ޕީޕީއެމާ އަލަށް ގުޅުނު ބައެއްގެ ފޯމު ހަވާލުކުރަން ދަރުބާރުގޭގައި އިއްޔެ ބޭއްވި ރަސްމިއްޔާތުގައި ރައީސް އަބްދުﷲ ޔާމީން ވާހަކަދައްކަވަނީ.---ފޮޓޯ: ހުސެއިން ވަހީދު/މިހާރު
23 މާޗް 2017 - 11:33
37 comments
މޯލްޑިވްސް މާކެޓިން އެންޑް ޕަބްލިކް ރިލޭޝަން (އެމްއެމްޕީއާރުސީ) މެދުވެރިކޮށް، ރާއްޖޭގައި މިހާތަނަށް ހިންގި އެންމެ ބޮޑު ހިޔާނާތުން ދައުލަތަށް ގެއްލުނު ފައިސާ ހޯދޭނެ ކަމުގެ ކޮންމެވެސް ވަރެއްގެ އުއްމީދެއް ލިބިފައިވާ ކަމަށް ރައީސް އަބްދުﷲ ޔާމީން އިއްޔެ ވިދާޅުވެއްޖެ އެވެ.
ޕީޕީއެމަށް މެމްބަރުންތަކެއް ގުޅެން ދަރުބާރުގޭގައި އިއްޔެ ބޭއްވި ރަސްމިއްޔާތެއްގައި، ވާހަކަފުޅު ދައްކަވަމުން ރައީސް ޔާމީން ވިދާޅުވީ ސަރުކާރުން ތަރައްގީ އަށް ގިނަ މަޝްރޫއުތަކެއް ހިންގަމުން އަންނަ ކަމަށެވެ. އެކި މަޝްރޫއުތަކަށް ފައިސާ ހޯދައިގެން މަސައްކަތް ކުރާއިރު އެއަށް، ނިސްބަތްކޮށް ކޮރަޕްޝަންގެ ވާހަކަތައް ވެސް ދައްކާނެ ކަމަށް ވިދާޅުވި އެވެ.
މި ސަރުކާރަށް އެންމެ ބޮޑަށް ތުހުމަތުކުރާ އެމްއެމްޕީއާރުސީގެ ހިޔާނާތުގެ ތަހުގީގު އެންޓި ކޮރަޕްޝަން ކޮމިޝަނުން ނިންމައި ދައުލަތަށް ގެއްލިފައި ހުރީ ކިހާ ފައިސާއެއް ކަން ވެސް އެނގޭ ކަމަށް ރައީސް ވިދާޅުވި އެވެ.
"އޭސީސީން މިހާރު ވެސް މަސައްކަތް ކުރަމުން އެދަނީ. ކޮންމެވެސް ވަރެއްގެ އުއްމީދެއް ލިބިއްޖެ މި ފައިސާ ރިކަވާކުރުމަށް މަގުތަކެއް ހުރި ކަން. އެމްއެމްޕީއާރުސީން ގެއްލުނު ފައިސާ ހޯދުމުގެ މަސައްކަތަކީ މި ސަރުކާރުންކުރާނެ ކަމެއް،" ރައީސް ވިދާޅުވި އެވެ.
އޭސީސީން ކުރިން ބުނެފައިވާ ގޮތުގައި މިހާތަނަށް ލިބިފައި ހުރި މައުލޫމާތުތަކަށް ބަލާއިރު، އޮޑިޓް އޮފީހުން އާއްމުކޮށްފައިވާ ފައިސާގެ އަދަދާއި އެ ކޮމިޝަނުން ހޯދި މައުލޫމާތުން ލިބުނު އަދަދުގައި މާ ބޮޑު ތަފާތެއް ނެތެވެ. އޮޑިޓް ރިޕޯޓުގައިވާ ގޮތުން އެމްއެމްޕީއާރުސީ މެދުވެރިކޮށް ދައުލަތަށް ވަންނަން ޖެހޭ 1.2 ބިލިއަން ރުފިޔާ ވަނީ ގެއްލިފަ އެވެ.
ރައީސް ވިދާޅުވީ ކޮރަޕްޝަން ހިންގާ މީހުންނަށް އަދަބު ދިނުމަކީ ފަސޭހަ ކަމެއް ކަމަށާއި އެކަމަކު އުނދަގުލީ ދައުލަތަށް ގެއްލޭ ފައިސާ ހޯދުން ކަމަށެވެ.
އެމަނިކުފާނު ވިދާޅުވި ގޮތުގައި ކޮރަޕްޝަނަކީ މި ސަރުކާރުގެ އުފެއްދުމަށް ކަމަށް ދޭހަވާ ގޮތަށް ވާހަކަ ދެއްކި ނަމަވެސް ކޮރަޕްޝަން އުފަންވެގެން އުޅެނީ މި ސަރުކާރުގައެއް ނޫނެވެ. ނޫސްތަކުގައި ހުރި ލިއުންތައް ކިޔާލާއިރު، އެއީ މާކުރިން ވެސް ރާއްޖެ އަށް އުފަންވެފައި އޮތް މައްސަލައެއް ކަން އެނގެން އެބައޮތް ކަމަށް ވެސް އެމަނިކުފާނު ވިދާޅުވި އެވެ.
ކޮރަޕްޝަނާއި މަގާމުގެ ނާޖާއިޒު ބޭނުންކުރަން ފެށުމަކީ، ރައީސް ވިދާޅުވި ގޮތުގައި، ކުރީގެ ޖީލުތަކުން ދެމިގެން އައިސްފައިވާ ކަމެކެވެ.
