މުސްލިމުން މަނާ ކުރުމަށް ޓްރަމްޕް ނެރުއްވި އަމުރާ ދެކޮޅަށް އެމެރިކާގެ އެކި ހިސާބުތަކުގައި ވަނީ މުޒާހަރާކޮށްފައި. --ފޮޓޯ:ގެޓީ އިމޭޖަސް
09 މާޗް 2017 - 15:54
2 comments
ވޮޝިންޓަން (މާޗް 9) - މުސްލިމް ހަ ގައުމެއްގެ މީހުން އެމެރިކާ އަށް ވަނުން މަނާކުރުމަށް ރައީސް ޑޮނަލްޑް ޓްރަމްޕް ނެރުއްވި އާ އަމުރު ތަންފީޒު ކުރުން ހުއްޓުވުމުގެ ގޮތުން ހަވާއީ އިން ކޯޓަށް ހުށަހެޅި މައްސަލައިގެ ފުރަތަމަ އަޑު އެހުން މި މަހު 15 އަށް ތާވަލްކޮށްފި އެވެ.
މުސްލިމް ހަތް ގައުމެއްގެ މީހުން އެމެރިކާ އަށް ވަނުން މަނާކުރަން ޖެނުއަރީ މަހު ފަހުކޮޅު ޓްރަމްޕް ނެރުއްވި އަމުރުގައި ހިމެނޭ ގައުމުތަކުގެ ތެރޭން އިރާގު އުނިކޮށް ނެރުނު ފަހުގެ ގަރާރަށް އަމަލު ކުރަން ފަށާނީ މި މަހު 16 ވަނަ ދުވަހު އެވެ.
ހަވާއީން ހުށަހެޅި މައްސަލައާ ގުޅޭ ގޮތުން ރައީސް ޑޮނަލްޑް ޓްރަމްޕް ވަކި އެއްޗެއް ވިދާޅުވެފައެއް ނުވެ އެވެ. ނަމަވެސް ކުރިން ވިދާޅުވެފައި ވަނީ އެމެރިކާގެ ސަލާމަތާ ބެހޭ ގޮތުން ރިޔާސީ ގަރާރުތައް ނެރުމަކީ އޭނާ އަށް ލިބިގެންވާ ހައްގެއް ކަމަށެވެ. އަދި އަމުރާ ދެކޮޅަށް ހުކުމް ނެރެނީ ސިޔާސީ ކޯޓުތަކުން ކަމަށް ވަނީ ވިދާޅުވެފަ އެވެ.
ޓްރަމްޕުގެ އަމުރާ ދެކޮޅަށް ކޯޓަށް ދިޔަ ފުރަތަމަ ސްޓޭޓަކީ ހަވާއީ އެވެ. އެ ސްޓޭޓުގެ އެޓާނީ ޖެނެރަލް ވިދާޅުވެފައި ވަނީ ޖެނުއަރީ މަހު ޓްރަމްޕް ނެރުއްވި އަމުރާއި ފަހުގެ އަމުރުގައި މާބޮޑު ތަފާތެއް ނެތް ކަމަށެވެ. ދެ އަމުރުގެ ވެސް މަގްސަދަކީ މުސްލިމުން މަނާކުރުން ކަމަށް އޭނާ ވިދާޅުވި އެވެ.
"މައިގަނޑު އެއްވެސް ބަދަލެއް ނެތް. މުސްލިމް ގައުމުތައް މަނާކޮށްފައި ވަނީ. ތަފާތަކީ އެއް ގައުމު މަދުވިކަން،" ހަވާއީގެ އެޓާނީ ޖެނެރަލް ޑައުގު ޗިން ވިދާޅުވި އެވެ.
