ޚަބަރު / މަގުމަތީގެ އެކްސިޑެންޓް

ފުވައްމުލަކާއި އައްޑޫގައި ނުރައްކާތެރި ދެ އެކްސިޑެންޓު ހިނގައިފި

ހިތަދޫގައި ސައިކަލަކުން ޖެހި އުމުރުން ދުވަސްވީ މީހަކު ބިން މައްޗަށް ވެއްޓިފައި.

އާސިމާ ނިޒާރު، މިހާރު

03 ޖުލައި 2025 - 07:18

8 comments

އައްޑޫ ހިތަދޫ އަދި ފުވައްމުލަކުގައި ނުރައްކާތެރި ދެ އެކްސިޑެންޓެއް އިއްޔެ ހިނގައިފި އެވެ.

ސޯޝަލް މީޑިއާގައި ދައުރުވާ ވީޑިއޯތަކުން ފެންނަ ގޮތުގައި ފުރަތަމަ އެކްސިޑެންޓު ހިނގީ ފުވައްމުލަކުގައި އިރުއޮއްސި 6:16 ހާއިރެވެ.

އެއީ މަގުގެ އެއް ފަރާތުގައި ޕާކުކޮށްފައި ހުރި ސައިކަލުތަކެއް ކައިރީގައި ފިރިހެނަކު މަޑުކޮށްލައިގެން ހުއްޓައި، ފަހަތުން ދުއްވާފައި ދިޔަ ކާރެއް ކޮންޓްރޯލް ނުވެ ގޮސް ޖެހިގެންނެވެ.

ފުވައްމުލަކުގައި ހިނގި އެކްސިޑެންޓު

ބާރު ސްޕީޑުގައި ދުއްވާފައި ނުދިޔަސް، ކާރުން ޖެހުމާ އެކު ހަތަރު ސައިކަލު ވެސް ބިންމައްޗަށް ވެއްޓުނެވެ. އެ ވަގުތު ފިރިހެން މީހާ ހުރީ ދެ ސައިކަލު މެދުގަ އެވެ. އެ އުޅަނދުން ޖެހުމުން އޭނާ ވެސް ކާރު މައްޗަށް ފުރޮޅި، އޭގެ އަނެއް ފަރާތު ބިން މައްޗަށް ވެއްޓެ އެވެ. ކާރުގެ ސްޕީޑު މަޑުވަނީ އެ ހިސާބުންނެވެ. އިރުކޮޅެއް ފަހުން ފިރިހެން މީހާ ތެދުވެ، ހިނގައިގަންނަން އުޅެ އެވެ.

ހިތަދޫ ބޮޑު މަގުގައި ރޭ 7:30 ހާއިރު ހިނގި އެކްސިޑެންޓުގައި އަނިޔާވީ އުމުރުން ދުވަސްވީ ފިރިހެނަކަށެވެ.

ބާރު ސްޕީޑުގައި ދުއްވާފައި ދިޔަ ސައިކަލުން އޭނާގެ ގައިގައި ޖެހުނީ ކަފިހި ހުރަހަކުން މަގު ހުރަސްކޮށް، ޕޭމަންޓަށް އަރާ ހަމަވިތަނާ ކަހަލަ ގޮތަކަށެވެ.

ސައިކަލުން ޖެހުމާއެކު ދެ މީހުން ވެސް ވެއްޓެ އެވެ.

ފުލުހުން ބުނީ ހިތަދޫގެ އެކްސިޑެންޓުގައި އަނިޔާވި ދެ މީހުންނަށް ސީރިއަސް އަނިޔާތަކެއް ނުވާ ކަމަށެވެ. ފުވައްމުލަކު އެކްސިޑެންޓުގައި ހިމެނުނު މީހުންނަށް ލިބުނު އަނިޔާތަކުގެ ތަފުސީލެއް އަދި ނުލިބެ އެވެ.

ފުވައްމުލައް އައްޑޫ މަގުމަތީގެ އެކްސިޑެންޓް އެކްސިޑެންޓް

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

04 July 2025

ނުރައްކާތެރި އެކުޝީޑެންޓެއް ވީމަ ދެރައީ. އޮފުޝީޖަން ޖަހަން ނުޖެހި ވާ ކަހަލަ، ރައްކާތެރި އެކުޝީޑެންޓު ވާ ދުވަހެއްގެ އިންތިޒާރުގަ ހުރިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

03 July 2025

އާޓިކަލްގެ ފޮޓޯއާއި ހިމަނާފައިވާ ވީޑިއޯއިން ހާމަވަނީ ގަވައިދާ ގާނޫނަށްތަބާވުން މިހާރުގިނަމީހުންގެ ކިބައިގާނެތްކަން، މުސްކުޅިބޭބެމެން މަގުގެއެއްފަރާތުންހިނގާފައި ދަނިކޮށްވެސް އެއޮތީ ސައިކަލުންޖައްސާ ވައްޓާއަނިޔާދީފަ، ފުވައްމުލަކު އަދި އަށްޑޫ ހިސާބުގެ ބައެއްމީހުނަކީ ގަވައިދާގާނޫނަށް ބޯލަނބަން ދަންނަބައެއްއނޫން، ތަރައްގީވުމުގެމާނައަކީ ގަވައިދާގާނޫނުތައްމުގުރާފަ އުޅުމެއްނޫން، އެހެންއުޅުމަށްކިޔަނީ ސައިޒުއޮޅުން އެއީ އަދި ތަރައްގީއެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންދީ.

