ރައީސް މުއިއްޒު ތުއްތު ކުއްޖަކާ ސަލާން ކުރައްވަނީ.
01 ޖެނުއަރީ 2025 - 01:36
24 comments
މިއަދު ފެށި 2025 ވަނަ އަހަރުގެ އުފާވެރި ވަގުތާ ރާއްޖެ ބައްދަލު ކުރަނީ އުންމީދުގެ ދަންމަރުތަކާ އެކީގައި ކަމަށާއި ތަރައްގީގެ އަމަލީ މަސައްކަތްތަކާ އެކު މުޅި ގައުމަށް ތިޔާގިކަން ގެނެސްދޭނެ އަހަރަކަށް ވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
އާ އަހަރު ފެށުމުގެ މުނާސަބަތުގައި ދެއްވި ހިތާބުގައި ރައީސް މުއިއްޒު މައިގަނޑު ގޮތެއްގައި ދެއްވީ ތަރައްގީގައި ނަތީޖާ ހާސިލް ކުރާނެ ކަމުގެ އުންމީދެވެ.
ރައީސް ވިދާޅުވި ގޮތުގައި އާ އަހަރު ފެށީ "ތަރައްގީގެ ތަސައްވުރުތަކާއި ދިވެހި އިސްލާމީ އަހުވަންތަކަމާ އެކީގަ" އެވެ.
ރައީސް މުއިއްޒު ވިދާޅުވީ، ދިވެހި ދައުލަތަކީ މިއަދު ކަނޑައެޅިފައިވާ ވަކި އަމާޒުތަކަކަށް ދަތުރުކުރާ ދައުލަތެއް ކަމަށެވެ. އެއީ ރާއްޖޭގެ އަމިއްލަ މިނިވަންކަމާއި ދިވެހި ގައުމިއްޔަތު ދިފާއުކޮށް، ކަށަވަރު ކުރުމުގެ އަމާޒު ކަަމަށް ވިދާޅުވި އެވެ.
"ދިވެހި ކޮންމެ ރައްޔިތަކަށް ބޯހިޔާވަހިކަން ކަށަވަރު ކުރުމުގެ އަމާޒެވެ. ބޭސްފަރުވާ އާއި އާންމު އަސާސީ ހިދުމަތްތައް ޒަމާނީ ފެންވަރަށް ތަރައްގީ ކުރުމުގެ އަމާޒެވެ. ހަމަ އެހެންމެ، ރާއްޖޭގެ ތަފާތު އެކިއެކި ކަންކޮޅުތަކަށް ގެނެވޭ އުމްރާނީ ކުރިއެރުމެވެ،" އެ މަނިކުފާނުގެ ހިތާބުގައި ވެ އެވެ.
"ދުސްތޫރީ އިސްލާހުތަކެވެ. އެކި ރޮނގުރޮނގުން ސިންދަފާތުކޮށް ފުޅާކުރެވޭ އިގުތިސާދެވެ. މި ހުރިހާ ކަމަކާ އެކީގައި ތަރައްގީ ވެފައިވާ ގައުމުތަކުގެ ސަފަށް ހިޖުރަ ކުރުމަށް ކުރަހާލެވިފައިވާ ސާފު މަގު ޗާޓެވެ. ދިވެހިރާއްޖޭގެ ތަރައްގީގެ ދަތުރުގެ މިއަދުގެ އަމާޒަކީ މި އެވެ."
ރައީސް ވިދާޅުވީ، މި އަހަރު ވާނީ އެ ކަންކަމުގެ އަމަލީ މަސައްކަތްތަކުގެ އަހަރަކަށް ކަމަށެވެ. ރާއްޖޭގެ އެކި ހިސާބުތަކުގައި ތަރައްގީގެ އެކި މަޝްރޫއުތައް ފެށުމުގެ ނަތީޖާއަކަށް ވާނީ އެ މަނިކުފާނު ވިދާޅުވި ގޮތުގައި، އިގުތިސާދީ ފުދުންތެރިކަން އިޔާދަވާން ފެށުމެވެ.
"މަސައްކަތްތެރީންނަށް ފުރުސަތުތައް ހުޅުވިގެން ދިޔުމެވެ. އެއާ އެކު، އާންމު ތިޔާގި ކަމެއް މުޅި ގައުމަށް ލިބެން ފަށާނެ އެވެ،" ރައީސް މުއިއްޒު ވިދާޅުވި އެވެ.