ގަރާރުގައިވާ ގޮތުން އީރާން، ސީރިއާ، ލީބިއާ، ސޮމާލިއާ، ސޫދާން އަދި ޔަމަން މީހުން 90 ދުވަހުގެ މުއްދަތަށް އެމެރިކާ އަށް ވަނުން ވަނީ މަނާކޮށްފަ އެވެ. އަދި ރެފިއުޖީ ޕްރޮގްރާމް ވެސް 120 ދުވަހު ހުއްޓާލަން ވަނީ ނިންމައިފަ އެވެ. ޖެނުއަރީ 27 ވަނަ ދުވަހު ޓްރަމްޕް ނެރުއްވި އަމުރު ހުއްޓުވީ ވޮޝިންޓަނުގެ ޑިސްޓްރިކްޓް ކޯޓުންނެވެ. ދަށު ކޯޓުގެ ހުކުމް ޖަސްޓިސް ޑިޕާޓްމަންޓުން އިސްތިއުނާފް ކުރި ނަމަވެސް ސަރުކާރަށް ކާމިޔާބު ލިބިފައެއް ނުވެ އެވެ. ކޯޓުތަކުން އެ ފަހަރު ވެސް ފާހަގަކޮށްފައި ވަނީ މުސްލިމުން ތަފާތު ކުރުމަކީ ގާނޫނު އަސާސީއާ ޚިލާފު ކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޯންލެޓް
09 March 2017
ޓްރަމްޕުގެ އަމުރާ ދެކޮޅަށް ހުށަހެޅި މައްސަލައިގެ އަޑުއެހުން މާޗު 15 ގައި ބާއްވަންވީއެވެ. އެއީ އެއްވެސް މައްސަލަ އެއް ނޫނެވެ. މރ.ޕްރެޒިޑެންޓް ޓްރަމްޕް ޑޯންޓް ލެޓް ޑޯންޓް ލެޓް އިޓް ގޯ ޑައުން، ޑައުން. ހަމަ ކުޑަ ވެސް ދުލެއް ނުދީ ޔޫއެސް އަށް ވަނުން މަނާ ގައުމު ތަކުގެ މީހުންނަށް ޔޫއެސް އަށް ނުވަދެވޭނެ ގޮތް ހަދާ ބެހެއްޓުމަށް ފަހު އައިއެސް އެއްޗެހި ތައް ނައްތާލަންވީ އެވެ. އަދި މީގެއިތުރުން މެކްސިކޯ ބޯޑަރ ފާރުވެސް 50 މީޓަރު އުސް މިނަށް ރާނަންވީއެވެ. އޫ އައި ތިންކް ޔޫ އާރ ގޮނާ މޭކް އެމެރިކާ އަ ސޭފް ޕްލޭސް. ވީ ނީޑް ޔޫ ދަ މޯސްޓް. އޯއް ޔޭއް. ޑޯން ލެޓް އިޓް ގޯ ޑައުން، ޑައުން..
އޯކޭޑް
09 March 2017
ޓްރަމްޕް ގެ އަމުރުގައި އެމެރިކާ އަށް ވަނުން މަނާ ކުރި ގައުމު ތަކަކީ އެއީ ސްޓޭބުލް ލީޑަރޝިޕް އެއް ނެތް އަދި ޓެރެެރިސްޓް އޮގަނައިޒޭޝަންސް ތަކުން އެގައުމު ތަކުގެ ސަރުކާރު ކޮންޓްރޯލް ކުރާ ގައުމު ތަކެވެ. ކަން މިހެން ހުރުމުން އެއަމުރު ގައިވާ ގޮތުން އެގައުމު ތަކުގެ ރައްޔިތުންނަށް އެމެރިކާ އަށް އެތެރެ ނުވެވޭނެއެވެ. ދެން މިކަމުގައި ކޯޓަށް ހަވާއީ އިން ދިއުން އެއީ މައްސަލަ އެއް ނޫނެވެ. އަނެއްކޮޅުން މަމެން ބުނަން ބޭނުންވާ އެއްޗަކީ ތިޔާ ޔަމަންގެ ހޫތީން ތަކުން މިހާރު ޔަމަންގެ ރައްޔިތުން އެމެން ވެރިކަމުން ބޭލުމުން ވެސް އިރާނޭ މެންގެ ބެކް އަޕް ލިބިގެން ހައިޑް އަވޭސް ތަކުގައި ތިބެގެން ޔަމަން ސަރުކާރަށް ހަމަލާ ދީ ޔަމަން ފުނޑާލަނީ އެވެ. ކަން މިހެން ހުރުމުން ޔަމަނޭ މެންނަށް ހުއްދަދީފިނަމަ ހޫތީން ތައް އެމެރިކާ އަށް ވަދެ އެމެރިކާ އަށް ނުރައްކާ ކޮށްފާނެއެވެ. ޔަމަންގެ ހޫތީން ނަކީ ވެސް އައިއެސް ނައްތާލި ގޮތަށް ނައްތާލަން ޖެހޭ ބަޔެއް ކަމަށް ބުނަން މަމެން ނެތީމު އެވެ.