މިދިޔަ މަހު އަމިއްލަ ދެ ހޮސްޕިޓަލުން ބޭސްފަރުވާގެ އެހީއަށް އެންސްޕާއިން 7.6 މިލިއަން ރުފިޔާ

15 ޑިސެމްބަރ 2025 - 22:44

މާލެ ސަރަހައްދުގައި ހިންގާ އެންމެ ބޮޑު އަމިއްލަ ދެ ހޮސްޕިޓަލް ކަމަށްވާ، އޭޑީކޭ އާއި ޓްރީޓޮޕް ހޮސްޕިޓަލުގައި އެޑްމިޓު ކޮށްގެން ހޯދާފައިވާ ފަރުވާތަކަށް ބޭސްފަރުވާގެ އެހީ ޕްރޮގްރާމްގެ ދަށުން މިދިޔަ މަހު ގާތްގަނޑަކަށް 7.6 މިލިއަން ރުފިޔާ ނެޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން ހަމަޖައްސައިދީފި އެވެ.

އެންސްޕާއިން މިއަދު އާންމުކުރި މިދިޔަ މަހުގެ ތަފާސްހިސާބުތައް ދައްކާ ގޮތުން، ޓްރީޓޮޕް ހޮސްޕިޓަލުގައި އެޑްމިޓު ކޮށްގެން ހޯދި ފަރުވާތަކަށް އެހީއަށް އެދުނު 278 ކޭސްއަކަށް 4.5 މިލިއަން ރުފިޔާ ހަމަޖައްސައި ދިނެވެ.

އޭގެ ތެރެއިން 1.2 މިލިއަން ރުފިޔާގެ އެހީ ފޯރުކޮށްދީފައިވަނީ ކަށީގެ ބަލިތަކުގެ 44 ކޭސް އަކަށެވެ. ދެވަނައަށް އެންމެ ގިނައިން އެހީ ދީފައިވަނީ ކުޑަކުދިންގެ ބަލިތަކަށެވެ. އެގޮތުން، 19 ކޭސްއަކަށް 871،000 އަށް ވުރެ ގިނަ ރުފިޔާގެ އެހީ ވަނީ ދީފަ އެވެ.

ބޭސްފަރުވާގެ ޚަރަދު ކުރުމަށް ދަތިވާ ފަރާތްތަކުން ރާއްޖޭގެ ޕްރައިވެޓް ހޮސްޕިޓަލްތަކުން އެނދުމަތިކޮށްގެން ހޯދާފައިވާ ފަރުވާތަކަށް ބޭސްފަރުވާގެ އެހީގެ ޕްރޮގްރާމް މެދުވެރިކޮށް އެހީ ހަމަޖައްސާދެވުނު ގޮތުގެ ތަފްސީލް
ނޮވެންބަރު 2025 pic.twitter.com/pzJ9p1Eyts
— NSPA (@NSPAmaldives) December 15, 2025

މީގެ އިތުރުން ވިހެއުމުގެ ތަފާތު 60 ކޭސްއަކަށް ވެސް ޓްރީ ޓޮޕް ހޮސްޕިޓަލަށް 820،000ރ. އަށް ވުރެ ގިނައިން އެންސްޕާއިން މިދިޔަ މަހު ދޫކޮށްފައި ވެ އެވެ.

އޭޑީކޭ ހޮސްޕިޓަލުން މިދިޔަ މަހު އެހީއަށް އެދުނު ތަފާތު 166 ކޭސްއަކަށް 3.05 މިލިއަން ރުފިޔާގެ އެހީ އެންސްޕާއިން ފޯރުކޮށްދިން ކަން ހިސާބުތަކުން ދައްކަ އެވެ.

އޭޑީކޭއިން ހޯދި ފަރުވާތަކުގެ ތެރެއިން އެންމެ ގިނައިން އެހީ ފޯރުކޮށްދީފައިވަނީ މައިބަދަ އާއި ނާރުގެ ބަލިތަކަށް ފަރުވާކުރުމަށެވެ. ރާއްޖޭގެ އެންމެ ފުރަތަމަ ހުޅުވި އަމިއްލަ ހޮސްޕިޓަލް އޭޑީކޭ އިން 17 ކޭސްއަކަށް އެންސްޕާއިން ވަނީ 754،00 އަށް ވުރެ ގިނަ ރުފިޔާ އެހީ ދީފަ އެވެ.

