މަނާ ވަގުތު ވެހިކަލް ދުއްވައިގެން 141 މީހަކު ހުއްޓުވައި 11 މީހަކު ޖޫރިމަނާކޮށްފި

ފުލުހަކު މާލެއިން ސިނަމާލެ ބްރިޖަށް އަރާ ސަރަހައްދުގެ ޓްރެފިކް ބަލަހައްޓަނީ:

އިފްރާޒް އަލީ، މިހާރު

06 ޖޫން 2025 - 21:53

މާލެ އާއި ވިލިމާލޭގައި މިއަދު ވެހިކަލް ދުއްވުން މަނާ ކަމަށް ކަނޑައެޅި ހަވީރުގެ ދެ ގަޑިއިރުގެ ތެރޭގައި ފުލުހުން 141 ވެހިކަލް ހުއްޓުވައި 11 މީހަކު ޖޫރިމަނާކޮށްފި އެވެ.

މިއަދު ހަވީރު 4 އިން 6 އަށް ގްރޭޓާ މާލޭ އޭރިއާގެ ހުރިހާ މަގެއްގައި ވެހިކަލް ދުއްވުން މަނާކޮށް މާލޭ ސިޓީ ކައުންސިލުން މީގެ ދެ ދުވަސް ކުރިން އިއުލާނުކޮށްފައި ވިޔަސް ވެހިކަލް ދުއްވުން މަނާވާނީ މާލެ އާއި ވިލިމާލޭގައި ކަމަށް ޓްރާންސްޕޯޓް މިނިސްޓްރީން އިއްޔެ ވަނީ ކަނޑައަޅައިފަ އެވެ.

ފުލުހުން މިރޭ ބުނީ ވެހިކަލް ދުއްވުން މަނާ ކަމަށް ސަރުކާރުން ކަނޑައެޅި ދެ ގަޑިއިރު މާލޭގައި ފުލުހުންގެ ހަރަކާތްތެރިވުން އިތުރުކުރުމަށް ހާއްސަ އޮޕަރޭޝަނެއް ކުރިއަށް ގެންދިޔަ ކަމަށެވެ.

ވެހިކަލް ދުއްވުން މަނާ ވަގުތުގައި ވެހިކަލް ދުއްވައިގެން 141 މީހަކަށް އެކަން ނުކުރަން ނަސޭހަތްދީފައިވާ ކަމަށާއި 11 މީހަކު ޖޫރިމަނާ ވެސް ކޮށްފައިވާ ކަމަށް ފުލުހުން ބުންޏެވެ.

Vehicle dhuvvun manaa vaanee Male aai Vilimale gai, Hulhumale gai dhuvveyne

The most trusted news source in the Maldives

Mihaaru

ފުލުހުން ބުނި ގޮތުގައި މިއަދުގެ އޮޕަރޭޝަނެއްގައި ތިން ވެހިކަލެއް ވަނީ ޓޯ ވެސް ކޮށްފަ އެވެ. އެއީ، ނުރައްކާތެރިކޮށް ދުއްވައިގެންނާއި ލައިސެންސުގެ މުއްދަތު ހަމަވެފައި އޮއްވައި ދުއްވައިގެންނާއި ލައިސަންސް ނެތި ދުއްވައިގެންނެވެ.

ފުލުހުން އީދު މާލެ މާލެ ސިޓީ ކައުންސިލް ވެހިކަލްތައް ޓްރާންސްޕޯޓް މިނިސްޓްރީ

5 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަންޖާސަރާ

07 June 2025

މިހާ ކާރުބާރު ބޮޑުރަށެއްގައި ތީދެން ކޮންކަމެއް. މީއެޒަމާނެއްނުން ތިކަހަލަކަންކަމުގައި މަގުބަންދުކުރަން. މީހުންއުޅެނީ އަވަދިނެތި. އަބަދުވެސް ލައިނުގަނެގެން. ދެން ތިބޭފުޅުން އުފާފަޅުކުރަންށޭ ކިޔަ މަގު ދެތިންގަޑިއިރަށް ބަންދުކުރީމަ ހާދަ ބޮޑު ތަކުލީފެކޭ. މީ 21 ވަަނަ ގަރުނޭ، ކުއްކުނި ކުޅޭ ޒަމާނެންނުން. އެހެންގޮތެއް ހޯދަންވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢީދު ހަދިޔާ އުތަ

07 June 2025

ސަރުކާރަށް ނެގި ޢީދު ހަދިޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަނާ241

06 June 2025

ހުޅުމާލެ އެސް.ޖޭ މޯލް ކުރިމަތީ ކަންމަތީގައި އޮންނަކާރާހެދި ގޯޅިއަޅާއިރު އަނެއްމަގުން އަންނަވެހިކަލެއް ނުފެނޭ . ކުރީދުވަހުވެސް 2 އެކްސިޑެއްޓްހިގިކަމަށްވަނީ . ޕޮލިހުންނަށް އެކާރެއް ފެންނަކަމަކަށްނުވޭ. ކޮންމެވެސް ނޫސްވެރިއަކު މިވާހަކަ ޖަހާދީބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިކަލް

06 June 2025

ރާއްޖެއެއްނު، ކޮންމެހެންވެސް އެކަން ކުރަން ބޭނުންވާ ބަޔަކު އުޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަމްޕި

06 June 2025

ގައިމު މިމާލޭގައި މިގައުމުގައި އުޅުއްވާ ބަންގާޅީ ބޭފުޅުން ސައިކަލުކޮޅުގައި މަގުމަތިން ނުފެންނަ އިރެއް ނުދޭ. ފައިމަގު ގައި ދުވަހެއް ފާހަގަ ކުރަނީ ބަންގާޅީންނަށް ޓަކައޭ ހީވާ ހިސާބުގައި މިގައުމުގެ ކަންކަން މިހާރު މިއޮތީ. ތިރީސް ސާޅީސް މީހުންގެ ގްރޫޕް ހަދައިގެން މަގުތަކުގައި ހިގާއިރުވެސް ކުޑަކުއްޖަކަށް މުސްކުޅިޔަަކަށްވެސް ބަލައެއް ނުލާ.