ދަރަވަންދޫ އެއާޕޯޓް ތަރައްގީކުރަން އައިލެންޑް އޭވިއޭޝަނާ ހަވާލުކުރަނީ

ދަރަވަންދޫ ޑޮމެސްޓިކް އެއާޕޯޓް: އެ އެއާޕޯޓް ތަރައްގީކުރަން އައިލެންޑް އޭވިއޭޝަނާ ހަވާލުކުރަން ވަނީ ނިންމައިފައި.-- ފޮޓޯ: ފަޔާޒް މޫސާ | މިހާރު

ފާތިމަތު އަޖްފާން، މިހާރު

13 އޯގަސްޓް 2025 - 22:32

17 comments

ބ. ދަރަވަންދޫ ޑޮމެސްޓިކް އެއާޕޯޓު ތަރައްގީކުރަން އައިލެންޑް އޭވިއޭޝަން ސާވިސް (އައިއޭއެސް)އާ ހަވާލުކުރަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.

ދަރަވަންދޫ ރައްޔިތުންނާއެކު މިރޭ ބޭއްވި ބައްދަލުވުމުގައި ރައީސް ވިދާޅުވީ ދަރަވަންދޫ އެއާޕޯޓަކީ ރާއްޖޭގައި ހިންގާ އެންމެ ކާމިޔާބު ޑޮމެސްޓިކް އެއާޕޯޓަށްވި ނަމަވެސް، އެތަން ތަރައްގީކުރުމަށް އެއާޕޯޓު ހުޅުވި ފަހުން މާ ބޮޑު މަސައްކަތެއް ކޮށްފައި ނުވާ ކަމަށެވެ.

ރާއްޖޭގެ އެކި ކަންކޮޅުތަކުގައި ހުރި އެއާޕޯޓުތައް ތަރައްގީކުރުމަށް ރިޔާސީ އިންތިހާބުގައި އެމަނިކުފާނު ވެވަޑައިގެންފައިވާ ވައުދުގެ ދަށުން ދަރަވަންދޫ އެއާޕޯޓު ވެސް ތަރައްގީކުރަން ނިންމާފައިވާ ކަމަށް ރައީސް ވިދާޅުވި އެވެ.

ދަރަވަންދޫ އެއާޕޯޓަށް އިންވެސްޓުކޮށްފައިވާ ކުންފުންޏާއެކު މަޝްވަރާކޮށް، އެ ކުންފުނީގެ އަތުން އެއާޕޯޓު ނަގައި އައިލެންޑް އޭވިއޭޝަނާ އެތަން ހަވާލުކޮށް، ސަރުކާރުން ބޭނުންވާ ފެންވަރަށް ތަރައްގީކޮށް، އޮޕަރޭޓުކުރަން ނިންމާފައިވާ ކަމަށް ރައީސް ވިދާޅުވި އެވެ.

"ސަރުކާރުން މިތަނަށް އިންވެސްޓުކޮށް ޑިވެލޮޕްކޮށްފައިވާ ފަރާތާއެކު މަޝްވަރާ ކުރިއަށް ގެންދާނަން. ގެންގޮސް އެ ފަރާތާ އެކީގައި، ދެ ފަރާތަށް އެއްބަސްވެވޭ ފަދަ އެއްބަސްވުމަކަށް އައިސް އެ އެއާޕޯޓު އެ ފަރާތުން ނަގައި އައިލެންޑް އޭވިއޭޝަނާ ހަވާލުކޮށް، އައިލެންޑް އޭވިއޭޝަނުން އެތަން ސަރުކާރުން ބޭނުންވާ ފެންވަރަށް، ރައްޔިތުން ބޭނުންވާ ފެންވަރަށް ތަރައްގީކޮށް އޮޕަރޭޓްކުރުމަށް ހަވާލުކުރުމަށް ސަރުކާރުން ނިންމާފައިވާ ވާހަކަ އަޅުގަނޑު އިއުލާންކުރަން،" ރައީސް ވިދާޅުވި އެވެ.

ރައީސް ވިދާޅުވީ ގަވައިދާއި އުސޫލުތަކާ އެއްގޮތްވާ ގޮތުގެ މަތިން އެ މަސައްކަތް ވަރަށް އަވަހަށް ކުރިއަށް ގެންދާނެ ކަމަށެވެ.

މީގެ 13 އަހަރު ކުރިން 2012 ގައި ހުޅުވި ދަރަވަންދޫ ޑޮމެސްޓިކް އެއާޕޯޓަކީ ކޯސްޓްލައިން ހޮޓެލްސް އެންޑް ރިސޯޓްސް އިން ހެދި ތަނެކެވެ. އެ އެއާޕޯޓް މިހާރު ވެސް އޮޕަރޭޓްކުރަނީ އައިލެންޑް އޭވިއޭޝަނުންނެވެ.

އައިލެންޑް އޭވިއޭޝަން ބ. ދަރަވަންދޫ ދަރަވަންދޫ އެއާޕޯޓް

17 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހުދު.

