ކައުންސިލަށް ގެއްލުންވާ ގޮތަށް މާރުކޭޓު އެއްބަސްވުން ހެދި މައްސަލަ އޭސީސީއަށް

މާލޭގެ މަސް މާރުކޭޓު ތަރައްގީކުރުމުގެ މަޝްރޫއު ކުރިއަށް ގެންދިއުމަށް މިލިއަން ޑޮލަރުން ގެއްލުންވާ ގޮތަށް އެއްބަސްވުން ހެދި މައްސަލަ އެންޓި ކޮރަޕްޝަން ކޮމިޝަނަށް އެ ކައުންސިލުގެ ގަލޮޅު އުތުރުގެ ކައުންސިލު މެމްބަރު މުހައްމަދު ސައިފް ފާތިހު ހުށަހަޅުއްވައިފި އެވެ.

ސައިފް ފާތިހު، މޭޔަރު އާދަމް އާޒިމަށް ފޮނުއްވި ސިޓީގައި ވިދާޅުވީ ރައީސް ޑރ. މުހައްމަދު މުއިއްޒުގެ މޭޔަރުކަމުގައި ކައުންސިލުން ވަނީ ބިޑަށް އިއުލާނުކޮށް އިވެލުއޭޓްކޮށް ވަކި ބަޔަކަށް މަސް މާރުކޭޓުގެ މަސައްކަތް ހަވާލުކޮށްފައި ކަމަށެވެ. އެ މަސައްކަތް އޭރު ހަވާލުކޮށްފައި އޮތީ 6.1 މިލިއަން ޑޮލަރަށެވެ.

އެކަމަކު އެމަނިކުފާނު ރައީސް ކަމަށް ހޮވުނު ފަހުން އަދި މޭޔަރު އާޒިމް އެ މަގާމަށް ހަވާލުވުމުގެ ކުރިން ވަނީ އެ އެއްބަސްވުން އުވާލައި މުޅިން އެހެން ކުންފުންޏަކާ އެކު އެއްބަސްވުން ހަދައިފަ އެވެ. އެ އެއްބަސްވުން ހަދާފައި ވަނީ 9.5 މިލިއަން ޑޮލަރަށެވެ. އޮރިޖިނަލް އެއްބަސްވުމުގައިވާ އަގަށް ވުރެ 3.5 މިލިއަން ޑޮލަރު ބޮޑުކޮށް އެހެން ބަޔަކަށް ދީފައިވާ އެ އެއްބަސްވުމުގައި ސޮއިކޮށްފައި ވަނީ ލީގަލް އޮފިސަރު ނަސީރެވެ.

އެހެންވެ، އޭނާގެ މައްސަލަ ބަލައި ނިމެންދެން މަގާމުގެ މަސްއޫލިއްޔަތުތަކުން އޭނާ ދުރުކޮށްދޭން ވެސް ސިޓީގައި އެދިވަޑައިގަތެވެ.

ސައިފް ވިދާޅުވި ގޮތުގައި އެ މައްސަލަ އޮޑިޓު އޮފީހުން ބަލަމުން ދިޔަ ނަމަވެސް އެންޓި ކޮރަޕްޝަން ކޮމިޝަނަށް ވެސް އެކަން ހުށަހެޅުމަކީ މުހިއްމު ކަމެއް ކަމަށް ދެކެވަޑައިގަންނަވާތީ އެކަން މިހާރު ވާނީ އޭސީސީއަށް ހުށަހަޅައިފަ އެވެ.

ސައިފް ވިދާޅުވީ އާ އެއްބަސްވުމެއް ގާއިމުކުރަން ނުވަތަ އާ އެއްބަސްވުމާ ގުޅޭ އެެއްވެސް ކަމަކަށް ކައުންސިލުން ރުހުންދީފައިނުވާކަން އެނގެން އޮތުމާއި ދައުލަތުގެ މާލިއްޔަތާ ބެހޭ ގާނޫނާއި ގަވާއިދުތަކުގެ ދަށުން އެ ބާވަތަށް އާ އެއްބަަސްވުމެއް ގާއިމުކުރުމާއި އެއްބަސްވުމުގެ އަގަށް ބަދަލު ގެނައުމަކީ ހުއްދަކުރާ ކަމެއް ނޫން ކަމަށެވެ. އެކަމުގެ ސަބަބުން ކައުންސިލުގެ މައްޗަށް ބޮޑެތި އިލްތިޒާމުތަކާއި ތަކުލީފުތައް އުފުލަންޖެހިފައިވާތީ އާއި އެއީ ވަކި ބަޔަކަށް ނުހައްގުން މަންފާއެއް ހޯދައިދޭން ރިޝްވަތުގެ ލާލަޗުގައި ޖެހި ހިންގާފައިވާ ކޮރަޕްޝަނާއި ފަސާދައިގެ އަމަލެއް ކަމަށް ބުރަވެވޭ ކަމަށެވެ.

Mas market alhan million dollar ge 2 contract, rangalhee koacheh kameh neyge!

The most trusted news source in the Maldives

Mihaaru

އެހެންވެ އެކަން ކުރީ ކޮން ސަބަބަކާ ހެދިތޯ އާއި ކޮން މަގްސަދެއްގައި ކޮން އިޖުރާއަތެއްގެ ދަށުން ކާކުގެ އެންގުމަށްތޯ އާއި އެހެނިހެންކަންކަމާ ގުޅޭގޮތުން ސުވާލުކުރުމަށް ނަސީރު، އަންނަ ބުދަ ދުވަހުގެ ކައުންސިލުގެ ޖަލްސާއަށް ހާޒިރުކޮށްދޭން ސައިފް އެދިވަޑަައިގެންފައިވެ އެވެ. އަދި މައްސަލާގައި ކަން ހިނގާފައިވާ ގޮތާއި ފުރަތަމަ އެއްބަސްވުމާއި ދެވަނަ އެއްބަސްވުމުގައި މުހިއްމު ތަފާތުތައް އެކުލެވޭ ގޮތަށް ރިޕޯޓެއް ވެސް އެ ދުވަހުގެ ޖަލްސާގައި ހުށަހަޅައިދޭން އޭނާ މޭޔަރުގެ ކިބައިން އެދިވަޑައިގަތެވެ.