މޯލްޓާއާ އެކު އިންވެސްޓުމަންޓު، ވިޔަފާރި އިތުރުކުރަން ފުޅާ މަޝްވަރާތަކެއް

ފޮރިން މިނިސްޓަރު ހަލީލް، މޯލްޓާގެ ބޮޑުވަޒީރުގެ ނައިބާ ބައްދަލުކުރައްވަނީ. --ފޮޓޯ: ފޮރިން މިނިސްޓްރީ

08 އެޕްރީލް 2025 - 07:23

ރާއްޖެ އާއި މޯލްޓާ ގުޅިގެން ގިނަ ދާއިރާތަކުން އެކުގައި މަސައްކަތް ކުރުމަށް ފޮރިން މިނިސްޓަރު ޑރ. އަބްދުﷲ ހަލީލް އިއްޔެ މަޝްވަރާ ކުރައްވައިފި އެވެ.

މޯލްޓާ އަށް ކުރައްވަމުން ގެންދަވާ ރަސްމީ ދަތުރުގެ ތެރެއިން، ހަލީލް ވަނީ އެ ގައުމުގެ ބޮޑުވަޒީރުގެ ނައިބު އަދި ފޮރިން އާއި ޓޫރިޒަމް މިނިސްޓަރު ޑރ. އިއަން ބޯގްއާ ބައްދަލުކުރައްވައިފަ އެވެ.

ފޮރިން މިނިސްޓްރީން ބުނީ، މޯލްޓާ އަކީ ރާއްޖެއާ ވަރަށް އެއްގޮތް ކަންތައްތަކެއް ހުރި ދެ ގައުމު ކަމަށާއި ހަލީލްގެ މި ދަތުރަކީ ދެ ގައުމުގެ ދެމެދު އޮތް ގުޅުން އިތުރަށް ބަދަހިކުރުމަށް އެޅުނު މުހިންމު ފިޔަވަޅެއްކަން ދެ ބޭފުޅުން ވެސް އެ ބައްދަލުވުމުގައި ފާހަގަކުރެއްވި ކަމަށެވެ.

Great to meet with the Deputy Prime Minister and Minister of Foreign Affairs and Tourism of Malta, @DeputyPMIanBorg.

We touched on the many parallels between the #Maldives and #Malta, both being small island nations that are members of the Commonwealth. We discussed exploring… pic.twitter.com/1zihkGgEYb
— Abdulla Khaleel (@abkhaleel) April 7, 2025

ކުދި ޖަޒީރާ ގައުމުތަކުގެ ހައިސިއްޔަތުން، ރާއްޖެ އާއި މޯލްޓާއާ ގުޅިގެން އިތުރަށް މަސައްކަތް ކުރެވޭނެ ގިނަ ދާއިރާތަކާ ގުޅޭގޮތުން ވެސް ހަލީލާއި އިއަން ބޯގް މަޝްވަރާ ކުރެއްވި ކަމަށް ފޮރިން މިނިސްޓްރީން ބުންޏެވެ.

ފޮރިން މިނިސްޓަރު ހަލީލް، މޯލްޓާގެ ބޮޑުވަޒީރުގެ ނައިބާ ބައްދަލުކުރައްވަނީ.--- ފޮޓޯ: ފޮރިން މިނިސްޓްރީ

އެ މިނިސްޓްރީން ބުނި ގޮތުގައި، އިއާދަކުރަނިވި ހަކަތަ އާއި ތިމާވެށި، ވިޔަފާރީގެ ފުރުސަތުތަކާއި ބޭރުގެ އިންވެސްޓްމަންޓްތައް އިތުރުކުރުމަށް މަސައްކަތް ކުރުމަށް ދެ ބޭފުޅުން ވަނީ އެއްބަސްވެވަޑައިގެންފަ އެވެ.

މީގެއިތުރުން، ޓޫރިޒަމާއި މަތީ ތައުލީމުގެ ދާއިރާއިން ގުޅުން ވަރުގަދަކޮށް، ދެ ގައުމުގެ ރައްޔިތުންގެ މެދުގައި ގުޅުން ބަދަހިކުރުމުގެ މުހިންމުކަމުގެ މައްޗަށް ވެސް ހަލީލާއި އިއަން ބޯގްއާ އަލިއަޅުއްވާލެއްވި ކަމަށް މިނިސްޓްރީން ބުންޏެވެ.

