ބ. އަތޮޅުގައި އާރުޓީއެލް ފަށައި އުތުރުގެ އަތޮޅުތައް ގުޅާލައިފި

އުތުރުގެ ރަށެއްގައި އާރުޓީއެލް ފެރީއެއް. -- ފޮޓޯ: އެމްޓީސީސީ

ފާތިމަތު އަޖްފާން، މިހާރު

28 ޖުލައި 2025 - 13:45

ރާއްޖޭގައި ހައި ސްޕީޑް ފެރީގެ ގޮތުގައި ފެށި "ރާއްޖެ ޓްރާންސްޕޯޓް ލިންކް" (އާރުޓީއެލް) ފެރީގެ ހިދުމަތް ބ. އަތޮޅުގައި ފަށައި އުތުރުގެ ހުރިހާ އަތޮޅެއް ގުޅާލައިފި އެވެ.

މިޖުލައި މަސް ނިމުމުގެ ކުރިން ބ. އަތޮޅުގައި ފެރީގެ ހިދުމަތް ފެށުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ. މިދިޔަ ޖޫން މަހު ރައީސް އިއުލާން ކުރެއްވި ގޮތުގައި. ޖުލައި ނިމުމުގެ ކުރިން ބ. އަތޮޅުގަައި ފެރީ ގެ ހިދުމަތް ފަށާނެ ކަމަށް އެ މަނިކުފާނު ވެވަޑައިގެންނެވި ވައުދާ އެއްގޮތަށް އެ އަތޮޅުގެ ހިދުމަތް ވެސް ފަށާނެ އެވެ. އަދި އެކަމަށްޓަކައި ކުރަންޖެހޭ އެންމެ ފަހުގެ ތައްޔާރީތައް ކުރިއަށް ދާ ކަމަށް އޭރު ވިދާޅުވި އެވެ.

ޒޯން 2 ގައި ހިމެނޭ ޅ. އަތޮޅާއި ނ. އާއި ރ. އަތޮޅުގައި މިހާރު ވެސް އާރުޓީއެލް ފެރީގެ ހިދުމަތް ދެ އެވެ. ބ. އަތޮޅުގައި މިއަދު ހިދުމަތް ފެށުމުން ޒޯން 2 ގެ ހުރިހާ އަތޮޅަކަށް އާރްޓީއެލްގެ ހިދުމަތް ފުޅާކުރެވުނީ އެވެ.

އެމްޓީސީސީން ބުނީ ބ. އަތޮޅުގެ ހިދުމަތާ އެކު، އެއާޕޯޓު އޮންނަ ދަރަވަންދޫ ހިމެނޭހެން މީހުން ދިރިއުޅޭ 13 ރަށް ފެރީން ގުޅުވާލެވުނީ ކަމަށެވެ.

މިއަދުން ފެށިގެން އަންނަ މަހުގެ 3 ވަނަ ދުވަހުގެ ނިޔަލަށް ފެރީގައި ހިލޭ ދަތުރުތައް ކުރެވޭނެ ކަމަށް ޓްރާންސްޕޯޓް މިނިސްޓްރީން ބުންޏެވެ. އޭގެ ފަހުން ދަތުރުތައް ކުރެވޭނީ ޓިކެޓް ނަގައިގެންނެވެ.

އާރްޓީއެލްގެ ވެބްސައިޓާއި މޯބައިލް އެޕްލިކޭޝަން މެދުވެރިކޮށް ޓިކެޓް ނެގޭނެ އެވެ.

އާރްޓީއެލް ފެރީން ބަޔަކު ފައިބަނީ. --ފޮޓޯ: އެމްޓީސީސީ

ބ. އަތޮޅާ އެކު އާރްޓީއެލް ހިދުމަތް ދޭ އަތޮޅުގެ އަދަދު 10 އަށް އަރާނެ އެވެ.

އާރްޓީއެލްގެ ހިދުމަތް ދޭން ސަރުކާރުން ހަވާލުކޮށްފައި ވަނީ އެމްޓީސީސީއާ އެވެ. އެ މަޝްރޫއު ގެންދަނީ ތިން ފޭސްއަކަށް ބަހާލައިގެން ހަ ޒޯނެއް ކަނޑައަޅައިގެންނެވެ. އެ ޕްރޮޖެކްޓަށް 800 މިލިއަން ރުފިޔާ ހަރަދުކުރެ އެވެ. ފެރީގެ ހިދުމަތުގެ އެ މަޝްރޫއު ފެށީ 2022 ވަނަ އަހަރެވެ.

ބ. އަތޮޅު އެމްޓީސީސީ ޓްރާންސްޕޯޓް މިނިސްޓްރީ

27 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިޝާން މުހައްމަދު

29 July 2025

ވެރިޔެއްގެ އިހްލާސްތެރިކަން ފެންނާނީ މިވަރަށް. ރައްޔިތުންގެ ހައްގުގައި ކުރަން ބުނި ކަންތައް ސީދާ ޑޭޓަށް ނިންމާމިލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޝަތް މަމްދޫހާ

29 July 2025

ބުނި ގޮތަށް ޖުލައި ނިމުމުގެ ކުރިން މިކަން މިފެށީ. ޝުކުރަން މުއިއްޒް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހުދާ ޒާހިރު

29 July 2025

މުޅި ބާ އަތޮޅަށް ވި ވައުދު މަނިކުފާނު ތި ފުއްދާލަ ދިނީ. މީ ދުވަހަކުވެސް ހަދާން ނެތޭނެ ދުވަހެއް ނޫން. ވަރަށް ލާރި ސަލާމަތް ވެގެން މިދަނީ. ދަތުރަކުން 700 އަށްވުރެ ގިނައިން. ރައީސް މުއިއްޒްއަށް 2 ވަނަ ދައުރެއް ހޯދަން ބ އަތޮޅިން ބޮޑު މެޖޯރިޓީއެއް ދޭނެ. އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިފްރާހްް

29 July 2025

ގައިމު އޭރު އަހަރުމެން އަތޮޅުގެ މީހުން ބުނަމުން އައީ މުއިއްޒު ވެރިކަމަށް އައިސިއްޔާ މި މަސަކަތްވެސް ދެން ނުކުރާނޭ. ކޮބާ ހީވިކަމެއްހެން ބުނި ޑޭޓަށް މަސައްކަތް މިއޮތީ ނިންމާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިރުފަތް

29 July 2025

ވައުދުވެލެއްވި ގޮތައް މި މަސައްކަތް މިއޮތީ ނިންމާފަ. ދެންހުރި މަސައްކަތްތައްވެސް މި ބާރުމިނުގަ ގޮސް ނިންމާނެކަމާމެދު ޝައްކެއް ނުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުފްޔާން

29 July 2025

ބ. އަތޮޅުގަ ރައްޔިތުންގެ ނަމުގަ ރައީސް މުއިއްޒުއަށް ޝުކުރު. ވަރަށް ބޮޑު ފަސޭހައެއް މި ލިބިގެންދިޔައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުންޒިފް

29 July 2025

ކޮންމެ ސަރުކާރަކުން ފެއްޓެވި މަޝްރޫއަކަސް އެއްވެސް މަޑުޖެހުމެއްނެތި މަސައްކަތް ނިންމަން އުޅުނު ހަމައެކަނި ސަރުކާރު މީ. މީގެ ކުރީގަ އޮތީ ބަޔަކު ފަށާފަ އޮންނަށް މަޝުރޫއެއްވިޔަސް ގަސްތުގަ ހުއްޓުވާފަ