03 July 2025

ވަރަށް ރީއްޗެއްނު. ކ.އަތޮޅު މާލޭ މީހުންނަނީ ވަރަށް ރަނގަޅަށް ޤާނޫނާއި ޤަވާއިދަށް ހުރުމަތްރެރިކޮށް ހިތާ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިތުރު

03 July 2025

އަހަންނަށް ފެނުނު އަނެއް މަންޒަރަކީ އެކްސިޑެން ހިނގީމަވެސް ބައެއް މީހުން އަޅާ ނުލާ ދާތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށޭމު

03 July 2025

މި ފެންނަނީ ދިވެހިންގެ ކިބައިގައި މިހާރު އަށަގެންފައިވާ ނުބައި ނުލަފާ ކަމުގެ ކުޑަކުޑަ މިންވަރެއް. ގާނޫނާއި ގަވާއިދަށް ކިޔަމަން ނުވުމާއި ހިތުހުރި ގޮތަކަށް އުޅުމުގެ ނުބައި އާދަ 2006 ން ފެށިގެން ދިވެހިންގެ ކިބައިގައި މިވަނީ އާދަޔާ ޚިލާފަށް އަށަގެންފައި. އަށަގެންފައިވާ މި ނުބައި ނުލަފާކަން ރީތިކޮށްލުމަށް ކިޔަނީ މަގޭ މިނިވަންކަމޭ. ބަޔަކު މީހުން ނުބައި ނުލަފާ ވެއްޖިއްޔާ އެތަނެއްގައި ހަމަޖެހުމެއް ރައްކާތެރިކަމެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިމްރަަ.ް

03 July 2025

ބުރިޖް ހަދި ހުޅުމާލޭ ހައިވޭ މަގުން މީހުން ދުއްވަނީ ބާރު ސްޕީޑްގައި. ނުބައި ފަޅިން އޮވަރ ޓޭކް ވެސް ކުރަނީ. ސިގްނަލް ނުދީ ލޭން ބަދަލު ކުރަނީ. ސްޕީޑް ބާރު ކުރަމުން ދަނީ އެެއްވެސް ފިކުރެއް ނެތި. މި މަގު ބަލަން ވެސް ޓުރެފިކް ފުލުހުން ނުތިބޭ. ބާރު ސްޕީޑްގައި ދާ މީހުން ފޯނަށް ފޮނުވަން ފެށި މެސެޖް ވެސް ނުކިބޭ މިހާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިސްކުޓުރި

03 July 2025

މީހެއްގެ ފުރާނަޔަށް ގެއލުންނުވަންޏާ އެކުސިޑެންޓެއްކަމަށް މިރާއްޖޭގައި ނުބަލައެއްނޫންތޯ. "އެއީ އެހައިބޮޑުކަމެއްނޫން"، "ދުއްވަން ނޭނގިގެން ގޮސް ޖެހުނީ"، "ރޭސްއަށް އޮބުނީ"، "ނިދިޖެހުނީ"، "މަގު ހަނިވެގެން ޖެހުނީ"، "ބަނދަރުމަތީ މަގުން ދިޔަމީހާ މާ ބަރަށްދިޔައީ" ފަދަ ބަހަކުން ނިންމާލީމައިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލީ

03 July 2025

މި ދެ ހާދިސާއިން ވެސް ފެނުނީ ދުއްވާ މީހުންގެ ފަރުވާ ކުޑަކަން. ޒިބްރާ ކުރޮސް މަތިން މަގު ހުރަސް ކުރާ މީހާ އަށްވެސް ބަލާލުމެއް ނުހުރެ. މިހާރު މިގައުމުގަ ގަވާއިދާ އެއްގޮތަށް މަގުމަތި ބޭޏުންކުރާ މީހުންނަށްވެސް އެއްވެސް ރައްކާތެރިކަމެއް ނެތް. ފަރުވާ ކުޑަކޮށް މީހުންގެ ފުރާނައަށް ނުރައްކާވާ ގޮތަށް ދުއްވާ މީހުންގެ ލައިސަންސް މަދުވެގެން 15 އަހަރަށް ކެންސަލް ކުރަން ޖެހޭ.