ޚަބަރު / މާލެ ސިޓީ ކައުންސިލް

މާލޭގެ މަގުތައް މަރާމާތުކުރަން 2 މިލިއަން ގާ ހޯދަން އިއުލާންކޮށްފި

މަޖީދީ މަގު ހެދުމުގެ މަސައްކަތް ކުރަނީ--- ފޮޓޯ: މިހާރު

ފާތިމަތު އަޖްފާން، މިހާރު

22 ޖުލައި 2025 - 15:44

15 comments

މާލޭގެ މަގުތައް މަރާމާތުކުރަން 2.2 މިލިއަން ގާ ހޯދަން މާލެ ސިޓީ ކައުންސިލުން މިއަދު އިއުލާންކޮށްފި އެވެ.

ކައުންސިލުން ވަނީ މާލޭގެ މަގުތައް މަރާމާތުކުރަން ބޭނުންވާ ގާ ސަޕްލައި ކޮށްދޭނެ ބަޔަކު ހޯދަން ބޭނުންވާތީ ބީލަން ހުށަހަޅަން ހުޅުވާލައިފަ އެވެ.

ކައުންސިލުން ވަނީ ގަލުގެ ކުރެހުންތަކާއި މިންތައް ވެސް އެ އިއުލާނާ އެކު އާންމުކޮށްފަ އެވެ. ކައުންސިލުން ހުޅުވާލީ 2،202،500 ގާ ފޯރުކޮށްދިނުމަށެވެ.

ކައުންސިލުން ހޯދަން ބޭނުންވާ ގަލުގެ ތަފްސީލު:

- ޒިގްޒެގް ގާ: 1،000،000

- ޕޭވްމަންޓު ގާ: 1،000،000

- ގަޓަރު ކަވަރު (ކާނު މަތިގަނޑު): 200،000

- ކާބްސްޓޯން ޗެންފާ ކުޑަ: 500

- ކާބްސްޓޯން ޗެންފާ ބޮޑު: 500

- ކާބްސްޓޯން ރައުންޑް ކުޑަ: 500

- ކާބްސްޓޯން ރައުންޑް ބޮޑު: 1،000

ކައުންސިލުން ކުރި އިއުލާނެއްގައި ބުނީ ގާ ގެނައުމަށް ހަވާލުވާ ބަޔަކު ކައުންސިލުން ދައްކާ ތަނަކަށް އެ ތަކެތި ޑެލިވާކޮށްދޭން ޖެހޭނެ ކަމަށެވެ. އަދި ގާ ގެންނައިރު އެއްވެސް ގެއްލުމެއް ހުރެގެން ނުވާނެ ކަމަށާއި ފެންވަރު ރަނގަޅުވާން ޖެހޭނެ ކަމަށެވެ.

ފެންވަރު ރަނގަޅު ނޫން ނަމަ އެތަކެތި ބަލައި ނުގަނެ، އަނބުރާ ފޮނުވާލާނެ ކަމަށް ވެސް ކައުންސިލުން ބުންޏެވެ.

ކައުންސިލަށް ގާ ފޯރުކޮށްދޭން ބޭނުންވާ ނަމަ އަންނަ މަހުގެ ހަތަރުވަނަ ދުވަހުގެ ހެނދުނު 9:00ގައި އަންދާސީ ހިސާބު ހުށަހަޅަން ވެސް ވަނީ ހުޅުވާލައިފަ އެވެ.

މާލެ މާލެ ސިޓީ ކައުންސިލް މަގު ހެދުން

15 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެނެރަލް

24 July 2025

މިހާރު މަގު ތަކުގައި އަޅާފައިވާ ގަލަކީ ވަކިވަރެއްގެ ބަރުދަނައް ހާއްސަކުރެވިފައިވާ ގަލެއް! މިހެނެއްކަމަކު މަގުތަކުގައި ދުއްވަނީ ބޮޑެތި ބަރު ވެހިކަލްތައްކަމުން ގާތައް ހަލާކުވަނީ. އެމް ޕީ އެލް އަދި ބޮޑެތި ގުދަންތައް ހުންނަ ސަރަހައްދުތަކުގެ މަގުތަކުގެ ގާތައް އެހުރީ ހަލާކުވެފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސައިން އޭ މަނިކު