އޭޑީކޭ އަށް ބަލާއިރު ދެވަނައަށް އެންމެ ބޮޑު އެހީއެއް ދީފައިވަނީ، ހިތުގެ އެކި ބަލިތަކުގެ ތަފާތު 16 ކޭސްއަކަށް 618،000 އަށް ވުރެ ގިނަ ރުފިޔާ އެވެ.

އެއާއެކު، މިދިޔަ މަހު އެ ދެ ހޮސްޕިޓަލުން ފަރުވާ ހޯދި 444 ކޭސްއަކަށް ޖުމްލަ 7،598،203.12ރ. ބޭސްފަރުވާގެ އެހީގެ ޕްރޮގްރާމްގެ ތެރެއިން ދޫކޮށްފައިވާކަމަށް އެންސްޕާގެ ތަފާސްހިސާބުތަކުން ދައްކަ އެވެ.

އޭޑީކޭ ހޮސްޕިޓަލް އެންސްޕާ ސިއްހަތު ޓްރީޓޮޕް ހޮސްޕިޓަލް

14 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

16 December 2025

އޭޑީކޭ އާއި ޓްރީ ޓޮޕް އަށް ބޮޑު ފައިދާ އެއް ވަނީ އެންސޕާ އިންނެވެ. ރަށް ރަށުން ބޭސް ފަރުވާ އަށް އޭޑީކޭ އަށް އަންނަ މީހުން އޭޑީކޭގެ ރެސްޓޯރަންޓް އަށް ވަދެބަލާށެވެ. މިސަރަހައްދުގެ ގައުމުތަކަށް ވުރެ އެއްޗެހީގެ އަގު ބޮޑު ވާނެ އެވެ. ސަރުކާރު ބިމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމޭރު

16 December 2025

ތިޔަ ހޮސްޕިޓަލްތައް ތިޔަ ހިންގައިދެނީ ސަރުކާރުން ރައްޔިތުންގެ ފައިސާއިން ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމަހުވާ

16 December 2025

އޭޑީކޭ އަކީ ދައުލަތާ ރައްޔިތުން ދޮންނަ މެޝިނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

16 December 2025

ތި ހަރަދުގެ 80% އަކީ ފުލުހުންނާއި ސިފައިންގެ އާއިލާތަކައް ކުރާ ހަރަދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްރާފް

16 December 2025

ކޮބާ ތި ދެ ހޮސްޕިޓަލް ހިންގަން ސަރުކާރުން އާސަންދައިގެ ގޮތުގަ އަދި ދޭ އެތައްސަތޭކަ މިލިއަންރުފިޔާގެ ވާހަކަ؟ އަމިއްލަ ހޮސްޕިޓަލްތަކަށް ސަރުކާރުން އާސަންދަ ދޭކަށް ނުޖެހޭ (ހަމައެކަނި ސަރުކާރު ހޮސްޕިޓަލްތަކުން ނުކުރެވޭ ކަންކަން ކުރަންނޫނީ)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙާސިލުވުން

16 December 2025

އެވަރިހަމަ ދޯ ސަރުކާރު ހޮސްޕިޓަލުގެ ބައެއް ޑޮކްޓަރުންނަށް ދައްކަން އޮންނަ ވެއިޓިންގް ލިސްޓު ދިގު ކަމުން އެތައް މަހެއްވާއިރު ވެސް ޑޮކްޓަރަށް ނުދެއްކުނަސް. ބަލި މީހާ ދުނިޔެ ދޫކޮށްފަ ދާ ފަހުން ވެސް އެބަހުރި ނަންބަރު ޖެހިގެން އައިޖީއެމްއެޗް އިން ގުޅާފަ.ދެން ކޮބާ ބޭރު ގައުމުތަކުގެ ޕްރައިވެޓް ހޮސްޕިޓާތަކަށް ކުރާ ހަރަދު؟ ސަރުކާރު ހޮސްޕިޓަލުތަކުގެ ކެޕޭސިޓީ ފުރަތަމަ މަތިކުރޭ ދެން ތިވާހަކަ ދައްކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުު

