިމެނެ އެވެ.

މި މަހުގެ ފަސް ދުވަހާ ހަމައަށް ދައުލަތަށް ލިބުނު އާމްދަނީއަށް ކުރިއެރުންތަކެއް ލިބިފައި ވިޔަސް، އެ މުއްދަތުގައި ކުރި ހޭދަ ވަނީ އިތުރުވެފަ އެވެ.

ޖުމްލަ ހަރަދުގެ ގޮތުގައި މި އަހަރުގެ އެހާތަނަށް ހަރަދު ވެފައިވާ 43.6 ބިލިއަން ރުފިޔާ އަކީ މިދިޔަ އަހަރުގެ އެ މުއްދަތާ އަޅާބަލާއިރު، ގާތްގަނޑަކަށް 670 މިލިއަން ރުފިޔާގެ އިތުރުވުމެކެވެ.

އާންމު އުސޫލާ އެއްގޮތަށް، ޖުމްލަ އާމްދަނީގެ ބޮޑު ބައި ހިއްސާ ކުރަނީ ރިކަރަންޓު ނޫނީ ދައުލަތް ހިންގުމުގެ ހަރަދެވެ. ރިކަރަންޓްގެ ހަރަދުގެ ގޮތުގައި، މިއަހަރުގެ އެހާތަނަށް ހޭދަވެފައިވާ 30.6 ބިލިއަން ރުފިޔާ އަކީ މިދިޔަ އަހަރުގެ އެ މުއްދަތާ އަޅާބަލާއިރު ގާތްގަނޑަކަށް 1.3 ބިލިއަން ރުފިޔާ އިތުރު އަދަދެކެވެ.

ރިކަރަންޓު ހަރަދު އިތުރުވީ މުސާރަ އާއި ޕެންޝަނަށް ކުރި ހޭދަ ވަރަށް ބޮޑަށް އިތުރު ވެފައިވާތީ އެވެ. މިދިޔަ އަހަރު މުސާރަ އާއި ޕެންޝަނަށް 11 ބިލިއަން ރުފިޔާ ހަރަދު ކޮށްފައިވާއިރު، އެ އަދަދު މި އަހަރު ވަނީ 12.4 ބިލިއަން ރުފިޔާ އަށް އަރައިފަ އެވެ.

މުސާރައިގެ ހޭދައިގެ އިތުރުން، އިދާރީ ހިންގުމުގެ ހަރަދު ވެސް މި އަހަރު ވަނީ 197 މިލިއަން ރުފިޔާ އިން އިތުރުވެފަ އެވެ.

ނަމަވެސް، ހިންގުމުގެ ހަރަދުގެ ތެރޭގައި ހިމެނޭ އާސަންދަ އާއި ސަބްސިޑީ ދޭން ކުރި ހޭދަ ވަނީ މިދިޔަ އަހަރާ ބަލާއިރު ދަށްވެފަ އެވެ.

މި އަހަރު އާސަންދަ އަށް ހަރަދު ކުރި 1.88 ބިލިއަން ރުފިޔާ އަކީ މިދިޔަ އަހަރާ އަޅާބަލާއިރު، ގާތްގަނޑަކަށް 101 މިލިއަން ރުފިޔާ މަދު އަދަދެކެވެ. ސަބްސިޑީ އަށް ކުރި ހޭދަ ވެސް ވަނީ 233 މިލިއަން ރުފިޔާ އިން ދަށްވެފަ އެވެ.

ރިކަރަންޓު ހަރަދުތައް އިތުރުވެފައިވާއިރު، މި މަހުގެ ފަސް ދުވަހާ ހަމައަށް ކެޕިޓަލަށް ހަރަދުތައް ވަނީ މިދިޔަ އަހަރާ އަޅާ ބަލާއިރު ދަށަށް ގޮސްފަ އެވެ.

މިދިޔަ އަހަރުގެ އެހާތަނަށް ކެޕިޓަލް ހަރަދުގެ ގޮތުގައި 13.5 ބިލިއަން ރުފިޔާ ހަރަދު ކޮށްފައިވާ އިރު، އެ އަދަދު މި އަހަރު ވަނީ 12.97 ބިލިއަން ރުފިޔާ އަށް ވެއްޓިފަ އެވެ. ކެޕިޓަލް ހަރަދުތައް މިހާ ބޮޑަށް ދަށަށް ގޮސްފައިވަނީ، ތަރައްގީގެ މަޝްރޫއުތަކަށް ކުރި ހޭދަ މަދުވުމުންނެވެ.

