ޕާކިސްތާނުގައި 17 އަހަރުގެ ޓިކްޓޮކް ތަރިއެއް މަރާލައިފި

ޕާކިސްތާނުގައި މަރާލި 17 އަހަރުގެ ޓިކްޓޮކް ތަރި ސަނާ ޔޫސުފް.

04 ޖޫން 2025 - 06:07

ޕާކިސްތާނުގައި ޓިކްޓޮކުން މަޝްހޫރުވެފައިވާ އުމުރުން 17 އަހަރުގެ އަންހެން ކުއްޖެއްގެ ގަޔަށް ބަޑިޖަހައި މަރާލާފައިވާ ކަމަށާއި އެ އަމަލު ހިންގީ އެ ކުއްޖާއާ ގުޅުން ބަދަހިކުރަން އޮންލައިންކޮށް އެތައް ފަހަރަކު ވާހަކަ ދައްކަން މަސައްކަތްކުރި ފިރިހެނަކު ކަމަށް ފުލުހުން ބުނެފި އެވެ.

މިދިޔަ ހަފްތާގައި 17 އަހަރު ފުރުނު، ޓިކްޓޮކްގައި މިލިއަނެއްހާ ފޮލޯވަރުން ތިބި ސަނާ ޔޫސުފް މަރާލީ އިސްލާމްއާބާދުގައި ހުންނަ އެ ކުއްޖާގެ ގޭތެރޭގައި އިއްޔެ ހަވީރު އެވެ.

ކުއްޖާ މަރާލި ކަމުގެ ތުހުމަތުގައި ވަނީ ކުއްޖާގެ ގޭދޮށުގައި އެތައް ގަޑިއިރެއް ވަންދެން ހުރި 22 އަހަރުގެ ފިރިހެނެއް ހައްޔަރުކޮށްފަ އެވެ.

"މިކަން ކުރި ކަމަށް ބެލެވެނީ އެތައް ފަހަރަކު ލޯބި ހުށަހަޅައި ގަބޫލު ނުކުރުމުން ކަމަށް ބެލެވޭ. އެ ފިރިހެން މީހާ ވަނީ ކުއްޖާއާ ބައްދަލުކުރަން ތަކުރާރުކޮށް މަސައްކަތްކޮށްފައި،" އިސްލާމްއާބާދުގެ ޕޮލިސް ޗީފް ސައީދު އަލީ ނާސިރު ރިޒްވީ ނިއުސް ކޮންފަރެންސެއްގައި ވިދާޅުވި އެވެ.

"މިއީ ދުރާލައި ރާވައިގެން ހިންގު ރަހުމު ކުޑަ އަމަލެއް،" އޭނާ ވިދާޅުވި އެވެ.

ޕާކިސްތާނުގައި ވެސް ވަރަށް މަގުބޫލު ޕްލެޓްފޯމެއް ކަމަށްވާ ޓިކްޓޮކްގައި ސަނާ ގެންދިޔައީ އޭނާގެ 8 ލައްކައަށްވުރެ ގިނަ ފޮލޯވަރުންނަށް ލިޕް ސިންކް ވީޑިއޯތަކާއި ސްކިންކެއާ ލަފާތަކާއި ބިއުޓީ ޕްރޮޑަކްޓްތަކުގެ ޕްރޮމޯޝަނަލް ކޮންޓެންޓް ގެނެސްދެމުންނެވެ.

އޭނާގެ އެކައުންޓަށް އެންމެ ފަހުން އަޕްލޯޑްކުރި ވީޑިއޯއަކީ އޭނާ މަރާލުމުގެ ކުޑަ އިރުކޮޅެއް ކުރިން އުފަން ދުވަހަށް ކޭކު ފަޅާ މަންޒަރު ފެންނަ ވީޑިއޯއެކެވެ.

މި އަނިޔާވެރި އަމަލާ އެކު ވެސް ޕާކިސްތާނުގެ ވަރަށް ގިނަ މީހުން ދަނީ މިއީ ކުއްޖާ އުޅުނު ގޮތުން ދިމާވި ގޮތް ކަމަށް ބުނެ ވާހަކަ ދައްކަމުންނެވެ.

ޕާކިސްތާނުގެ ހިއުމަން ރައިޓްސް ކޮމިޝަނުން ބުނި ގޮތުގައި އަންހެނުންނަށް ކުރާ އަނިޔާ ގައުމުގައި ވަނީ އާންމުވެފަ އެވެ. ކައިވެނީގެ ހުށަހެޅުންތަކަށް ދެކޮޅު ހަދާ އަންހެނުންނަށް ހަމަލާ ދިނުމަކީ މަދުން ނަމަވެސް އެ ގައުމުގައި ހިނގަމުން އަންނަ ކަމެކެވެ. އެ ގައުމުގައި 2021 ވަނަ އަހަރު ވަނީ 27 އަހަރުގެ އަންހެނަކު ކައިވެންޏަށް އެއްބަސްނުވުމުން ބޯ ބުރިކޮށްލައިގެން ވެސް މަރާލައިފަ އެވެ. އަދި 2016 ވަނަ އަހަރު ވެސް އަންހެނެއްގެ ކުރީގެ ލޯބިވެރިޔަކު ވަޅިން 23 ފަހަރު ހަމަލާ ދީފައިވެ އެވެ. އެކަމަކު ހަމަލާގައި އަންހެން މީހާ ވަނީ ސަލާމަތްވެފަ އެވެ. -- އޭއެފްޕީ

ޕާކިސްތާން މީހުން މެރުން

3 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނާއިންސާފް

04 June 2025

އެމީހުންގެ ދީނީ ފޮތްތަކުގަ އޮންނަގޮތް ކަމަށް ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއް ފަޅިން

04 June 2025

ލިޔުން ނުވެސް ކިޔާ ސުރުހީއަށް ބަލާފަ ދޯ ކޮމެންޓުކޮށްފަ ތިއޮތީ..މަރާލީ ދީނާ ގުޅުން ހުރި ކަމެއްގަ އެއް ނޫން. މަރާލީ ލޯބި ގަބޫލުނުކޮށްގެން..މި ރާއްޖޭގަވެސް މިފަދައިން ކަން ހިނގާ. ލޯބިވާ މީހާ ނުގަބޫލަސް ކޮންމެ ގޮތެއް ހަދާފަވެސް ހޯދަން މަސައްކަތް ކުރޭ. ސިހުރުވެސް ހަދާ ދިރިއުޅުމަށް ދަތިކުރޭ..ދީނުގަ އޮންނަނީ ރުހުމުގަ ކައިވެނިކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭއިންސާފު

05 June 2025

ކެކެކެކެ. އެމެރިކާ އާއި ޔޫރަޕްގައި މީހުން އެމަރަނީ ކޮން ފޮތެއްގައި އޮވެގެން. އެމެރިކާއާ އަދި ގާތްވެސް ކޮތްނުލެވެ ޕާކިސްތާނު ތަންނަނަށް މިކަހަލަ ކަންކަމުގައި