16 December 2025

އޭއެމްޑީސީއަކީ ކުރިން އާސަންދަ ލިބޭތަނެއްނޫން. ޑޮކްޓަރަށްދައްކަން 450ރުފިޔާނަގާ. މީއެންމެއަގުބޮޑުކޮށްނަގާތަން. މީގެ އަހަރެއްހާދުވަސްކުރިން އާސަންދަ ލިބޭކަން އަންގާ ޑޮކްޓަރަށްދައްކަން އާސަންދައިން 100ރުފިޔާކަނޑާ 350ރުފިޔާ ނަގަންފެށި. މިހާރު އަނެއްކާ އޭއްޗެކޭ މީއްޗެކޭ ކިޔާ 100ރުފިޔާ އިތުރަށް ނަގަން ފަށައިފި. އަތުންހަމަ 450ރުފިޔާ ދައްކާ. އަދި އާސަންދައިން 100ރުފިޔާ ނަގާ. މިހާރުޖުމްލަ 550އެނަގަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

16 December 2025

ތީ ހަމަ ކަލަ ގޮވުން. ރައްޔިތުންގެ ޓެކްސް ފައިސާއިން ރައްޔިތުންނަށް ޚަރަދުކޮށްފަ އެކަން ބޮޑުކަމަކަށް ހަދައިގެން އެވާހަކަ ދެއްކުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަސް

16 December 2025

ރައްޔިތުންގެ ފައިސާއިން ރައްޔތުންނަށް ޚަރަދުކޮށްފަ ކަލަގޮވަނީ. ބަލަ އެއީ ކަލޭމެންގެ ޖީބުފުރަން ހުންނަ ފައިސާއެއް ނޫނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްޖަހާ

16 December 2025

ޕްރައިވެޓް ހޮސްޕިޓަލް ތަކަށް ދާނީ މުއްސަނދިން. އެމީހުން ނަށް ރައްޔިތުންގެ ފައިސާ ޚަރަދު ކުރާކަށް ނުޖެހޭ. ދުނިޔޭގެ އެހެން ގަުމުތަކުގަ ވެސް ޕްރައިވެޓް ހޮަސްޕިޓަލަށް ފައިސާ ދައްކާނީ އަމިއްލައަށް ނޫނީ އެމީހެއްގެ އިންޝޫރެންސް އިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްހާނު.

16 December 2025

ޖުމްލަކޮށް ތި ކޮމެންޓްއަށް އެއްބަސްވަން ނަމަވެސް ރާއްޖޭގެ ހާލަތު މުޅިން ތިހެން ބަލަން ތަންނުދޭ. އައި.ޖީ.އެމް.އެޗް އަދި ހުޅުމާލެ ހޮސްޕިޓަލްގަ ނެތް ކެޕޭސިޓީއެއް އެންމެނަށް ފަރުވާދެވޭނެ. އަމިއްލަ ހޮސްޕިޓަލް ތަކުން ދެން ފަރުވާ ހޯދާ މީހުންގެ ހުރިހާ ހަރަދެއް ސަރުކާރަކުން ނުދައްކާ. އާމުކޮށް ޑޮކްޓަރަށް ދެއްކުމާ ހަދާ ޓެސްޓް ތަކުގެ ބޮޑުބައި އަމިއްލަ ޖީބުން ގިނަ މީހުން ދައްކަނީ. އެޑްމިޓް ކުރީމަ އަންނަ ބިލަށް އެންސްޕާ މި އެހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރ

16 December 2025

@އަތްޖަހާ - ޕްރައިވެޓް ހޮސްޕިޓަލް ތަކަށް ދަނީ ސަރުކާރު ހޮސްޕިޓަލްތަކުން ކިއު ނަންބަރު ޖެހެނީ މީހާ މަރުވާ ފަހުން. ޕްރައިވެޓް ތަންތަނުން އަގު ބޮޑަސް އަވަހަށް ކިއު ތަރުތީބުން ޚިދުމަތް ލިބޭތީވެ އެތަންތަނަށް ދަނީ