ޚަބަރު / ޓޫރިޒަމް އެންޑް އެންވަޔަރަންމަންޓް މިނިސްޓްރީ

ގާނޫނާ ހިލާފަށް ހިންގާ ކިހާދުއްފަރު ރިސޯޓަށް ސަރުކާރުން ފިޔަވަޅު އަޅަނީ

ބ. ކިހާދުއްފަރުގައި ހިންގާ ކިހާ މޯލްޑިވްސް ރިސޯޓް.

އިފްރާޒް އަލީ، މިހާރު

28 އޯގަސްޓް 2025 - 21:23

ބ. ކިހާދުއްފަރުގައި ގާނޫނާ ހިލާފަށް ރިސޯޓު ހިންގަމުން ދާތީ ފިޔަވަޅު އަޅަން ނިންމާފައިވާ ކަމަށް ސަރުކާރުން މިއަދު ބުނެފި އެވެ.

ޓޫރިޒަމް މިނިސްޓްރީން މިއަދު ނެރުނު ބަޔާނެއްގައި ބުނީ ކިހާ މޯލްޑިވްސް ރިސޯޓު ހިންގާ ކިހާދުއްފަރަކީ އެ މިނިސްޓްރީ އާއި އަތަމާ މެރިން އިންޓަނޭޝަނަލް ޕްރައިވެޓް ލިމިޓެޑާ ދެމެދުގައި ވެފައިވާ އެއްބަސްވުމެއްގެ ދަށުން ޓޫރިސްޓް ރިސޯޓެއް ތަރައްގީ ކުރުމަށް ކުއްޔަށް ދީފައިވާ ރަށެއް ކަމަށެވެ.

އެ ބަޔާނުގައި ބުނީ ކިހާދުއްފަރުގައި ތަރައްގީކޮށްފައިވާ ރިސޯޓަކީ ޓޫރިޒަމާ ބެހޭ ގާނޫނާއި މިނިސްޓްރީން ކަނޑައަޅާފައިވާ މިންގަނޑުތަކާ އެއްގޮތަށް ހިންގަމުންދާ ރިސޯޓަކަށް ނުވާތީ، ކަންކަން ރަނގަޅު ކުރަން މިނިސްޓްރީގެ ފަރާތުން ތަކުރާރުކޮށް ފުރުސަތު ދީފައިވާ ކަމަށެވެ.

ޝަރުތުތަކެއްގެ މަތިން އެ ރިސޯޓު ހިންގުމަށް އެ ކުންފުންޏަށް ދީފައިވާ ވަގުތީ އޮޕަރޭޓިން ލައިސަންސްގެ މުއްދަތު މިދިޔަ އަހަރުގެ ސެޕްޓެމްބަރު މަހުގެ 27 ވަނަ ދުވަހަށް ހަމަވި ނަމަވެސް، ކަންކަން ރަނގަޅުކޮށްފައި ނުވާ ކަމަށް މިނިސްޓްރީން ބުންޏެވެ.

ޓޫރިޒަމް މިނިސްޓްރީން ބުނީ އެ މުއްދަތުގެ ފަހުން ރިސޯޓު ހިންގުމަށް އެ ކުންފުންޏަށް އިތުރު އޮޕަރޭޓިން ލައިސަންސެއް ދީފައި ނުވާ ކަމަށެވެ.

ރިސޯޓު އޮޕަރޭޓިން ލައިސަންސް ނެތި ރިސޯޓު ހިންގުމަކީ ގާނޫނާ ހިލާފު ކަމެއް ކަމަށް ވާތީ އާއި އެ ކުންފުނިން ހުއްދަ ނެތި އެ ރަށުގައި ޓޫރިސްޓުން ބައިތިއްބާތީ، ދެ ފަހަރެއްގެ މަތިން ގާނޫނާ އެއްގޮތްވާ ގޮތުގެ މަތިން އެ ކުންފުނި ޖޫރިމަނާ ކޮށްފައިވާ ކަމަށް ވެސް މިނިސްޓްރީން ބުންޏެވެ.

ކިހާދުއްފަރުގައި ރިސޯޓު ހިންގުމަށް ވެފައިވާ އެއްބަސްވުމާ އެ ކުންފުނިން ތަކުރާރުކޮށް ހިލާފުވެފައި ވާތީ އާއި ގާނޫނާ ހިލާފަށް އެ ރަށުގައި ޓޫރިސްޓުންނަށް ހިދުމަތް ދެމުން ގެންދާތީ، ކަމާބެހޭ އިދާރާތަކާ ގުޅިގެން އެ ކުންފުންޏަށް ގާނޫނީ ފިޔަވަޅު އެޅުމުގެ މަސައްކަތް ކުރަމުން އަންނަ ކަމަށް މިނިސްޓްރީން ބުންޏެވެ.

އެ ރިސޯޓު ހިންގާ ކުންފުންޏަށް ގާނޫނީ ފިޔަވަޅު އަޅާތީ، ކިހާ މޯލްޑިވްސް ރިސޯޓަށް ޓޫރިސްޓުން ގެންދިއުމަށް އެއްވެސް މުއާމަލާތެއް އެއްވެސް ސިފައެއްގައި އެއްވެސް ފަރާތަކުން ނުކުރުމަށް މިނިސްޓްރީގެ ބަޔާނުގައި ވަނީ އަންގައިފަ އެވެ.

