އޭޑީކޭ އާއި ޓްރީ ޓޮޕުން ފަރުވާ ހޯދި މީހުންނަށް މިދިޔަ މަހު އެންސްޕާއިން 7.4 މިލިއަން ރުފިޔާގެ އެހީ

ފާތިމަތު އަޖްފާން، މިހާރު

01 ޖުލައި 2025 - 21:33

ރާއްޖޭގެ އެންމެ ބޮޑު ޕްރައިވެޓް ދެ ހޮސްޕިޓަލް ކަމަށްވާ އޭޑީކޭ ހޮސްޕިޓަލާއި ޓްރީ ޓޮޕްގައި އެޑްމިޓްކޮށްގެން ފަރުވާ ހޯދި މީހުންނަށް ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން މިދިޔަ މަހު އެހީގެ ގޮތުގައި 7.4 މިލިއަން ރުފިޔާ ހަރަދު ކޮށްފައިވާ ކަމަށް ބުނެފި އެވެ.

ބޭސްފަރުވާގެ ހަރަދު ކުރުމަށް ދަތިވާ މީހުން އާސަންދައިގެ ބޭރުން ބޭނުންވާ އެހީތެރިކަން ހަމަޖައްސައިދޭ އިދާރާ ކަމަށްވާ އެންސްޕާ އިން ހާމަކުރި ހިސާބުތަކުން އެނގޭ ގޮތުގައި މިދިޔަ މަހު އޭޑީކޭ ހޮސްޕިޓަލްގައި އެޑްމިޓްކޮށްގެން ފަރުވާ ހޯދި 190 މީހަކަށް އެހީ ދީފައިވެ އެވެ. އެ މީހުންނަށް ޖުމްލަ ހަރަދަކީ 3.2 މިލިއަން ރުފިޔާ އެވެ.

އެ ހޮސްޕިޓަލުން ފަރުވާ ހޯދި މީހުންގެ ތެރެއިން އެންމެ ގިނަ އެހީ ދީފައިވަނީ ވަނީ ހިތުގެ ބަލިތަކުގެ މީހުންނަށެވެ. ހިތުގެ ބަލީގެ 14 މީހަކަށް 994،871ރ. އެންސްޕާއިން ހަމަޖައްސައިދީފައިވެ އެވެ.

އޭޑީކޭ ހޮސްޕިޓަލްގައި އެޑްމިޓްކުރި މީހުންގެ ތެރެއިން އެހީ ދިން މީހުންގެ ތެރޭގައި އެންމެ ގިނައީ ކަށީގެ ބަލިތަކާއި ވިހެއުމާ ގުޅޭ ކޭސްތަކެވެ. އެއިން ކޮންމެ ކަމަކާ ގުޅޭ 27 ކޭސް ހިމެނެ އެވެ. ގޭސްޓްރޯއިންޓެސްޓިނަލް 18 ކޭސް އާއި އެ މައްސަލަ ދެ ވަނަ އަށް އޮތް އިރު ތިން ވަނައަށް އެންމެ ގިނައީ ނޭވާލާ ނިޒާމުގެ ކޭސްތަކެވެ. އެއީ 16 އެވެ.

ޓްރީ ޓޮޕް ހޮސްޕިޓަލުން ފަރުވާ ހޯދި 334 މީހަކަށް 4.1 މިލިއަން ރުފިޔާގެ އެހީ ދީފައި ވާއިރު އޭގެ ތެރޭގައި އެންމެ ބޮޑު ހޭދައެއް ކޮށްފައިވަނީ ކަށީގެ ބަލިތަކުގެ މީހުންނަށެވެ. ޓްރީ ޓޮޕްގައި ކަށީގެ ބަލިތަކަށް ފަރުވާ ހޯދި 53 މީހަކަށް 1،221،484ރ. އެންސްޕާއިން ވަނީ ހަމަޖައްސައިދީފަ އެވެ.

އެހީތެރިކަން ހަމަޖައްސައިދިން ބަލިތަކުގެ މީހުންނަށް ބަލާއިރު ޓްރީ ޓޮޕްގައި އެންމެ ގިނަ ބަޔަކަށް އެހީ ދީފައިވަނީ ވިހައިގެން އެޑްމިޓްކުރި މީހުންނަށެވެ. ވިހެއުމާ ގުޅޭ 64 ކޭސް އެއް ހިމެނޭ އިރު ދެ ވަނަ އަށް އެންމެ ގިނައީ ކަށީގެ ބަލިތަކުގެ ކޭސްތަކެވެ. އެއީ 53 އެވެ. އަދި ތިން ވަނަ އަށް އެންމެ ގިނައީ ގޭސްޓްރޯއިންޓެސްޓިނަލްގެ ކޭސްތަކެވެ. އެއީ 40 އެވެ.

5 mahun Aasandha budget ge 50 percent heydha koffi

The most trusted news source in the Maldives

Mihaaru

ބަލި މީހުންނަށް އެންސްޕާއިން މިދިޔަ މަހު މިހާ ބޮޑު ހޭދައެއްކޮށްފައި ވާއިރު އާސަންދައިން މި އަހަރުގެ ފުރަތަމަ ފަސް މަސް ތެރޭ 950 މިލިއަނަށް ރުފިޔާއަށް ވުރެ ބޮޑު ހޭދައެއް ވަނީ ކޮށްފަ އެވެ. އާސަންދައަށް މުޅި މި އަހަރުގެ ބަޖެޓަކީ 1.8 ބިލިއަން ރުފިޔާ އެވެ.

