މީރާއިން ބަޔަކަށް ޚިދުމަތް ދެނީ: ލިބުނު އާމްދަނީގެ ބޮޑު ބަޔަކީ ޖީއެސްޓީ-- ފޮޓޯ/މިހާރު
12 މާޗް 2017 - 21:41
8 comments
މޯލްޑިވްސް އިންލެންޑް ރެވެނިއު އޮތޯރިޓީ (މީރާ) މެދުވެރިކޮށް މިދިޔަ މަހު ދައުލަތަށް ލިބުނު އާމްދަނީ އެއް ބިލިއަން ރުފިޔާ އަށް އަރާ ކަމަށް މީރާ އިން ބުނެފި އެވެ.
މީރާ އިން ބުނި ގޮތުގައި އެއީ މިދިޔަ މަހު ލިބޭނެ ކަމަށް އެ އޮތޯރިޓީން ލަފާކުރި އަދަދަށް ވުރެ 15 ޕަސެންޓް އިތުރު އަދަދެކެވެ. އެކަމަކު މިއީ މިދިޔަ އަހަރުގެ ފެބްރުއަރީ މަހު ލިބުނު އަދަދަށް ވުރެ ކުޑަ އަދަދެކެވެ. މިދިޔަ އަހަރުގެ ފެބްރުއަރީ މަހު ލިބުނު އަދަދު އިތުރުވީ އިކުއިޒިޝަން ކޮސްޓްގެ ގޮތުގަ އާއި ކޮންވާޝަން ފީ އާއި ލީސް ޕީރިއަޑް އެކްސްޓެންޝަން ފީގެ ގޮތުގައި ގިނަ އަދަދެއްގެ ފައިސާ އޭރު ލިބުމުން ކަމަށް މީރާ އިން ބުންޏެވެ.
މިދިޔަ މަހު ލިބުނު އެއް ބިލިއަން ރުފިޔާގެ ތެރެއިން ބޮޑު ބަޔަކީ މުދަލާއި ޚިދުމަތުގެ އަގުން ނަގާ ޓެކްސް (ޖީއެސްޓީ) ގެ ގޮތުގައި ލިބުނު ފައިސާ އެވެ. ޖީއެސްޓީގެ ގޮތުގައި 638 މިލިއަން ރުފިޔާ ލިބުނު އިރު ދެ ވަނަ އަށް އެންމެ ބޮޑު އަދަދެއް ލިބުނީ ވިޔަފާރީގެ ފައިދާ އިން ނަގާ ޓެކްސް (ބީޕީޓީ) އިންނެވެ. ބީޕީޓީން 136 މިލިއަން ރުފިޔާ ލިބުނު އިރު ގްރީން ޓެކްސް އިން 64 މިލިއަން ރުފިޔާ އަދި އެއާޕޯޓް ސާވިސް ޗާޖްގެ ގޮތުގައި 45 މިލިއަން ރުފިޔާ ލިބިފައިވެ އެވެ. އަދި ލޭންޑް އިކުއިޒިޝަން ފީ އާއި ކޮންވާޝަން ފީގެ ގޮތުގައި 24 މިލިއަން ރުފިޔާ ލިބުނުއިރު އެހެނިހެން ޓެކުހާއި ފީގެ ގޮތުގައި 93 މިލިއަން ރުފިޔާ ލިބިފައިވެ އެވެ.
މިދިޔަ މަހު ލިބުނު ފައިސާގެ ތެރެއިން 632 މިލިއަން ރުފިޔާއަކީ އެމެރިކާ ޑޮލަރުން ލިބުނު ފައިސާ ކަމަށް މީރާ އިން ބުންޏެވެ. އެއީ 41 މިލިއަން އެމެރިކާ ޑޮލަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚިޔާލް123
13 March 2017
މިއެއްބިލިއަން ލިބިގެން މިއަދު ދިވެހިސަރުކާރު ފަޚްރުވެރިމިވަނީ މިވަގުތު ތިޔަސަރުކާރުން އެންމެ ރުޅިއަރާ މިހައިގެ ސަބަބުންނެވެ.
