ތިނަދޫ މޭޔަރު ސައުދު ތިން މަސް ދުވަހަށް ކުރި ސަސްޕެންޝަން އުވިއްޖެ

ތިނަދޫގެ މޭޔަރު ސައުދުގެ ސަސްޕެންޝަށް އުވި، އަނބުރާ މަސައްކަތަށް ނުކުމެވަޑައިގަތުމުން ރަތް ދޫލައިގެ މަރުހަބާއެއް ކިޔަނީ.-- ފޮޓޯ: ތިނަދޫ ސިޓީ ކައުންސިލް

އާސިމާ ނިޒާރު، މިހާރު

25 ސެޕްޓެމްބަރ 2025 - 11:22

6 comments

އެލްޖީއޭއިން ހެދި އިންކުއަރީއަށް ފަހު ގދ. ތިނަދޫގެ މޭޔަރު ސައުދު އަލީ ތިން މަސް ދުވަހަށް ކުރި ސަސްޕެންޝަން އުވި މިއަދު މަސައްކަތަށް ނުކުމެވަޑައިގެންފި އެވެ.

އެލްޖީއޭއަށް ހުށަހަޅާފައިވާ މައްސަލަތަކަކާ ގުޅިގެން، މުސާރަ އާއި އިނާޔަތް ނުލިބޭ ގޮތަށް ސައުދު ސަސްޕެންޑުކުރީ މިދިޔަ ޖޫން 25 ގަ އެވެ. އެކަމަކު، ލާމަރުކަޒީ ގާނޫނުގެ ދަށުން، ކައުންސިލަރުން ސަސްޕެންޑުކުރެވޭ އެންމެ ދިގު މުއްދަތަކީ ތިން މަސް ދުވަސް ކަމަށް ވާތީ އެ ސަސްޕެންޝަން މިހާރު ވަނީ އުވިފަ އެވެ.

ސައުދު "މިހާރު" އަށް ވިދާޅުވީ އިންކުއަރީން ފާހަގަވާ ކަންކަން ރަނގަޅުކުރުމަށް މުއްދަތެއް ދޭންޖެހޭ ކަމަށް ގާނޫނުގައި އޮތް ނަމަވެސް، ޖަވާބުދާރީވުމަށް ފުރުސަތު ދިނުމަށްފަހު، ކަންކަން ރަނގަޅުކުރަން އެއްވެސް މުއްދަތެއް ނުދޭ ކަމަށެވެ.

އެލްޖީއޭ އިން އޭރު ބުނި ގޮތުގައި ކައުންސިލުގެ ބާރުތަކާއި ވަސީލަތްތައް ނަހަމަ ގޮތުގައި ބޭނުން ހިފައި ކައުންސިލަރުންގެ ސުލޫކީ މިންގަނޑާ ހިލާފަށް މޭޔަރާއި މެމްބަރުން އަމަލުކުރާ ކަމަށް ބުނެ އަމިއްލަ ފަރާތަކުން ހުށަހެޅި މައްސަލާގައި އެލްޖީއޭ އިން މޮނިޓާކޮށް ފާހަގަކުރެވުނު މައްސަލަތައް ބަލާފައިވާ ކަމަށެވެ.

Thinadhoo Mayor aai Deputy mayor suspend koh, mulhi council ah fiyavahlhu alhaifi

The most trusted news source in the Maldives

Mihaaru

އެލްޖީއޭގެ ރިޕޯޓުގައި 19 މައްސަލައެއް ފާހަގަކޮށްފައިވެ އެވެ. އޭގެ ތެރޭގައި ހިމެނޭ ބައެއް ކަންކަމަކީ؛

- ކައުންސިލަށް އިދާރާތަކުން ފޮނުވާ ސިޓީތަކަށް ޖަވާބުނުދީ ފޮނުވާލާ މައްސަލަ

- ތިނަދޫއިން އެހެން ރަށްތަކަށް ރަށްވެހިކަން ބަދަލުކުރުމަށް ހުށަހެޅުމުން 5،000ރ. ގެ ފީއެއް ނަގާ މައްސަލަ

- ރަށްވެހިކަން ބަދަލުކުރުމަށް ފީ ނެގުން ހުއްޓާލަން އެލްޖީއޭ އިން އެންގުމުން އެކަމަށް އަމަލުނުކުރުން

- އަތޮޅު ކައުންސިލާއި ދައުލަތުގެ އެހެން އިދާރާތަކުން ކައުންސިލުން ހޯދުމަށް އެދޭ މައުލޫމާތު ނުފޮނުވާ މައްސަލަ

- އަތޮޅު ކައުންސިލުން އަންގާ އެންގުންތަކަށް އަމަލުނުކުރުން

- ފިނޭންސް މިނިސްޓްރީގެ ހުއްދަ ނެތި ކައުންސިލުގެ ބިޑު ކޮމިޓީ އާއި ބިޑު އިވެލިއުޝަން ކޮމިޓީއަށް އެލަވަންސް ދިނުން

