ރާއްޖެއަށް އިންޑިއާއިން ދޭ އެހީ 69 މިލިއަން ޑޮލަރަށް އިތުރުކުރަން ކަނޑައަޅައިފި

ރައީސް ޑރ މުއިއްޒު އާއި އިންޑިއާގެ ބޮޑުވަޒީރު މޯދީ ސަލާމް ކުރައްވަނީ. އެގައުމުން ރާއްޖެއަށް ދޭން ކަނޑައެޅި އެހީ ވަނީ ބޮޑުކޮށްފައި -- ފޮޓޯ: ރައީސް އޮފީސް

ފާތިމަތު ޝަނާ މުހައްމަދު، މިހާރު

01 ފެބުރުއަރީ 2025 - 14:52

21 comments

އިންޑިއާގެ 2025-2026 ގެ ބަޖެޓުގައި ރާއްޖެއަށް ކަނޑައެޅި އެހީގެ އަދަދު މިދިޔަ އަހަރަށް ކަނޑައެޅި ވަރަށް ވުރެ އިތުރުކުރަން ނިންމައިފި އެވެ.

މިއަދު ހުށަހެޅި ބަޖެޓުގައިވާ ގޮތުން ރާއްޖެއަށް ވަނީ އެހީގެ ގޮތުގައި 69 މިލިއަން ޑޮލަރު (އެއް ބިލިއަން ރުފިޔާ) ކަނޑައަޅާފަ އެވެ. މިދިޔަ އަހަރު ފާސްކުރި 2024-2025 ގެ ބަޖެޓުގައި ރާއްޖެއަށް ކަނޑައަޅާފައިވަނީ 54 މިލިއަން ޑޮލަރު (833 މިލިއަން ރުފިޔާ) ގެ ބަޖެޓެކެވެ. އެއީ އެ އަހަރަށް ލަފާކުރި އަދަދަށް ވުރެ 18 މިލިއަން ޑޮލަރު ދަށް އަދަދެކެވެ. އެ އަހަރު އެންމެ ފުރަތަމަ ރާއްޖެއަށް ދޭ އެހީގެ ގޮތުގައި ލަފާކުރީ 72 މިލިއަން ޑޮލަރު (1.1 ބިލިއަން ރުފިޔާ) އެވެ.

އިންޑިއާއިން ގައުމުތަކަށް އެހީގެ ގޮތުގައި ގާތްގަނޑަކަށް 250 މިލިއަން ޑޮލަރު (3.9 ބިލިއަން ރުފިޔާ) ދޭން ނިންމާފައިވެ އެވެ. އޭގެ ތެރެއިން އެންމެ ބޮޑު އެހީއެއް ދެނީ ނޭޕާލަށެވެ. އެގައުމަށް 80 މިލިއަން ޑޮލަރު (1.2 ބިލިއަން ރުފިޔާ) ގެ އެހީ ދޭން ނިންމާފައިވެ އެވެ.

ދެވަނައަށް އެންމެ ބޮޑު އެހީއެއް ދެނީ ރާއްޖެއަށެވެ. އެއީ އެގައުމުން އެހެން ގައުމުތަކަށް ދޭން ކަނޑައަޅާފައިވާ ބަޖެޓުގެ ގާތްގަނޑަކަށް 25 ޕަސެންޓެވެ.

ވެރިކަމާ ހަވާލުވެ ވަޑައިގަތް އިރު ރާއްޖެ އާއި އިންޑިއާގެ ގުޅުން ހީނަރުވެފައި އޮތަސް، އެގައުމަށް ރައީސް ޑރ. މުހައްމަދު މުއިއްޒު ކުރެއްވި ދަތުރުފުޅަށް ފަހު ގުޅުން އަންނަނީ ވަރުގަދަވަމުންނެވެ. މިދިޔަ މަހު އެގައުމަށް ރާއްޖޭގެ ފޮރިން މިނިސްޓަރު ޑރ އަބްދުﷲ ހަލީލު ވެސް ވަޑައިގެންނެވި އެވެ.

އިންޑިއާއިން ތިން ވަނައަށް އެންމެ ބޮޑު އެހީއެއް ދެނީ މޮރިޝަސްއަށެވެ. އެގައުމަށް 58 މިލިއަން ޑޮލަރު (894 މިލިއަން ރުފިޔާ) ދޭން ކަނޑައަޅާފައިވެ އެވެ.

އެ ތިން ގައުމުގެ އިތުރުން އިންޑިއާއިން އަންނަނީ އަފްޣާނިސްތާން، ބޫޓާން، ބަންގްލަދޭޝް، މިޔަންމާ، ލަންކާ، މޮންގޯލިއާ، ސީޝެލްސް އަށް ވެސް އެހީވަމުންނެވެ.

