ގެދޮރުވެރިޔާ ފްލެޓުތައް ކުއްޔަށް ދޭ ނަމަ އެ ތަންތަން އަތުލާނެ: އެފްޑީސީ

އެފްޑީސީން ބުނީ، އެހެން ފަރާތްތަކަށް ފްލެޓު ކުއްޔަށް ދޭ ނަމަ އެއްބަސްވުން ބާތިލް ކުރާނެ ކަމަށް.

ހައުސިން މިނިސްޓަރު މުއްތަލިބާއި އެފްޑީސީގެ އެމްޑީ ޝަކީލް.---ފޮޓޯ: ރައީސް އޮފީސް

11 އޮކްޓޯބަރ 2025 - 16:58

ބޯހިޔާވަހިކަމަށް އެންމެ ބޮޑަށް ބޭނުން ޖެހިފައިވާ މީހުންނަށް ދޫކުރާ ފްލެޓުތައް އެއްބަސްވުމާ ހިލާފަށް ކުއްޔަށް ދޭ ނަމަ ފްލެޓުތައް އަތުލާނެ ކަމުގެ އިންޒާރު ފަހި ދިރިއުޅުން ކޯޕަރޭޝަން (އެފްޑީސީ) އިން މިއަދު ދީފި އެވެ.

އެ ކުންފުނީގެ އިންޒާރު މި އައީ ގެދޮރުވެރިޔާ މަޝްރޫއުގެ ދަށުން ހުޅުމާލޭގައި އެފްޑީސީން އިމާރާތް ކޮށްފައިވާ ފްލެޓްތައް ހަވާލުކުރަން ފެށުމާ އެކު، ބޮޑު އަގުގައި އެ ތަންތަން ކުއްޔަށް ދޭން އިޝްތިހާރު ޖަހަން ފެށި މައްސަލަ އިއްޔެ ފެންމަތިވުމުންނެވެ.

ގެދޮރުވެރިޔާ ނުވަތަ ފަހި ފްލެޓުގެ ތެރެއިން މިހާތަނަށް ހަވާލުކުރި ބައެއް ފްލެޓްތައް ފޮޓޯއާ އެކު މިހާރު ވަނީ ކުއްޔަށް ދޭން އިއުލާންކޮށްފަ އެވެ. އެކަމަކު ފްލެޓް ލިބުނު މީހުންނާއި އެފްޑީސީއާ އެކު ވެފައިވާ އެއްބަސްވުމުގެ ދަށުން އެ ފްލެޓްތައް ކުއްޔަށް ދޫކުރުމަކީ މަނާކަމެކެވެ. އެއީ، ފްލެޓް އަތުލެވިދާނެ ކަމެއް ކަމަށް އެއްބަސްވުގައި ވެ އެވެ.

ހުޅުމާލެ 2 ގައި އެފްޑީސީން ހަދަމުން އަންނަ ފްލެޓުތައް: ބައެއް ތަންތަން ވަނީ ދޫކުރަން ފަށާފައި.---ފޮޓޯ: ފަޔާޒު މޫސާ| މިހާރު

މި މައްސަލާގައި އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް "އެކްސް" ގައި މިއަދު ވިދާޅުވީ، އިޖުތިމާއީ ބޯހިޔާވަހިކަމުގެ މަޝްރޫއުގެ އެ ފްލެޓުތައް ދޫކުރަނީ ބޯހިޔާވަހިކަމަށް އެންމެ ބޮޑަށް ބޭނުންޖެހިފައިވާ މީހުންނަށް އިސްކަން ދީގެން ކަމަށެވެ.

"އެއްބަސްވުމާ ޚިލާފަށް ފުލެޓު ކުއްޔަށް ދޭ ނަމަ ފްލެޓު ކުއްޔަށް ދޭ ފަރާތްތައް ހޯދައި، އެއްބަސްވުމުގައިވާ ގޮތުގެ މަތިން އެ ފަރާތްތަކާ އެކު ހެދިފައިވާ އެއްބަސްވުން ބާތިލްކޮށް ފްލެޓް އަތުލެވޭނެ ވާހަކަ ދަންނަވަން،" އޭނާ ވިދާޅުވި އެވެ.

ގެދޮރުވެރިޔާ ފްލެޓުތަކުގެ ތަޅުދަނޑިތައް އަދި ހަވާލުކޮށް ވެސް ނުނިމެނީސް ބައެއް ފްލެޓުތައް ކުއްޔަށް ދޫކުރަން ޖެހުމުން ގިނަ ބަޔަކު ދަނީ ކަންބޮޑުވުން ފާޅުކޮށް އަދި އެ ތަންތަން އަތުލަން ގޮވައިލަމުންނެވެ.

Fahi flat thah ehkoh havaalu nukurevi ulhenikoh 25,000 rufiya ah kuyyah dheyn iulaankoffi

The most trusted news source in the Maldives

Mihaaru

ތިން ކޮޓަރީގެ ފްލެޓެއް 25،000 ރުފިޔާ އަށް ކުއްޔަށް ދޭން އިއުލާން ކޮށްފައިވާއިރު، އެ ތަނުގެ ކުލީގެ ގޮތުގައި ސަރުކާރުން ކަނޑައަޅާފައި ވަނީ 11،500ރ. އެވެ. އެހެންކަމުން އިއުލާންކޮށްފައި ވަނީ ކުއްޔަށް ވުރެ 13،500ރ. ބޮޑުކޮށް ދޫކުރުމަށެވެ.

އެފްޑީސީން 4،000 ފްލެޓް ލިބުނު މީހުންނާ، އެ ތަންތަނުގެ ތަޅުދަނޑި ހަވާލުކުރަން ފެށިތާވީ އަދި އެންމެ ދެ ހަފުތާ އެވެ. ހުޅުމާލެ 2 ގައި އިމާރާތްކޮށްފައިވާ އެ ފްލެޓްތަކުގެ ތެރެއިން އެންމެ ފުރަތަމަ ތަޅުދަނޑި ހަވާލުކުރީ އަމާން އުދަރެސްގެ 14 ވަނަ ޓަވަރުން ފްލެޓް ލިބުނު މީހުންނަށެެވެ.

އެފްޑީސީން "މިހާރު" އަށް މިދިޔަ ބުރާސްފަތި ދުވަހު ބުނީ މިހާތަނަށް ތަޅުދަނޑި ހަވާލުކުރީ 78 މީހަކާ ކަމަށެވެ. އެ ޓަވަރުތަކަށް ފެނާއި ކަރަންޓު ދީފައިވާތީ އެތަން ހަވާލުކުރުމާ އެކު ދިރިއުޅެން ފެށޭނެ އެވެ.

ބޯހިޔާވަހިކަން ފަހި ދިރިއުޅުން ކޯޕަރޭޝަން ހަމްދާން ޝަކީލް (އެމްޑީ، ފަހި ދިރިއުޅުން) ފްލެޓް ހުޅުމާލޭ ދެ ވަނަ ފިޔަވަހި

65 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމަލު1

13 October 2025

އާއިލާ މެންބަރުންނާއި އެވަގުތު އުޅެވޭނެ ޖާގައިގެ ތަނަކަށްވާތީ 3 ކޮޓަރި ތަނަކަށް އެޕްލައިކުރީ. އެހެނަސް ފުލެޓް ލިބުނުއިރު މިއޮތީ ތަންކުޑަވެ ދަރިން ބޮޑެތިވެފަ.އެހެންކަމުން އަދިވެސް އުޅެން މިޖެނީ ޖާގައިގެ ދަތިކޮށް އެހެންވެ ލިބުނު ފުލެޓް ކުއްޔަށްދީ އެއަށްވުރެ ބޮޑުތަނެއް ކުއްޔަށް ހިފީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިޔާ ފްލެޓްތައްވެސް އަތުލާ

