މާލެ: މާޗް 15، 2017- ރާއްޖޭގައި ފެތުރެމުންދާ ސްވައިން ފްލޫއިން ރައްކާތެރި ވުމަށްޓަކައި މަގުމައްޗައް ނުކުންނަމުން މީހަކު ކުޑަކުއްޖެއްގެ މޫނުގައި މާސްކު އަޅުވަނީ.---ފޮޓޯ: ނިޝާން އަލީ/މިހާރު
15 މާޗް 2017 - 19:50
26 comments
ސްވައިން ފްލޫ އަށް އިތުރު 31 މީހަކު ޕޮޒިޓިވްވެ، މި ބަލި ޖެހުނު މީހުންގެ އަދަދު 82 އަށް އިތުރު ވެއްޖެ އެވެ.
އެޗްޕީއޭ އިން މި ރޭ އާއްމުކުރި މައުލޫމާތުތައް ދައްކާ ގޮތުން އިއްޔެއާ ހަމަ އަށް 279 މީހަކު ވަނީ ސްވައިން ފްލޫ އަށް ޓެސްޓުކޮށްފަ އެވެ. އޭގެ ތެރެއިން 82 (29 ޕަސެންޓް) މީހުން ވަނީ ސްވައިން ފްލޫ އަށް ޕޮޒިޓިވް ވެފަ އެވެ.
އެ މައުލޫމާތުތައް ދައްކާ ގޮތުން ހުން ޖެހިގެން އިއްޔެ އެކަނި ވެސް 473 މީހުން އައިޖީއެމްއެޗަށް ދައްކާފައިވާ އިރު އޭގެ ތެރެއިން ހަތަރު މީހަކަށް އަންނަނީ އެޑްމިޓްކޮށްގެން ފަރުވާ ދެމުންނެވެ. އިއްޔެ އޭޑީކޭ އަށް 118 މީހުން ދެއްކި އިރު ހުޅުމާލޭ ހޮސްޕިޓަލަށް ދައްކާފައިވަނީ 162 މީހުންނެވެ. ވިލިމާލޭ ހޮސްޕިޓަލަށް ދެއްކި މީހުންގެ އަދަދު އުޅެނީ 145ގަ އެވެ.
އެޗްޕީއޭގެ މައުލޫމާތުން އެނގޭ ގޮތުގައި އިއްޔެގެ ނިޔަލަށް އެންމެ ބޮޑަށް ރޯގާ ފެތުރިފައިވަނީ ރ. އަތޮޅުގަ އެވެ. އެ އަތޮޅުގައި ރޯގާ ޖެހިގެން އިއްޔެ ޑޮކްޓަރަށް ދެއްކި މީހުންގެ އަދަަދު 157 އަށް އެރި އިރު، މާލެ އަތޮޅުން 118 މީހުން ޑޮކްޓަރަށް ދައްކާފައިވެ އެވެ. އަދި ށ. އަތޮޅުން 114 މީހުން ޑޮކްޓަރަށް ދައްކާފައިވެ އެވެ.
ހުން ޖެހިގެން އަތޮޅުތަކުން އިއްޔެ 1416 މީހަކު ޑޮކްޓަރަށް ދެއްކި އިރު، އޭގެ ތެރެއިން އެޑްމިޓްކޮށް ފަރުވާ ދޭންޖެހުނީ 27 މީހަކަށެވެ. އެއް އަތޮޅަކުން އެންމެ ގިނަ ބަޔަކު އެޑްމިޓް ކުރަން ޖެހުނީ ހއ. އަތޮޅުންނެވެ. އެއީ ހަތް މީހެކެވެ.
ރާއްޖޭގައި ހުމާއި އަރިދަފުސް ރޯގާ ޖެހޭ މީހުންގެ އެވްރެޖް ނިސްބަތަަކީ ހަފުތާއަކު 3،000 މީހުންނެވެ. ނަމަވެސް މި އަހަރުގެ ފެބްރުއަރީ މަހުގެ ފަހުކޮޅު މި ނިސްބަތް އިތުރުވާން ފެށި އެވެ. އެ ދުވަސްކޮޅުން ފެށިގެން އެވްރެޖް ގޮތެއްގައި ހަފުތާއަކު 5،000 އަށް ވުރެ ގިނަ މީހުންނަށް ހުމާއި އަރިދަފުސް ރޯގާ ޖެހިގެން ޑޮކްޓަރަށް ދައްކާފައިވާ ކަމަށް ރިކޯޑްތަކުން ދައްކަ އެވެ.
