ޚަބަރު / ތޯރިގް އިބްރާހިމް (ޓޫރިޒަމް މިނިސްޓަރު)

އިޔާދަކުރަނިވި ހަކަތައިގެ ކެޕޭސިޓީއަށް 17 މެގަވޮޓް އިތުރުކުރެއްވިއްޖެ: ތޯރިގް

ތިމާވެއްޓާ ބެހޭ މިނިސްޓަރު ތޯރިގް އިބްރާހިމް އައިރީނާ ބައްދަލުވުމުގައި ތަގުރީރުކުރައްވަނީ.-- ފޮޓޯ: ތިމާވެއްޓާ ބެހޭ މިނިސްޓްރީ

އިފްރާޒް އަލީ، މިހާރު

13 ޖެނުއަރީ 2025 - 11:15

6 comments

މިދިޔަ އަހަރެއްހާ ދުވަހުގެ ތެރޭގައި ރާއްޖޭގެ އިޔާދަކުރަނިވި ހަކަތައިގެ ކެޕޭސިޓީއަށް 17 މެގަވޮޓް އިތުރުކުރެވިފައިވާ ކަމަށް ތިމާވެއްޓާ ބެހޭ މިނިސްޓަރު ތޯރިގް އިބްރާހިމް އިއްޔެ ވިދާޅުވެއްޖެ އެވެ.

ތޯރިގް ވަނީ ޔޫއޭއީގެ އަބޫ ދާބީގައި މިހާރު ކުރިއަށް ގެންދާ އިންޓަނޭޝަނަލް ރިނިއުވަބަލް އެނާޖީ އެޖެންސީ (އައިރީނާ) އެސެމްބްލީގެ 15 ވަނަ ޖަލްސާގައި އިއްޔެ ތަގުރީރު ކުރައްވައިފަ އެވެ.

ތިމާވެއްޓާ ބެހޭ މިނިސްޓްރީން ނެރުނު ބަޔާނެއްގައި ބުނީ ރާއްޖޭގެ އިޔާދަކުރަނިވި ހަކަތައިގެ ގާބިލިއްޔަތުކަން އެންމެ އަހަރެއްހާ ދުވަހުގެ ތެރޭގައި 53 މެގަވޮޓުން 70 މެގަވޮޓަށް އިތުރުކުރެވިފައިވާ ކަމަށް ތޯރިގުގެ ތަގުރީރުގައި ވިދާޅުވި ކަމަށެވެ. އެއީ 17 މެގަވޮޓްގެ އިތުރުވުމެކެވެ.

މިނިސްޓްރީން ކުރިން ބުނި ގޮތުގައި، މި ސަރުކާރު އައިރު ރާއްޖޭގައި އިޔާދަކުރަނިވި ހަކަތައިގެ އިންސްޓޯލްޑް ކެޕޭސިޓީއަކީ 53 މެގަވޮޓެވެ. އެއީ ބޭނުންކުރާ ހަކަތައިގެ އެންމެ ހަތަރު ޕަސެންޓެވެ.

ރާއްޖެއިން ތެލަށް ބާރޯސާވާ ވަރު ކުޑަކުރަން 2028ގެ ނިޔަލަށް ރާއްޖޭގައި އުފައްދާ ހަކަަތައިގެ 33 ޕަސެންޓަކީ އިޔާދަކުރަނިވި ހަކަތައަށް ހެދުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ.

އައިރީނާ ބައްދަލުވުމުގައި ތޯރިގް ވިދާޅުވީ 170 މެގަވޮޓުގެ އިޔާދަކުރަނިވި ހަކަތައިގެ މަޝްރޫއުތައް އެކި މަރުހަލާތަކުގައި މިހާރު ވެސް ކުރިއަށް ގެންދާ ކަމަށެވެ.

މޫސުމަށް އަންނަ ބަދަލުތަކަކީ ރާއްޖެ ކަހަލަ ކުދި ގައުމުތަކަށް ކުރިމަތިވެފައިވާ އެންމެ ނުރައްކާތެރި މައްސަލަތަކުގެ ތެރެއިން އެއް މައްސަލަ ކަމަށާއި ދުނިޔޭގެ ގައުމުތަކުން އެއްބަސްވެފައިވާ 1.5 ޑިގްރީގެ އަމާޒަށް ވާސިލުވުމަށް އަވަސް ފިޔަވަޅުތަކެއް އަޅަން ޖެހިފައިވާ ކަމަށް ތޯރިގް ވިދާޅުވި އެވެ.