23 July 2025

މާލެ އަދި ވިލިމާލޭގެ މަގުތައް ޒަމާނީ ފެންވަރަށް ހެދުމަށް ޗައިނާގެ ހިލޭ އެހީގެ ދަށުން ފަންޑުލިބި އެމަދައްކަތް ކުރުމަށް ތައްޔާރުވެފައިވާއިރު ދެންކީއްކުރަން މާލެ ސިޓީ ކައުންސިލުން ކުރާ ބޭކާރު ޚަރަދު ތަކެއްބާމީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހހހހ

22 July 2025

ގާ އެޅިޔަސް މަގު އޮންނަނީ އޮންނަ ހާލަތުގަ ހެން ހީވަނީ...އާނއ އެހެންޏަ އޮށްވަޅުގޮނޑިއެކޭ މާލެ މަގުމައްޗެކޭ ތަފާތެއް ނުހުރޭ.. ސައިކަލުގަ ދާއިރު ބުރެކި ޖައްސަމުން ފައި ޖައްސަމުން .. އެތާ ދުއްވޭތަ... އިރުކޮޅަކާ މަގު ބަންދުކުރާނެ ހަދަން.. ވާ ކަމެއް ހަރާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް / އިންޓަނޭޝަނަލް ބިޑިންގް

22 July 2025

ވަރަށް ބައިވަރު ފައިސާގެ ވާހަކަ މިދެކެވެނީ. 2 ވަނަ އައިޓަމް (ޕޭވްމަންޓް ގަލަށް އެކަނިވެސް 5 މިލިއަން ރުފިޔާވަރު ޖެހޭނެ.ރާއްޖޭގަ މިކަހަލަ ގާ މިއަދަދަށް އެޅުމުގެ ހަކަތަ ހުންނާނީ އާރްޑީސީގަ އެކަނި.އިންޓަނޭޝަލް ބިޑިންއެއް ނަމަ ސިންގަޕޫރު ނުވަތަ މެލޭޝިޔާ ކަހަލަ ގައުމަކުން ރަނގަޅު ބިޑެއް ލިބޭނެކަމަށް މި ބަލަނީނަމަވެސް ދަށުން ދެމޭނީ އިންޑިޔާ ކަހަލަ ތަނަކުން އަންނަ ބިޑަކުން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްކުބޭ

22 July 2025

ތި އަޅާ ގަލާ ހެދިގެންނޭ ގިނަ އެކްސިޑެންޓްވަނީ، އެއް އުޅަނދު އަނެއް އުޅަނދުގަ ޖެހިގެންވާ އެކްސިޑެންޓަށްވުރެ ގިނައީ ވާރޭވެހިފަ ހުންނަ ވަގުތު ކައްސާލައިގެން ވާ އެކްސިޑެންޓް، ބްރަކި ޖައްސާލާއިރަށް ވެއްޓޭ. ބަންގްލާދޭޝް މީހުން ބައިސްކަލުން ކުއްލިއަކަށް ހުރަސްކުރާނެ، ދެންޖެހޭނީ ބްރަކި ޖައްސަން، ޖައްސާލާއިރަށް ވެއްޓޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡުވާނުން

22 July 2025

މިޒަމާނުގަ މީހުން ގާ އަޅާތަ؟ ތާރުއަޅާ ޒަމާނީވެބަލަ މާލެސިޓީ ކައުންސިލް. މިސާލަކަށްބަލާބަ ހުޅުމާލެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް / ޝަމްހޫޒާ

22 July 2025

ކޮންމެވެސް ބަޔަކު ދަށުން ދަމާ ކުޅެ ރަނގަޅު އެއްޗެއް ނަގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

22 July 2025

މާލޭގަ ގާ އަތުރާނެ ކަމެއް ނެތެވެ. ތިޔަ މަސައްކަތް ނިމޭ އިރަށް ސްޓެލްކޯ އިން މަގު ކޮންނަން ފަށާނެ އެވެ. ދެން ދިރާގެ ދެން މީޑިއާނެޓް އެވެ. ގާތަށް ނަގާފަ އިހު ހުރި ގޮތަކަށް ނުހަދާނެ އެވެ.