ކޯސްޓް ގާޑު އުޅަނދެއް: މަހަށް ނިކުމެ އުޅެނިކޮށް ގެއްލިގެން ހޯދި މަރަދޫ ދޯނީ ފެނިފައިވާ ކަމަށް އެމްއެންޑީއެފުން ބުނޭ. -- ފޮޓޯ: އެމްއެންޑީއެފް
14 މާޗް 2017 - 10:48
12 comments
ކަންނެލި މަސްވެރިކަމަށް 13 މީހުންނާ އެކު ނުކުމެ އުޅުނިކޮށް ގެއްލިގެން އިއްޔެ ހޯދަމުން ދިޔަ އައްޑޫ މަރަދޫ ދޯނި ފެނިއްޖެ ކަމަށް އެމްއެންޑީއެފުން މިއަދު ބުނެފި އެވެ.
އެެމްއެންޑީއެފުން ބުނީ "އޮއިވަރު" ދޯނިން މަސްވެރިކަން ކުރަމުން ދިޔައީ ހދ. މަކުނުދުއާ 130 މޭލު ބޭރުން ކަމަށް އެ ދޯނީގެ ފަރާތުން މައުލޫމާތު ލިބިފައިވާ ކަމަށެވެ. އަދި ދޯންޏާ ކޯސްޓް ގާޑަށް ގުޅުނީ މިއަދު ހެނދުނު 8:07 ގައި ކަމަށް އެމްއެންޑީއެފުން ބުނެ އެވެ. އޭރު ދޯނި އޮތީ އއ. ތޮއްޑުއާ 12 މޭލު ބޭރުގަ އެވެ.
އެ ދޯނީގެ އެންމެންގެ ހާލު ވެސް ރަނގަޅު ކަމަށާއި މިއަދު މެންދުރު މާލެ ވަދެވޭނެ ކަމަށް ވެސް ދޯނިން މައުލޫމާތު ދީފައިވާ ކަމަށް އެމްއެންޑީއެފުން ބުންޏެވެ.
ފަހަކަށް އައިސް، މިގޮތަށް މަސްވެރިކަން ކުރަން ނިކުމެ އުޅޭ ދޯނިތަކުގެ ހަބަރެއް ނުވެގެން، ވަރަށް ގިނައިން ހޯދަން ޖެހެ އެވެ. މިދިޔަ މަހުގެ 20 ވަނަ ދުވަހު ބޮޑު ކަންނެއްޔަށް ނުކުތް ހއ. ތުރާކުނު "ބްލޫ ފިޝް" ދޯނި ގެއްލިގެން ހަފުތާއެއް ވަންދެން ހޯދި ފަހުން، އެ އެ ދޯނި ކޯސްޓުގާޑަށް ފެނުނީ މަސްވެރިކަން ކުރަން އޮއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯލިޝަންމީހުންތޯ
19 March 2018
ތީގާތިބީ އެމްޑީޕީ މީލުންތޯ ކޯލިޝަންމީހުންތޯ ބެލިތަ؟
ރަމްޒީ
15 March 2017
މިހެންވޫނަ ދޯނިހޯދަން ދިޔަ ޚަރަދު އޮޑިވެރިޔާއަތުން ނަގަންވީ. ޖޫރިމަނާވެސް ކުރަންވީ
GAN Island
14 March 2017
ރާއްޖޭގެ ގިނަކަންކަން ބަދަލު ކުރަން ރައްޔިތުން ހިފާފައިތިބިފަދައިން ދިވެހި ޤައުމީ ދިފާއީ ބާރުގައި ހުރި ''މައްސަލަތައް ހައްލު ކުރުމަށް'' ޤައުމީ ދިފާޢީ ބާރުގެ ޗީފް އާއި އެބޭފުޅާގެ ދަށުން ތިއްބެވި ޖެނަރަލުން މަސައްކަތް ކޮށް ދިގުމުއްދަތަކަށް އަމަލުކޮށް ހޭދަކުރާންވީ ޕްލޭނެއް އެކުލަވާލަންޖެހޭ. . . . ރާއްޖޭގެ ސަރަހައްދުގެ ސައްތައިން 80 އަކީ ކަނޑު ކަމުގައިވާއިރު ދިވެހި ޤައުމީދިފާއަށް ހޭދަކުރުމުގައިވެސް ބަޖޭޓް ކުރާންވާނީ މިދެންނެވިފަދައިން ކަނޑުގެ ސަރަހައްދު ބެލެހެއްޓުމަށް އިސްކަންދީގެން ކަމުގައި ދެކެން. . . ރާއްޖެހިމެނޭ ސަރަހައްދުގައި ބައިނަލް އަޤުވާމީ ކަނޑުއޮޅިތަކެއްވޭ. އެހެންކަމުން އެކަންކަމަށް ސަމާލުކަންދީގެން ރައްޖޭގެ ސަރަހައްދުގައި މަސްތުވާތަކެއްޗާއި އިމިޤްރޭޝަން ޤާނޫނު ތަކާއި ސާރޗް އެންޑ ރެސްކިއު މެރިންގ ސޭފްޓީ އާއި ބައިނަލް އަޤުވާމީ އުޅަނދު ތަކުގެ ހަރަކާތާއި އެތެރޭގެ އުޅަދު ތަކުގެ ރައްކޭތެރިކަމުގެ އިތުރަށް ޤައުމީ ޤުދުރަތީ މުއްސަނދިކަން ހިމާޔަތްކޮށް ރައްކާތެރި ކުރުމުގެ ކަންކަން އެކުލަވާލަންޖެހޭ. . . . މިކަންކަން ކުރެވޭނީ މާޅެއިން ބޭރަށް ހަރަކާތްތައް ނެރެ ހއ އަތޮޅާއި ހުވަދޫ އަތޮޅުގައި ކޯސްޓްގާރޑް ނޯތް ސެންޓަރަކާއި ކޯސްޓްގާރޑް ސަދަރން ސެންޓަރެއް ޤާއިމްކޮށް ރާއްޖޭގެ ކަނޑުބެލެހެއްޓުމާއި ބޯޑަރުގެ ރައްކާތެރިކަމާއި ރާއްޖޭގެ ކަނޑުގެ ސަރަހައްދުގައި ހިންގާ ޖަރީމާތަކަށް ދުވަހުން ދުވަހަށް ވަގުތުން ވަގުތަށް ހައްލުހޯދުމަށް މަސައްކަތް ކުރެވިގެން. . . . ނަތީޖާއެއްގެ ގޮތުން ދެދުވަހުން އެއްދުވަހު އުޅަދު ގެއްލިގެން ހާސްވެ ކަންބޮޑުވާ މައްސަލަވެސް ހައްލުވާނެ. އަދި ކަނޑޫމަގުން މަގުފޭރޭމީހުން ރާއްޖޭގެ ރިސޯޓްތަކަށް ވަގަށް އަރާ ތިޖޫރީ ފޭރުމާއި ރަށްރަށުގެ އޮފީސް ތަކުގެ ތިޖޫރީ ވަގަށް ނެގުމަށްވެސް ހައްލުތަކެއް ހޯދޭނެ
ހޯބޯ
14 March 2017
ކީކޭ ކިޔަން ތި އުޅެނީ!
އިބިރިހިންބެއްޔާ
14 March 2017
އަދި ސެޓަލައިޓު ފޯނުވެސް ގެންގުޅެން އަންގަންވީ.
ޔަހުޔާ މައުމޫނު
15 March 2017
މަމެން ތިޔާ ބުނާ ދޯންޏަށް ވެސް ވާނީ ހަވާލުކޮށްފައި ސެޓަލައިޓު ފޯނު ނަމަވެސް ތަމެން އައްޑޫ ބެއްޔާމެނަކައް އެފަދަ ވަސީލައްތައް ބޭނުން ކުރަންނޭނގޭ ބުނާކަށެއް މަމެންގެ ބިއުޓީ ފުލް ދުނިޔޭގެ ނަމޫނާ ޑިމޮކޮރެޓީކު ސުޕަރ ސަރުކާރުން ބުނާކަށެއްނެތީންމު....
ކަމަނަމަނަމަ
14 March 2017
"ނުގެއްލެ އެވެ. މަސް އައިނަކާ އެކު މާ ބޭރަށް ދެވުނީ އެވެ/"
އެނޮނީމާ
14 March 2017
ހަދަންވީގޮތަކީ ކަނޑު އުލަދެއް ފުރާއިރު ފުރުމުގެ ކުރިން އެކަން ވަކިބަޔަކަށް ( ސެންޓްރަލް ސެންޓަރަކަށް ނުވަތަ އެކިޒޯންތަކަށް ވަކިންވެސް ހެދިދާނެ) އަންގަން ލާޒިމްވާގޮތަށް ހަދަންވީ. އެތަނުން ރާއްޖޭގެ ކަނޑުގެ ސަރަހަށްދުގެތެރޭގަ ކުރެވޭ ކަނޑުދަތުރު ކުރެވޭ ހުރިހާ އުޅަނދެއްގެ މައުލޫމާތުގެ ރެކޯޑް ބަލަހަށްޓާ ގޮތަށް.
ހޯބޯ
14 March 2017
މިހާރުވެސް ގަވާއިދު އޮންނަނީ ތިހެން. އެކަން އެނގެނީ ކާކަށް!
ކޮލޮމްބޯ
14 March 2017
ގަވާއިދެއް ހަދަންވީ ކޮންމެ ތިން ދުވަހަކުން ތިން ދުވަހަކުން ކޮންމެ ދޯންޏެއްވެސް އޭގެ ވެރި ފަރާތަށް އުޅޭތަން ރިޕޯރޓް ކުރަން. އަދި ކޮންމެ ދޯންޏެއްގައިވެސް ސެޓެލައިޓް ފޯނެއް އޮތުން މަޖްބޫރުވާންވީ. މިގޮތަށް އަމަލު ނުކޮށްފިނަމަ..........
ސޮހޮލު
14 March 2017
ރަޖިސްޓަރީ ކުރާއިރު އާއި ސަލާމަތީ ހައްދާއިރު މިހާރުވެސް އުޅަނދު ތަކުގައި ވެސެލް ޓްރެކިންގ ހުންނަން މަޖުބޫރު. މައްސަލައަކީ އެބޭނުން ނުކުރާތީ ނުވަތަ ބޭނުންކުރަން ނޭނގޭތީ.
ބޯލަބޭ
14 March 2017
ކަނޑުއުޅަނދުފަހަރުގެ ސަލާމަތާއި ރައްކާތެރިކަމަށްޓަކައި ކައްޕިންނަށް މިހާރުހަދަންޖެހިފައިވާ ނިޔަމި ކޯސް ހަދަންޖެހޭތީވެސް މިހާރު އެއްޗެތި ގޮވާނަގަނީ. ތިމާމެންގެ ސަލާމަތަށްޓަކައި ކަމެއްކުރަން ސަރުކާރުން އެންގިޔަސް ނުރުހިފަ ތިބެނީ.ހެޔޮގޮތެއް ނެތް.