ޓޫރިޒަމް ޓޫރިޒަމް އެންޑް އެންވަޔަރަންމަންޓް މިނިސްޓްރީ ރިސޯޓްތައް ކިހާ މޯލްޑިވްސް

23 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޯހަލާކު1

03 September 2025

އަައްމު މީހާ އަތުން ވޭޕް އަތުލާހެން އަތުނުލެވެނީ ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

30 August 2025

ނުވާނެ ނުވާނެ! ކޮބާ އެމަރަލްޑް އިން އިމިގްރޭސަން މީހުން އަންނާތީ ރަށުން ބިދޭސީން ހުސްކުރި މައްސަލަ ވެސް އޮއްބާލާފަ! އެމަރަލްޑުން މޫދަްކުނި އުކި މައްސަލަވެސް އޮްބާލީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިރުޕާ

30 August 2025

ލިޔުން މުޅިއަކުން ފުރިހަމައެއްނޫން... ސަރުކާރުން ގަބޫލުކުރާ މިންގަނޑުތަކަށް ނުފެތޭ ނަމަ ނުފެތޭ ސަބަބުތައްވެސް ފާހަގަ ކޮށްލަން ވާނެއްނު............................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަންޗޫ

30 August 2025

ހާދިހީވެއެ ތިއުޅެނީ އެކުންފުނި ހިންގާ މީހުންނަށް ދައުލަތުގެ ބަޖެޓުން ބަދަލުގެ ގޮތުގައޭ ކިޔައިފަ ބޮޑު އަދަދެއް ދޭންއުޅޭހެން! އަހަރެމެން ތިބޭނަން ނޯޓްކޮށްލައިގެން ކުޅިބަލަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދަ

30 August 2025

ތިރިސޯޓްގެ ވިޔަފާރި ހުއްޓުވުމުގެ ބަދަލެއްގެ ގޮތުން އެތަން މިލިޔަނެއް ދައުލަތުން ދޭން ޖެހިދާނެ ހެން ހާދަހީވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލަންތިބޭ

30 August 2025

މާދަމާ އެކުންފުނިން ނެރޭނެ ބަޔާނެއް. ގާނޫނާޚިލާފަށް އެރިސޯޓް ބަންދުކުރަން އެންގިކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީސަބަލް

29 August 2025

އޯކޭ! ކޮން ފިޔަވަޅެއްތޯ އަޅަން ޤާނޫނުގައި އޮތީ؟ ޖޫރިމަނާތޯ؟ ލައިސަންސް ބާތިލް ކުރުންތޯ؟ ކަން ނިމޭއިރު މިނިސްޓްރީގެ އިޙްމާލު އޮވެ ފިޔަވަޅު އެންމެ ފުރަތަމަ ވެސް ނޭޅުމުން ތިމައްސަލަ ނިމޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

29 August 2025

އަހަރެމެން އާދައިގެ މީހާގެ ވިޔަފާރި، މުއްދަތު ހަމަވެގެން އެންމެ ދުވަހެއް ވޭތުވިޔަސް، މީރާ އާއި އެކޮނޮމިކް މިނިސްޓްރީއިން ލޮލުފިޔަ ނުޖަހާނެ ކޮނެމެވެސް ޖޫރިމަނާއެއް ކޮށް އެކައުންޓް ފްރީޒްކޮށްފަ ނޫނީ! މުއްސަނދި މީހާއަަށް އިމްޕޯޓް ހުުއްދަތަކާއި، މުއައްޒަފުންގެ ކޯޓާއާއި، ޓެކްސް ނުދައްކައިގެން އަޅާ ފިޔަވަޅުތަކެއް ނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތުރު

29 August 2025

މާނަ އަކީ 1 އަހަރުވަންދެން ޓެކްސް ނުދައްކާ ނުހައްޤު ވިޔަފާރި ކުރަމުން ދާ ބައެކޭ! މުދާ ވެސް އެތެރެ kuraane. ރަލާއި އޫރުމަސް ވެސް ކަސްޓަމްގެ ބޮންޑް އިން ބޭރުވެސް ކުރާނެ. ކޮބާ ކަމާއި ގުޅޭ މުޢައްސަސާ ތައް ކޮބާ ؟ މީރާ ކޮބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮނުއަނގަ

29 August 2025

މިދިޔަ އަހަރު ސެޕްޓެމްބަރު މަހުގެ 27 ވަނަ ދުވަހަށް ހަމަވި ނަމަވެސް، ކަންކަން ރަނގަޅުކޮށްފައި ނުވާ ކަމަށް މިނިސްޓްރީން ބުންޏެވެ.# ކިހާ ރަނގަޅު. ޢެއް.އަހަރު ދުވަސް ހިލޭ ސާބަހަށް ދޫކޮށްލާފައި މިއަދު ފިޔަވަޅު އަޅަން ނިންމީ. ޢަންނަ އަހަރުގެ 27 ސެޕްޓެމްބަރގަ ފިޔަވަޅެއް އެޅޭވަރުވާނެ ނަމަވެސް ހެޔޮތާ؟؟ މިވަރުވީމާ. ހަމަ ޒިންމާދާރު މުވައްޒަފުން ގިނައީ. އެހެންވުދޯ!!!!