13 October 2025

ހަމ ަތިގޮތަށް ހިޔާ ފްލެޓްތައްވެސް އަތުލަން ޖެހޭ. ކެރޭނެބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިލްމާ ޒާހިރު

12 October 2025

ތިޔަ އަތުވަނީ ފޮނު. ތިޔަހެން ދައްކާ ބިރަކަށް ނުސިހޭނެ. ފުރަތަމަ ސިފައިންނާ ފުލުހުންނަށް ދިން ފްލެޓްތައް އެތައް އަހަރެއް ވަންދެން ކުއްޔަށްދިން މީހުން އެތަންތަނުން ބޭރުކުރޭ. ހިޔާ ފްލެޓްގައި އުޅޭ %80 މީހުން ކުލި ނުދައްކާ. އެ އެންމެން ބޭރުކުރޭ. ކުށްޔަށް ވެސް ދޭނެ. އެކަން އެހެން ނުވީސް ފޮނި ދައްކަން ނުއަގުގަ ނުދޭނަމަ. 3 ކޮޓަރި ފްލެޓަށް ކުލި ނަގަންވީ 18،000 ވަރު. ކުޑަކޮށްގެން ތިޔަ ސަކަރާތް ޖަހާނެ. އަދި ކުށްޔަށް ދީފައިވާ ހުރިހާ ފްލެޓް އަތުލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރަދުއިބްރާހީމް

12 October 2025

ދެލޯފުޅާ ގެދޮރުވެރިޔާއެއް ވެށިފައްސެއް ކިޔާނެކަމެއްނެތް ސްކީމްތަކުން ފްލެޓް ލިބިފައިވާ ތަންތަނުގެ ސްޕަވިޝަން ވަރުގަދަކޮށް ގޭގެ ވެރިފަރާތުން އެތަންތާ ނޫޅެ " ކުއްޔަށް ދީފަވާ ހުރިހާތަންތަނެއް " ވަގްތުން ވަގުތަށް އަތުލަންވީ ، ބޯހިޔާވަހިކަމުން އާމްދަނީ އެއް ނުހޯދޭނެ ، މިކަން ތަންފީޒް ކޮށްލަންކެރޭވަރުގެ " ވެރިއެއް " އަދި ނުފެނޭ . ވަރަށް ސަލާން މިޤައުމަކީ " ވޯޓުގެ " ދަށުވެފައި އޮންނަ ޤައުމެއް އަޅެ ނޫންތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާބޭގެ ދަރި

12 October 2025

ގެދޮރު ކުއްޔަށް ދިނުން މަނާކުރަންވާނީ ކުއްޔަކާ ނުލައި ދިރިއުޅެވޭނެ ގޮތް އެންމެނަށް ހަމަޖައްސައިދީފައި. ޕާކް ކުރުން މަނާ ތަންތަން ކަނޑައަޅަންވާނީ ޕާކު ކުރެވޭނެ ތަންތަން ހަމަޖައްސައިދީފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާބޭގެ ބަފާ

13 October 2025

ދަރިފުޅާ "ގެދޮރު ކުއްޔައް" ދިނުން މަނާކުރާވާހައެއް ނޫން އެދައްކަނީ. އެބުނަނީ ދިރިއުޅެވޭނެގޮތެއް ނެތިފައި ތިބިމީހުންނަށް ސަރުކާރުން ކުޑަކުލީގަ ދޫކުރި ފްލެޓްތަށް އޮޅުވާލައިގެން ހޯދައި އެތަނުގައި ދިރި ނޫޅެ އެތަނުން ވިޔަފާރިކުރުން ހުއްޓުވާވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާބޭ

13 October 2025

އަހަންމާބޭގެ ދަރި ކަހަލަ މީހުން މިގައުމުގަ ގިނަވެގެން ދިމާ ވެގެން އުޅޭ މައްސަލައެއް މީ. ދައުލަތް ދަރަނި ވެރިވެގެންވެސަ މި މީހުން ބަލަހައްޓަން ޖެހޭނެ ކަމަށް ވިސްނަނީ. ދައުލަތް ދަރަނީގައި ހިންގާތާ 20 އަހަރު. ލަންކާއަށް ވީގޮތަށް ވީމާ މިމީހުންނަށް ހޭވެރިކަން ވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރާދު...