އެ މައުލޫމާތުތަކަށް ފަހު އެޗްޕީއޭ އިން ނެރުނު ބަޔާނެއްގައި ބުނީ އަތޮޅުތަކުން 1416 މީހުން އަދި މާލޭގެ ފްލޫ ކްލިނިކްތަކުން 898 މީހުން ހުން ޖެހިގެން ރިޕޯޓުކޮށްފައިވާ ކަމަށެވެ. ހާލު ބޮޑު ހަތަރު މީހަކަށް އައިޖީއެމްއެޗުން ފަރުވާ ދެމުން އަންނަ އިރު، އޭގެ ތެރެއިން ދެ މީހަކު ސްވައިން ފްލޫ އަށް ޕޮޒިޓިވް ވެފައިވާ ކަމަށް ބުންޏެވެ.
މި އަހަރުގެ މިހާތަނަށް ރޯގާ ޖެހިގެން 45،458 މީހުން ރިޕޯޓުކޮށްފައިވާ ކަމަށް އެޗްޕީއޭ އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޔެ
16 March 2017
މިގައުމުގައި މާބަނޑު އަންހެނުންނަށް ސަރުކާރުން ދިން ވެކްސިން 150 ރުފިޔާއަށް. ބުރިޖު އަޅާ، އައިޖީއެމްއެޗް 25 ބުރިއަށް، ކޮންމެ ގޯޅިއެއް ކަންމަތީ ޕާރކު ހެދުމުގައި ސަރުކާރު ހޭބޯ ނާރާ. ސޮދަގާތް ފައުންޑޭޝަނުން ވެކްސިން ހަމަޖެެއްސެން ޖެހޭނެ. ނާޒިމް ސޯރ، އަދީބު ބްރޯ ނަމަ ހުރިހާ ކަމެއް ހަމަޖައްސަދޭނެ މިފަދަ ނާޒުކު ކަންތަކުގައި.
ދިގުބޯ
16 March 2017
ސިއްރު ކޮށްފައިވާނަމަ މިއޮތީ އަތަށް ގޮވާފައި. ސިއްރުކުރަންވީ ސަބަބެއް ނެތް. ސިއްރު ކުރުމުން ވީ މޮޅެއްވެސް ނެތް. ސިއްހީދާއިރާ ހިންގުމުގައި އެއްވެސް ހިކުމަތެއް ނެތީކަމަށް ދެކެވެނީ. ހުރިހާ ދެރައެއް ރައްޔތުންނަށް. ޑެންގީ އަކީ މިއަށްވުރެ ނުރައްކާތެރި ބައްޔެއް! އެއްވެސް ބޭފުޅަކު މާޔޫސް ނުވެ، ޕްރިވެންޓިވް ކަންކަން ކުރޭ! ވަރަށް އަވަހައް މިބަލި ފެތުރުން ކޮންޓްރޯލް ކުރެވޭނެ. އިންޝާﷲ.
ފާތުން
16 March 2017
މިހާބޮޑުކަމެއް ވެގެންއުޅޭއިރު މިކަންތައް ސިޔާސީކުރާތީ ހިތާމަކުރަން. . ދެންވެސް މިބަލިން އެންމެން ސަލާމަތް ކޮށްދެއްވާތޯ ދުޢާކުރުން މާރަނގަޅުވާނެ ކަންނޭނގެ. . ޔާﷲ މިފެތުރެމުންދާ ހުމާއި ރޯގާއިން އަޅަމެން ސަލާމަތް ކުރައްވާނދޭވެ! . . އާމީން
މަންސޫރު
16 March 2017
ސިޔާސީ މީހުން ސިޔާސީ މަގްސަދަކަށް ރައްޔިތުންނަށް އޮޅުވާލީމައި ތިޔަ ބުނަނީ ސިޔާސީ ނުކުރާށޭ!! ކުރާނަން. ގޮވާނަން. ދުލެއް ނުދޭނަން.
ފުނޯސް
15 March 2017
ޓީވީ. އެމް އިން ދޭ މައުލޫމާތަށް ބަލާއިރު ކަންބޮޑުވާން ޖެހޭ ސަބަބެއްނެތް. މިނިސްޓަރު ބުނަނީ ރޯގާއޭ. މިމީހުން މިއުޅެނީ ކީއްކުރަންބާ؟ ރަސްގެފާނަށް މަރުހަބާ ކިޔަން ނުގޮސްފާނެތީބާ؟
ގެދާނޯމޮސް
15 March 2017
ބަލިޖެހުމުން ގޭގައި ދެވޭނެ ފަރުވާއެއް ކޮބައިތޯއެވެ. ބަލީގައި ރަނގަޅުވުމަށް ކިތައްދުވަސް ނަގާނެ ތޯއެވެ. މަރުވާ ހާލަތީ ކޮބައި ތޯއެވެ. މަދިރީގެ ސަބަބުން މިބަލި ޖެހިދާނެތޯއެވެ. ޤަައުމީ ޓީވީއިން މިކަމާބެހޭ މަޢުލޫމާތު ދިނުން މަދުވަނީ ކީއްވެތޯއެވެ. ހުސްނުވާ އާސަންދައިން މިކަމަށް ހައްލުނުލިބި މަރުގެ ހާލަތަށް ދަނީ ކީއްވެތޯއެވެ. ވެކްސިނެއް ދީގެންވިޔަސް ޅަދަރިިން ގެ ފުރާނަ ބޭނުމެވެ.