ތިމާވެށި ޔޫއޭއީ އިއާދަކުރަނިވި ހަކަތަ ތޯރިގް އިބްރާހިމް (ޓޫރިޒަމް މިނިސްޓަރު) ކްލައިމެންޓް ޗޭންޖް، އެންވަޔަރުމެންޓް މިނިސްޓްރީ

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

13 January 2025

މިދިޔަ އެއްއަހަރު ދުވަހުގެތެރޭގައޭ ބުނަން ލަދުގަންނަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 January 2025

ކ.މާލޭސަރުކާރުން ހަދާ ޤަވާއިދުގެސަބަބުން މިކަމުގައިވެސް އަހަރުމެން އައްޑޫސިޓީގެ ރައްޔިތުންނަށްވަނީ ހުރަސްތައް ކުރިމަތިވެފަ. މިމީހުންގެ ރަށުގައި ގެއާއި ފިހާރަތައް ހަދާފައި ހުރިގޮތުން ސޯލާރ ޕެނަލް ހަރުކުރެވެން ނެތް ކަމަށްވިޔަސް އައްޑޫސިޓީގެ ގެތެކާއި ފިހާރަތައް ހުރީ މިކަން ކުރެވޭ ފަދަ ގޮތަކަށް. އައްޑުއަށް ބޭނުންވާވަރަށް FENAKA އިން ކަރަންޓް ނުއުފެއްދޭތީ ވިޔަފާރިވެރިން ބޭނުންވިޔަސް ކޯޓާ ހަމަވެއްޖެ ކަމަށްބުނެ ސޯލަރ ހަރުކުރަން މިހާފު ފުރުސަތެއް ނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

13 January 2025

ތިބުނާ 17 މެގަވޮޓުގެ ތެރެއިން ބޮޑުބަޔަކީ މިދިޔަ ސަރުކާރުން ހުޅުލެ/ހުޅުމާލެ ހައިވޭގަ ޖަހާފަހުރި ސޯލާޕެނަލްތައް. ތިމަންމެންނަށް އަދިކުރެވުނީ ކުޑަމިންވަރެއް. އިތުރުފުޅު ހެއްދެވީމާ ވާނީ ބޭޒާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިބަން11

13 January 2025

ހަމައެކަނި އިންސްޓޯލްކޮށްލުންތޯ މަސައްކަތަކީ. ތިޔައީ އެތައްއަހަރުތަކަކަށް ކުރެވެމުން އައިސްފައި ހުރި މަސައްކަތްތަކެއްގެ ނަތީޖާ. ރިބަން ކަނޑާލިޔަސް އަދި އެއީކީ "އަހަރެއްހާދުަވަހުގެތެރޭގައި" ވީކަމެއް ނޫންތާ. ވާހަކަ ދައްކާއިރު ހަގީގަތް އޮޅޭގޮތަށް ނުބުނެ، ތިޔައީ މިދިވެހި ރާއްޖެ ހޯދި ކުރިއެރުމެއް ގޮތަށް ނިސްބަތްކުރުން ރަނގަޅުވާނެ، ހަމައެކަނި "އެންމެ އަހަރެއްގައި" އުޅުނު ބަޔަކަށް ނިސްބަތްކުރުމަށްވުރެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓސުނާމީ

13 January 2025

ކުރީ ސަރުކާރު ހަރުކޮށް ނިންމައި ކަނެކްޝަން ދިން ސޯލާގެ ވާހަކަ ދޯ؟ އެންމެ އަހަރެއްތެރޭގައޭ؟ ދޮގު ހަދާއިރު އެއްވެސްކަހަލަ ބިރުވެތިކަމެއްވެސް ނެތް ދޯ؟ ފެށުންވެސް ދޮގުން. އަދިވެސް ދޮގު. ނިމުމަކަށްވާނީވެސް ދޮގު ކަން ނޭނގެ.