ޚަބަރު / ސިވިލް ސާވަންޓުން

ސިވިލް ސާވަންޓުންނާއި ދައުލަތުގެ އެހެނިހެން މުވައްޒަފުންގެ މުސާރަ ނޮވެމްބަރު 1 އިން ފެށިގެން ބޮޑުކުރަނީ

ސިވިލް ސާވަންޓުންނާއި ޝަރުއީ ދާއިރާގެ މުވައްޒަފުންގެ މުސާރަތައް ހާމަނައިޒް ކުރަން މި އަހަރުގެ ބަޖެޓުގައި ވސް 500 މިލިއަން ރުފިޔާ ވަނީ ހިމަނާފައި.

28 ސެޕްޓެމްބަރ 2025 - 15:34

53 comments

ސިވިލް ސާވަންޓުންނާއި ދައުލަތުގެ އެހެން ބައެއް އިދާރާތަކުގެ މުވައްޒަފުންގެ ތެރެއިން މިހާތަނަށް މުސާރަ ބޮޑު ނުވެ ތިބި މީހުންގެ މުސާރަ އަންނަ ނޮވެމްބަރު 1 އިން ފެށިގެން ބޮޑުކުރަން ރައީސް ޑރ. މުހައްމަދު މުއިއްޒު ނިންމަވައި، ދެންމެ އެކަން އިއުލާން ކުރައްވައިފި އެވެ.

ރައީސް އެކްސްގައި ވިދާޅުވީ، ޕޭ ހާމަނައިޒޭޝަންގެ ތެރެއިން މިހާތަނަށް މުސާރަ ބޮޑު ނުކޮށް ތިބި، ސިވިލް ސާވިސް ހުރިހާ މުވައްޒަފުންނާއި ޖުޑިޝަރީގެ ހުރިހާ މުވައްޒަފުން އަދި ކައުންސިލްތަކުގެ ހުރިހާ މުވައްޒަފުންގެ މުސާރަ ކުރިއަށް އޮތް ނޮވެމްބަރު 1 ގައި ހާމަނައިޒްކޮށް، މުސާރަ ބޮޑުވާނެ ކަމަށެވެ.

"މި އަހަރުގެ ރިޔާސީ ބަޔާނުގައި މި ފަރާތްތަކުގެ މުސާރަ މި އަހަރު ބޮޑުވެގެންދާނެ ކަމަށްވާނީ ދަންނަވާފައި. އަދި ކުރިން ވެސް ދަންނަވާފައިވާ ފަދައިން، މި އަހަރު މުސާރަ ބޮޑު ނުވާ ހުރިހާ މުއައްސަސާތަކެއްގެ ހުރިހާ މުވައްޒަފުންގެ މުސާރަ 2026 ގައި ބޮޑުވެގެންދާނެ،" ރައީސް މުއިއްޒު ވިދާޅުވި އެވެ.

ސިވިލް ސާވިސް މުވައްޒަފުންގެ ތެރެއިން މިހާތަނަށް ޕޭ ހާމަނައިޒް ނުކުރާ ހުރިހާ މުވައްޒަފުންނާއި ޖުޑީޝަރީގެ މުވައްޒަފުންގެ މުސާރަތަކަށް ބަދަލުގެނެސް އެއްހަމަ ކުރުން ދައުލަތުގެ މި އަހަރުގެ ބަޖެޓުގައި ވެސް ވަނީ ހިމަނައިފަ އެވެ.

ސިވިލް ސާވަންޓުންނާއި ޝަރުއީ ދާއިރާގެ މުވައްޒަފުންގެ މުސާރަތައް ހާމަނައިޒް ކުރަން 500 މިލިއަން ރުފިޔާ ބަޖެޓުގައި ކަނޑައަޅާފައިވެ އެވެ. ސިވިލް ސާވިސް އިން އެންމެ ފަހުން އާންމުކުރި ތަފާސްހިސާބުން އެނގޭގޮތުގައި މި ވަގުތު 30،165 މުވައްޒަފުން މަސައްކަތް ކުރެ އެވެ.

ސިވިލް ސާވިސް ސިވިލް ސާވަންޓުން ރައީސް ޑރ. މުހައްމަދު މުއިއްޒު ސިވިލް ސާވިސް ކޮމިޝަން ސިވިލް ސާވަންޓުންގެ މުސާރަ ދައުލަތުގެ ބަޖެޓް ދައުލަތުގެ ބަޖެޓް 2025

53 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިވިލް

30 September 2025

ސިވިލްސަރވަންޓުންގެ މުސާރަ އެންމެ ފަހުން ބޮޑުކުރި ތާރީޚްތަކާ އެއްކޮށް ބޮޑުކުރި މިންވަރާއެކު މަޢުލޫމާތު ފޯރުކޮށް ދޭނަމަ ރައްޔިތުންނަށް ރަނގަޅު ޞައްޙަ މަޢުލޫމާތު އެނގޭނީ!!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

29 September 2025

ކުރީގަވެސް ހެދިގޮތަށް މުސާރަބޮޑުކޮށްފަ އެއަށްވުރެ ބޮޑަށް އެލަވަންސްކަނޑާލަނީބާ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީތެޑް

29 September 2025

ފުލުހުންގެ ސިވިލް މުވައްޒަފުންނަށް މުސާރަ ބޮޑުނުވާތާ ކިތައް އަހަރު ވެއްޖެ؟ ފުލުހުންނަށް 2 ބުރަށް މުސާރަ ބޮޑުވެއްޖެ. ސިވިލް ސާރވިސް މުވައްޒަފުންނަށް 1 ބުރު ބޮޑުވެއްޖެ. އަދިވެސް ފުލުހުންގެ "ސިވިލް މުވައްޒަފުންނަކަށް މުސާރަ ބޮޑެއް ނުވޭ" މިކަމާ އުޅޭނެ ވެރިއެއްވެސް ވުޖޫދަކަށް ނާދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޝަތް މާހާ

29 September 2025

ރައީސް މުޢިއްޒްއަށް ދެވަނަ ދައުރެއް ހަމަ ހަގީގަތުގައިވެސް ހައްގުވެގެން މިދަނީ. ގައުމުގަ ހަމަ ޖެހުން ގާއިމްކޮށް ރައްޔިތުންގެ ޖީބު މި ބޮޑު ކޮށްލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސާ ޔައިޝް

29 September 2025

އަލްހަމްދުލިﷲ. ޝުކުރިއްޔާ ރައީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން ހާމަނުކުރާ

29 September 2025

މިނިމަމް ވޭޖް ކަނޑައެޅިއިރު ވީގޮތަކީ ހުރިހާ ފިކްސްޑް އެލަވަންސް އެއްކުރީމަ 7000 ޖެހެންޖެހޭތީ ކުންފުނިން މިކުރި ކަމަކީ ކުރީގައި އެޓެންޑެންސް އެލަވަންސަށް ދިން 125 ރުފިޔާ 75 ރުފިޔާއަށް ދަށްކޮއްލީ. ކަން އާހިރުވީ އިރު އޭގެ ކުރީމަހު ލިބުނު މުސާރައަށްވުރެ ވެސް ދަށް މުސާރައަށް ބަދަލުވެގެން ދިޔައީ. މިހާރު ވާން މިއުޅެނީވެސް އެފަދަ ކަމަކާ ވައްތަރީ.