އިރުފުށި ރިސޯޓް. -- ފޮޓޯ: އިރުފުށި
14 މާޗް 2017 - 10:54
ނ. އިރުފުށި ރިސޯޓްގެ އެއްބަސްވުން އުވާލި މައްސަލާގައި ހިލްޓަން އިންޓަނޭޝަނަލް އިން ސަން ޓްރެވަލް އެންޑް ޓްއާސް އަށް 16.6 މިލިއަން ޑޮލަރު ދެއްކުމަށް ސިވިލް ކޯޓުން ކުރި ހުކުމް އިސްތިއުނާފު ކުރާނެ ކަމަށް ހިލްޓަން އިން ބުނެފި އެވެ.
ހިލްޓަންގެ ތަރުޖަމާނަކު "މިހާރު" އަށް ވިދާޅުވީ ސިވިލް ކޯޓުގެ ހުކުމާ މެދު ހިތްހަމަނުޖެހޭ ކަމަށާއި އެއީ ހިލްޓަންގެ މައްޗަށް އައިސްގެން ވާނެ ހުކުމެއް ކަމަށް ގަބޫލު ނުކުރެއްވޭ ކަމަށެވެ.
ދުނިޔޭގެ އެންމެ ބޮޑު އެއް ހޮޓެލް ޗެއިން ކަމަށްވާ ހިލްޓަންއާ އިރުފުށި ހިންގުން ހަވާލުކުރުމަށް ފަހު، އެއްބަސްވުމުގެ މުއްދަތު ހަމަވުމުގެ 16 އަހަރު ކުރިން ސަން ޓްރެވަލް އިން ވަނީ 2013 ވަނަ އަހަރު އެއްބަސްވުން އުވާލައި ރިސޯޓް އަތުލައިފަ އެވެ. އެ މައްސަލަ ސިންގަޕޫރުގެ ޓްރައިބިއުނަލް އަށް ހުށަހެޅުމުން ހިލްޓަން އަށް 26 މިލިއަން ޑޮލަރު ދެއްކުމަށް ސަން ޓްރެވަލްގެ މައްޗަށް ވަނީ އަމުރުކޮށްފަ އެވެ. އަދި އެ އަމުރު ތަންފީޒު ކުރުމުގެ މައްސަލަ ރާއްޖޭގެ ހައި ކޯޓަށް ވަނީ ހުށަހަޅައިފަ އެވެ. އެ މައްސަލަ ހައި ކޯޓުގައި އޮއްވައި، އެއްބަސްވުމުގައި ސޮއިކުރުވީ އޮޅުވާލައިގެން ކަމަށް ބުނެ ސަން ޓްރެވަލް އިން ސިވިލް ކޯޓަށް ހުށަހެޅި މައްސަލައެއްގައި އެ ކުންފުންޏަށް 16.6 މިލިއަން ޑޮލަރު ދިނުމަށް ހިލްޓަންގެ މައްޗަށް ވަނީ ހުކުމްކޮށްފަ އެވެ.
"... މައްސަލައެއް ކުރިމަތިވެއްޖެ ނަމަ ހައްލުކުރުމަށް ދެ ފަރާތުން ވަރަށް ތަފްސީލް ގޮތެއްގައި އެއްބަސްވެފައިވާ ގޮތުގެ މަތިން، އިންޓަނޭޝަނަލް އާބިޓްރޭޝަން ޓްރައިބިއުނަލަށް ހުށަހަޅައި ހިލްޓަންއާ އެއްކޮޅަށް މައްސަލަ އޮތީ ނިންމާފައި،" ތަރުޖަމާނު ވިދާޅުވި އެވެ.
ހިލްޓަންއާ އެއްކޮޅަށް މައްސަލަ ނިންމި ޓްރައިބިއުނަލް އަކީ އިންޓަނޭޝަނަލް ޗެމްބަ އޮފް ކޮމާސް (އައިސީސީ) ގެ ދަށުން ހިންގާ ތަނެއްކަން އޭނާ ފާހަގަކުރެއްވި އެވެ. އާބިޓްރޭޝަންގެ ނިންމުން ތަންފީޒު ކުރުމުގެ މަރުހަލާ އަދިވެސް ކުރިއަށްދާ ކަމަށް ތަރުޖަމާނު ވިދާޅުވި އެވެ.
