މިނިސްޓަރެއްގެ ފެންވަރުގައި ނަރީޝް ޔޫތު މިނިސްޓަރުގެ އެޑްވައިޒަރަކަށް

މީގެ ކުރިން ބޭއްވި ރަސްމިއްޔާތެއްގައި ނަރީޝް ވާހަކަދައްކަވަނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

16 މާޗް 2025 - 12:39

މާލޭގެ ޑެޕިއުޓީ މޭޔަރުގެ މަގާމުން މިދިޔަ ހަފުތާގައި އިސްތިއުފާ ދެއްވި އަހުމަދު ނަރީޝް، މިނިސްޓަރެއްގެ ފެންވަރުގައި ޔޫތު މިނިސްޓަރު އިބްރާހިމް ވަހީދު (އަސްވާޑު) އެޑްވައިޒަރަކަށް އައްޔަން ކުރައްވައިފި އެވެ.

ރައީސް އޮފީހުގެ ތަރުޖަމާނު ހީނާ ވަލީދު ވަނީ އެޑްވައިޒަރެއްގެ މަގާމަށް ނަރީޝް މިދިޔަ ބުރާސްފަތި ދުވަހު އައްޔަން ކުރެއްވިކަން ޔަގީން ކޮށްދެއްވައިފަ އެވެ. އިތުރު ތަފްސީލެއް ނުދެއްވަ އެވެ.

މިނިސްޓަރެއްގެ ފެންވަރުގެ މަގާމަކަށް އައްޔަން ކުރައްވައިފި ނަމަ އެ ބޭފުޅަކަށް މިނިސްޓަރެއްގެ މުސާރަ އާއި އިނާޔަތްތައް ލިބިވަޑައިގަންނަވާނެ އެވެ. މިނިސްޓަރަކަށް މުސާރާ އާއި އެލަވަންސްގެ ގޮތުގައި މަހަކު 66،000ރ. ލިބިވަޑައިގަންނަވާނެ އެވެ.

އިސްތިއުފާގެ ސިޓީއާއެކު ނަރީޝް މިދިޔަ ބުދަ ދުވަހު ވިދާޅުވީ، މާލޭގެ ޑެޕިއުޓީ މޭޔަރުގެ މަގާމުން ވަކިވެވަޑައިގަތީ ގައުމާއި ރައްޔިތުންނަށް އެހެން ހައިސިއްޔަތަކުން ހިދުމަތް ކުރައްވަން ފުރުސަތު ލިބިވަޑައިގަތުމުން ކަމަށެވެ.

ޕީޕީއެމްގެ ޓިކެޓުގައި ނަރީޝް ކައުންސިލަށް އިންތިހާބުވެވަޑައިގަތީ ޖޫން 21، 2021 ގަ އެވެ.

މާލޭގެ ޑެޕިއުޓީ މޭޔަރުކަމުން ނަރީޝް އިސްތިއުފާ ދެއްވުމުން މިއަދު ވަނީ އެ މަގާމަށް މާފަންނު ހުޅަނގު އުތުރު ދާއިރާގެ ޕީއެންސީގެ މެމްބަރު މުހައްމަދު އަރީޝް އިންތިހާބު ކޮށްފަ އެވެ.

ސިޔާސީ މަގާމުތައް ރައީސް އޮފީސް ޔޫތު މިނިސްޓްރީ

96 ކޮމެންޓް, 69 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

17 March 2025

ނަސްރީނުގާތު އަހާބަލަ އެކަކާ ސުމަކާވީމަ ވާނީ ކިހާވަރުހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

17 March 2025

ފުޓްސަލް ދަނޑު އަޅާ މިނިސްޓަރީއެއްގެ މިނިސްޓަރަށް އެޑްވައިޒު ދޭން މިނިސްޓަރުގެ ފެންވަރުގައި އެޑްވައިޒަރެއް ލާނީ، ގައިމު މިހާރު ހުރި މިނިސްޓަރުގެ ކަންފުޅެއް ނެތީމައި ނުވަތަ، މިނިސްޓަރީގެ މަސައްކަތްތައް އެހެން ލެވެލަކަށް ޖައްސައި މިނިސްޓަރީ އަކީ ދުނިޔޭގެ ފެންވަރުގެ ކުޅިވަރާ ހެވިކަމުގެ ވުޒާރާއަކަށް ހެދުމަށްޓަކައި ކަން ޔަގީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރުހެން

17 March 2025

މިކަހަލަ ދެއުޅިއެއް ނުވާ ކަންކަން ކުރާތީވެ މައްސަލައަކީ. މީ ކޮންކަމެއް ހާސިލްކުރަން ކުރިކަމެއް؟ ދައުލަތުގެ މާލިއްޔަތުން ފައިސާތަކެއް ނަގާފަ ދިނުން ކަހަލަ ކަމެއްމީ. މީނާގެ ފަރާތުން ދައުލަތަށް ލިބޭނެ އެއްވެސް އެއްޗެއް އޮތްހެނެއް ހިޔެއްނުވޭ. ކަމަކުނުދޭ މިހާރު ކަންކަން މިދާގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭނައިޓް

17 March 2025

މިއީ ވެރިކަމެއްހޭ ** ވެރިކަމެއް ހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްމާ ޒާހިރު

17 March 2025

ދެން ޑެޕިއުޓީ ގަވަރުނަރުކަން ދެއްވާ! 2 މިލިޔަން ޓޫރިސްޓުން ގެނައި ޑޮލަރު ގުނާނެ މީހަކު ބޭނުންވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

17 March 2025

އުނދުނެއްގެ ފެންވަރުގަ ފަހާފޮއްޓެއްވެސް ބެހެއްޓިދާނެ، ސަބަބަކީ ތިބުނާ ފެންވަރު އެއީ އެމީހަކު ހިތައްއެރި އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކުރީ ބެ

16 March 2025

މި 5 އަހަރު ނިމެންދެން ދެން ޝުކުރުކޮށްލައިގެން ތިބެންވީ. އެކަމު ދެން އެއްވެސް ބަޔަކަށް ވޯޓުލާން ދިއުން މި ނިމުނީ. އަނެއްކާވެސް 2027 ގަ އިވޭނެ ކޮންމެ ބަޔަކުވެސް ދީނާ، ގައުމާ ރަައްޔިތުންގެ ހައްގުގައޭ ކިޔާފަ ޕޯޑިއަމްތަކުން. ހެޔޮވިސްނުން ދެއްވާށި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

16 March 2025

ޒުވާނުންނަށް ފައިސާ ގުނުމުގެ ހުނަރު ދަސްކޮށްވޭ ޕްރޮގްރާމެއް ހިންގަން އެޑްވައިސް ދޭން ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަދޫ2

16 March 2025

ކިތެންމެ އަގުބޮޑު ސޫޓާއި ގަމީސްލިޔަސް ތީ ކިހާ ފެންވަރެއްގެ ކާކުކަން ގިނަ މީހުން ދަނޭ. ދުލަށްއައިހާ އެއްޗެއް އަޑަށް ބާރުލާފަ ކިޔަން ކެރުނަސް ތީކީ ރައްޔިތުން ބޭނުންވާފަދަ ބަދަލެއްނޫން.