ޚަބަރު / އިބްރާހިމް އަމީރު، ކުރީގެ ފިނޭންސް މިނިސްޓަރު

ހަރަދުން ސަލާމަތް ކުރަން ބުނި 7.7 ބިލިއަން ސަޕްލިމެންޓު ކުރާނެ: އަމީރު

11 ފެބުރުއަރީ 2025 - 20:47

ރާއްޖޭގެ މާލީ އަދި އިގުތިސާދީ ހާލަތާ ގުޅިގެން، ހަރަދުތައް ކުޑަކުރަން ދައުލަތުގެ މި އަހަރުގެ ބަޖެޓުގައި ހިމެނި އެއްވެސް ފިޔަވަޅެއް ތަންފީޒު ކުރަން އެއްވެސް ކަމެއް ނުކުރާ ކަމަށާއި އެއްވެސް ޕްލޭނެއް ނެތި ހަރަދުތައް ވެސް އިތުރުވެފައިވާ ކަމަށް އެމްޑީޕީގެ އެންމެ ފަހުގެ ސަރުކާރުގެ ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.

ގައުމުގެ މާލީ ހާލަތާ ގުޅޭ މައުލޫމާތު ހިއްސާކުރަން އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އަމީރު ވިދާޅުވި ގޮތުގައި، ސަބްސިޑީ އާއި އާސަންދަ އާއި ޕެންޝަން އަދި ސަރުކާރު ހިއްސާވާ ކުންފުނިތަކުގެ ހިންގުން ހަރުދަނާކުރުން ފަދަ ދައުލަތް ހިންގުމުގެ ހަރަދުތައް ކުޑަކުރުމުގެ ގިނަ ފިޔަވަޅުތަކެއް ބަޖެޓުގައި ހިމަނައި، ސަރުކާރުން އިއުލާނުކޮށްފައިވާ ކަމަށެވެ.

ނަމަވެސް، އަހަރުގެ ދެވަނަ މަސް ނިމުމުގެ ކުރިން، ސަރުކާރުގެ ރާގު މުޅިން ބަދަލުވެ، ހަރަދުތައް ކުޑަކުރުމުގެ ފިޔަވަޅުތައް ތަންފީޒު ކުރުމުގެ ބަދަލުގައި، އެ ކަންކަމުގެ ހަރަދުތައް އަދިވެސް އިތުރުވާ ގޮތަށް، ރައްޔިތުންނަށް ވައުދުތައް ވަމުންދާ ކަމަށް އޭނާ ވިދާޅުވި އެވެ.

"ބަޖެޓުގައި އެބައޮތް 7.7 ބިލިއަން ރުފިޔާ ހަރަދުތައް ކުޑަކޮށްގެން ސަލާމަތްވާނެ ކަމަށް ލަފާކޮށްފައި. ނަމަވެސް މި ފެންނަނީ ޖެނުއަރީ މަސް ނިމިގެންދާއިރު ހަރަދު ކުޑަކުރުމުގެ އެއްވެސް ވިސްނުމެއް ވެސް ނެތް. މި 7.7 ބިލިއަން ރުފިޔާ ސޭވް ކުރެވޭނެ އެއްވެސް ގޮތެއް ނެތް،" އަމީރު ތުހުމަތު ކުރެއްވި އެވެ.

މި މިސްރާބުގައި ކުރިއަށް ދާ ނަމަ، އޭނާ ލަފާކުރެއްވި ގޮތުގައި، އެ އަދަދު ފޫބެއްދުމަށްޓަކައި މި އަހަރު 7.7 ބިލިއަން ރުފިޔާގެ ސަޕްލިމެންޓްރީ ބަޖެޓެއް ހުށަހަޅާނެ އެވެ.

ނޫސްވެރިންގެ ބައްދަލުވުމުގެ ތެރެއިން، އަމީރު ވަނީ މާލީ އެކި ހިސާބުތައް ހިއްސާ ކުރައްވައި، ސަރުކާރުން ދެއްކި، އަދި ދައްކަމުންދާ ވާހަކަތަކާ އަމަލު ދިމާނުވާ ކަމަށް ތަކުރާރުކޮށް ތުހުމަތު ކުރައްވައިފަ އެވެ.

އޭނާ ވިދާޅުވި ގޮތުގައި، މި ސަރުކާރުން ފެށި ތަރައްގީގެ މަޝްރޫއުއެއް އަދި ނެތަސް، ކޮންމެ ރަށަކަށް ތަފާތު އެކި ވައުދުތައް ދަނީ ވަމުންނެވެ.

އެކަމަކު، އެ އިން އެއްވެސް މަޝްރޫއެއް ކުރިއަށް ގެންދާނެ އެއްވެސް ޕްލޭނެއް އަދި މިސްރާބެއް ވެސް މި ސަރުކާރުގައި ނެތް ކަމަށް އޭނާ ވިދާޅުވި އެވެ.

"ތަރައްގީގެ މަޝްރޫއުއެއް ހިންގޭނީ ބަޖެޓު ރަނގަޅަށް މެނޭޖުކުރެވިގެން،" މިހާރަށް ވުރެ ޒިންމާދާރުކޮށް މާލީ ކަންކަން ކުރިއަށް ގެންދަން ސަރުކާރަށް އިލްތިމާސް ކުރައްވަމުން އަމީރު ވިދާޅުވި އެވެ.

