ހުޅުމާލެ މަގުތަކުގެ ދުވާރުމަތީގައި ހުރި ގޮނޑިމޭޒު ނަގަން އަނެއްކާވެސް އަންގައިފި

ހުޅުމާލޭގެ ކެފޭއެއް: ހުޅުމާލޭގެ މަގުތަކުގެ ދުވާރުމަތީގައި ބަހައްޓާފައި ހުރި ގޮނޑިތަކާއި މޭޒުތައް ނަގަން ވަނީ އަންގާފައި --- ފޮޓޯ/މިހާރު

އިފްރާޒް އަލީ، މިހާރު

17 އޮކްޓޯބަރ 2025 - 19:50

36 comments

ހުޅުމާލެ މަގުތަކުގެ ދުވާރުމަތީގައި ކެފޭތަކުން ބަހައްޓާފައި ހުރި ގޮނޑިތަކާއި މޭޒުތައް ނަގަން އެޗްޑީސީން އަނެއްކާވެސް އަންގައިފި އެވެ.

އެޗްޑީސީން އިއްޔެ ކުރި އިއުލާނެއްގައި ބުނީ ހުޅުމާލޭ ދުވާރުމައްޗާއި ހެޖުތެރޭގައި ގޮނޑި އާއި މޭޒު ބަހައްޓައިގެން ހިދުމަތް ނުދޭން މިދިޔަ އޮގަސްޓު މަހު އެންގި ނަމަވެސް، އަދިވެސް ގިނަ ކެފޭތަކަކުން އެކަން ކުރަމުންދާ ކަމަށެވެ.

މަގު ބޭނުންކުރާ މީހުންނަށް ދަތިވާ ގޮތަށް ދުވާރުމަތީގައި ގޮނޑި އާއި މޭޒު ބަހައްޓައިގެން ވިޔަފާރި އުސޫލުން ބޭނުން ކުރުމަކީ މަނާ ކަމެއް ކަމަށް އެޗްޑީސީން ބުންޏެވެ.

ދުވާރުމަތީގައި ބަހައްޓާފައި ހުރި ގޮނޑި އާއި މޭޒުތައް އަންނަ ބުރާސްފަތި ދުވަހުގެ ކުރިން ނެގުމަށް އެޗްޑީސީންގެ އިއުލާނުގައި ވަނީ އަންގައިފަ އެވެ.

އެޗްޑީސީން ބުނީ ހުޅުމާލޭގެ ހެޖުތެރޭގައި ބިޔަވާ ޒާތުގެ ގަސްތައް އިންދާފައި ހުރުމުގެ ސަބަބުން މަގުތަކަށް ޖަމާވާ ފެން ހިންދުމަށް ދަތިވެ، މަގުތަކުގައި ފެންބޮޑުވުމާއި ތާރުގަނޑު ހަލާކުވުން ފަދަ މައްސަލަތައް ވެސް ކުރިމަތިވަމުންދާ ކަމަށެވެ. އެހެންވެ، އެ ގަސްތައް ނެގުމަށް ވެސް އެ ކޯޕަރޭޝަނުން ވަނީ އަންގައިފަ އެވެ.

ދީފައިވާ މުއްދަތުގެ ތެރޭގައި ދުވާރުމަތިން ގޮނޑިތަކާއި މޭޒުތައް އަދި ހެޖުތެރޭގައި އިންދާފައި ހުރި ގަސްތައް ނުނަގައިފިނަމަ، އެޗްޑީސީން އެ ތަކެތި ނަގާނެ ކަމަށް ވެސް އެ ކޯޕަރޭޝަންގެ އިއުލާނުގައި ބުނެފައިވެ އެވެ. އަދި އެ މަސައްކަތުގެ ތެރެއިން އެ ތަކެއްޗަށް ލިބޭ ގެއްލުމަކަށް އެ ކޯޕަރޭޝަނުން ޒިންމާ ނުވާނެ ކަމަށް ވެސް އެޗްޑީސީން ބުންޏެވެ.

ހުޅުމާލެ ކެފޭ/ރެސްޓޯރެންޓް އެޗްޑީސީ

36 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟިޒް

25 October 2025

މި ގޮނޑި ނުނެގޭ.އަދިވެސް މަގުމަތީ ގައި އެބަހުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޫސްތަށި

19 October 2025

ބައްލަވަ! ގަވައިދާ ހިލާފުވީމަ ގޮނޑިތަކާ މޭޒުތަކާ ހަމަ ވަގުތުން ނަގާ ނީލަމަށް ލާބަލަ. ކޮން ވަގުތެއް ދޭކަށް؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މުހައްމަދު އަލީ

18 October 2025

އަބަދު މަނާކަމެއްކަން އަންގާލަ އަންގާލަ ތިބުމަށް ވުރެ ރަނގަޅު ގޮތެއް ނެތީ ތޯ ؟ އެގޮތަށް ބަހައްތާފަ ހުއްޓާ ފެނިއްޖެއްޔާ 5000 ރުފިޔާ ޖޫރިމަނާ ނަގާފަ ތަކުރާރުކޮށް އެކަން ކުރާނަމަ ވިޔަފާރި ބަންދު ކުރާ ވަރުވެއްޖެ ނޫންތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސީލް

18 October 2025

ތީ ކޮންމެ ވޯޓަކަށް ރައްޔިތުންނަށް ޖަހާ ޖޯކެއް. މުޅި ހުޅުމާލެ އެއޮތީ އައްޑާއަކައްވެފަ. ސިގިރެޓް ދުމުގަ ނުޖެހި ސުލޫކަށް ދެވޭ ކުއްޖަކު މަދުވާނެ. ރެހެންދި ސުކޫލުކައިރި އެ އިންނަ އޭޑީކޭ ފާރމާސީދޮއް ނިކަން ދެކިލާ. ބަލިމީހާ ބޭސް ގަންނަންވެސް ވަންނަން ޖެހޭނީ ދެމޭޒު ދުރުކޮއްލާފަ. ހިނގާ މީހުން ހިނގުން ޖެހެނީ މަގުން މި މީހުންގެ މުސީބާތް ބޮޑު ކަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާދަގަނޑު

18 October 2025

ފިސާރިބޮޑުއަދަދަކުން ޖޫރިމަނާ ކޮށްބަލަ. ޖޫރިމަނާ ނުދައްކަނީސް އެތަނުގައި ވިޔަފާރި ކުރުމުގެ ހުއްދަ އެއްވެސް ފަރާތަކަށް ނުދީބަލަ. އޭރުން ތިކަންނިމޭނެ. އަދި ނުވިތާކަށް އިމާރާތުގެ ވެރިފަރާތްވެސް ޖޫރިމަނާކޮށްބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރަތެއް01

18 October 2025

އަޅެ މީ އަރަތެއްތަ؟ ދޭތެރޭން ދޭތެރޭން މިކަލަ "ނީ ޖާރކް ރިއެކްޟަން" ތަންފިޒީ އިދާރާތަކަށް އަންނާތީ - ދަރިން ބޮޑުވަމުން އަންނައިރު ހަމަ މަގަށް އަޅުވަން މައިން ބަަފައިން އެކުދިން 18 -20 އަހަރު ވަންދެން ކުރެވޭ މަސައްކަތެކޭ އެއް ފަދައިން ދައުލަތުގެ މުވައްސަސާ ތައްވެސް ރައްޔިތުންނަށް ހަދާންކޮށްދީ، އަދަބު ދީ ތަކުރާރުކޮށް ކޮށްގެން މިގެން ހަމަޔަކަށް އެލޭނީ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ‫ަހުސަން

18 October 2025

‫ހުޅުމާލޭ މަގުތަކުގައި ބޭނުންކުރާވެހިކަލްތަކަށްވުރެ ބޭނުންނުކުރާ ވެހިކަލްތައްވެސް މާގިނަހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުނިސިޕަލް

18 October 2025

އެޗްޑީސީ އަކީ މުނިސިޕަލް ކައުންސިލުތޯ. ހުޅުމާލެ 1 އަށް އަދި ހުޅުމާލެ 2 އަށް ވަކި ކައުންސިލެއް ބޭނުން. މާލޭ މޭޔަރުގެ ދަށުން ބެލޭނެކަމަކަށް ނުފެނޭ. އެޗްޑީސީއަކީ ޑިވެލޮލްމަންްޓް ކުންފުންޏެއް. މުނިސިޕަލް ބޮޑީއެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒު

18 October 2025

އަޅުގަނޑު ހިތަށްއަރާ، ދުވަސް ދުވަސްކޮޅުންތޯ ޤާނޫނާ ޤަވާއިދުތައް ތަންފީޛުކުރަނީ. މިއީވެސް ކުރިން ހަމަ ކުރިކަމެއް. އަނެއްކާ ބޮއްސުންލައިގެން ދިޔައީމަ ޤަވާއިދު ހިރަފުސްފޮޅާފަ މި ނިކުންނަނީ. ގައިމު ހަރުކަށި ފިޔަވަޅު އަޅާނަމަ ލާހިކެއްނޫން ތިކަންކުރަންވެސް. މިކަން އެކަންޏެއް ނޫން. ޕާކްކުރުމާކަންކަން ވެސް ވަނީ މިހެން. ދުވަސްކޮޅަކުން ފުލުހުން އިއުލާން ކޮށްލާނެ މާދަމާ ވެހިކަލް ނަގާނަމޭ. ޖެހިގެން އަންނަ ދުވަހު ހުރިހާ ވެހިކަލް އޮންނާނެ ހުޅުމާލޭގަ ޕާކްކޮށްފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

18 October 2025

ޙޫމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަމަކުން ބަޑިއެއްޖަހައިގެން ނުހުއްޓުވޭނެ

18 October 2025

ތިގޮތަށް އަހަރަކު 1 ފަހަރު ތިކަން ކޮށްގެން ހައްލެއް ނުވާނެ. ތިތަންތަނުން ދަރިންގޮވައިގެން ހިނގާފަ ދެވެން ނޯވެ. ޖާގައެއް ނޯވެ. ހަޔާތްގޮވާ ހަޑިހުތުރުބަހުން ވާހަކަ ދައްކާ މަޖާވެގެން ޒުވާބުކޮށް، ދުފާ ކުޅުތަޅާ ސިނގިރޭޓް ދުން ބުރުވާ ކުނިއަޅާ...މިހެންގޮސް ކިޔާނެކަމެއްނެތް. ބައެއްފަހަރު ހީވޭ އެޗް.ޑީ.ސީ އިން ކުރުވާ ކަމެއް ހެން. ކީއްވެތޯ ކޮންމެ ދުވަހަކުވެސް ތަކެތި ނުނަގަނީ. އަހަރަކު 1 ފަހަރު އަދި ކުރިއަށް އިންޒާރުދީފަ އަޅާ ފިޔަވަޅު ބޭކާރު. ނުހުއްޓުވޭނެ