އެ މަނިކުފާނު ވިދާޅުވީ، އާ އަހަރުގެ އަޒުމަކަށް ވާން ވާނީ، ކަންކަމާ މެދު ހެޔޮ ރަނގަޅު ވިސްނުން ކުރިއަށް ނެރުން ކަަމަށެވެ. ސުލްހަ މަސްލަހަތު އިސްކުރުމެވެ.
"ތަރައްގީ އާއި ހިތްހަމަޖެހުމުގެ ބިންގަލަކީ އަމާން ކަމެވެ. އިހުތިރާމާއި ކުލުނުވެރިކަމެވެ. އެހެންކަމުން، މި ފެށުނު އާ އަހަރަކީ ތަރައްގީގެ އަހަރަކަށް ހެދުމަށް ޓަކައި ކޮންމެ ރައްޔިތަކު ވެސް ކަންކަމާ މެދު ހެޔޮ ރަނގަޅު ވިސްނުން އިސްކުރުމަށް އަޅުގަނޑު އިލްތިމާސް ކުރަމެވެ. ރަނގަޅު ކުރަން ޖެހޭ ކަންކަމަށް ރަނގަޅު ގޮތުގައި މަގު ދެއްކެވުމަށް އެދެމެވެ،" ރައީސް މުއިއްޒު ވިދާޅުވި އެވެ.
ރައީސް ވިދާޅުވީ، މިއީ އެންމެން ގުޅިގެން ގައުމީ ތަރައްގީގައި އެއް އަމާޒަކަށް ދަތުރުކުރުމުގެ އަހަރު ކަމަށެވެ.
"ދިވެހީންގެ ރާއްޖޭގެ އަންނަން އޮތް މުސްތަގުބަލަށްޓަކައި ޒިންމާދާރުކަމާއެކީ ގައުމު ބިނާކުރުމުގެ އަހަރެވެ،" ރައީސް މުއިއްޒުގެ އާ އަހަރުގެ ހިތާބު ނިންމަވައިލައްވަމުން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިކުނޑި
02 January 2025
2024 ގައި ސަރުކާރަށް ލިބުނީ އެފް ރިޕޯޓެކެވެ. ހިތްވަރާއެކު މަސައްކަތް ކުރުންއެއީ ނެތް ކަމެއްނޫން! މީހުން ބުނާހެން މުސްތަގުބަލު ވަޒަން ކުރަނީ މާޒީއަށް ބަލައިގެން! އެހެންކަމުން މުއީޒު މިފަހަރުވެސް ވަރަށް ސާބިތުކަމާއެކު އެހެދީ ދޮގެއް! ކަމެއް ކުރަން ބުނަންވާނީ އެކަމެއް ކުރަން ފައިސާ ލިބޭނެ ގޮތެއް ހޯދައިގެން! ދައުލަތުގެ ހިސާބުކިތާބު ނުބެހެލެއްޓޭ ވެރިޔަކަށް ގެނެވޭނެ ތަރައްގީއެއް އޮވެދާނެ ކަމަކަށް ސިކުނޑިއަކަށް ގަބޫލެއް ނުކުރެވޭ!!
ބޮކަރު11
02 January 2025
2024 ގައި ނިންމަން ބުނި ހިޔާ ޓަވަރުގެ ލިފްޓައް ވީ ކިހާ ހިސާބެއްގަޯ
އޮނަރަބަލް މިނިކާ ވަގު
01 January 2025
2023 ގައި ވެރިކަމުގެ ހުވާކުރަމުން އަދި 2024 ގައި ތިޔާގިކަން ގެނެސްދޭނެކަމަށް ވިދާޅުވި . ނަމަވެސް އެންމެ ކުޑަމިނުން ގޯއްޗާއި ފުލެޓު ވެސް ހަވާލު ކޮށްނުލެވުނު . މަސްވެރިންގެ ހަމަ އަގު ވައުދު ނުފުއްދި ވިޔަފާރިތައް ބަގުރޫޓުވެ ވަޒީފާތައް ގެއްލިޖެ . .ދެން ބާކީ އޮތީ 3 އަހަރު . މި ދައުރުގައި ދެން އެއްކަމެއްވެސް ކޮށްދެވޭނެ ކަމަށް މިހާރު އުންމީއް ނުކުރަން . .