15 August 2025

އައިލެންޑް އޭވިއޭޝަން ހިންގަންް އެހެން ބަޔަކާއި ހަވާލުކުރަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްަޔާގެ ދަރި

14 August 2025

މި ދައްކާ ވާހަކައެއް ދޯ، ބަލަ އެ އެއާޕޯޓަކީ މިހާރު ވެސް އައިލެންޑް އޭވިއޭޞަނުން ހިންގާ ތަނެއް. އެ ތަން ކޯސްޓްލައިނުން ހެދީ ރިސޯޓް ހަދަން ރަެއް ދިނުމުގެ ބަދަލުގައި. ދެން ރިސޯޓް ހަދަން ރަށް ދިން އިރު ވެފައި އޮތް އެއްބަސްވުމުަގއި އޮންނާނެ ކަންކުރަންވީ ގޮތް. އެ ތަން މަރާމާތުކޮށްގެން ބެލެހެއްޓުމާއި ތަރައްގީކުރުން ނުހިމެނޭ ނަމަ ތަރައްގީ ކުރުމަށް ފަހު އެ މީހުންގެ ޒިންމާ އެއް ނެތީ ކަމަށް ބަލަންޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަކު ނުދޭ

14 August 2025

ތިކަމެއް ނުވާނެ.... މިހާރުވެސް އެބަ ފެނޭ ޑެއިސް 8 މަރުކާ 3 ބޯޓު ޕާކު ކޮށްފަ އޮންނަތަން. އިނޖިނޭރުން ބޮޑަށް ތިބި މީހުން ބަދަލުކޮށްގެން ނޫނީ ހިޔެއްނުވޭ އަވައްޓެރިޔާ އަށް ހިންދެމިލެވޭނެހެން. އެތާ ސްޓާފުން އަބަދު ކޮފީ އަކަށް އަރައިފިއްޔާ ދައްކަނީ މި ވެރިންގެ ގޯސް ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޮޕް

14 August 2025

އައިލެންޑް އޭވިއޭޝަނުން ހިންގާ ހަމަ އެކަނި ފައިދާވާ އެއަރޕޯޓް. ނުބުންޔަސް މަރާމާތު ކުރަން ޖެހޭ. ނުވަންޔާ ފެނަކަ އާ ހަވާލު ކޮށްގެންވެސް ކުރަން ލަސްވެފަ އޮތީ. ދެން ހަދާ އިރު މަތިން ފެންނަ އިރު މަންތާ އެއްގެ ސިފަވާގޮތަށް ޓާމިނަލް ހަދަން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޑެއްދޫގަސް

14 August 2025

ކާޑެއްދޫ އެއާޕޯޓު ސަރުކާރަށް ނަގަން މަޝްވަރާ ކުރާތާ އެތައް ދުވަހެއް. ރައްޔިތުންނަށް އޮޅުވާލުމާއި މަކަރުހެދުން ކަމަކީ. މި ދެތިން ދުވަހު މުޅިގައުމުގެ ބަޖެޓުން ކުރެވޭހާ ކަންކަން ބ އަތޮޅަށް އެއޮށް ވައުދުވަނީ. ދެން މިވީ އަނެއް ފޮތް ޗާޕްކުރަން. ރައްޔިތުން މިތިބެނީ -/15 އާފަލެއް ކާލަ ކާލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްނިދު

14 August 2025

ރައްޔިތުންގެ އަޑު އަހައިގެން ރައްޔިތުންގެ ބުނާ ގޮތަށް ކަންކަން ކުރާތީ ނިކަން އުފާވެއްޖެ. މީ ރައްޔިތުން އެއްމެ ބޭނުން އެއްކަންތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުހުނަތް މުހައްމަދު

14 August 2025

ގައުމު ތަރައްގީ ކުރަން ބާރަށް މެކުހަށް ޖަހާފަ މިއޮތީ. ބަރާބަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީލާ

14 August 2025

އެވެސް ހަރުދަނާކަމެއް ނެތް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2025

14 August 2025

މީ ހަމަ ލޯކަނު ކައުންސިލްއަށް އަޅާ ހެޑިންތަކެއެއް...... ބޮއިހަލަކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 August 2025

ކޮންމެފަހަރަކު ވެސް ދައުލަތް ކަޅާކޮށްލަން ބޭނުންވީމާ ކޮންމެވެސް އާގޮތެއްހޯދައިގެން ޚަޒާނާގެ ތަޅު ނައްޓާލައިގެން ތިޖޫރީގެ ތެރެއަށް އަތްބޭނުން ވެރިކަންތަކުގެ ފަރާތުން އާދައަކަށް ހަދައިފި. މިކަން ބަދަލު ކުރުމަށްޓަކާ ރާއްޖޭގައި މިއޮތް "ރިޔާސީ ނިޒާމަކަށް ވެސް ނުފުދޭ ޚުދުމުޚުތާރު ވެރިކަންތަކުގެ ސިފަ އެކުލެވިގެންވާ އަދި އެގޮތަށް ވެރިކަން ހިންގަމުންދާ" ނިޒާމް ބަދަލުކޮށް ފެޑަރަލް ޕާލަމެންޓަރީ ނިޒާމަކަށް ރާއްޖޭގެ ވެރިކަން ފުރޮޅާލަން ދިވެހިން ތެދުވާންޖެހޭ.