ހަލީލްގެ މި ދަތުރުގައި، މޯލްޓާގެ ބޮޑުވަޒީރުގެ ނައިބުގެ އިތުރުން، ކެބިނެޓުގެ އެހެން ބައެއް މިނިސްޓަރުންނާ ވެސް ބައްދަލުކުރެއްވުމަށް ހަމަޖެހިފައިވާ ކަމަށް ފޮރިން މިނިސްޓްރީން ވަނީ ބުނެފަ އެވެ.

ފޮރިން މިނިސްޓްރީ ޑިޕްލޮމެޓިކް ގުޅުން ޑރ. އަބްދުﷲ ހަލީލް (ފޮރިން މިނިސްޓަރު) ރާއްޖެ-މޯލްޓާ މޯލްޓާ

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދު...

08 April 2025

ޓޫރިޒަމް ކުރިއެރުވުމަށްވުރެ މުހިންމް އިންޑަސްޓްރީގައި އޮތް ބިދޭސީންގެ ނުފޫޒް ނައްތާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޓެ

08 April 2025

ޓޫރިޒަމް ކުރިއެރުވުމަށް މި ސަރުކާރުން ކުރާ މަސައްކަތަކީ އަގު ވަޒަން ކުރަން ޖެހޭ ވަރުގެ ކަންތައް. މި ތަންތަން ފެނި ސޯލިހުމެން ހިތްތަކަށް ވަރަށް އަސަރު ކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު....

08 April 2025

މުޅި އިންޑަސްޓްރީ އާ، އަދި ޓްއަރިޒަމް ވިޔަފާރިތައް ބިދޭސީންގެ އަތުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޔާސް

08 April 2025

ފޮރިން މިނިސްޓަރު މިއުޅެނީ އިރާފައެއްނު. ޓަފް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލާމު

08 April 2025

ބުނައްޗޭ އިންވެސްޓަރ ކޮންފިޑެންސް 100 ގެ ގައުމެކޭ. ހުރިހާ ބާރުތަކާއި މިނިވަން މުއައްސަސާއެއް އޮތީ ވެރިޔާގެ މުށުތެރޭގައޭ! މޯލްޓާގެ ވިޔަފާރިވެރިން ތިބޭނީ ކެތްމަދުވެފައި ރާއްޖޭގައި އިންވެސްޓް ކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިކޮއެ/ހުޅުމާލެ

08 April 2025

ތިހެން ދަމުން ދަމުންގޮސް އެންޓާޓިކާއާ ވެސް ވިޔަފާރި ފުޅާކުރަން ހިފާނެ. ބޯހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޓު ދަތުރުކުރާ ހިތްވާ މީހާ

08 April 2025

ގޫގުލް ސަރޗް ކޮށްފަ ތަނެއް އޮތީޔާ ދަނީދޯ؟ ދިވެހިންނާ ކިހާ ގުޅުންހުރި ދިވެހިން ކިހާވަރަކަށް ދަތުރުކޮށް ބަރޯސާވާ ތަނެއްތޯ ބަލާލުމެއްވެސް ނެތް. ދައުލަތުގަ ފައިސާނެތި ޕާސްޕޯޓްގަ ސްޓޭމްޕް ޖަހާލަން ޕިކްނިކް ދަތުރު ކޮއްލަނީދޯ. ދެންވެސް ފައިސާހުރި މުއްސަނދި ގައުމަކަށް ނާށިގަނޑު ހިފައިގެން ގޮސްގެން ދޯ އެމީހުންގެ ހިތަށް އެއްޗެއް އަރައިގެން ކޮންމެވެސް އެއްޗެއް ދިއްކޮށްލާނީވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

08 April 2025

އޭތް، މާލްޠާ ގެ ބޮޑުވަޒީރުގެ ނައިބާ އެހެރީ، ސިޔާސަކޮށް އުޅެގެން، ގޮނޑިމައްޗަށް ކޮޅަށް ނަގާފަތަ؟ ނޫނީ ކަލޭމެންގެ ފޮރިން މިޝްޓަރަކީ އާދަޔާ ހިލާފަށް ކުރު މީހަކީތަ؟ އަހުރެން ކުޑައިވަރުއިރު މާލެ އައިސް އުޅުނު، "ހިތާދޫ ކުރު" ކިޔާ، ހިތާދޫ މީހަކު. އޭނަޔާ ވަރަށް ވައްތަރު.