ޚަބަރު / ވެހިކަލްތައް

މަގުމައްޗަށް ދޫކޮށްލާފައި ހުންނަ ވެހިކަލްތައް ނަގަން ފަށައިފި

ގިނަ ދުވަސްވީ އުޅަނދުތައް މާލޭގެ މަގުތަކުން ނަގަނީ.-- ފޮޓޯ: ފުލުހުން

މާއިދާ މުހައްމަދު ރަޝާދު، މިހާރު

16 އޯގަސްޓް 2025 - 10:23

7 comments

މާލޭގެ މަގުތަކުގައި ގިނަ ދުވަސްތަކެއް ވަންދެން ބޭނުންނުކޮށް ބަހައްޓާފައި ހުރި އުޅަނދުތައް ނަގަން ފަށައިފި އެވެ.

ފުލުހުން ބުނީ މާލޭގެ މަގުތަކަކީ އެެންމެންނަށް ރައްކާތެރި، ހިތްފަސޭހަ ތަނަކަށް ހެދުމަށް ކުރާ މަސައްކަތުގެ ދަށުން، މަގުތަކުގައި އާންމުންނަށް އުނދަގޫވާ ގޮތަށް، ދިގު މުއްދަތަކަށް ބޭނުންނުކޮށް ދޫކޮށްލާފައި ހުރި އުޅަނދުތައް ނެގުމުގެ މަސައްކަތް ކުރަމުން އަންނަ ކަމަށެވެ.

އެ މަސައްކަތް ކުރަމުން އަންނަނީ ފުލުހުންގެ އިތުރުން ސިޓީ ކައުންސިލާއި ލޯކަލް ގަވަމެންޓް މިނިސްޓްރީ ގުޅިގެން ކަމަށް ބުންޏެެވެ.

ފުލުހުން އާންމުކުރި ފޮޓޯތަކުން ފެންނަ ގޮތުގައި މަގުތަކުގައި ބަހައްޓާފައި ހުރި ބޮޑެތި ޕިކަޕާއި ސައިކަލުތަކެއް ވެސް ވަނީ ނަގައިފަ އެވެ. އެކަމަކު މަގުތަކުން މިހާތަނަށް ނަގާފައިވަނީ ކިހާ އުޅަނދެއް ކަމެއް އަދި ނުބުނެ އެވެ.

މާލެ ސިޓީގެ މަގުތަކުގައި، އާންމުންނަށް ދަތިވާގޮތަށްގޮތަށް، ދިގު މުއްދަތަކަށް ބޭނުން ނުކޮށް ދޫކޮށްލާފައިވާ އުޅަނދުތައް ނެގުމުގެ މަސައްކަތް، ދިވެހި ފުލުހުންގެ ޚިދުމަތާއި، މާލެ ސިޓީ ކައުންސިލާއި، ސިޓީތަކާއި އިދާރީ ދާއިރާތައް ހިންގުމާބެހޭ ވުޒާރާ ގުޅިގެން ދަނީ ކުރަމުން. pic.twitter.com/D5arvVNzYA
— Maldives Police (@PoliceMv) August 16, 2025

މިދިޔަ ފެބްރުއަރީ މަހުގެ ތެރޭގައި ވެސް ފުލުހުން ވަނީ މާލެ އާއި ހުޅުމާލޭގެ މަގުތަކުގައި ގިނަ ދުވަސްވަންދެން ބޭނުންނުކޮށް ބަހައްޓާފައި ހުރި 200 އަށް ވުރެ ގިނަ އުޅަނދު މަގުތަކުން ނަގައި ޓޯކޮށްފަ އެވެ.

ފުލުހުން ކުރިން ބުނެފައިވާ ގޮތުގައި ހަތް ދުވަސް ވަންދެން ވެހިކަލެއް ތަނެއްގައި ބަހައްޓައިފި ނަމަ، ޓޯކުރުމުގެ ބާރު ފުލުހުންނަށް ލިބެ އެވެ. އެއީ، ޕާކިން ޒޯނެއްގައި ބަހައްޓާފައި ހުރި ސައިކަލަކަށް ވިޔަަސް އެގޮތަށް އަމަލުކުރެވެ އެވެ.