އެމްއެމްޕީއާރުސީގެ ރިޕޯޓް އަންނަ މަހު ނެރޭނެ ކަމަށް އޭސީސީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއެހެނެއްނޫން
18 September 2018
ކޮރަޕްޝަންއަކީ މިސަރުކާރުގެ އުފެއްދުމެއް ނޫން.. އެކަން ކުރިންވެސް އޮވޭ.. އެކަމަކު މިސަރުކާރުގެ އުފެދުމަކަކީ ކޮރަޕްޝަން. ކޮރަޕްޝަން ތެރެއިން އުފެދިގެން އައި ސަރުކާރެއްމިއީ
އަހްމަދު
23 March 2017
ހޫނުފެން އެޅީމަވެސް ތިޔައުޅެނީ އެއެއްޗެއް ނުފެނިގެން.
މުހަންމަދު
23 March 2017
ތިޔަހުވަފެނުގައި އުޅެވޭތާ ދުވަސްގަނޑެއް ވެއްޖެތާއެވެ! އަނެއްކާ އަނެއް ހުވަފެނެވެ. އަނެއް ގޭސްގަނޑެވެ! ހަމަނޭވާ ނުލެވެނީކަމުގެ ޢަލާމާތެކެވެ! ތިޔަޕީއާރުސީއަކުން އެއްވެސް ފައިސާއެއް ނުގެއްލެއެވެ. ގެއްލުވާލިޔަދެއްވީއެވެ!
ސޮރޭ
23 March 2017
ހިނިއަންނަނީއޭ ހަމަ...
ތަރައްގުއި
23 March 2017
މެމްބަލުންނަށް ވޯޓާމެދު ހަނދާން ކޮށްލަދެއްވީ، އެހެންނޫންތޯ
ލލ
23 March 2017
އެފައިސާ އެކިއެކި މީހުނަށް ދިންމީހަކަށް އެމީހުންގެ އަތުން ފައިސާ ހޯދީމަ ހޯދިދާނެ. ކެމްޕޭނަ ހަރަދު ކުރީމަ އެމީހުން އަތުގައިވެސް އެފައިސާއެއް ނުހުރެދާނެ. ފައިސާއަށް ވީގޮތެއް އެންމެ ރަގަޅަށް އެގިލައްވާ މީހަކަށް އެފައިސާ ހޯދޭނެ!
ކުޑޭ
23 March 2017
ޓޯނީ ބްލެއަރ ގެ އަންހެނުންގެ ލޯފާމަށް ދެއްކި 210000 ޕައުންޑަކީވެސް ހަމަ ސަރުކާރަށް ނޭނގި ދެއްކުނު ފައިސާތޯއެވެ. އަދި ބައެއްމީހުންގެ އެކައުންތަށް 500000 ލައްކަ ޑޮލަރު ވަދެފައިވަނީވެސް ހަމައޮޅުމަކުންތޯއެވެ؟ މިސުވާލުތަކުގެ ޖަވާބު ނުލިބި މިފައިސާތައް ހޯދޭނެކަމަށް ބުންޏަސް ކާކުތޯ ޤަބޫލްކުރާނީ! ރައީސް ކަމުގަ ހުރެގެން ވިޔަފާރީގެ އެއްވެސް މުއާމަލާތެއް ހިންގުމަކީވެސް ރައީސް މީހާއަށް ހުއްދަ ކަމެއްނޫން! ޤާނޫނު އަސާސީ އިން މިފަދަ ކަންކަން މަނާކޮށްފައި އޮންނަނީ ކޮންމެވެސް ޙިކުމަތަކަށްޓަކައި! އެކަމު ބައެއް ބޭފުޅުން ރައީސް ކަމުގަ ހުންނަވައިގެން ބިމުގެ ވިޔަފާރީގެ މުޢާމަލާތްވެސް ކުރައްވައިފި!
ރަބަރޭ
23 March 2017
ކާކު ބުނެގެން ބާ ދައުލަތުގެ ފައިސާ އައް ހިޔާނަތް ތެރިވީ......ހާަލިދު ބުނު ވަލީދައް އަމުރު ކުރި މީހާ ވެސް މިކަމުގަ ބެދޭނެ
މަހޭ
23 March 2017
އަމިއްލަ ޖީބުންނާއި ވަށައިގެން އެނބުރޭ ކުދިން އަތުން އެލާރި ނަގާ ޚަޒާނާއަށް ވައްދާލީމާ އެ ނިމުނީ
ކޮރަޕްޝަނާ ދެކޮޅު
23 March 2017
ބަލަ އަހަރުމެން ވޯތްދީގެން ޔާމީން ހޮވީ ކޮރަޕްޝަނާ ފަސާދ ހުއްޓޫވައި ދުނިޔޭގައި އެން ކޮރަޕްޝަން މަދު ގައުމަކށް މި ގައުމު ހަދާ ތަރައްގީ ކުރަން. އޭރުވެސް މި ގައުމުގައި 8ސަތޭކަ ބިލިއަން ޑޮލަރ އަށް ވުރެން އިތުރ އަދަދަކަށް ވަނީ ޓްއަރިޒަމްދާއިރާގައި އިންވެސްތްކޮއްފައި. ތިޔަބުނާ 1.2 ބިލިއަން ރުފިޔާ އިން 100 މިލިއަން ރުފިޔާވެސް ކުރިއަށް އޮތް 20018 ވަނަ އަހަރު ނިމޭ އިރުވެސ ފެނުނަސް ރަގަޅު. ޔާމީން ދައްކާ އެއްވެސް ވާހަކއެއް މިއަދަކު ގަބޫލެއް ނުކުރެވޭ.