ފޮނިކަލޯ
13 March 2017
ބަލަ، ތިނަގަނީ ހަމަ ނިކަމެތި ރައްޔަތުން އަތުން ނެގޭ ފައިސާކޮޅު ތިކަމާ މާހިތްމޮޅުވެ ދުވާލަކު އެއްފަހަރު ފާޑު ފާޑުގެ ބަޔާންނެރުން ތީ މާމޮޅުކަމެއްނޫ އަދިވެސްބަލާބަލަ ވިޔަފާރި ވެރިޔަކު ކޮޅާލެވޭތޯ މާމޮޅައް ހިސާބުދަންންބަޔެކޯ.......÷
އަލީޝާކިރު
13 March 2017
މާދަމާ ސްޓެލްކޯ އިންވެސް ފަޚުރުވެރިކަމާއެކު ބުނާނެ، ކަރަންޓްގެ އަގައް ގެނައި ބަދަލާ ގުޅިގެން ސަރުކާރަށް މަހަކު 30 މިލޔަން ރުފިޔާ އިތުރައް ހޯދައިދީފީމޭ.
އަލީ
13 March 2017
ކިތަންމެ ފައިސާއެއް ލިބުނަސް ވަރިހަމަ ރައްޔިތަކަށް ވީ ލުޔެއް ހަމަ ހަރާން ރައްޔިތުންނަށް ދަތިކުރިވަރުވީ ބޮޑު
ޕޕޕ
13 March 2017
ފަހުރުވެރިވުން ހައްޤު. އެހެންޏާ މީ އެމީހުން ކަންނެއްޔަށް ގޮސްގެން ދައުލަތައް ހޯދައިދޭ ފައިސާވިއްޔަ..މިވަބާއިން އަޅަމެން ސަލާމަތް ކުރަށްވާށި.
އަލިކަތީބު
13 March 2017
މިދިޔަމަހު 1 ބިލިޔަން ރުފިޔާ، އޭގެ ކުރީމަހު 2.2 ބިލިޔަން ލިބުނު. އެކަމަކު މިދިޔަަމަހު 2.1 ބިލިޔަން ރުފިޔާގެ ޓީބިލް ވިއްކި. ކޮންތާކަށްބާ މިހުރިހާ ލާރި ވަންނަނީ؟؟ނަގާވަރަށް ލޯން ނަގާ އެވަރުންވެސް އޮންނަނީ ދެކޮޅު ނުޖެހިގެން ރައްޔިތުންއަތުން ކޮންމެސް އެއްޗެކޭކިޔާފަ ލާރިތަކެއް ނަގަންޖެހިފަ.
އަޔަންމޭން
13 March 2017
ބިލިޔަނުން އާމްދަނީ ލިބުނު ވާހަކަ ދައްކާއިރު ކިތައް ވިޔާރިއެއް އިނދަ ޖައްސާލާފަތޯ ތިޔަ ބޮޑާވަނީ...
ހުސައިންގެ ދަރި
12 March 2017
މީރާއިން 2 ބިލިއަން ލިބިގެން އެކަން ފާހަގަކުރަން ބޮޑު ޕާޓީއެއް ބޭއްވި. ސުވާލަކީ ރައްޔިތުން ފައިސާގެންގޮސް ދިނީމާ އެ ބަލައިގަތުން އެއީ މީރާކުރި މާ މޮޅު ކަމަކަށް ވަނީ ކީއްވެހޭ؟ އެކަން މޮޅު ކަމަކަށް ވާނަމަ އެމް.އެމް.އޭ އަދި އެނޫންވެސް ބޭންކުން އެތަކެއް ބިލިއަނެއް ދުވާލެއްގެ މައްޗަށް ނަގާނެ. އެހެންވީމާ އެކަން ފާހަގަކުރުން އައުލާކަން ބޮޑި ކޮންބަޔަކަށްބާ؟ ޖަސްޓް ސޭއިން.