12 October 2025

އަހަރެންގެ ރަށުން މާލެއައި މީހުންތެރެއިން ހިޔާފުލެޓް އަނބި/ފިރި މީހާއަށް ލިބުނު 10 އާއިލާއަށް އެމްޑީޕީ ސަރުކާރުން ޕޮއިންޓް ދީގެން ފުލެޓް ލިބުނު. ހިޔާފުލެޓްގަ ނެތްހާ އަރާމުގަ އުޅޭ ބަޔަކަށް 90 ޕޮއިންޓް ހަމަވާނީ ކިހިނެއް؟؟؟؟ އެމީހުން ތިޔަ ތަންތަން ކުއްޔަށް ނުދީ ހުންނާނެތަ؟؟؟ސަރުކާރުން އެނގިހުރެ އެމީހުންނަށް ފުލެޓް ދިނީ ކުއްޔަށް ދޫކުރުވަން. އެތަންތަން އަތެއްވެސް ނުލާނެ. ކުއްޔަށްވެސް ދޭނެ. ބަލަން ތިބޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަފަރީދާ

12 October 2025

މައްސަލަޔަކީ ފުލެޓް ކުއްޔަށް ދިނުމެއްނޫން. ބަލަންވީ ބަލަބަލާ ތިއްބާ 2 ކޮންޓޭނާ ސިނގިރޭޓް ގެއްލުނު މައްސަލަ. އެކަންނުކޮށް ނުވާނެ ކަންކަމުގެ ވާހަކަ ނުދައްކަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޫރުބެ

12 October 2025

ކިހިނެއްހޭ އަތުލަނީ؟ ދައުލަތުގެ ޚަޒާނާ ބައްކޮށްލައިގެން ދާމީހާވެސް އެކޭ ބަޔަކަށް ކޭ އެއްޗެއް ނުކާ ބަޔަކަށް ދެރަ! އެންމެންނަކީ އެންމެންގެ ޙައްޤުތަށް ފެންފޮދަކާނުލާ ކާލަން ކެރޭ ބައެއްނޫނިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

12 October 2025

ވަކި އަކަފޫޓެއް ހަމަވާ ބިމެއް އަމިއްލަ ނަމުގައި ނެތިގެން ޝަރުޠު ހަމަވިޔަސް މާލޭގައި ގެދޮރު ހުރި ގިނަ މީހުންވަނީ ގޯތިތައް ބުރިބުރިއަށް ނަގައިގެން ކޮންމެ ދަރިޔަކަށް އެޕާޓްމަންޓެއް ހަދާފައި. ދެން ޝަރުޠު ހަމަވާތީ ފްލެޓް ހޯދައިގެން ކުއްޔަށްދިނުން ނޫންކަމެއް ކުރާނެބާ؟ ކުއްޔަށް ދޭކަން ނޭނގޭތީބާ އެންމެ ފުރަތަމަ ދިން ފްލެޓްތަކުގައިވެސް އަދިވެސް ކުއްޔަށް މީހުން އުޅެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންކަރާ

12 October 2025

ފްލެޓް ކުއްޔައް ދިނުން އެކަންޏެއް ނޫން.. 6 މަސް ދުވަސްތެރޭ އެތަނުގައި ދިރިއުޅެން ނުފަށައިފިނަމަވެސް އަތުލަންޖެހޭނެ. އެއީ އެމީހަކަށް އެވަރުގެ ބޭޏުމެއް ޖެހިފަ ނެތީމަ.