އަކްޝަމް މުހައްމަދު
01 January 2025
އަހަންނަ ފެންނަ ފެނުމަށް ދައުރެއް ނިމުމުގެ ކުރިން ފްލެޓް އަޅާ ފްލެޓަށް މީހުން ވައްދާނެ ވެރިޔަކަށް މުއިއްޒް ވާނެ. އެހާ ކަންކަމް ރާވާ ނިންމާތަން ފެނޭ
ކުރިބޯށި
01 January 2025
ޢަޅާ ނިމެމުންދާތަނެއްގެ ލިސްޓް ގަނޑު ހަމައަކައް ނޭޅުވުނު 1އަހަރު ވެގެން ދިޔައީ... ނޭގެ ބޯހިޔާވަކި ކަމައްޝޭ ކިޔާފަ ތަނެއްގަ ގާބުރިއެއްވެސް ބާންދާލިކަމެއް ކިހާކަންކަން ރާވާ ނިންމާތަން ފެންނާނެ... ހީވަނީ ނިދީގަ ހުވަފެނެއް ފެނުނީހެން
ހައިޝަމް އިދްރީސް
01 January 2025
މަށަށް އަބަދުވެސް މަނިކުފާނަށް އިތުބާރު އޮވޭ. ބަޔަކު ކިތަންމެ ވާހަކައެއް ދެއްކިޔަސް ކަންކަން މިހާރު ދަނީ ކުރާތަން ފެންނަމުބް. އެހެން އެއްވެސް ވެރިކަމެއްގެ ފުރަތަމަ އަހަރު ނުކުރާ އެތައް ކަމެއް މިއަދު ކުރަމުން ދަނީ. ރަސްމާލެ އަކީ ކުޑަ މިސާލެއް
މޫމިން މުހައްމަދު
01 January 2025
މީ ތަފާތު ވެރިޔެއް. ޕްލޭނާއެކު މިދަނީ. އެހެން އެއްވެސް ވެރިޔެއް ނެތް 2 ވަނަ އަހަރު ބޯހިޔާވެހިކަން ފަށާފަ. މިޔާއެކު ދެން ދައުރު ނިމުމުގެ ކުރިން ވަދެވޭނެ
ޝައުކަތް
01 January 2025
މި 5 އަހަރު ދެން އޮތީ އަމަލީ ގޮތުން ތަރައްގީ ގެނައުން. މިހާރު ބިންގާ އެޅިގެން އެދިޔައީ. ދެން ފެންނާނީ ނަތީޖާ
އަމީން އަލީ
01 January 2025
ވަރަށް އުއްމީދީ ހިތޯބެއް. އިރާދަކުރެއްވިއްޔާ މި އަހަރު ޕްރޮޖެކްޓްތައް މެކުހަށް ޖެހޭނެ
ފާއިދް
01 January 2025
މަނިކުފާނުގެ ޒައާމަތުގަ ބޯހިޔާވަހިކަން ނުލިބޭނެ ރައްޔިތެއް ނުހުންނާނެ ކަމަށް މިބަލަނީ. ޔާމީން މެންނަށް ރައީސް މުއިއްޒު ވެރިކަން ކުރާގޮތް ހަޖަމެއް ނުވާނެ. ގައުމަށް މިއަދު ލިބިފަ މިހުރީ ރަނެއް ކަހަކަ ވެރިއެއް ލިބިފަ
މުހައިމިންް
01 January 2025
ދަތިތަކާއެކުވެސް މި ނިންމާލި އަހަރަކީވެސް ވަރަށް ކާމިޔާބު އަހަރެއް. ގައުމު އިސްލާހު ކުރުމަށް ބުރަ މަސައްކަތްތަކެއް ކުރެވިގެން ދިޔަތަން ފެނުން. މަސްތުވާތަކެތީގެ ވަބާއިން އަހަރުމެންގެ ޅަ ދަރީން ސަލާމަތް ކުރަން މުހިންމު ފިޔަވަޅުތަކެއް އެޅިގެންދިޔަ އަހަރެއް ނިމިދިޔަ އަހަރަކީ. އިގްތިސާދު ހަރުދަނާ ކުރަން ރަނގަޅު ފިޔަވަޅުތަކެއް އެޅިގެންދިޔަ އަހަރެއް ނިމިގެންދިޔައީ