ފިނޭންސް މިނިސްޓްރީ ދައުލަތުގެ އާމްދަނީ ރާއްޖޭގެ އިގްތިސާދު ދައުލަތުގެ ހަރަދު ދައުލަތުގެ ބަޖެޓް 2024

10 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

16 December 2024

ދައުލަތަށް ލިބެންޖެހޭ ފައިސާގެތެރެއިން އެންމެބޮޑުއަދަދެއް ޙިއްސާކުރަނީ ނުހަނު ބޮޑުއަގުގައި އެނދު ވިއްކާ ރިސޯޓްތަކުގެ ކުއްޔާއި އެފަދަ ރިސޯޓްތަކުން ގެސްޓްމީހާއަތުން ފައިސާނަގާފައި ދައުލަތަށް ނުދައްކާހުރި ޓެކްސްތަކާއި، ދައުލަތްދަރަނިކޮށް އެތައްބިލިޔަން ރުފިޔާގެ ލޯނުނަގައިގެން ހުޅުމާލޭގައި އިމާރާތްކުރި ފުލެޓްތައް ހަމަނުޖެހޭ އުސޫލުތަކެއްގެދަށުން ކ.މާލޭމީހުނަށްދިނުމުން އެތަންތަނަށް މަހުންމަހަށް ދައްކާންޖެހޭފައިސާ ނުދައްކާހުރުމުން ލިބެންޖެހޭ ފައިސާތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 December 2024

ހަމައެކަނި ރިސޯޓް ކުއްޔާއި، ރިސޯޓްތަކުން ލިބެންޖެހޭ ޓެކްސް އަދި މަތީގައި ދެންނެވި މާލޭ މީހުންނަށް މަހުން މަހަށް އިންސްޓޯލްމަންޓް އުސޫލުން ފައިސާދައްކާ އަގު ހަމަކުރާގޮތަށް ދޫކުރި ހައުސިންގ ސްކީމް ފުލެޓް ތަކުން މިއަދާއި ހަމައަށް ދައުލަތަށް ދައްކާންޖެހޭ ފައިސާ (މޮޅުކަމަކީ މާލޭ މިހުން އެތަންތަން ބޮޑު އަގުގައި ކުއްޔަށްދީގެން އެފައިސާ ކަމުންދާކަން) ހޯދި ކަމަށްވިޔަސް ދަރަނީގައި އޮތް ދައުލަތުގެ ބަޖޭޓް އަރަނި ކުރުމަށް ފުރުސަތު ލިބިގެންދާނެ. މިކަންކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްއްޔިތުމީހާ ސަލާންޖަހަން

16 December 2024

ރައްޔިތުންނަށް ދޭ އާސަންދަ ހޯދުމަށް ރެސްޓްރިކްޝަންސް ލާފަ، ސިޔާސީ މުވައްޒަފުންގެ މުސާރައަށް އެފައިސާ ޚަރަދުކޮށްލީ ދޯ؟ ރިކަރަންޓްގެ ހަރަދުގެ ގޮތުގައި، މުސާރަ އާއި ޕެންޝަނަށް ކުރި ހޭދަ ވަނީ ވަރަށް ބޮޑަށް އިތުރު ވެފައެވެ. މިދިޔަ އަހަރާ އަޅާބަލާއިރު ގާތްގަނޑަކަށް 1.3 ބިލިއަން ރުފިޔާ ވަނީ އިތުރުވެފައެވެ. ނަމަވެސް، ހިންގުމުގެ ހަރަދުގެ ތެރޭގައި ހިމެނޭ އާސަންދަ އާއި ސަބްސިޑީ ދޭން ކުރި ހޭދަ ވަނީ މިދިޔަ އަހަރާ ބަލާއިރު ދަށްވެފަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިކަމެއްނުވާނެ

16 December 2024

އެހެންވެގެންތާ މިކިޔަނީ ކުރީ ސަރުކާރުން ދިޔައީ ގައުމު ދަވާލާފައޭ، ކުރީ ސަރުކާރުން ކޮށްފަހުރި ކަންތައްތަކުގެ އަސަރު ނުފިލައިގެނޭ މިއުޅެނީ، ނަމަވެސް ހަގީގަތަކީ ކުރިއަށްވުރެ އާމްދަނީ ގިނަވިޔަސް، ރައީސް ޚަރަދު ކުޑަކުރަންއެޅި ފިޔަވަޅުތައް ފަހަތަށްގޮސް ޚަރަދު ބޮޑުވެގެން މިދިޔަ އަހަރަށްވުރެ އިތުރަށް ލިބުނު އާމްދަނީއަށްވެސް ކެތްނުވެގެން މިހިރަދަނީ، އާއްމު ރައްޔިތުން ފެލައިގެންވެސް ސިޔާސީން ހިމާޔަތްކޮށް ލާރިދެވެންޖެހޭނެކަމަށް ދެކޭ ޕާޓީ މެމްބަރުން ގިނައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަބުޅި ކަތީބު

