ޓީޗަރުން ލިބުން ދަތި ރަށްރަށުގައި މަސައްކަތްކުރަން އެއްބަސްވާ ދަރިވަރުން ޑިގްރީއަށް ކިޔަވާއިރު ސްޓައިޕެންޑް ދެނީ

ކުޑަހުވަދޫގައި ހިންގާ އަތޮޅު ތައުލީމީ މަރުކަޒުގެ ކްލާސްރޫމެއްގައި ކިޔަވައިދެނީ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

23 ސެޕްޓެމްބަރ 2025 - 13:22

ޓީޗަރުން ލިބުން ދަތި ރަށްރަށުގައި މަސައްކަތްކުރަން އެއްބަސްވާ ދަރިވަރުން، ފުރަތަމަ ޑިގްރީއަށް ކިޔަވާއިރު ދޭ ސްޓައިޕެންޑަށް މިއަދު ހުޅުވާލައިފި އެވެ.

އެޑިއުކޭޝަން މިނިސްޓްރީން ބުނީ ޓީޗަރުން ތަމްރީނުކުރުމުގެ ގައުމީ ޕްރޮގްރާމްގެ ދަށުން ވަކި ދާއިރާތަކުން ރާއްޖޭގެ ޔުނިވާސިޓީ އަދި ކޮލެޖުތަކުގައި ޓީޗިން ޑިގްރީއަށް ކިޔަވާ މީހުންނަށް ސްޓައިޕެންޑުގެ ގޮތުގައި މަހަކު 1،500ރ. ދޭނެ ކަމަށެވެ.

އެގޮތަށް ސްޓައިޕެންޑު ދިނުމުގައި އިސްކަންދޭނީ ޓީޗަރުން ލިބުން ދަތި ރަށްރަށުގައި މަސައްކަތްކުރަން އެއްބަސްވާ މީހުންނަށް ކަމަށް ވެސް މިނިސްޓްރީން ބުންޏެވެ.

ސްޓައިޕެންޑު ދިނުމުގެ ޝަރުތުތަކުގެ ތެރޭގައި ޕްރައިމަރީ، އިސްލާމް ނުވަތަ ދިވެހި މާއްދާ ކިޔަވައިދިނުމަށް ތަމްރީނުވާ ކޯހަކަށް ވާންޖެހެ އެވެ. އޭގެ އިތުރުން، މިދިޔަ ޖެނުއަރީގެ ފަހުން ކިޔަވަން ފެށުމާއި 40 އަހަރަށް ވުރެ ހަގު މީހަކަށް ވާންޖެހެ އެވެ.

އެޑިއުކޭޝަން މިނިސްޓްރީން ވަނީ މުސްތަގުބަލުގައި ކިޔަވައިދިނުމުގެ ރޮނގުން ކުރިއަށް ދާން ބޭނުންވެގެން އޭލެވެލް ފަށާ ދަރިވަރުންނަށް ވެސް 1،500 ރުފިޔާގެ އެލަވެންސެއް ދިނުމަށް ނިންމައިފަ އެވެ.

އެޑިއުކޭޝަން މިނިސްޓަރު އިސްމާއިލް ޝަފީއު މީގެ ކުރިން ވިދާޅުވީ މި މަހުގެ ތެރޭގައި އޭ ލެވެލް ފެށި ދަރިވަރުންގެ ތެރެއިން ޓީޗިންގެ ދާއިރާއިން ކުރިއަށްދާން ބޭނުންވާ ކުދިންނަށް 1،500ރ.ގެ އެލަވެންސެއް ދޭން ނިންމާފައިވާ ކަމަށެވެ.

ތައުލީމް ޓީޗަރުން އެޑިއުކޭޝަން މިނިސްޓްރީ

9 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖައިޔުދް

25 September 2025

އ.ނ.ތ ބޭފުޅާ އެނގިލައްވާތޯ ޓީޗަރުން ކުރާ ބުރަ މަސައްކަތް؟ އެއްވެސް ޕްރޮފެޝަން އެއް ދުނިޔޭގައިވެސް ނޯންނާނެ ނިދާ ގަޑި ފިޔަވާ 24 ގަޑިއިރު މަސައްކަތް ކުރަންޖެހޭ ޕްރޮފެޝަންއެއް ޓީޗިންގ ނޫނީ.. އަޅުގަނޑު ދަންނަ ރައްޓެހި ޓީޗަރުން ހަމަ ގަނަ ތެޅެނީ. ގެއަށް ދިޔަޔަސް ޕޭރެންޓުންގެ މެސެޖްތަކަށް ޖަވާބު ދިނުމާ، ފިލާވަޅުތަކަށް ރެޑީވެ ލެސަން ޕްލޭން ހެދުމާ، އަބަދު އެކްސްޓްރާ އެކްޓިވޮޓީ ތަކުގައި ހޮނިހިރު ދުވަހުވެސް އެމީހުން އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