ހިލްޓަންގެ މައްސަލަ ހައްލުނުވެ ގިނަ ދުވަސް ވާތީ އެ ކުންފުނީގެ ވެރިން ދިވެހި ސަރުކާރާ އެކު ވަނީ މަޝްވަރާތަކެއް ކޮށްފަ އެވެ. އަދި ކުންފުނި ނިސްބަތްވާ އެމެރިކާއިން އެ ގައުމުގެ ސަރުކާރުގެ އިސް އޮފިޝަލުން ވެސް ދިވެހި ސަރުކާރާ ވާހަކަ ދައްކާފައިވާކަން ވަނީ އެނގިފަ އެވެ. ހިލްޓަން އިން ސަރުކާރަށް ފޮނުވި ސިޓީއެއްގައި، ރާއްޖެއަކީ ޓޫރިޒަމްގެ މުހިންމު މާކެޓެއް ކަމަށާއި އެ ކުންފުނީގެ ކޮންރެޑަކީ އެންމެ ކާމިޔާބު އެއް އިންވެސްޓްމަންޓް ކަމަށް ބުނެފައިވެ އެވެ. އަދި އިރުފުށީގެ މައްސަލައިގެ ސަބަބުން ޓޫރިޒަމަށް ހުތުރު ނަން ލިބުމުގެ ފުރުސަތު އެބަ އޮތް ކަމަށާއި އެކަން އެގޮތަށް ވާން ނޭދޭ ކަމަށް ވެސް ސިޓީގައި ބުނެފައިވެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ދެފުޅިސަން
14 March 2017
ހިލްޓަނުން ރާއްޖޭގެ ކޯޓުތައް ދުކޮއްލާފަވީ ރާއްޖެއިން ބޭރުން ސިޔާމަށް އެހެންގޮތްގޮތުން ޕްރެޝަރު ކުރަން
އަލީ
14 March 2017
މަށަކީ ވާންހުރިކަންތައް އެގޭމީހެއްނޫން އެކަމަކު ތިކަމުގަ ވާންހުރިގޮތް މަ ބުނެފާނަން. ޝަރުއީ ހުރިހާ މަރުހަލާއެއް ނިންމާއިރުވެސް ހިލްޓަންއައް ތިކަމުގަ ކާމިޔާބެއް ނުލިބޭނެ.
ވިސްނާ
14 March 2017
މަވެސް ސަޕޯޓް ކުރަނީ ޔާމީނަށެވެ. އެކަމަކު ޖުޑީޝަރީގެ އިސް ދެތިން މީހަކު ޚުދުމުޚްތާރު ވުމަށް ފުރުސަތުދޭލެއް ބޮޑުކަމުން ރިޔާސީ އިންތިޚާބުގައި ކަންތަށް ކުރާނެ ގޮތެއް އަދި ނުނިންމަ މެވެ.
ބުއްޅަހޮއްކޮ
12 September 2017
ރައީސް ޔާމީނަށް ތާއީދު ކުރަމޭ ބުނެފަ ދެން ނިންމޭނެ އެހެން ގޮތެއް ނޯންނާނެކަން މީދާކޭ އުނބެއް ބޮލަކަށް ހުރި މީހަކަށްވެސް އިނގޭނެ. ދެން ކޮންހާ ބޭކާރު ވާހަކައެއް!!
ސިންގަޕޫރު
14 March 2017
މިފެންނަނީ ސިންގަޕޫރުގޮތަށް ތަރައްޤީ ވަމުން އަންނަ ރާއްޖޭގައި ކަންތައްތައް ނިމޭގޮތް. ދެން ބުނާނެ ބޮޑު ބިޔަ އިންވެސްޓަރުން އަބައާދޭ. އަދި މިކަހަލަ މީހުންނަށް އަހަރުމެން އެންމެންގެ ލާރި ބޭނުން ކޮށްގެން މިދެނީ ސޮވަރެއިން ގަރަންޓީ! ޕީ.ޕީ.އެމް ސަރުކާރު މިހާރު މިއޮތީ ހަމަ ރަނގަޅަށްވެސް މޮޔަފުޅުވެފަ.