މަންސޫރު
15 March 2017
އަދިވެސް އެއްބަސްވާން ބޭނުންނުވަނީ މިހައި ގިނަ ރައްޔިތުންތަކެއް ބަލިވެ އަދި ބިރުން އުޅެން ޖެހުމަކީ މައްސަލައެއްކަމަށް. ބޭނުން ވަނީ ވަކި ބައެއްގެ ޖީބަށް ވަންނަ ޑޮލަރު މަދު ނުވުން.
ދާލު
15 March 2017
އަދިވެސް ރަސްގެފާނު އަންނަންވާއިރަށް ތަންތަނާއި މަގުތަށް ބަންދުކޮށްގެން މާމެލާމެލިން ޒީނަތް ވޭތޯ ބަލާ، . ރައްޔިތުންގެ މުދަލުން ހެސްކިޔާފަ ރޯމާދުވާލު ވައްކަންކުރާއިރު ދިވެހި ފުލުހުން ހެވިލާފަ.
އާރިފް
15 March 2017
ސަރުކާރުން އަދިވެސް މާބޮނޑް އަހުމިންޔަތެއް ނުދޭ. އެކަމުގެ ހެއްކަކީ ގައުމީ ޓީވީންވެސް ދައްކަނި ލަވަޔާ މިއުޒިކު. އެއްގޮތަކަށްވެސް ރަށްއިތުން ހޭލުންތެރި ކުރުމުގެ ގޮތުން އެއްވެސް ފްރޮގުރާމެއް ނުގެނެ.
ފަރުހާދު
15 March 2017
ހަށިގަނޑުގެ އިންފްލެމޭޝަން ވީހާވެސް ދަށްކޮއްފަ ބެހެއްޓުން މުހިއްމު. އެއްގަމު މަހާ، ވެޖިޓަބަލް ތެލާ، ބަނޑުގަ ނުބައި ޖަޓް ބެކްޓީރިޔާ އުފެދޭ(މާ ގިނައިން ފައިބަރު ނެގުން) ކަންކަމާ ދުރުގަ ހުރުން.
ވިސްނަންވީ
15 March 2017
އިތުރު ބަޔަކު ސްވައިންގް ފްލޫ އަށް ޕޮޒިޓިވް ވުމުން ދެން ވެސް ބަލަންވީ ބޭރަށް ގޮސް ރެސްޓޯރަންޓް ތަކުން ކައިނަހަދާ ގޭގައި ކައްކައިގެން ކެއުމެވެ. މިހާރަކަށް އައިސް ގޭގައި ޕިއްޒާ އެއް ގެނެސް ގެން ޑިނަރ އެއް ނެގުން މިއޮންނަނީ ގޭގައި ރޭގަނޑު ކައްކަން ވެސް ބުރަ ކަމަކަށް ބައެއް ގެތަކުގައި ކުއްޔަށް އުޅޭ މީހުން ވެސް. މިފަދަ ކަންކަމުން ވެސް އެބަޖެހޭ ދުރުހެލިވާން.
މަންސޫރު
15 March 2017
ކޮސް ވާހަކަ ނުދައްކާ މީހުން އެއްވެ އުޅޭ ތަންތަނަށް ނުގޮސް ރަނގަޅަށް އަތް ދޮވެގެން އުޅެބަލަ!
ޓެދު
15 March 2017
އަތޮޅުތަކުން 1416 މީހުން، މާލެއިން 898 މީހުން؟ މިއީ ހަމަ ތެދު މައުލޫމާތުތޯ؟
މަންސޫރު
15 March 2017
އަސްލު ނުވާނެ ތެދު މައުލޫމާތަކަށް. އިނގޭނެ ފެންވަރެއްގައެއްނޫން ރާއްޖެ އޮތީކީ. މާލެއިން އެދެނީވެސް ތެދު މައުލޫމާތުކަމަކަށް އަހަރެން ގަބޫލެއް ނުކުރަން.