16 December 2024

ހަރަދު ކުޑަކުރެވޭނެ ވަރަށްގިނަ ގޮތްގޮތް އެބަހުރި. މިސާލެއްގެ ގޮތުން ސަރުކާރުގެ މަތި ލުއިކުރުން.. ކުދިކުދި ރަށްރަށުގަ ފެނާ ނަރުދަމާއާ ބަނދަރާ އިންޖީނުގެއާ ހޮސްޕިޓާތަކާ މަގުތައް ހެދުންފަދަ މެގަ ޕްރޮޖެކްޓްތައް ހުއްޓާލުން. ވިޔަފާރީގެ އުސޫލުން ހިންގާ އެސްއޯއީތައް ދަރަންޏަށް ޒިންމާވާގޮތަށް ބަދަލުކޮށް އަމިއްލަ ފައިމައްޗަށް ތެދުވެވޭނެ ގޮތަށް ބަދަލުކުރުން.. ދެން މިހެންގޮސް އަހަރަކު އެތައް ބިލިއަނެއް ސަލާމަތް ކުރެވޭނެހާ ކަން ބުނެދެވިދާނެ ..އެކަމަކު.......!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

16 December 2024

ދައުލަތުގެ ޚަރަދު ކުޑަކުރަން ބޭނުންވާނަމަ ދައުލަތުގެ ހުރިހާ އޮފީސްތަކާއި ކުންފުނިތަކުގެ އޮފީސްތައް ހިންގާނޭ އިމާރާތްތަކެއް ލޯނު ނަގައިގެންވިޔަސް އަޅާބަލާށެވެ. ނާޖާއިޒް ފައިދާތަކެއް ނެގުމަށްވެސް ފުރުޞަތު ލިބޭގޮތަށް އަމިއްލަ މީސްމީހުންގެ ގޭގޭގައި އޮފީސްތައް ހިންގުން ހުއްޓުމަކަށް ގެނެވިއްޖެނަމަ ހަމަގައިމުވެސް އިސްރާފްވެގެންދާ އެތައް ފައިސާއެއް ސަލާމަތްކުރެވޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށޭމު

16 December 2024

ދައުލަތުގެ ޚަރަދު ކުޑަކުރަން ކުރެވިދާނެ އެއްކަމަކީ ވަޒީފާއާބެހޭ ޤާނޫނު ހެދިއިރު އިތުރުގަޑިއާއި ބަންދު ދުވަސްތަކުގައި މަސައްކަތް ނުކުރުވުމުގެ މަޤްޞަދުގައި ރަސްމީ ގަޑިއަށްވުރެ އިތުރަށް ނުރަސްމީ ގަޑިއަށާއި ބަންދު ދުވަސްތަކަށް ފައިސާ ދޭންޖެހޭގޮތަށް ހެދި ނަމަވެސް އެ މަގްޞަދު ހާސިލްނުވެ އެކަން މުޅިން އެކޮޅުކޮޅުން ޖެހި އެންމެ އާދައިގެ މީހާއަށް ވެސް ނާޖާއިޒްގޮތުގައި ދައުލަތުން ފައިސާހޯދުމުގެ ފުރުޞަތު އޮންނާތީ ނިސްބަތް އެއްވަރު ކުރުމާއި، ލިމިޓެއް ކަނޑައެޅ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުބޭ

16 December 2024

ބޭކާރު 400 އަށް ވުރެން ގިނަ މިނިސްޓަރުންގެ ނައިބުން އެބަތިބި އެމީހުންތައް ސަރުކާރުން ބޭރުކުރީމަ ބޮޑުތަނުން ހަރަދު ސަލާމަތްކުރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢީޅީ

16 December 2024

ބަލަ ހަރަދު އިތުރުވާނެދޯ ބޭކާރު ޑެޕިއުޓީ މިނިސްޓަރުން ވަކިކުރަންވީ ރައްޔިތުންގެ ފައިސާއިން ކޮންމެ މަހަކު 45000ރ މި ހަރަދުކުރަނީ ބޭކާރު ބަޔަކަށް ...........