އިސްކަންދަރު ސްކޫލްގެ ބާވެ، ވެއްޓެން ކައިރި ވެފައިވާ އިމާރާތް 9 އަހަރު ފަހުން ތަޅާލަން ފަށައިފި

އިސްކަންދަރު ސްކޫލްގެ އޭ ބްލޮކްގައި ހަދާފައިވާ ދެ ބުރީގެ އިމާރާތް ވަރަށް ބޮޑަށް ވީރާނާވެ، ހަލާކުވެފައިވުމުން ބޭނުން ނުކުރާތާ 8 އަހަރު ފަހުން އެ އިމާރާތް ތަޅާލުމުގެ މަސައްކަތް މިއަދު ފަށައިފި އެވެ.

އިސްކަންދަރު ސްކޫލްގައި ވީރާނާވެ، ބޮލަށް ވެއްޓެން ކައިރިވެފައިވާ ދެ ބުރީގެ އިމާރާތުގެ ފުރަތަމަ ފްލޯގެ ޝީޓް ކަނޑައިގެން ގޮސް ވެއްޓެން ކައިރި ވެފައި: މިދިޔަ ނުވަ އަހަރު ވީއިރު ވެސް މި ތަނާ އަޅާލި ބައެއް ނެތް.

މީގެ 64 އަހަރު ކުރިން އިމާރާތްކުރި އިސްކަންދަރު ސްކޫލްގެ މައި ދޮރާށި ކައިރިން ހުރި ދެ ބުރީގެ އިމާރާތް ބޭނުންކުރުން ރައްކާތެރި ނޫން ކަމަށް ކަމާ ބެހޭ މާހިރުން ސާވޭ ހެދުމަށް ފަހު، މިދިޔަ 8 އަހަރުގެ ތެރޭގައި ދެ ފަހަރު އެންގި ކަމަށް ވެ އެވެ. އެހެންވެ، އެ އިމާރާތުގެ ފުރަތަމަ ފްލޯ ބޭނުން ކުރަމުން އައީ ގުދަނެއްގެ ގޮތުގަ އެވެ. އެ ބްލޮކްގެ މަތީގައި ޖާގަ ތަނަވަސް ހަތް ކްލާސް ރޫމް ހުއްޓަސް ބޭނުން ކުރުން ރައްކާތެރި ނޫން ކަމަށް އެންގުމުން އެ ކްލާސް ރޫމުތައް ބޭނުން ކުރުން ހުއްޓާލިތާ ހައެއްކަ އަހަރުވެއްޖެ އެވެ. އެކަމަކު، އެ ފްލޯގައި ޕްރިންސިޕަލާއި ޑެޕިއުޓީ ޕްރިންސިޕަލުންނާއި ޓީޗަރުންނާއި ހެލްތު ރޫމް ހިންގަ އެވެ.

ސްކޫލްގެ ހާލަތު އެނގޭ މީހަކު 2022 ގައި "މިހާރު" އަށް ކިޔައިދީފައިވާ ގޮތުގައި ވާރޭ ވެހިއްޖެ ނަމަ ޑެޕިއުޓީ ޕްރިންސިޕަލުންގެ ކޮޓަރީގައި ވެސް އޮންނަނީ ވަރަށް ބޮޑަށް ފެން ބޮޑުވެ ހާލަތު ގޯސްވެފަ އެވެ.

Iskandharu School baave bolah vettenee

The most trusted news source in the Maldives

Mihaaru

އެޑިއުކޭޝަން މިނިސްޓްރީން ބުނީ، އިސްކަންދަރު ސްކޫލްގެ އޭ ބްލޮކްގެ ދެ ބުރީގެ އިމާރާތް ތަޅާލުމުގެ މަސައްކަތް މިއަދު ފަށާފައިވާ ކަމަށާއި އެ ސްކޫލްގެ ގޯތިތެރޭގައި އާ އިމާރާތެއް އަޅަން ނިންމާފައިވާ ކަމަށެވެ. އެއީ 21 ކްލާސް ރޫމް ހިމެނޭ އާ އިމާރާތެކެވެ.

އިސްކަންދަރު ސްކޫލްގައި ވީރާނާވެ، ބޮލަށް ވެއްޓެން ކައިރިވެފައިވާ ދެ ބުރީގެ އިމާރާތް ތަޅާލަން ރޭ ތައްޔާރު ކޮށްފައި.

ދެހާހަށް ވުރެ ގިނަ ކުދިން ކިޔަވަމުން އަންނަ އިސްކަންދަރު ސްކޫލްގެ އޭ ބްލޮކްގެ ދެ ބުރީގެ އިމާރާތް ވަރަށް ބޮޑަށް ހަލާުކުވެ، ބޭނުން ނުކުރެވޭ ހާލަތަކަށް ގޮސް ގިނަ ދުވަސް ވެފައިވާތީ އެ ކަމުގެ ކަންބޮޑުވުން ބެލެނިވެރިން ކުރަމުންދާތާ ގިނަ ދުވަސްތަކެއް ވެއްޖެ އެވެ. އެ އިމާރާތް ބޭނުން ނުކުރެވޭތީ ކުދިންނަށް ކިޔަވައި ދެމުން އަންނަނީ ބީ ބްލޮކް އާއި ސީ ބްލޮކްގަ އެވެ. އެކަމަކު، ކުދިންނަށް މިހާރު ކިޔަވައިދޭ އިމާރާތުގެ ބައެއް ތަންތަނުގައި ރެނދުލާފައިވާ ކަމުގެ ޝަކުވާ ވެސް ކުރިން ކޮށްފައި ވެ އެވެ.

އިސްކަންދަރު ސްކޫލްގައި ވީރާނާވެ، ބޮލަށް ވެއްޓެން ކައިރިވެފައިވާ ދެ ބުރީގެ އިމާރާތުގެ ފުރަތަމަ ފްލޯގެ ޝީޓް ކަނޑައިގެން ގޮސް ވެއްޓެން ކައިރި ވެފައި: މިދިޔަ ނުވަ އަހަރު ވީއިރު ވެސް މި ތަނާ އަޅާލި ބައެއް ނެތް.

މި މައްސަލަތަކާ ހެދި ކްލާސްރޫމްތައް މަދުވެ، މެނޭޖު ކުރުމުގައި ހުރި ދަތިތަކުގެ ޝަކުވާ ވެސް ބެލެނިވެރިން ކޮށްފައި ވެ އެވެ.

އެޑިއުކޭޝަން މިނިސްޓްރީން ބުނީ، 21 ކްލާސްރޫމްގެ އާ އިމާރާތާ އެކު އެ މައްސަލަތަކަށް ބޮޑު ލުޔެއް ލިބޭނެ ކަމަށެވެ.