އޭނާ ވިދާޅުވި ގޮތުގައި، ދަރަނި ނެގުން ވެސް މި ސަރުކާރުގައި އިތުރުވެފައިވާ އިރު، މި ސަރުކާރުގެ ފަސް އަހަރު ނިމޭއިރު، ދައުލަތުގެ ދަރަނި 200 ބިލިއަން ރުފިޔާއަށް އަރާނެ ކަމަށް ލަފާކުރެވެ އެވެ.

ރީފޯމް އެޖެންޑާ ދައުލަތުގެ އާމްދަނީ ރާއްޖޭގެ އިގްތިސާދު ދައުލަތުގެ ހަރަދު އިބްރާހިމް އަމީރު، ކުރީގެ ފިނޭންސް މިނިސްޓަރު ދައުލަތުގެ ބަޖެޓް 2025

40 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ ބުނީ

12 February 2025

އެކޮއެ ދެން އަނގަނުތަޅާ މަޑުން ހުރެބަލަ. އަދިވެސް ހީވެލައްވަނީތޯ ތީ ފިނޭންސް މިނިސްޓަރ އޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޓީ

12 February 2025

އަމީރޫ. ތިބޭފުޅާ އަދިވެސް ދުނިޔޭގަ އެބަ އުޅެން ދޯ...... އެންމެ ޕްލޭން ކުރަން އިނގޭ ސޮރު ތީ. އެކަން ދައްކާލާއިފި ތިބޭފުޅާ ފިނޭންސް މިނިސްޓަރަކަށް ހުރި އިރު. ހަހަހަހަހަހަ. ތިބޭފުޅާ ކަހަލަ ދެތިން ހައެއްކަ މީހުން އަދި ބޭނުން ވަނީ. އޭރަށް ގައުމު އެއްކޮށް ހިންގައިގަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައިމިންް

12 February 2025

ފަސް އަހަރު ނިމޭއިރު 500 ބިލިއަނޭ ނުބުނީ ކީއްވެ؟ 200 ބިލިއަނޯ. ކަލޭ ލަދެއް ނުގަނޭތަ ބިލިއަނޭ ކިޔާކަށް. މައުމޫން، އަންނި، ވަހީދު، ޔާމީން، މި އެންމެން އެއްކޮށްގެންވެސް އަރުވާފަ ހުރި ދަރަނީގެ ޑަބަލް ޓްރިޕަލް އިތުރުވެފަ ހުރީ ކަލޭމެން ވެރިކަމުގަ. މިވަރުގެ މީހުން ދަރަންޏޭ ނުކިޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާ އަންވަރުު

12 February 2025

މިނިސްޓަރ އަމީރު ބަހެއް ނުބުނި ނަމަ މާ ތާހިރުވީސްއެއްނު. މިތާ ކޮމެންޓްތައް ކިޔާލުމުން އިނގިއްޖެ ރައްޔިތުން އަމީރު ދެކެ ނަފްރަތު ކުރާ މިންވަރު. ރައްޔިތުންނަށް ހެޔޮ އެދޭ މީހުންނާ ދިމާލަށް މިވަރަށް ވަގަކަށް ނުގޮވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރިއްޕެެ

12 February 2025

މި ގައުމަށް އައި އެންމެ ކަޑަ ފިނޭންސް މިނިސްޓަރު ހާދަހާވާ ކަންކަމެއް އިނގިގެނޭ މިއުޅެނީ. ލަފާކުރަން ތިބޭފުޅާ ތީ ކާކު؟ ތިވަރަށް ކަންކަން ލަފާ ކުރަން އިނގުނު ނަމަ ގައުމު ބިލިއަނުން ދަރުވާ ނުލީސް ފައްޔާޒާ އެކީ. އެއީ ދެން ހުރި މ. އެކޮނިމިކް މިނިސްޓަރަކަށް ހުރީ ޖީޑީޕީ ނޭގޭ މީހެއް. ފިނޭންސް މިނިސްޓަރަކަށް ހުރީ ލާރި ޗާޕު ކުރީމަ ވާނުވާ ނޭގޭ ވަރު މީހެއް. މިވަރުގެ މީހުން އަދިވެސް ވާހަކަ ދައްކަނީ ރައްޔިތުން މި މީހުން ބަލައިގަންނާނެ ކަމަށް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިފޫ

12 February 2025

މާލީ ކަންކަން ތިވަރަށް އިނގޭ މީހާ ލާރި ޗާޕު ކުރާ މެޝިނެއް ގޭގަ ބަހައްޓައިން ލާރި ޗާޕު ކޮށްކޮށް ވާނުވާ ވެފަތަ ތިހުރީ؟ ކަލޭމެން ސަރުކާރުން ކަންކަމުގެ ހައްލަކީ ލާރި ޗާޕު ކުރުން ކަމުގަ ވިޔަސް އެހެން މީހުން ކަންކޮށް އުޅެނީ އެހެނެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސްމާލުންގެ ފަސް

12 February 2025

10.75 ޕަސެންޓުގައި ދަރަނި ނެގި (ސުކުކް ވިއްކި) މިނިސްޓަރު މިކިޔަނީ ކީކޭ؟ އަމީރު ފައްޔާޒު އިސްމާއިލް އިބޫ ސޯލިހު ރަނގަޅުވާނީ ޕޮލިޓިކްސް އިން ދުރުވެ އެމްޑީޕީ އާބަޔަކާއި ހަވާލު ކުރެއްވިއްޔާ. ޔޫ ހޭވް ނޯ މޯރަލް އޮތޯރިޓީ ޓު ޓޯކް އެބައުޓް ޕަބްލިކް ޑެޓް. ސާފު ވެއްޖެ ކަމަށް ހީކުރަން. ވަރަށް ބޮޑަށް ޝުކުރިއްޔާ