އެމްއެންބީސީ: އެތަނުން ހަ މަސް ތެރޭގައި 78 މިލިއަން ރުފިޔާ ދައްކަން ވަނީ އަމުރުކޮށްފައި.
14 ޖޫން 2016 - 14:50
11 comments
މޯލްޑިވްސް ނެޝަނަލް ބްރޯޑްކާސްޓިން ކޯޕަރޭޝަން (އެމްއެންބީސީ) އިން ޓީވީއެމް ހިންގިއިރު އެތަނުގެ ޕްރޮގްރާމްތައް މާކެޓްކޮށްގެން ބިޒްނަސް އިމޭޖް ގްރޫޕް (ބިގް) އަށް ލިބެން ޖެހޭ 78 މިލިއަން ރުފިޔާ އެބަ އޮތް ކަމަށް ކަނޑައަޅައި އެ ފައިސާ ދެއްކުމަށް ސިވިލް ކޯޓުން މިދިޔަ ހަފުތާގައި ހުކުމްކޮށްފި އެވެ.
އެ ހުކުމުގައި ބުނެފައި ވަނީ، އެމްއެންބީސީ އާއި ބިގާ ދެމެދު 2010 ގައި ވެފައިވާ އެއްބަސްވުމުގެ ދަށުން ބިގަށް ފަސް މިލިއަން ރުފިޔާ ދައްކަން ޖެހޭ ކަމަށެވެ. މި އަދަދު އިތުރުވެފައި ވަނީ އެ ފައިސާ ގަވާއިދުން ދައްކާފައި ނުވާތީ ޖޫރިމަނާގެ ގޮތުގައި 72 މިލިއަނަށް ވުރެ ގިނަ ރުފިޔާ އަރާފައި ވާތީ އެވެ. ޖޫރިމަނާއާ އެކު 78 މިލިއަން ރުފިޔާ ދައްކަންޖެހެ އެވެ.
އެމްއެންބީސީގެ މައްޗަށް ހުކުމްކޮށްފައި ވަނީ އެ ފައިސާ ހަ މަސް ދުވަހުގެ ތެރޭގައި ދައްކާ ހަލާސްކުރުމަށެވެ.
އެމްއެންބީސީ އާއި ބިގާ އެކު ވެފައިވާ އެއްބަސްވުމާ އެއްގޮތަށް އަމަލުކުރުން ހުއްޓާލީ އެމްޑީޕީގެ ވެރިކަން ބަދަލުވެ، 2012 ވަނަ އަހަރު އެމްބީސީ އުފެއްދުމާ ގުޅިގެންނެވެ. އެމްބީސީ އުފެއްދި ފަހުން ވެސް ދެ މަހެއްހާ ދުވަހު ބިގުން ޓީވީއެމްގެ ޕްރޮގްރާމްތައް މާކެޓްކޮށްދީފައިވެ އެވެ.
މިހާރު ޓީވީއެމް ހިންގަނީ ޕަބްލިކް ސާވިސް މީޑިއާ ނަމުގައި އުފައްދާފައިވާ ކުންފުންޏަކުން ކަމަށް ވިޔަސް ކުރިން އުފެއްދި އެމްއެންބީސީ އަދި އުވައެއް ނުލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިމާދު
15 June 2016
އޭރުވެސް އެމްއެންބީސީ ގެ ވެރިންނަށް ތިއްބެވީ މިހާރު ޕީއެސްއެމްގެ ވެރިންގެ ގޮތުގައި ތިއްބެވި ބޭފުޅުން. ހާއްސަކޮށް އެމްޑީ އަކީ އެކަކު. ބުނަން މިއުޅޭ ވާހަކައަކީ މާކެޓިންގ ހަދާށޭކިޔާފައި ބިގަށް ގަވާއިދާ ހިލާފަށް ލާރިގަނޑެއް އެމްޑީޕީ ސަރުކާރުން ދިނުމަށްޓަކާ އެމަސައްކަތް އެ ކުންފުޏާ ހަވާލުކުރީ...! އޭރުވެސް ކޮރަޕްޝަން މިހާރުވެސް ކޮރަޕްޝަން...!
