އިޒްރޭލުން ލުބްނާނަށް ވެސް އަލުން ހަމަލާދެނީ

އިޒްރޭލުން ލުބްނާނަށް ދިން ހަމަލާއެއްގައި އިމާރާތެއް ހަލާކުވެފައި: މިއީ ހިޒްބުﷲގެ ރޮކެޓް ހަމަލާތަކުގެ ރައްދު ހަމަލާއެއް ކަމަށް އިޒްރޭލުން ބުންޏަސް، ހިޒްބުﷲ އިން ވަނީ ހަމަލާ ދިން ކަމަށް އިންކާރުކޮށްފައި. -- ފޮޓޯ: އޭއެފްޕީ

23 މާޗް 2025 - 09:44

2 comments

އިޒްރޭލުން އަލުން ފަލަސްތީނުގެ ޣައްޒާއަށް ހަމަލާތައް ފެށުމާ އެކު ބޯޑަރު ހުރަސްކޮށް، ލުބްނާނުން އިޒްރޭލަށް ރޮކެޓް ހަމަލާތަކެއް ދިނުމުން އެއީ ހިޒްބުﷲ އިން ދިން ހަމަލާތަކެއް ކަމަށް ބުނެ އިޒްރޭލުން އަލުން ލުބްނާނަށް ވެސް ހަމަލާ ދީފި އެވެ.

ނަމަވެސް ހިޒްބުﷲ އިން ވަނީ އިޒްރޭލަށް ދިން ހަމަލާތަކުގެ ޒިންމާ އުފުލުމަށް އިންކާރުކޮށްފަ އެވެ.

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި ޑިފެންސް މިނިސްޓަރު އިޒްރޭލް ކާޒް ވަނީ ލުބްނާނުގެ ހިޒްބުﷲ ގެ އެކި އަމާޒުތަކަކަށް ހޮނިހިރު ދުވަހު ދެ ފަހަރަށް ހަމަލާދީފައި ވާނެ ކަމަށް ބުނެފަ އެވެ. މިއީ އިޒްރޭލުން ލުބްނާނަށް ހަމަލާ ދިނުން މިދިޔަ އަހަރުގެ ނޮވެމްބަރު މަހުގެ 27 ވަނަ ދުވަހު ހުއްޓާލުމަށްވީ އެއްބަސްވުމަށް ފަހު ދިން އެންމެ ވަރުގަދަ ހަމަލާތަކެވެ.

ލުބްނާނަށް ދެ ވަނަ ފަހަރަށް ހަމަލާ ދިނުމަށް ފަހު އިޒްރޭލުގެ ޑިފެންސް މިނިސްޓްރީން ނެރުނު ބަޔާނެއްގައި ބުނީ މިއީ ރޮކެޓް ހަމަލާތަކުގެ ރައްދުގައި ދިން ހަމަލާގެ ބައެއް ކަމަށެވެ.

ލުބްނާނުން ބުނީ ދެކުނު ސަރަހައްދަށް އިޒްރޭލުގެ ހަމަލާތަކުގައި ފަސް މީހަކު މަރުވި ކަމަށާއި އޭގެ ތެރޭގައި ކުޑަ އަންހެން ކުއްޖަކު ވެސް ހިމެނޭ ކަމަށެވެ. އަދި ފަހުން ބުނި ގޮތުގައި އިރުމަތީ ސަރަހައްދަށް ދިން ހަމަލާތަކުގައި ތިން މީހަކު މަރުވި ކަމަށެވެ.

އިޒްރޭލުގެ އަސްކަރިއްޔާއިން ބުނީ ލުބުނާނުން އިޒްރޭލުގެ އުތުރުގެ ސަރަހައްދަށް ހޮނިހިރު ދުވަހު ހަ ރޮކެޓް ފޮނުވާލާފައިވާ ކަމަށާއި އޭގެ ތެރެއިން ތިން ރޮކެޓެއް އިންޓަސެޕްޓުކޮށް ވައްޓާލެވުނު ކަމަށެވެ. އެކަމަކު ހިޒްބުﷲ އިން ބުނީ މިއީ އެ ޖަމާއަތުން ދިން ހަމަލާތަކެއް ނޫން ކަމަށެވެ. އަދި މިއީ އިޒްރޭލުން ލުބްނާނަށް ދޭ ހަމަލާތައް ކުރިއަށް ގެންދިއުމުގެ އުޒުރެއްގެ ގޮތުން ދައްކާ ބަހަނާއެއް ކަމަށް ވެސް ބުންޏެވެ.

ގާޒާ ފަލަސްތީން ލުބުނާން އިޒްރޭލް

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލާމަސީލު

23 March 2025

އިސްރާއިލް ވަށައިގެންވާ މުސްލިމް ގައުމުތަކުން ބޯރޑަރ ބަންދުކޮށްލުމުން އިގްތިސާދީގޮތުން މައިތިރި ވެދާނެ. މުސްލިމް ގައުމުތަށް އެއްގަލަކަށް އަރައިފިނަމަ އިސްރާއިލް ޖެހޭނީ ސައިޒްވާން. އެކުވެރިކަމަކީ ގަދަފަދަ ބާރެއް.