މާލެ ސަރަހައްދުގެ 46،251 ގެއަކަށް ކަދުރު ދޫކޮށްފިން: މިނިސްޓްރީ

ސައުދީން ހަދިޔާކުރި ކަދުރު ބެހުމުގެ މަސައްކަތުގެ ތެރެއިން -- ފޮޓޯ: ނިޝާން އަލީ/ މިހާރު

05 ފެބުރުއަރީ 2025 - 18:37

ކުރިއަށް އޮތް ރޯދަމަހަށް ހާއްސަ ކޮށްގެން މާލެ ސަރަހައްދުގެ 46،251 ގެއަކަށް ކަދުރު ބަހާފައިވާ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

އެ މިނިސްޓްރީން މިދިޔަ މަހުގެ 20 ވަނަ ދުވަހު ބަހަން ފެށި 50 ޓަނުގެ ކަދުރުގެ ތެރެއިން މާލެ އާއި ވިލިމާލެ އާއި ހުޅުމާލެ އަށް ކަނޑައެޅި ކަދުރު ވަނީ ބަހައި ނިންމާފައި ކަމަށް ބުނެފައި ވެ އެވެ.

އިސްލާމިކް މިނިސްޓްރީން މިއަދު ބުނީ، މާލެ ސަރަހައްދުގެ 46،251 ގެއަކަށް 11،375 ޕެކެޓުގެ ކަދުރު ދޫކޮށްފައިވާ ކަމަށެވެ. އަދި ކައުންސިލްތަކަށް ވަނީ 56،461 ގޭބިސީއަށް ވާ 10،788 ޕެކެޓު ދޫކޮށްފައި ކަމަށް އެ މިނިސްޓްރީން ބުންޏެވެ.

އިސްލާމިކް މިނިސްޓްރީން ބުނީ މިހާތަނަށް 22،163 ކަދުރު ޕެކެޓު ބަހާފައިވާ ކަމަށެވެ.

މިހާތަނަށް 19 ޖަމިއްޔާއަކުން ކަދުރު ބޭނުންވެގެން ނޯޓު ކޮށްފައިވީ ނަމަވެސް، އެއްވެސް ޖަމިއްޔާއަކަށް އަދި ދޫކޮށްފައި ނުވާ ކަމަށް ވެސް އެ މިނިސްޓްރީން ބުންޏެވެ.

އިސްލާމިކް މިނިސްޓްރީން ކުރިން ބުނި ގޮތުގައި، ސިޓީތަކާއި ރަށްރަށުގައި ކަދުރު ބަހާނީ މީހުން ދިރިއުޅޭ ގޭގެތަކުގެ ތެރެއިން ކަދުރު ބަލާ ދާ ތަރުތީބުން ކޮންމެ ގެއަކަށް އެއް ޕެކެޓެވެ.

ރާއްޖެ އަށް މި ފަހަރު ލިބުނު ކަދުރުން ކޮންމެ 100 ގެއަކަށް ޖެހެނީ 25 ޕެކެޓް ކަދުރެވެ.

ކަލަންޑަރުގައިވާ ގޮތުން މި އަހަރުގެ ރޯދަމަސް ފަށާނީ އަންނަ މާޗު 1 ގަ އެވެ.

ސައޫދީ އަރަބިއްޔާ ރާއްޖެ-ސައުދީ ކަދުރު ރަމަޟާން 2025

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ނާޑުވާ

07 February 2025

މ‫ާލޭގެ 46000 ގެޔަކަށް 11000 ޕެކެޓް ކަދުރު ދޫކުރިގޮތެއް ނުވިސްނިގެން ހިސާބު ޓީޗަރަށް ގުޅީމަ އޭނަ މާލެ ދޫކޮށް ފުރައިގެން ހިނގައްޖެ. ސްކޫލް ހިސާބު މަންހަޖުގެ މި ފޯމިއުލާ ހިމަނާލަދެއްވުމަށް ސަރުކާރަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު

06 February 2025

މީ ކޮންއިރަކު ހިނގި ކަމެއްބާ؟ ކަދުރެއް ނުލިބޭ މާލޭ ސަރަހައްދުގަ މިހިރީ ބިލް ދައްކާ 4 މީޓަރ އެބައިން ކަދުރުގެ ހިލަމެއްނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

06 February 2025

ނުބައި މައުލޫމާތެކެވެ. 46251 ގެއަކަށް ކަދުރެއް ނުދެ އެވެ. ކަދުރު ދިނީ 46251 ކަރަންޓް މީޓަރަށެވެ. ބައެއް ގޭގޭ 10 އަކަށް ވުރެ ގިނަ ކަރަންޓް މީޓަރު ހުރެ އެވެ. ރާއްޖެ އަށް މި ފަހަރު ލިބުނު ކަދުރުން ކޮންމެ 100 ގެއަކަށް ޖެހެނީ 25 ޕެކެޓް ކަދުރެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމާދް

06 February 2025

ހަތަރު ފަސް ގެޔަކަށް އެކަކު އެއްފަހަރުމަތިން ނެގެން އޮތުން ގޯސް. 100 ގެޔަކުން 25 ގެޔަކަށް ދޭ ވަރަށް ހުރިއްޔާ އެކަކަށް އެއްގެޔަށް ވުރެ ގިނަ ގެޔަށް ނެގޭ ގޮތަށް އޮތުމަކީ އެންމެ އިންސާފުވެރިގޮތެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމީ

06 February 2025

ތިޔަ ލިބުނު ބަޔަކާއި ދިމާނުވެގެން މިއުޅެނީ! އެއީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންހުއްތު ބޭގެ ނުކިޔެވާ

06 February 2025

ދޮންކަލޯމެން ކަދުރު ބެހީ ކަރަންޓު މީޓަރ އަށް! އަހަރެން ދުވަހަކު ވެސް ނުދެކެން މި ގޮތަށް ޞަދަޤާތަށް ބަހަން ފޮނުވާ އެއްޗެހި ކަރަންޓު ބިލަށް ބަހާ ޤައުމެއް؟ލަފާ ކުރެވެނީ މަސް ކޭސް ވެސް ދޭނީ ކަރަންޓް މީޓަރަށް