ނާޒިހު
15 June 2016
2010 ގައި ވެރިކަމުގައި ހުންނެވި ނަސީދު ގެ މިނިސްޓްރީތަކުން ދިޔައީ ތިޖޫރީ ކަހާލައިގެން ދެން ދައްކާނެ ލާރިއެއް ނުހުންނާނެ އެ ލާރުގަނޑުގައި މިހާރު އެއުޅެނީ
ރޭވް
15 June 2016
5 މިލިއަން ނުދައްކާ އޮތުމުގެ ސަބަބުން 78 މިލިއަން ދައްކަން ޖެހުނު މައްސަލަ އޭ.ސީ.ސީ އަށް ބަލައި ފިޔަވަޅު އެޅޭނެބާ؟ މަޤާމުގެ ވާޖިބު އަދާ ނުކުރުމުގެ ސަބަބުން ދައުލަތަށް ވި ގެއްލުމުގެ ބަދަލު ހޯދަން އޭ.ސީ.ސީ އަށް ދައުވާ ކުރެވޭނެބާ؟ ނިކަމެތި އާދައިގެ މީހަކު ކަމެއް ކޮށްފިއްޔާ އަބަދު އޮންނާނީ ދައުވާކޮށްފައި
ޅަބޭ
15 June 2016
ހެހެހެ.. 78 މިލިއަނޭ؟؟! ސަމާސާ ނުކުރޭ. ތީ ބިގު މީހުން މިވަގުތައް ހިތްހަމަޖައްސާލަ ދޭންވެގެން ދަށުކޯޓުން މިވަގުތައް ކޮއްލި ހުކުމެއް. ސުޕުރިން ކޯޓާހަމައިން ބުނާނެ އެމްއެންބީސީން ބިގައް ބައި ރުފިޔާވެސް ދައްކާކައް ނުޖެހޭނެޔޭ.
އުމަރު
14 June 2016
ކާކު ޒިންމާވަނީ؟ ދެން ޓެކުސްގެ ފައިސާއިން ހަމަ ތިޔަފައިސާދޭނީތޯ؟
އަހައްމަދު
14 June 2016
2010 ގައި 5 މިލިއަން އަށް ކޮށްފައިވާ އެގްރިމެންޓެއްގެ ދަށުން 2016 ގައި 5 އަހަރު ބައި ފަހުން ޖުރިމާނާގެ ގޮތުގައި 72 މިލިއަން އެރުމަކީ ކަނޑައެޅިގެން ރިބާ ހިމެނިގެން ވާ ކަމެއް ނޫންބާ؟ ޝަރީއަތް ކުރާ މީހުންވެސް މިކަމުގައި އިސްލާމީ ހުކުމް ހިނގާގޮތް 2 ޚަޞްމުންނަށްވެސް އޮޅުންވެސް ފިލުވައިދޭންޖެހޭ ނޫންބާ؟ ހަމަ ޝަރީޢަތެއްގެ ޙުކުމް އިއްވުމަކުން ނުނިމޭ....
ރަށު މޮހޮނު
15 June 2016
ރިބާ އެއީ ކޮން އެއްޗެއް ކަން ފުރަތަމަ ބަލައިލުން ރަނގަޅު ވިސް، ނޭގޭ ހާލު ކޮމެންޓު ކުރުުމަށް ވުރެން.
އެމްސް
14 June 2016
ބިގް މިއީ އަނެއްކާ ކޮންބައެއްގެ ކުންފުންޏެއް ބާ؟ ސަރުކާރުގަ ލާރި ނެތިގެން އުޅޭ އިރު 5 މިލިޔަންގެ ބަދަލުގަ އޭގެ 15 ގުނަ އަށްވުރެވެސް ބޮޑު ޢަދަދެއް ދޭން ޙުކުމް އައުމީ އެތަކެއް ސުވާލެއް އުފެދޭ ކަމެއް!
ޙަސަން
14 June 2016
ބަލަ ކިހިނެއްވީ މިފަހަރު ޙުކުމް ރަނގަޅުވީ؟ މިމީހުންނާ އެއްކޮޅަށް ޙުކުމެއް ކޮށްފިއްޔާ ރަނގަޅު. މިމީހުންނާ ދެކޮޅަށް ޙުކުމެއް ކޮށްފިއްޔާ ކޯޓުތަކާއި ފަނޑިޔާރުން ގޯސް.
އަލީ
14 June 2016
ތިއީ އެންމެ މޮޅު ބިޒްނަސް. ކޯޓުން ހޯދައި ނުދޭނީ 500 ރުފިޔާ ގެއްލުންވެގެން ބަދަލު ހޯދަން ހުށަހެޅީމާ،. މިލިޔަނުން ހުށަހަޅާ މީހުނަށް ވަގުތުން ބަދަލު ލިބޭނެ.
ޔާމިން
14 June 2016
ހަމަރަގަޅު ބަޔަކާ ވެފަ އޮތް އަހުދެއް ބަގާވާތް ކޮއް އެއަހުދު އުވާލާ ދޭންޖެހޭލާރި ނުދީ ގައުމު ވަގައް ކައި ހުސްކުރަނީ. ވަރައް ރަގަޅު ހުކުމެއް. ތާއީދު