ގައުމިއްޔަތަށް ހިދުމަތްކުރުމުގެ ހާއްސަ ޝަރަފު އުތީމު ރައްޔިތުންނަށް އަރުވައިފި

ދިވެހި ގައުމިއްޔަތަށް ހިދުމަތްކުރުމުގެ ހާއްސަ ޝަރަފުގެ އައްޑަނަ، އުތީމު ކައުންސިލްގެ ރައީސް އަބްދުﷲ ރަޝީދުއާ ރައީސް މުއިއްޒު މިއަދު ހަވާލު ކޮށްދެއްވަނީ

އިފްރާޒް އަލީ، މިހާރު

24 އޯގަސްޓް 2025 - 11:19

9 comments

ދިވެހި ގައުމިއްޔަތަށް ހިދުމަތްކުރުމުގެ ހާއްސަ ޝަރަފު ހއ. އުތީމު ރައްޔިތުންނަށް ރައީސް ޑރ. މުހައްމަދު މުއިއްޒު މިއަދު އަރުވައިފި އެވެ.

ގައުމީ ދުވަސް ކުލަގަދަ ގޮތެއްގައި ފާހަގަކުރުމަށް މިއަދު އެ ރަށުގައި ބޭއްވި ގައުމީ ދުވަހުގެ ރަސްމީ ޖަލްސާގައި އުތީމުގެ ރައްޔިތުންނަށް ގައުމިއްޔަތަށް ހިދުމަތް ކުރުމުގެ ހާއްސަ ޝަރަފުގެ އައްޑަނަ ރައީސް ހަވާލުކޮށްދެއްވީ އެ ރަށުގެ ކައުންސިލްގެ ރައީސް އަބްދުﷲ ރަޝީދަށެވެ.

ރައީސް އޮފީހުން ބުނި ގޮތުގައި، އެ ޝަރަފު އެރުއްވުމަށް ރައީސް ނިންމެވީ އުތީމު ގަނޑުވަރު ބެލެހެއްޓުމަށް އުތީމުގެ ރައްޔިތުން އަދާކޮށްފައިވާ ދައުރާއި އެކަމަށް ދޭ އަހައްމިއްޔަތުގެ އަގުވަޒަން ކުރެއްވުމުގެ ގޮތުންނެވެ. އަދި އެރަށު ރައްޔިތުންގެ ބެލެހެއްޓުންތެރިކަމާއެކު އުތީމު ގަނޑުވަރަށް 500 ވަރަކަށް އަހަރުވެފައި ވާތީ އެވެ.

President Dr @MMuizzu and First Lady @sajidhaamohamed arrive in HA. Utheemu to officiate the National Day 1447 celebrations. Their visit encompasses a series of engagements, including the inauguration of the Boduthakurufaanu Monumental Gate and the official National Day… pic.twitter.com/nj7Mn5pgYP
— The President's Office (@presidencymv) August 24, 2025

ރާއްޖޭގެ ގައުމީ ދުވަސް ފާހަގަކުރަނީ ޕޯޗްގީޒުންގެ އަތް ދަށުން ރާއްޖެ ސަލާމަތްކުރުމަށް އައްސުލްތާން މުހައްމަދު ތަކުރުފާނުލް އައުޒަމް ކުރެއްވި ޖިހާދުގެ ޒިކުރާ އާކުރުމުގެ ގޮތުންނެވެ. އުތީމަކީ ބޮޑުތަކުރުފާނުގެ އުފަން ރަށެވެ.

މުހައްމަދު ތަކުރުފާނަކީ އުތީމު ހުސައިން ހަތީބުގެ ހަތަރު ބޭކަލުންގެ ތެރެއިން އެއް ބޭކަލެވެ. އުތީމުގައި ހުންނަ އުތީމު ގަނޑުވަރަކީ އެ ހަތަރު ބެއިންގެ އާއިލީ ގެކޮޅެވެ.

އެ ގެކޮޅަށް ތާރީހީ ގޮތުންނާއި ގައުމީ ގޮތުން ހާއްސަ އަހައްމިއްޔަތު ކަމެއް ދެނީ އެ ތަކުރުފާނުގެ ތިން ބޭކަލުން ޕޯޗުގީޒުންގެ އަތް ދަށުން ރާއްޖެ މިނިވަންކުރުމަށް ކުރެއްވި ކާމިޔާބު ޖިހާދުގެ ސަބަބުންނެވެ. އެއީ މުހައްމަދު ތަކުރުފާނުގެ އިތުރުން ހަސަން ތަކުރުފާނު އަދި އަލި ތަކުރުފާނުގެ ސަބަބުންނެވެ.

އުތީމު ތިންބެއިންގެ އެ ޖިހާދުގެ މަތިވެރި ހަނދާނުގައި ރާއްޖޭގައި ގައުމީ ދުވަސް ފާހަގަކުރަނީ ކޮންމެ ހިޖުރީ އަހަރެއްގެ ރަބީއުލްއައްވަލް މަހުގެ އެއްވަނަ ދުވަހު އެވެ.

ރައީސް އޮފީސް ހއ. އުތީމް ރާއްޖޭގެ ގައުމީ ދުވަސް ރައީސް ޑރ. މުހައްމަދު މުއިއްޒު

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނީލަމް ހަލީމް

25 August 2025

މިކަން ކޮށްގެން މިގައުމުގެ މީހުން އުއްމީދު އައުވާނީ. އެކަތި ގަޑަކަށް ވެގެން މަސައްކަތް ކުރާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިފާދުﷲ

25 August 2025

މަރުހަބާ އުތީމު ރައްޔިތުން. ފުލީ ޑިސާވް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަން34

24 August 2025

މާފުށީ ރައްޔެތުންނަށް ޖަލު ބެލެހެއްޓުމުގެ ސަރަފުވެރި އެވޯޑް، އަދި ގުރައިދޫ ރައްޔެތުންނަށް ހާއްސަ އެހީ އަށް ހިދުމަތް ކުރުމުގެ ސަރަފްވެރި އެވޯޑް ދޭން ފެނޭ!