- އޭސީސީން ތިނަދޫ ކައުންސިލުން ތަހުގީގަށް ދިއުމުން އެއްބާރުލުން ނުދިނުން

- ކައުންސިލުގެ އޮފިޝަލް ސޯޝަލް މީޑިއާ އެކައުންޓުތަކުން ކައުންސިލާއި ލާމަރުކަޒީ ނިޒާމުގެ އަގުވައްޓާލަން ޕޯސްޓުކުރާ މައްސަލަ

- ތިނަދޫގައި އަޅާ 200 ހައުސިން ޔުނިޓަށް ކުރިމަތިލުމަށް ހައުސިން މިނިސްޓްރީގެ މަޝްވަރާ ނެތި ހުޅުވާލުމާއި އެކަން ނުކުރަން އެންގި އެންގުމަށް އަމަލުނުކުރުން

- ކައުންސިލުން އިއުލާނުކޮށްގެން ހަދާފައިވާ މޮނިއުމަންޓް ޕްރޮޖެކްޓްގެ ފައިސާ މޭޔަރުގެ ނަމުގައި ރަޖިސްޓްރީކޮށްފައިވާ އަމިއްލަ ފަރުދުންގެ ވިޔަފާރި އެކައުންޓަކަށް ޖަމާކުރި މައްސަލަ

ގާނޫނާ ހިލާފަށް ސަސްޕެންޑުކުރި ކަމަށް ވިދާޅުވެ ސައުދު ވަނީ އެ މައްސަލަ ސިވިލް ކޯޓަށް ވެސް ހުށަހަޅައިފަ އެވެ. އޭގެ އަޑުއެހުންތައް ވެސް ވަނީ ފަށައިފަ އެވެ.

ގދ. ތިނަދޫ ލާމަރުކަޒީ ހިންގުން އެލްޖީއޭ

6 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

raajje

25 September 2025

އަޅުގަނޑުގެ އުމުރުން މިހާރު 50ހާގާތްވަމުންދާއިރު އަޅުގަނޑުގެ ތަޖުރިބާއަކީ އެއްވެސްކަމެއްގާ "ދެވަނަފުރުސަތުދީގެންނުވާނެކަން" ހާއްސަކޮށް ގަސްދުގައިކަމެއް އޮޅުވާލުން ގޯސްކޮށްކުރުން ހިޔާނާތްތެރިވުން ފަދަ މައްސަލަތަކުގައި ދެވަނަފުރުސަތުދިނުމަކީ ކުރެވޭނެކަމެއްނޫން، ސަބަބަކީ ދެވަނަފުރުސަތުލިބުނަސް އެމީހަކުއިސްލާހެއްނުވާނެ، ދެންބަލާނީ ކުރިޔަށްވުރެން ސިއްރުން ރާވައިގެން އެކަމެއްކުރެވޭތޯ، މީތަޖުރިބާ، ސައިކޮލޮޖިސްޓުންބުނެފައިވަނީ މީއިންސާނީތޮބީއަތްކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާހުއްޓާ

25 September 2025

ކޮބާ މާލެސިޓީކައުންސިލަރުންނަށް އަޅަންވީ ފިޔަވަޅުތައް.؟ އެންމެން ލޯކުރިމަތީ ރޯމާދުވާލު މާލެ ބިންތަކާ މަގުމަތިން ޕާރކިންގ ސްލޮޓްތައް ވިއްކާހުސްކުރީ ޖީބައްކަޓުލަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭޔަރލ

25 September 2025

ސަސްޕެންޝަން "އުވުނީތޯ" ނުވަތަ ސަސްޕެންޝަނުގެ މުއްދަތު ހަމަވީތޯ؟ ލިޔާއިރު ރަނގަޅު ލަފްޒު ބޭނުންކުރަމާތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެފުށް

25 September 2025

ރާއްޖޭގެ ނިޒާމުތަކަކީ ހަރުދަނާ އުސޫލުތައް ނިޒާމުތަކަށް ހެދުމެއްނޫނެވެ. ދޯހަޅި މަކަރުވެރި، ކޮރަޕްޓް ގޮތްތަކަކީ އުސޫލްތައްކަމަށް ގާއިމުކުރާ ގައުމެއްމިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

25 September 2025

ތިޔަ ކައުންސިލުތައް އުވާލަންވީ. ސަރުކާރަށް ޖެއްސުންކުރަން ހަދާފައިހުންނަ ތަންތަން. ހަމަޖެހޭ އެއްކަމެއްވެސް ނުކުރޭ. ސަރުކާރުން ފަހަތުފަޔަށް ބުރަވެގެން ތިކަމެއްނުކުރެވޭނެ.