ފުލުހުން މާލެ ސިޓީ ކައުންސިލް ވެހިކަލްތައް

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫޅުދިގުއެތީގެބޭބެ

16 August 2025

ދޫކޮށްލާފައި ހުންނައެއްޗެހި އެކަނި ނަގައިގެން ހައްލެއްނުވާނެ. ތިޔަހެން ނަގާތާ ކޮންޒަމާނެއް.ކޮބާރިޒަލްޓް؟ ކަންކަންމަތީ މީހުނަށް މުސީބާތަކަށްވާހެން ތިބޭ ތަކެތިވެސް ނަގާބަލަ. މީހުނަށް ތަބާވެވޭވަރުގެ ގަވާއިދެއް ހަދައި އެއާއި ހިލާފުވަމީހުނާއި ވެހިކަލްތައް ހިފާހައްޔަރުކޮށް މީހުންއަތުން ބޮޑުކޮށް ޖުރިމައިނާކޮށް އެތިގަޑުތައް ނައްތާބަލަ. ތިންހަތަރު މަހެއްގެތެރޭ މަގުމަތީގެ އަހުލާގުން މީރުވަސްނުދުވާތޯ! ކޮންމެވެސް ތަނެއްކޮށްޓާ ކޮރޮޕްޓުވުން ނޫންކަމެއް ނުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

16 August 2025

" ރައްކާތެރި، ހިތްފަސޭހަ ' އޭ ބުނީމަ އަންނަނީ ހިނި. ފުލުހުން މިހާރު ކަންކަން ކުރަނީ ކަންދައްކަން. މަހަކު 100 ވެހިކަލަ އޭކިޔާފަ ހެޑްލައިން އަޅާއިރު މާލެއަށް ބަލާފަ އެއީ ކޯޗެއް. ނަގަނީވެސް ބޮޑެތި މަގުތަކުން ، ކުދިމަގުތަކުގެ އުޅޭމީހުން އުޅެނީ ހާލުގަ. ޕާކްނުކުރާ ކަންމައްޗެއް ނެތް. ގުޅާފަ ބުނީމަވެސް އަޅައެއް ނުލާ ، ގޮވާފަ ދެއްކީމަވެސް އަޅައެއް ނުލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލަމާ ދޯ

16 August 2025

"މަގުމައްޗަށް ދޫކޮށްލާފައި ހުންނަ ވެހިކަލްތައް ނަގަން ފަށައިފި" މިހެން ޖެހީމަ ކަމުގެ ހަގީގަތަށް އޮޅުން އަރާ.. މިއީ އެތައް ދުވަހެއްގެ ޕޮލިސީ ލެވެލްގެ ފެއިލިއަރ އެއް. އަދި ވެސް ވާނީ ގޯސް. ހުރިހާވެސް މައްސަލަ އަކީ މާލެއަށް މީހުން ތޮއްޖެއްސުމުގެ ސިޔާސަތު. މިސަރުކާރުން ހުޅުމާލޭގެ ހުރިހާ ހުސް ބިންތައް ދޫކުރަމުން ދަނީ. ޕާކު ކުރާނެ ތަނެއް ނުދައްކާ. ނިކަމެތި މީހާ މާލެ އަންނަން މަޖުބޫރު. ލިބޭ މުސާރައިގެ ބޮޑުބައި ޖުރުމައިނާގެ ގޮތުގަ އަނބުރާ ސަރުކާރަށް !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބްސް

16 August 2025

ޕޮލިސީ ލެވެލްގެ ފެއިލިއަރ އެއް ނޫން މިއީ ފުލުހުން ގިނަ އަހަރުތަކެއް ވަންދެއް އަޅާނުލުމުގެ ނަތީޖާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޖިޔާ

16 August 2025

ޕާކިން ޒޯނުން ނަގައިގެން ނުވާނެ. ތާކަށް ފުރަންޖެހުނީމަ ކޮންތާކު ބައިންދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިސް

16 August 2025

އަސްލުވެސް ދޯ؟؟ ކޮންމެވެސް ހައްލެއް ހޯދަ ނުދީ ޓޯ ކޮށްގެން ނުވާނެ !!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސީނާ

16 August 2025

މާލޭގެ މަގުތަކުގެ ފެންހިންދުން/ ކާނަސާފުކުރުން / ވެހިކަލް މަގުމަތިންނެގުން މާލެ ޓްރެފިކް ރަގަޅުކުރަން ސިންގަޕޫރުން ކޮންސަލްޓޭޝަން ހޯދުން ކަހަލަ ވާހަކަ ނޫސްތަކުގައި ނުޖަހަކުރުން ރަގަޅި. ޢެސްފިންނާ ޖެހޭކަންކަން ވީމަ ބުނެލީ!!!