ސިއްހަތު އޭޑީކޭ ހޮސްޕިޓަލް އެންސްޕާ ޓްރީޓޮޕް ހޮސްޕިޓަލް

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮލު ރިހުމެއް

02 July 2025

މީ އަޅެ ކޮންކަހަލަ ސަރުކާރެއްތަ؟ އާސަންދަ އުފެއްދި ބޭނުންވެސް ހަނދާން ނެތުނީތަ؟ ދިވެހީން ކީއްކުރަން ވެރިކަމަށް ގެނައި ބަޔެއްތަމީ؟ 19 މަސް ތެރޭ ވެރިއަކަށް ހުރި މީހާ 23 ދަތުރު ބޭރަށް ކޮށްފި. ސިޔާސީ މީހުންނަށް ޚަރަދު އިތުރުކޮށްފަ ރައްޔިތުންނާ ވިޔަފާރިތަކާ ބެހުން މިމީހުންގެ ކަމަކީ. ހުރިހާ ފިހާރަތަކެއް ބަންދުކުރާ ހިސާބަށް ސަރުކާރާ ސަރުކާރު ޕާޓީގެ އަމަލުތައް ގޮއްސި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށސ11

02 July 2025

ކުރީގެ މެންބަރުންނާ ރައީސުނާ، ސީޕީއަކާ މިހާރު އެމަގާމުތަކުގަތިބި ބޮޑުންގެ މުސާރަޔާ އިނާޔަތްތައް ކޮންމެމަހަކު ގެނެސްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

02 July 2025

ބޭސްފަރުވާ ހޯދުމަށް މާލީގޮތުން ނުކުޅެދޭ ގިނަބަޔަކު ރާއްޖޭގެ އެއްމެބޮޑު ޕުރައިވެޓް 2 ހޮސްޕިޓަލަށް ހިދުމަތް ހޯދަންދާނެކަމަކަށް ގަބޫލެއްނުކުރެވޭ. އެންސްޕާއިން ތި ހަރަދުކުރި ފަރާތްތަކަކީ ހަމަ ހަގީގަތުގަވެސް އަމިއްލައަށް ބޭސްފަރުވާ ހޯދުމަށް ދަތި ބައެއްތޯ ބެލިތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަބީ

02 July 2025

މި ސަރުކާރު ނޫނީ ރައްޔިތަކަށް ކަމެއް ކޮށް ދެވިގެން ކަލަގޮވާ ސަރުކާރެއް ނާދޭ. އެހެން ނޫނަސް ތިޔަ ޖެހި ހިސާބުގެ 99.00 ޕަސަންޓް ހޭދަ ކޮށްފައިވަނީ ސުޕަމެޖޯރިޓީ މަޖްލިސް މެމްބަރުން، ޕާރޓީގެ ސުޓޭޓް/އެންބަސީތަކަށް ލާފަތިބި ކުދިން އަށް. އާންމުން މި ޖެހެނީ އަތުން ލާރި ލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢީޅީ

02 July 2025

ގައިމު އާސަންދައިން އާންމު ރައްޔިތަކައް މެމޯއެއްހެއްދީމަ މިކަޑައިދެނީ 100ރ އެކަނި ދެންބާކީ މިދައްކަނީ އަމިއްލަޖީބުން އެކަމު ޕޮލިހުންނާއި ސިފައިން އަދި މަޖުލިސް މެންބަރުން %100 ކަވަރު ކުރަނީ އާސަންދައިން ތީ އެމީހުންނައްކުރިހަރަދު . ރައްޔިތުންނަކައްނޫން . އަހަރެން އޭޑީކޭން އެހައްދުވަހު ސީ ޓީ ސުކޭން ހެދީމަ ބައިރުފިޔާވެސް އާސަންދައިން ނުކަންޑާ އަހަރެން އަތުން ދެއްކީ 3210ރ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައިގަންނަގުރާ

02 July 2025

ކޮބާ ސަރުކާރު؟ ޕްރައިވެޓް ހޮސްޕިޓަލެއް ފަށަން ވީނުން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހީހީ ސުލީހް

01 July 2025

ތި ދިންބައެއްގެ ލިސްޓް ނެރެލަބަލަ. ތިބޭނީ ހުސް ޕާރޓީކުދިން. މިސަރުކާރު އައިސް ތިވެސް ސިޔާސީކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލކލކ

02 July 2025

ޕޮލިހާ އެމްއެންޑީއެފްއާއި މަޖިލިސް މެންބަރުން. ދެން ނިކަން ހަދާގޮތެއް ހަދާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންހުސޭނުް

01 July 2025

ހުރިހާ ދިވެހިން ބޮލަށް ތިކަން ނުޖަހާ. ޖެހިލުމެއް ނެތި ތިޔަ ތަންތަނަށް ވަންނަނީ ސިފައިންނާއި ޕޮލިހުންނާއި ދައުލަތުން ޑަބަލް އިންޝުއަރެންސް ހަމަޖައްސަދީފަ ތިބޭ މީހުން. އަހަރެމެން ދަނީ އައިޖީއެމް އެޗަށް