25 September 2025

ޙަމަ ތިހެންބުނާނެ އެހެން ޕްރޮފެޝަނުންވެސް ދޮންކަލޯ. ޑޮކްޓަރުން ކޮބާ އިންޖިނޭރުން ކޮބާ އެންމެކުޑަމިނުން އައިޓީ ޓެކްނީޝަނުންވެސް ތިގެންގުޅޭ ޓިކްޓޮކް ޑައިންވިޔަސް ނިދޭތަ ..މާތްކަމޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚޮޕޭ

25 September 2025

ރައީސް ދިއްގަރު އެމްޕީ ދޫކޮއްލާފަ ރަތްމަންދޫ މެޖޯރިޓީ އެދޭފަދައިން މާލެ ސަރަހައްދައް ބަދަލު ކޮއްދެއްވާ..އެމްޕީ ދެފަޅިޔަށް ހެޔޮކޮއްފަ ދެބޯގެރި ދުއްވަނީއޭ...ނިކަމެތިންނަށް އަޅާލާށޭ އޯގާތެރި ރައީސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީޗަރުހ

23 September 2025

ޓީޗަރުންގެ ވޯކްލޯޑް ކުޑަނުކޮށް ޓީޗަރުން ނުލިބޭނެ ކިތަންމެ ވަރަކަށް ތިޔަކަން ކުރަން އުޅުނަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ.ނ.ތ

24 September 2025

ގޭގައި ބަހައްޓައިގެން މުސާރަ ދޭންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގު ހޯދައިދީ

23 September 2025

މިހާރުން މިހާރަށްވެސް ރައީސްގެ އިސްނެންގެވުމަށްވިޔަސް ކުރަންޖެހޭ ކަމަކީ ޓީޗަރުން ލިބުން ދަތި ރަަށްރަށުގެ ވަޒީފާއަށް ދާ ރަށުން ބޭރު ފަރާތްތަކަށް، ޕޭ ފްރޭމްވާރކްގައި ބުނާ ރޫރަލް އެލަވަންސް ހަމަޖެއްސުން. އަދި މި އެލަވަންސަކީ ކަމުދާ ވަރުގެ އެލަވަންސަކަށް ހެދުން. އުނގެނުމުގެ ހައްގަކީ ކޮންމެ ކުއްޖަކަށް ލިބެންޖެހޭ ހައްގަކަަށް ވާއިރު ޓީޗަރުން ނުލިބޭތީ އެފަދަ ރަަށްރަށުގެ ކުދިންނަށް ގެއްލޭ ހައްގު ހޯދައިދިނުމަަށް މިއީ ހިނދުންހިނދަށް ކުރަންޖެހޭ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއިދޫކޮލުން

23 September 2025

ފުލެޓަށް ކުރިމަތިލާ މީހުން ހަދާހެން ނުހަދަންޏާ ދެން ރަނގަޅު. ފުލެޓު ލިބުނީ، ކުލި ދެއްކުމާ ދެކޮޅު. ކޯސް ނިމުނީ ފިލައިގެން އެހެން ތަނަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްހާފް

23 September 2025

1500 ރުފިޔާއޭ؟ މީގެ ކުރިން 2007 އިން ފެށިގެން ރައީސް ޔާމީންގެ ވެރިކަމާ ހަމައަށް ދެމުންއައި މުސާރައާއި އެއްވަރު އެލަވަންސް. އޭރު ޝަރުތަކީ ދައުލަތަށް ޚިދުމަތް ކުރުން. މިހާރުގެ އަސާސީ މުސާރަވެސް ބޮޑު. އެހެންވިމާ ޓީޗަރުން ބޭނުންވ މާއްދާތަކާ، ޚިދުމަތް ކުރަންޖެހޭ ރަށްތަކާއެކު ޑިގްރީ މުސާރަ އެލަވަންސް ދީބަލަ. ކޯސް ފުރިހަމަ ނުކުރާނަމަ ނޫނީ ޚިދުމަތް ނުދޭ ނަމަ ފައިސާ އަނބުރާ ދައްކަން އެއްބަސްވާގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަތްކައްކާ

23 September 2025

އެހެން ރައްރަށުގަ ކިޔަވައިދޭން ބޭނުން ޓީޗަރުންނަށް އަނގަޔާ އަތާދިމާވާގޮތަށް ބޯހިޔާވަހިކަން އޮންނަނަމާ ދާނެ މީހުން ވާނެ. ކުޑަކޮޓަރިގަނޑަކަށް 8000ރފ ދީގެން ކިހިނެއް ދެކޮޅުޖައްސަނީ