އެގައުމުން މި ނިމުނު އަހަރުގެ ބަޖެޓުން ގައުމުތަކަށް އެހީވުމަށް 293 މިލިއަން ޑޮލަރު (4.5 ބިލިއަން ރުފިޔާ) ގެ ބަޖެޓެއް ފާސްކުރި އެވެ.

ދައުލަތުގެ ބަޖެޓް ރާއްޖެ-އިންޑިއާ ޑރ. އަބްދުﷲ ހަލީލް (ފޮރިން މިނިސްޓަރު) އިންޑިއާ

21 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަދުހަމް ހަލީމް

03 February 2025

މި ހަބަރު ކިޔާފަ އެމްޑީޕީ މީޙުންނަ ނިކަން އުދަގޫވާނެ. އެމީހުން ހީކުރީ އެމީހުންގެ ވެރިކުގަ އެކަނި ކަމަށް މިކަން ވާނީ. ހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީން

02 February 2025

ޔާމީން ރުޅިއަޔަސް މިއަދަކު އިންޑިއާ ސިފައިން މިގައުމަކުއެއްނެތް، ހުދު އޭނަވެސް މިހާރު އެވާހަކަ ނުދައްކާ. މުއިއްޒު ދެކެ ރުޅިއަންނަނީ އެހެން ކަމެއްވެގެން. ވެރިކަން އަތުން ގެއްލުނީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރުޝިދް

02 February 2025

އަހަރުމެންގެ ގައުމުގެ ބޮޑުބައެއް ވިއްކާ ނުލާވެސް އިންޑިއާ ގާތް ގުޅުމެއް ބޭއްވިދާނެކަން މިހާރު ދިވެހި ރައްޔިތުން ގަބޫލުކުރޭ. އެކަން ގަބޫލު ނުކުރަނީވެސް ހަމަ އެންމެ ބައިގަނޑެއް. އެއީ އެމްޑީޕީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުފްޝާން

02 February 2025

އަހަރުމެންގެ އެންމެ ގާތް އަވަށްޓެރި ގައުމު އިންޑިއާގެ ބޭނުން މިއަދުގެ ސަރުކާރުން މިހިފަނީ އެންމެ ރަނގަޅަށް. އިންޑިއާ އިން މިހާރު ހިލޭ އެހީ ދިނަސް ކަމަކަށް ޑިމާންޑު ކުރާތަނެއްނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުމާމް

02 February 2025

ގައިމު މިހާރު މިގައުމުގަ ނުދައްކާ އިންޑިއާ ސިފައިން ތިބި ވާހަކައެއް. ސިފައިން ބާލާފަ އަހަރުމެން އެންމެ އެދޭ ގާތް ގުޅުމެއް މިހާރު މިއޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމްދޫންް

02 February 2025

އިންޑިއާ ގުޅުން ބަދަހި ކުރުމުގެ ނަތީޖާ މިފެނިގެންދަނީ. ޔާމީންގެ މަޅީގަ ނުޖެހި ގައުމުގެ މަސްލަހަތު އިސްކޮށް ރައީސް މުއިއްޒު ނެންގެވި ހަރުދަނާ ފިޔަވަޅުގެ ނަތީޖާ މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންމި ޝަމީމް

02 February 2025

ރައީސް މުއިއްޒު ތަފާތުވާނެ. އަންނަނީ ތަފާތު ދައްކަމުން. މި ގައުމަށް ލާރި ވަންނަ ކޮންމެ ދޮރެއް ހުޅުވަމުންދާތަން ފެންނަމުންދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމިއު

02 February 2025

އެމްޑީޕީ އިން މޭކަރާނެ. އެމީހުންގެ ސަރުކާރު އޮތްއިރު އިންޑިއާއިން ނުވާ އެހީ މިސަރުކާރަށް ދޭކަމީ ފެންނަ ހަގީގަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިރުޒާގް

02 February 2025

މުއިއްޒު ވަރަށް ކޮލެޓީ އިނގޭ ގައުމުތަކާ ގުޅުން ބާއްވަން. އެއޮށްބޮޑު އިންޑިއާ އާ ޗައިނާ ދެމެދު ގާތް ގުޅުމެއް އޮތްތަން ފެނިގެން މިދަނީ. މީ އަދި މިގައުމުގެ އެއްވެސް ވެރިޔަކަށް ވެފައޮތް ކަމެއްނޫން