މީހެއް
14 March 2017
ސަޕޯޓް ކުރަނީ ޔާމީނަށް، އެކަމު ސަން އަކީ ގާނޫނުން މަތީގައި އޮންނަ ކުންފުންޏެއް ބާއޭ ހިތަށްއަރާ. ބޮޑެތި ޗެއިންތައް އައީމަ ހަދާގޮތް މިހިރީ. މި އެކަންޏެއް ނޫން. ސަން އިރުފުށިން މުވައްޒަފުންނަށްވެސް ހަދަނީ ހަދާނެ އެއްޗެއް. ކުރިންދުވަހު އޮފްޑޭ ނަގަން މަޖުބޫރުކޮށްފި ކޮންމެ ހަފްތާއަކު. އަންހެނުން ކައިރިއަށް ދެން ދެވޭނީ އަހަރަކު ދެފަހަރު. މިކަހަލަ ޝަކުވާ މެނޭޖްމަންޓަށް ހުށަހެޅުމުން ބުނާނެ އަބަދުވެސް މަތިން އަންނަ އޯޑަރޭ، އިތުރު ކަމެއް ނެތޭ ކުރެވޭކަށް. އަޅުގަނޑުމެންވެސް އިންސާނުންމީ. މިމައްސަލަވެސް ޓްރައިބިއުނަލް އަށް ގެންގޮސްސިއްޔާ ހަމަދާނީ ކޮންކޮޅަކަށްކަން ވިސްނާލައްވާ.
މޫސަ
14 March 2017
މިސަރުކާރުން ޤަވްމުގެ އިގްތިސާދަކަށް ރީތިނަމަކަށް ނުބަލާނެ ކަން ސިވިލް ކޯޓުގެ ޙުކުމުން އެގޭނެ. އެމައްސަލަ ސަންޓްރެވަލްސްއިން ވެސް ހުށަހަޅަންޖެހެނީ ސިންގަޕޯރ އާބިޓްރޭޝަންއަށް އެފަރާތުގެ ނިންމުން ރަގަޅުނޫންކަމަށް ފެންނަ ނަމަ އިސްތިއުނާފް ކޯޓްތަކަށް ދާންވީ. އެކަމަކު ވަކިބައެއްގެ ހިސާރުގައިވާ ކޯޓްތަކަށް ހުށަހެޅީ ބޭނުންވާ ގޮތަށް އެކަން ނިންމުމަށް
ޖަހާމުގުރި
14 March 2017
ހެޔޮވާނީ ކިހިނެއް؟ ވަކި ގޮތަކަށް މައްސަލަ ނިފިފައި ވަނިކޮށް އިސްތިއުނާފު ކުރުމެއް ނެތި މި މައްސަލަ ބަދަލު އެ ކޮށްލީ މުޅިން އަނެއް ކޮޅަށް. ސަހަރޯ މިއޮތީވާ ދުނިޔެއެއް. ވަރަށް ވެދުން ؟؟؟؟؟
ތެދު
14 March 2017
މިކަން މިދިޔަ މަގު ނޭގޭ ފަނޑިޔާރެއް ޖުޑީޗަރީއަކު ނުހުން ނާނެ އެވެ.މިއީ ހަޤީޤަތް އެގިހުރެ ބުނި ބަހެކެވެ.
ކޮކޫ
14 March 2017
ކޮއްކޯ ރަށަށް ދާށެވެ.މިތަނުގައި މި އޮްތް ޖުޑީޗަރީގައި އިންސާފެއް ނުލިބޭނެ އެވެ.
ހެޔޮބަސް
14 March 2017
ދެން ދަން އޮތް ދެކޯޓްގެ "އިންސާފު ވެރިކަން" އަދި މާ ބޮޑަށް"އިންސާފު"ވެރި ވާނެ އެވެ.